百份百餐廳 (奧柏‧御峯)

营业中

休息中

唔知係咪因爲新開 間舖滿哂座周圍都一家大細心諗實冇伏啦見到有個隊排緊 又冇寫排乜 以為係等位 但係又有幾個人狗衝入去有位坐 忍唔住問店員其實排緊乜 原來係買一送一麵包嗌咗啲家常便飯諗住唔伏雜排餐啲薯菜多到成個底都係薯條 就咁放包茄汁喺扒旁邊 賣相真係有啲肉酸口水雞啲前菜 冇味咖！ 冇腌過都算 明明睇到有辣油都可以冇任何味 好彩啲雞仲有少少味 不過肉質就擦子膠咁唯一可取係炖湯冇味精味 不過有少少淡我諗唔係住樓上懶行都應該行兩步去愛文生

琴日去左大角咀搵好嘢食 去左喱間幾多人排隊嘅百分分食 個環境同衛生都唔錯 係出面排隊已經聞到火爐湯底味 超香 我叫左個穀飼牛嘅火爐 仲叫埋沙嗲湯底 同個肥牛勁夾 啲配料同丸都好新鮮 我覺得超抵食！

一朝早黎到大角咀，好想嘆杯咖啡，入左黎百份百餐廳，叫左兩份超滿足既早餐，分別叫左一份 雞扒、餐肉煎蛋及魚柳炒蛋，兩份早餐都加左個火腿通粉。雞扒大大件，醬汁濃，好味又抵食、餐肉就稍為煎得比較燶，而煎蛋🍳都好有蛋味。魚柳外脆內滑、又係大大件好抵食，配埋炒蛋非常夾。火腿通粉湯底濃、通粉都好彈牙，好好味。另外我仲叫左杯手調咖啡，咖啡味濃，非常岩我口味。原來手調咖啡唔係間間都有，今次試到都幾有驚喜，下次會繼續幫襯

又來到每日一小時極速食飯時間，百份百真係區內極多人選擇既午餐餐廳，無他，價錢相宜，味道好，裝修肆正，所以好多人排隊！我地一行9人，次次都要靠帶位姐姐拍硬檔砌位🙈今次要特別有讚，好快安排到位俾我地，仲要有得一齊坐，真係唔係咁多餐廳做到！今日快手嗌左個咖哩牛腩飯配凍檸茶，$55+$3，價錢都係中價，但快上菜加味道好，都算係咁，牛腩好淋唔會攝牙隙，薯仔用小薯仔連皮上，幾特別，咖哩有啲辣但惹味，配凍檸茶解辣就岩晒😋😋百份百將會係經常去之選，不過整潔度要加強🙈有時候人一多會忽略左呢點，繼續努力💪🏽

下午茶時間經過呢間百分百茶餐廳，見未幫襯過，抱住一試心態入去試下！收銀位置連住有新鮮外賣出爐麵包！入到去坐低環境都舒服！睇咗餐牌見D價錢都好合理！今次叫咗炸雞脾配薯條，加杯即磨咖啡($36) , 上檯睇落隻炸脾都幾精神，夠大隻，食落肉夠juicy 味道唔錯！粗薯條份量都夠，熱辣辣！雖然好熱氣但成碟都好快比我 ko, 至於杯即磨咖啡，水準以上！整體黎講個茶餐係抵食嘅！下次會再 encore, 唯一不足係侍應反應慢咗D！有待改善！

蔥油雞/豬扒飯有得配煎雙蛋，我叫左雞扒，一上檯，碟飯成個矇面超人咁嘅樣。😂揭起隻蛋之後，塊雞扒上面全部都係蔥油，好香。呢度啲蔥油唔似燒味鋪嗰啲咁咸，但就好有蔥既香味。

3/5/20191120 見大角咀呢間新開了一段時間,就入去嘆番個午餐,見個餐牌已經轉晒午餐系列,但我個人一向中午都唔太"臭米氣",於是我揀佐個"星米";回覆:無米粉....無関係,我又揀佐個"肉絲炒河";回覆:無河粉....無関係,我再揀佐個"港式炒烏冬";回覆:無烏冬....,我不禁咁問:你個餐牌無公仔面,係咪得淨"焗飯"(焗我食飯),;回覆:我地有米線.....好,就試下你個米線,一望之下,原來只得兩款咁大把,仲要全是酸辣.....無關係,我又試下揀佐個"酸辣四寶"加多杯凍檸茶,等候期間,突然有把男聲勒令:你唔好座呢度,轉頭好多人,你同我座果度,原來有位黑恤男向我講.....好!我又睇下你稍後有幾多人,呢段時間我不時留意個黑恤男,我仿似睇到英雄本色中在懲教中的資深獄卒般,他的工作就係要入得黎既都要同我聽聽話話,我俾乜你就食乜,食完就同我番倉(番工).....無關係,唔好理佢就算,碗香噴噴既米線終於到啦,酸辣四寶:魚肉春卷-硬野黎,趙唔入....,魚片-正常,個湯咩味佢就咩味....,貢、牛丸-分唔到,因為都係帶强列雪味,整體來講呢碗野佢真係無失實陳述及無違及商品說明.....,我

平時lunch會去茶記或連鎖的大快樂醫肚，但自從樓下開咗間百份百之後，就因為杯即磨咖啡轉咗飯堂了每次都係兩點鐘就去食飯 ，下午茶時間又可以慳番一筆麻辣湯米線， 不算太麻辣適合初嘗辣的人士雲耳蒸雞飯，雞肉滑滑的味道剛剛好。歎番杯超香濃咖啡，返工都立即精神曬。

星期日中午時段，又係時候到我的地頭「大角咀」搵食～～～～經過「奧柏．御峰」樓下，見到呢間新開的茶餐廳門口好多人等位，好奇之下就攞張飛等下位先！！～～～可以地方大，又流轉得快，所以等佐15分鐘都有位了。茶餐廳裝修幾有香港特色～～～枱面有茶餐廳必備的「鹽、糖、胡椒」枱下的櫃筒有餐具、獨立包裝的糖、辣椒油同辣椒醬中午餐牌好簡單，得5板紙～～～點了一個好似signature 的「犀飛利銀芽肉絲脆麵」同「滋味焗鮮茄豬扒飯」(聲稱選用意大利番茄)今日天氣成28。C，所以兩杯餐飲都點了凍飲 (＋$3.0)「凍奶茶」好飲茶膽配方調得不錯，入口令人愛上。「凍檸茶」同樣好飲可能跟奶茶同一個茶膽配方，有種獨特茶香，令我飲不停。「犀飛利銀芽肉絲脆麵」果然犀飛利，一上枱「嘩！～～～」一聲銀芽肉絲同脆麵分開上，食先淋上去，咁D麵就唔會「林」晒！！炸起「高高的」的脆麵，唔油膩，好香脆，只係HK$51, 好大碟，抵食！！「滋味焗鮮茄豬扒」聲稱用意大利蕃茄，蕃茄味好濃，不過我覺得偏「酸」佐少少很多芝士，正！！豬扒都好「林」炒飯底，加佐「藜麥」，好健康最後埋單唔算好平HK$108, 但份量多，其實三個人食都夠。總結：-

原本翠河餐廳的位置換了一家新餐廳百份百走的是標準港式茶餐聽路線裝潢也富有懷舊港式風門面的牆上和內部裝潢都掛上傳統港式茶餐廳一樣大大的標語接著來看看菜單價位在60～90元之間加15元還可以再加一個湯菜色豐富大概有100道菜可選擇枝竹蘿蔔牛腩煲有蘿蔔 枝竹和牛腩牛腩軟嫩多汁入味但吃多了會有點鹹和膩附上一晚白飯米粒飽飽份量充足總體而言剛開幕的餐廳還算乾淨茶餐廳的服務就沒有太多期待食物不過不失 總類很多 適合多人聚餐下次再來試試別的菜色

今日下午去食個Tea,見到新開張無幾耐既百分有，就去試下啦。應該係新開既關係，餐廳都好多人，同有小小人排隊等候，不過好快有位。。。餐廳裝修好特別，好有香港懷舊feel。。。我地打算叫海南雞飯拼碗仔翅，感覺份量吾太多幾好食。點知當我地同個侍應姐姐order，佢話今日星期日無，派錯餐牌🙄🙄我話下你成份都錯，門口果份都錯，茶餐開始甘耐你而家先知錯🙄🙄佢話係之後收走就走左🤷‍♀️🤷‍♀️🤷‍♀️👇🏻錯既餐牌算，食其他。。。。最後點左👇🏻👇🏻鮮茄焗豬扒飯：雖然係焗，但個焗既鐵兜完全吾熱，飯係暖，見到芝士都未溶。。so sad!!好彩個飯係粒粒，應該有炒過下，豬扒有2片薄薄片，不過好肥，癡住一大舊肥膏。番茄味吾差既，酸酸地但好食既。吵嗲牛肉炒河:份量都好多，呢個係午餐。但係吾熱咖！都只係暖，又吾算凍，啲汁係一patpat！個汁偏濃味，我覺得好咸。河粉太碎，要用🥄食🤣，所以吾好食既紅豆涼粉冰：紅豆用細細粒紅豆，咬口就差小小。通常都用大粒紅豆既。但好彩吾會激甜！杯飲品正常好飲既！不過服務態度較差，食物又吾夠熱，無下次。

新開張..成日見到很多人排隊..覺得應該唔錯..第一次試..早餐又幾好吃..做得唔錯.牛排剛剛好，奶茶很滑..見到餐牌，菜色都唔錯.下次可以過來試午餐或者晚餐了希望午餐晚餐都好吃啦.

又再次黎幫襯百份百！每次lunch time 餐廳門外都有好多人係度等。我們大約等左5分鐘左右就有得入去食。上次職員安排座位好似自剩一角，今日職員安排坐在開放式位置。這個位置可以細心見到餐廳的佈置。同事點了焗豬扒飯，香氣四溢，令人口水直流。驟眼看這裡的焗豬扒飯與別家做法不太一樣，這裡加了香草葉，令香氣提升到另一個層次。同事告知豬扒沒有撲上任何麵粉，令豬扒更有咬感。味道正常。同事點了鹹蛋蒸肉餅+藜麥飯，同事分了點給我試試。肉質鮮嫩，每一啖都有肉汁流出。而我當然再次encore蒸鯇魚。上次係鼓汁，今次換轉係梅菜。梅菜+醬油拌飯食果然絕配，大大碗飯都扒光光了。值得一讚，今次醬汁屬於正常，不鹹不甜。餐飲：熱朱古力

姐姐們態度好好 其實食物都好味 食第一次既時候覺得可以再食 點次第二次去請左個新既男職員就出事了有個男職員態度好差 明明口講同佢講要早餐B餐 亦都指住餐牌個B餐 佢望都冇望話我指住C餐令到佢唔識落單 我重申我要B餐 佢好快已經講：「你咁鐘意指 餐牌上張圖配咩你就食咩啦」個餐可以選配兩樣野例如蛋配煙肉之類 我怕佢加料冇出聲 佢之後再行埋黎話：「你一陣屈我落錯單就唔好啦」好可惜 食物同其他職員明明好好 就係比一個害群之馬影響左整體質素補充20/3/2019：有朋友最近去過 說該職員還在職及態度照舊

同事提議想食百分百，我當然一口答應，試試新餐廳是好事。不用再食某特定餐廳。另外，每次途經都見到都有一秒衝動想試。餐廳採用按人數取票機形式，可能人數太多，各位食客要耐心等待。餐廳分了兩部份，分別是一少部分是賣麵包的，另一部分當然以做食肆為主。午餐選擇都蠻多的，有中式、西式，湯麵等，叫人懊惱如何選擇。我點了豉汁蒸鯇魚配有營藜麥飯，職員已說明要等候時間會耐一點；即點即蒸，新鮮熱辣。魚鯇好滑，豆卜入味，而醬汁鹹鹹的，不禁令人扒多幾口飯。同事點了北菇雲耳蒸滑雞配有營藜麥飯，為食的我當然毫不客家試了，雞件亦都滑。不錯。