百份百餐廳 (大興商場)

营业中

休息中

放假諗住食個早餐，入到去坐低，餐牌都冇一個，諗住叫個意大利濃蕃茄麵早餐配午餐肉半熟蛋加個凍奶茶，舉極手都冇人理，d 阿姐顧住傾偈，之後終於有個阿姐見到我啦🤷🏻‍♂️落咗單事後先知個早餐要加$3先有多士，發覺個餐牌同其他百分百又有啲分別，算啦，自己睇漏咗，之後嚟嗰個麵先搞笑，明明叫意大利濃番茄麵，黎左個清湯麵，跟住見到個阿姐行過即刻叫住佢問，佢嘅答案係d番茄汁餐肉遮住咗,可能我孤陋寡聞，第一次叫蕃茄麵個湯係白色，好似屋企自己煮嘅即食麵咁😅

今日同老公嚟咗哩度嘆下午茶，我叫咗貢丸麻酸辣湯米線配冰檸茶，老公就叫咗霸王雞飯配足料碗仔翅配凍齋啡。霸王雞飯唔使講，一直都係我同老公嘅至愛，佢個甜豉油香蔥真係無得彈！雞肉即使係雞胸位都唔會榎歰歰，雞皮彈牙，飯軟硬度適中。碗仔翅都好食，堅係足料，加咗麻油同紅醋真係畫龍點睛反而今日嘅米線就差少少，米線其實煮得剛剛好，貢丸都香口，但成碗米線嘅精髓——湯底，就唔夠味，辣味唔夠香濃，而豆卜就好硬唔入味，以致整體感覺麻麻。百份百嘅檸檬茶一向新鮮，檸檬連皮攪碎，唔使自己篤檸檬。老公話杯齋啡麻麻哋，太甜。

今日返工之前去咗大興嗰邊嘅百份百餐廳買個午餐食。去到嘅時候都唔算多人排隊，排咗兩三個就到我嗌外賣，我嗌咗穀飼牛肉炒讚岐手打烏冬，加多杯立頓奶茶。出餐速度都算快，唔夠十分鐘左右就可以攞得喇。嗰碗烏冬唔算大份，一個男人午餐正常嚟講可能食到六成飽。不過裏面嘅牛肉嘅比例都算多，肉質煙韌，有咬口。成碗味道唔會太濃或過咸，味道適中。烏冬都唔會炒到一pat pat，仲有啲彈牙。立頓奶茶正正常常，冇咩特別。成個午餐六十五蚊左右，都算一個正常價錢，但因為份量唔大冇話特別抵食，可以接受。

香煎豬扒餐已包有茄汁焗豆及蒜香牛油多士，另外可以從腸仔/餐肉/火腿/半熟流心蛋內選兩款。如果驚唔夠飽嘅話仲可以加$6加配輕量火腿絲濃湯通粉，或者輕量麥皮。今次叫左餐肉同埋半熟流心蛋。嘢飲叫咗檸檬茶🍋🧃豬扒都算大，但又唔會太薄，或者太過肥👍🏻肉質唔會鞋口👌🏻其他啲餐肉同埋半熟流心蛋就正正常常。鐘意佢個蒜香牛油多士，好少地方會加粒粒蒜蓉落去多士，好邪惡😆另外都鍾意喺杯檸檬茶係用咗鮮檸檬搾，而唔係就咁抌兩片檸檬落去，咁樣唔使自己吉咁麻煩🙈

百分百的常客因為客飯套餐便宜多選擇味道也不錯不過份量略少兩個人要叫三個餐先夠飽是日點了蠔皇菜遠炒牛肉 $54鑊氣夠菜心苗軟同嫩可口牛肉有牛味唔靭蠔油略多，對我而言鹹了一點京都焗肉排 $68醬汁酸酸甜甜很開胃豬扒軟嫩不柴肥肉不算太多配搭菠蘿洋蔥蜜桃挺豐富的感覺豉汁涼瓜炒豬頸肉 $52鑊氣夠熱辣辣有煙出涼瓜爽脆但略油膩豬頸肉挺大塊彈牙的另加$6點了芒椰蜜桃冰椰奶味重混合左蜜桃乳酸味道不錯不過蜜桃很碎是最平的罐頭蜜桃碎無咩口感$6 牛乳台茶涼粉冰台式奶茶配搭涼粉挺好飲消暑$3 港式凍奶茶茶味濃香醇的感覺整體來講，服務一般，衛生一般，但座位（尤其係卡位）舒服好坐，所以我常常光顧。

今日lunch唔知食咩咁啱見到foodpanda有推廣優惠咁就揀咗依間餐廳12:29完成訂單諗住係工作之後1:45去攞但係miss左餐廳1:05打黎嘅電話之後1:20又打嚟..原來打黎話我未拎個餐咁就同佢講set咗1:45拎餐不過餐廳就講foodpanda張單上面冇工作嘅關係真係行唔開而食物喺夏日炎炎底下容易滋生細菌咁就唯有請餐廳重新製作或者取消張單啦但係餐廳就唔肯認錯仲要屈1:00打黎嗰個Miss call係想check我係咪落咗單其實咁樣客人又會唔會信呢?結果我攞到返屋企就唔使諗係凍哂㗎啦食咗一啖真係凍左..費事食左唔舒服加上望住張單咁大隻字寫住提取時間而餐廳唔肯認亦唔願意重新製作雖然係俾咗錢但咁就梗係唔食啦

途經屯門大興村，見到百份百餐廳，之前聽朋友話啲野食唔錯，一於去試試。11點去到，仲有早餐食，截至11:30，立即望下早餐有咩選擇先。見到一個雪菜肉絲湯米粉跟蒜蓉多士1塊，加飲品都係$27 ，好抵喎，一於試一試。米粉size 正常，啲米粉都係滑身嘅，口感唔錯。由於我唔食蒜蓉，改為烘齋多士，麵包都好柔軟飲品我要熱檸啡，佢尼度唔係用片裝檸檬，而係用檸檬汁，但又好濃味道，唔錯喎朋友食豬扒拚半熟蛋、腸仔、蒜蓉多士加飲品，就要$36 ，不過都大大份，好抵食喎。

我住喺大興邨已經廿年，基本上每一間食肆我都食過。今日我揀咗樓下嘅百分百餐廳。平時，我都選擇呢間餐廳，早餐、晚餐都有不少的選擇。價錢亦合理！講返今日，我早餐9點先食，之後做完嘢等到下晏2點半去樓下百分百餐廳食下午茶。然而我真係未食過佢嘅下午茶。我落order嘅時候見到最普遍既下午茶「黑椒牛柳炒意粉」諗住醫一醫肚。點知整出嚟嘅效果，令我刮目相看。依碟意粉少到冇朋友，我諗6歲嘅小朋都唔夠食。我問一問經理平時嘅下午茶喺唔喺呢個份量，佢話下午茶就係差唔多嫁啦！我足足食咗十啖先可以食完，你話驚唔驚？呢一次確實令我相當失望，我都唔知點樣形容呢間餐廳對食物嘅準則？

屋企附近餐廳嘅選擇太少今日就要落郵局寄信，又未食午餐，於是就望望郵局附近嘅下午茶啦😝百分百都選擇左幾多。有啲想食公司三文治，雞髀薯條或者佢個麻辣米線。之前食過一次佢個湯底，就深深記住左，只能說配榨菜花生個湯底好出色。而且豬扒份量一啲都唔小。以我自己仲加咗杯咖啡紅豆冰。特飲都只係加$6。我真係發現食下午茶時段平過午市同晚市超多。大家都不妨一試😊另外提一提，佢仲有個麵包區，選擇好多😚食完下午茶順便買個去做聽日早餐😋

自從第三波疫情開始，每星期都要食至少一次外賣，＜百分百餐廳＞基本上已成為我們的固定飯堂，因為餐廳旁邊有個免費停車場，餐廳預備餐點亦十分準時，外賣自取非常方便。 我們通常會點三個套餐，份量都不少，足夠我們兩大兩細四個人吃得飽飽的。外賣包裝方面，食物通常都很穩妥整齊，但飲品滲漏情況卻很常見，此外，無論寫了多少次不用餐具，每次我都要自己另外取出來放低。 ‘犀飛利銀芽肉絲脆麵’絕對是小朋友的至愛，脆麵香脆可口亳不油膩，小朋友會不斷搶着吃，配上的醬汁內滿滿是爽脆的芽菜，和脆麵同吃十分清爽。 ‘穀飼牛肉炒讚岐手打烏冬’很有水準，烏冬炒得條條分明，牛肉嫩滑入味，亦加入大量的配菜，所以不會感覺太肥膩。 ‘鹹蛋蒸肉餅配藜麥飯’，肉餅彈牙有口感，加上甘香的咸蛋黃，簡直是送飯一流，我們可以連汁都撈埋，把藜麥飯吃到一粒不剩。 整體上＜百分百餐廳＞的菜式味道都不錯，不會太濃味很適合我們的口味，價錢亦十分合理，不過我們當然最希望的是，疫情快些過去，一家人可以安全外出食餐安樂茶飯。

今日咁啱要去郵局拎野 咁就搵咗一間早餐喺正郵局隔離🙆🏻‍♀️🙆🏻‍♀️諗住食完就等佢開門🤪🤪店舖入面嘅清潔都OK嘅 但係座位相隔距離有啲太近 喺疫情底下好似有少少擔心😖😖😖咁就叫咗一個雪菜肉絲米粉再加腸仔（職員話要加$5）另外契媽就叫咗一個吉列魚柳 雙蛋首先我想講職員嘅態度其實好唔耐煩 另外每想一個餸都要問吓幾張枱去睇吓係咪嗰一張枱嘅order🤦🏻‍♀️🤦🏻‍♀️ 晨早流流有少少唔耐煩 所以我就問佢係冇枱號嘅咩？ 佢就話佢冇睇到就直接出嚟睇吓係邊張枱🤦🏻‍♀️🤦🏻‍♀️ 然後我係加腸仔佢就俾咗一隻蛋我😑 跟住同返佢講 仲好似唔信我咁🙄 但係Anyway啦佢都俾返條腸我 雪菜米一般般啦我要雪菜唔係好夠不過吉列魚柳就好脆唔錯👍🏻

下午茶時段，建議預留最少45分鐘以上，出飲品快，但下午茶的食物就好內，人手不足，廚房及樓面服務服只顧做外賣訂單、包裝等工作，堂食客就要等耐D啦。所以堂食記住預留充足時間。

琴晚先食完，今早又再黎食早餐🤣一個星期都有成幾日黎呢度食早餐（仲未計晚餐🌙）🌞😋希望餐廳可以推出會員卡，可以比經常黎既顧客有些拆扣優惠等😍呢間餐店好多人食，所以次次黎到都要排隊，不過次次都好快入座，勝在上餐上得快👍🏻👍🏻次次都會叫"多士"食😋😍但可惜...今日叫左份早餐中有蛋殼同埋蛋既份量小左d (同平日相比）🙈🙈🙈😔😔😔

好多時都會去呢間餐廳食早餐👍🏻多士好味😋值得一試👍🏻但今晚晚餐擇錯左🙈🙈見到餐牌有新野...諗住試下...🐮茄蕃牛肉豆腐湯飯🍅點之中伏...味道麻麻...賣相就...😓

大興邨重新裝修了輕鐵軌的鋪頭，開了4間同類型或者 掛羊頭既菜餐廳 ，今次試百份百。過去食百份百多年，普通餐廳水準。今晚食咖啡牛坑腩飯，咖哩有香料味道, 味道是輕微的辣，牛腩有肉有牛筋牛腩，波波型的薯仔， 三者結合互相輝映， 令你想要多一點白飯。更正 餐廳 真的是藜麥飯。西蘭花炒蝦球 味道濃郁大大隻蝦 炒落有火喉 如果跟酒樓大廚相比 水準有99%相同 份量亦很足夠。紅豆冰味道正常 唔跟飲管 真是讚最後2部收銀機 1部只收賣麵包錢 1部收飯店錢有時又真係食到陣admin味 mean爆咁。