百份百餐廳 (大興商場)

营业中

休息中

今日去大興同波友打波，例牌打完整個下午茶。我最鍾意大興附近呢間百分百，一段時間冇過嚟原來裝修咗；光猛闊落；餐點亦都有改動、好啱口味。今次下午茶太肚餓，叫咗個楊州炒飯；加熱齋啡。楊州炒飯夠晒多料，啲蝦大大粒爽脆。波反就叫咗個一口豚流心蛋通心粉，加個熱杏霜少甜。個通粉大大粒，豚肉夠入味，雖然隻蛋冇流心，但係都好味。埋單$86 ，性價比高。尤其要讚呢度的服務員，個個笑容可掬，服務有禮實在百分百。

返工一早過咗嚟屯門做嘢，趁有時間就喺附近搵間餐廳食個早餐先原來呢邊都有百份百餐廳好耐冇食過啦，即刻入去嘆番個一人早餐先原來平日嘅早餐仲有特價餐添，每一日都有唔同嘅款式出，面餐加蒜蓉包再加飲品$29，簡直係窮人恩物啦，呢個市道之下仲有唔使$30嘅早餐，好耐未食過😂😂星期五嘅特價款式就係厚切餐肉公仔麵加蒜蓉包，亦都係我平時會叫嘅，實在嚟得合時🤣公仔麵正常唔使特別講，我就推薦佢嘅蒜蓉包，蒜蓉包烤到啱啱好金黃色，簡直好惹味所以如果大家附近有間百分百餐廳亦都會平日食早餐嘅，不妨去試吓咁性價比高嘅早餐啦😆😆

今日去屯門大興邨打波，打完大家都肚餓，醫下肚，去咗附近嗰間百分百茶餐廳。啱啱下午茶時間，我叫咗個迷你雞飯配足料碗仔翅;熱齋啡。朋友就叫咗個一口豚肉半焗留心蛋即食麵配熱檸茶。估唔到有驚喜，少少飯加少少碗仔翅，啱晒下午茶時間。朋友個流心蛋公仔麵，靚仔。埋單兩個人唔使$80。

今日打完波專登過嚟大興呢間百分百食下午茶。上次食過羊腩煲好正，試吓佢嘅下午茶。原來都有好多選擇。我叫咗個楊州炒飯加熱檸茶，波友就叫咗個沙嗲牛肉流心蛋即食麵配熱可力。果然無黎錯，兩個都好食，價錢亦相宜。坐得舒服，食物有質素，行開附近都會過黎幫襯。

下班在大興商場覓食，頗多餐廳選擇，選了性價比高的百分百餐廳來個一人的浪漫。這裏算是服務街坊的餐廳，很多街坊都很晚下班，過來一個人晚餐，9時20分入座，職員會幫忙盡快下單，也提醒客人9時45分要離座，非常好的服務。粒粒金銀蛋浸時蔬配白飯$69，想吃得健康一點蔬菜不可少。金銀蛋份量多，菜心又嫩又甜，煮在湯裏面，連湯都很鮮甜，油份少，清新之選。套餐可加配原盅燉湯，只需$18，是雪梨茶樹菇蟲草花排骨燉湯，很清甜，冬天喝這個清潤湯水，喉嚨舒適不少，而且配料全部都可以吃，覺得很超值。餐飲加$9，選了咖啡紅豆冰，很喜歡紅豆煮得軟硬適中有口感，下單可以選擇少冰少甜，配合自己口味。第一次來這家餐廳，已經感覺到這裏對客人的熱誠招待，果然是百分百有家的感覺，尤其趕在截單時間過來吃飯的人，都得到好招呼，值得支持！

百分之一千抵食嘅羊腩煲年尾趕工趕過不停，趕到除夕都冇假放。收咗工，係屯門大興村，諗住事事旦旦搵間茶記醫肚，點知有驚喜。我同同事兩個人叫咗一個羊腩煲，一個小菜（西蘭花炒蝦球）估唔到羊腩煲啲料十足。118仲要包藍莓特飲。羊腩煲入邊有粟米、紅蘿蔔、枝竹、馬蹄；熱辣辣加埋個生菜同腐乳真係一絕。食完成身暖晒，感受到人間有愛。同事個西蘭花蝦球一般水準，但個齋啡有料到。加上店舖服務超水準，食得非常高興；下次一定再嚟幫襯。

羊肉煲有三四條卷毛，諗住攞出嚟就都冇事啦繼續食，然後又發現咗幾條就叫服務員過嚟換一份（只吃左兩塊肉）服務員就攞咗俾廚房睇，我哋就叫佢呢一份羊肉保擺住喺度先換咗一份在收走，佢唔制一定要攞走攞咗就算啦之後就同我哋重新上左一份羊肉煲，羊肉煲唔知係新嘅定舊嘅又有幾條頭髮見到見到都冇心情食飯，就叫佢哋退單。但係服務員嘅眼神好似係我哋專登去擺條頭髮入去去玩佢。或者心念只係一兩條頭髮啫使唔使呀？唉，唔會在去。好核突🤮個盤有幾條頭髮，煲卑佢哋收走。

服務態度差到一個點！每次叫完餸都要等大半個鐘！要吹三四次先會有人去跟！次次都正係做外賣先！堂食嘅客就唔駛理04分落單到30分都仲未出餐坐低連一杯水都冇、要自己去攞水！唔該改善下呢間分店啦！

見到依度都坐得幾多人, 就揀左佢, 望到餐牌太多選擇, 最後揀左薑蔥魚腩🐟煲配🍚白飯, 包一杯熱飲品我要左熱杏霜, 等左一陣飲品先送來, 之後送來魚腩煲🐟同白飯🍚, 食啖飯先, 好熱辣辣, 有d辣口添🥵估唔到, 不過熱飯係特別好食👍再食件魚, 食到都係新鮮😚但外面脆漿炸得有d地方硬左d, 有d外層係食唔到🤣但煮的味道好舊鑊氣, 佢入面有d蔥有d薑有d蒜, 加埋好好食😋😋 不過可能自己狀態問題又或者係d脆漿令我食落有d滞😆😆最後全部只食到一半就要拿走😄😅連杏霜都飲唔晒, 下次試下其他小菜先

今天係百份百叫咗個”豬扒炒公仔麵”，之前冇食過呢樣野，今次第一次食，啲麵黎到好有鑊氣，係太有鑊氣，雖然係好熱，但碗麵好深色，似係炒燶咗！！ 仲好多油喺底添⋯⋯之前食過”乾炒牛河”，又係黎到嘅樣係：豉油多過油，唔知係咪油多嘅話，又比人話油太多唔健康⋯⋯百份百用了 “檸檬汁” 代替”鮮檸檬”, 啲檸檬茶、檸檬水沒有以前咁好飲，咁有檸味⋯⋯所以我的係屋企嘅「專業食評家s」，都不去用了 “檸檬汁” 代替”鮮檸檬” 嘅餐廳s⋯⋯

百分百餐廳 相信大家都唔會陌生開到成行成市啦，邊度都有一間？今次嚟到屯門大興呢一間食🤗叫咗個蕃茄炒蛋牛肉飯比想像中預期好意想不到 所以決定要寫一篇文嚟讚賞一下😅我爸爸叫咗常餐嘅餐蛋出前一丁佢都食晒成碗，所以我好多係唔錯嘅平時嘅佢好細食咁我諗佢食得晒應該都唔太差啦🤣

咖哩牛腩湯伊麵咖哩味幾香唔係好辣，而且唔會食到好重椰奶味，牛腩好食，唔會炆到好（淋）食落有口感而且有牛味，薯仔就普普通通啦，不過本人覺得配上伊麵就一般般，如果可配米粉或米線更佳。街邊乾炒牛河乾炒牛河炒得都夠乾身，不過味道就一般般，而牛肉黎講大細塊加埋都起碼有十幾塊，食落唔（鞋），配料有洋蔥芽菜蔥段加少量芝麻，不過如果整個炒河再炒香啲應該會更好味。檸檬茶無檸檬嘅凍檸檬茶而家係香港餐廳都好常見，檸檬汁加茶底，不過尚算夠濃，天氣咁熱，飲返杯真係好透心涼。

夜晚叫個飯自取攞走，樓面全部垃圾，叫個外賣飯加野飲顯示98蚊，本身有熱飲都係75，我說不要飲品，佢話正常顯示98，自己錯講到我錯咁，夜晚8點50分電話響大聲話吾聽，吾聽電話咁你裝個外賣電話咩意思，收銀個4眼婆正垃圾，吾想做就快執，吾好以為大集團玩哂，以家無呢支歌仔唱

🍽蠔油菜遠炒牛肉🐮☘️unexpected 有些鑊氣、唔油膩、牛肉惹味、菜芯嫩口。🍽皇牌鮮茄焗雞扒🐔★腸仔★半焗流心蛋🍳好足料👏🏻，雞扒🐔厚肉、juicy，芝士🧀又多🍫熱朱古力：正常味道👌🏼職員有禮、勤快

高質午餐之選價錢實惠又多款選擇 今次食印尼炒飯 同焗豬扒飯飯睇啲相就知精神啦炒飯超級有鑊氣焗豬扒飯 重芝士重蕃茄飲品揀左凍啡走甜咖啡味 濃郁精明抵食之選 連鎖餐廳黎講 水準保持得好女木