百人一朱 (已結業)

壽司好差, 飯一夾就散, 三文魚唔新鮮,條邊有啡色; 烏冬都ok, 講到服務真係唔掂, 連斟水都懶得行去你身邊, 要客人遞杯比佢斟; 收執碗碟又論盡, 倒瀉嘢又冇講對唔住

諗返起，都至少有年半冇食過喇！我多數去鑽石山分店，去過旺角一, 兩次，其實service同食物，旺角這間比較好一些。兩個人，今次要左雜錦湯烏冬，雞肉燒炊，黃金芝士南瓜球，天婦羅，炸芝士忌廉角。好快就上菜，只係大概幾分鐘。心想，一定唔係即叩即做啦！未必夠熱.....先上麵，一試，ok 喎，跟住天婦羅，好熱呀，幾脆，夠新鮮。其他食物都好好味呀！咁耐冇食，今次再試一d都冇失望，好好。唯一唔ok, 就係個位唔係幾夠冷氣，有d焗呀！

一般日式料理，價錢中等，但食物就無乜特別，好一般，一D 就OK ，一D就麻麻啦~~招呼麻麻，人手唔夠！而且坐得迫d.....計佢個價錢、品質、環境.....同其它日式料理黎比，就一般左d 啦~!!!不過，貪就腳，無野好食都可以頂下肚既~!

原來佢入面冇出面睇落咁grand咁high-class，而且價錢都冇想像中咁貴（分分鍾平過ｄ廻轉壽司舖喎）。我同朋友夜晚去，order左二人套餐「葵」，有勁多野食，有冷碟、煮物、刺身、壽司、天婦羅、冷麵、魷魚筒飯同鐵板牛肉燒，都係$198。不過一份錢一份貨，明顯感到佢o既刺身同壽司好麻，冷碟同冷麵都好難食，煮物、天婦羅中的炸蝦同鐵板牛肉燒就幾好食。不過食咁多野，都唔會好飽好滯，日本菜真係得意！

近來食得太多，想食清一點，不如食日本菜啦，去百人一朱。印象中，百人一朱的價錢不平，但質素平平，現在競爭大了，所以也推出38至五六十元的午市套餐，我叫了一個餃子叉燒拉麵，配三件壽司。餃子非常唔得，睇見外形已經知道唔會好食，因為外形淋到完全唔多似餃子。食落口似係肉球多過似餃子。湯面的面質卻不錯，但叉燒唔好食，似是薄薄的半肥廋肉片。至於壽司，本來是我最沒期望的，但意外地的至愛的尤魚很美味。百人一朱再不做好食物質素，應會越來越少人幫趁

今天lunch在這裡都幾易有位,坐近窗邊都幾舒服，點了一個北海道蟹肉飯菜$36，蟹肉混入蟹子一起吃,不錯,另一個拉麵$46，記不起名字，很普通，有人話這裡跟尖沙咀的居酒屋是同一集團,我看亦有一點似，因為它們的傢俬是一樣的..........

講真,度度食野都係咁架啦,睇下你好唔好彩之嘛

上次同BF去食，點左魚生飯同雜錦烏冬鍋. 魚生飯簡直令我驚嚇, 因為我從未食過D魚生飯既魚生係碎. 咁都算啦.....最離譜係我個雜錦烏冬鍋食完之後竟然發現有隻類似由既昆蟲係個鍋裹面....仲好清楚見到有幾多隻腳...真係想嘔....個負責人淨係話唔收個鍋錢...跟住叫個男侍應送兩客生果, 個男侍應望都冇望我地一眼擰"咩"面咁對住D空氣講"唔好意思". 結果我地都冇食到D生果.

最鍾意的不是它們的食物,而是佢的金魚,四處都看到..環境不錯...食物普通啦,但係服務同埋衛生都可能要改善一下...另外好久都無轉過新菜式,好悶....

第一篇食評, 希望各位多多賜教~琴日同女朋友夜晚去左呢度食, 有得訂位, 小弟幾日前已經訂定, 所以唔洗點等~我同佢由於比較夜至黎(10:00pm), 本來想試下佢地既燒餅, 但已經賣晒lu... 我地叫左三樣野, 有太卷、牛肉鍋同中華冷麵, 每樣都講下啦~太卷D 料幾新鮮, 青瓜好夾口, 其他料都幾鮮味, 唔似得有D 專食壽司既地方, D 青瓜同蛋係梅梅地既...牛肉鍋係唔錯, 牛肉既口感幾好(雖然未必人人認同), 烏冬好彈牙, 冬菇咬落去好鮮味, 而份量則適中, 不多不少啦~其實我以前唔多食冷麵, 因為我怕佢會好大醋味(我唔食醋的), 但呢個中華冷麵既酸度剛剛好, 麵質ok, 配料有蛋絲、蟹柳同紫菜, 都幾match.講下其他野啦, D 野食賣相幾好, 而佢地既環境又係幾唔錯喎, 呢個都係我其中一個原因帶我女朋友黎呢度食~ 至於服務就可以再好一D, 佢地都幾客氣嫁啦, 不過係對住你果陣, 我有次叫個waiter, 佢竟然扮聽唔到...今次食左~$130, 都算合理. 希望下次再黎, D 野食既份量會多一D, 有D 野其實都唔太抵... 當然, service 要再進步一下哦~

唔記得左幾時去喇不過佢既野食一般唔係好平如果呢個price可以去一o的好似壽司亭or其他仲好因為o的野食唔係好好...味我亦唔會再去loservice就幾好既

服務態度一般, 但廚房好快手, 叫左三個定食, 5 至10 min就全部上哂.食物味道唔錯, 而且賣相幾靚~價錢貴左少少, 但以日本菜來說, 差唔多啦!

我的第一次約會就在這裡, 當時未正式拍拖, 所以都有點尷尬, 因為周圍有太多情侶...這裡的確是拍拖的好地方, 三文魚好正, 去到一定要試...天婦羅烏冬就一般...

在新世紀都食o左唔小中西食店,這間算幾有日本feel 的感覺, 入到去周圍都有日本感覺, 四圍都養金魚, 環境很舒適, 食物就有很多款, 定食也不錯,如果不太大食的情侶, 叫一個$70.00 的定食,有飯,一碗湯烏冬, 天婦羅,小小卷物,都已夠吃,而且在外面櫥窗看的食品和真實的很接近, 都算似樣(每人叫一個定食, 太飽了). 試試都無妨, 其他散叫就貴一點丫..

Although the food of this restaurant is not of 100% Japanese style (i.e. some dishes have been modified to suit Hongkong people), it is of standard. I tried the 三文魚子壽司and found it was good. The service standard is marginally acceptable. Depending on the dishes you order, the price range is quite large.