百樂金宴 (已結業)

部長及職員態度散漫執位比漏碗匙，不想跟進落低態度差, 好像叫食物也是客人的錯追食物追三次也不回應低级如事高级也如事傳菜唔知自己去邊仲話已經上左菜食物水準低令人失望

同爸爸媽媽飲茶， 揀咗去試下沙田的百樂金宴。普洱茶葉粗糙，有怪味... 都算喇... 😅😅😅點了白灼菜苗，請大家評評理，以下圖片好明顯不是菜苗：😩😩😩如果我點的係時蔬就話姐.... 菜苗喎，點睇都係貨不對辦，而且部長態度極度惡劣。😡😡😡米線口感好差，淋到好似漿糊咁，碎濕濕，筷子都夾不起 🤦🏻‍♀️🤦🏻‍♀️🤦🏻‍♀️沙田都好多競爭，希望他們能改善吧，雖然我們應該都不會再幫襯...

事緣十月一日飲早茶，下午癹現遺留咗一副小孩太陽眼鏡在茶樓，打電話去茶樓，職員A説見到職員B拾獲，但A說B下班了，而在店內搵吾到，當晚親身岀茶樓，店長語氣＆態度<<非常差劣>>，説什麼不一定為你們保存，只説明天再問同事待覆，之前打電話去問時，你們有同事發現，這樣令人聯想是你們同事自己收下??

今日去左間酒樓食晚飯,地方係闊落的,但當我去到同知客講我訂四位,但知客講四位係唔可以訂位,咁我當時的確係有人幫我訂左位,我仲有打過電話証明,結果因為人不多否則都有排爭論,佢地對訂位協調好有問題,再講食物質素真係好一般什至係差,叫左個孖寳例牌鵝佢比哂d骨我地食,仲有所謂象拔蚌只得小小,最令人氣憤係女收銀員,我一向都不相信賬單我一定會睇清楚,我睇到張單當中一味餸比餐牌收多十元,我睇左問收银想確認個餸價錢,佢竟然叫我自己睇番張單,佢老味我咪睇左有問題囉,佢仲玩嘢一味叫我等等結果咪死狗退番十元我,全程好無禮貌,提提大家一定要睇單,依間嘢我唔會再幫襯

在沙田新城市廣場附近搵食(啱我們胃口又啱價位的幾時都覺得有難度) 盡管這附近大集團經營的食肆被被皆是, 但往往眾裡尋她總是"難"! 週日6點半左近嘅新城市廣場人群如鯽,餐廳門口滿是等待入座的客人, 我們唯有往外圍其他市商場找尋機會吧, 反正大集團/連鎖店式經營的食肆不是我們杯茶, 來到城市廣場地鋪見有間酒樓喎, 勇於嘗試的我們推門進去問有無位呀? 居然答案係"有位" 一個喜出望外嘅答案, 裡頭面積一般大細, 新裝光猛大廳, 客人只是約坐了一半, 冰鎮雜果咕嚕肉$98 外觀擺設有心機, 以有限材料去發揮創意,顏色配搭上已經用上金黃,翠綠,鮮紅,再加上點點黑籃, 還有大胆地 將炸物放上真冰上面, 只有同冰面接觸那個面變得凍而另一面還是暖的, 比較奇怪的是好難將佢歸類, 當熱食的話佢唔熱, 當涼菜沙拉食佢又涼唔晒, 這些都是近來中菜師傅時興的做法, 將好多西式做法插入中菜的畫面, 但可惜的是大多生硬地加上去, 這裡的這個菜因為有冰鎮的關係, 隻大碟上放膠片隔開冰水, 無疑整碟咕嚕肉份量都係相當夠份量的, 足足可以算是四人份量, 全是梅頭肉哪有不好吃!芒汁大蝦球$98 總數八隻分兩排, 蝦的質

食物吾夠熱，服務差，食物一般！難怪咁多人洗碗，碗未食都有漬，唉！我吾怪洗碗，洗咁多梗有漏眼，但樓面放碗碟係咪應該望下呢？朋友推薦叉燒包而來，可惜失望左，已經吾同添好運比較，連樓下麵包舖都好食過它。南瓜煎堆仔好大，少少脆，贊！口水雞夠滑，冇雞味，預左！木耳好大碟，好食，朋友食素先會食倒！椒鹽豆腐推薦，豆腐好滑，加豉油好好味！但最好食既昨天食左，係「沙嗲王」😏素鵝配醋好味，推薦！齋腸粉真係失望，配甜醬簡直想講粗口，可能配豉油較識合。流心包冇食，BB食左好多包皮，流心淡黃的，隔左好耐都流心，應該不錯！紅棗糕朋友搶住食，應該吾差！素餃冇食，皮透薄，外觀加分！上面蛋蒸有點過火喉，有d硬；下面係芋頭做，餡料有肉碎，吾係最好，還好啦，較飽肚！棉花雞好少，少過出面過d酒樓，雞夠滑。臨走先見到抬面有Nuts，真係吾明由何時開始越來越多酒樓放Nuts，浪費！期間有人送左2碟冇叫過既菜黎，吾知係之前抬客，or隔離抬叫既，雖然服務員眼望望，但都肯拎走！最差係個收銀，企左係係前面好耐，佢都整梗單，小姐你係見吾倒我，定好忙？有人放左單係佢抬，收銀都可以收漏一張，要提佢先黑面拎走😳簽單又吾俾筆人客，點呀？冇時間？咪

重陽節，一早搵枱同阿媽飲茶，門囗冇阿姐，又大把位，冇人理，自己坐低左，阿姐梗要出去攞飛。D阿姐吹水吹到儍，個個都吾係做野，經理都係一樣。仲要話，「人梗係要傾計」，真係吹脹！一路食先知，好多人話尼間野無Management . 18 個人飲茶，冇大枱，分二張枱坐（12位一枱），夠膽死話要收人24個位茶錢，真係痴左。食物都係一般，附近無乜酒樓先去咋。真係成肚氣！冇下次。

又是星期日打風，但是小小的障礙根本阻止唔到我尋求美食的決心，三號風球都不能啦，何況八號風球?小弟從學生時期起已經喜歡風球，只是不喜歡它總是在星期日懸掛，正所謂：＂風球又在星期日懸掛，你問我點問老闆補假＂。於是在與風球共舞的情況下，坐上梁泳琪的飛氈前往了沙田，當決定吃些甚麼的時候，我說去食海皇，女人說吃點心，一開始我是拒絕的，但是不知為甚麼在最後關頭動L起來，結果就去了百樂金宴。百樂金宴環境還算不錯的，在身邊經過的侍應不斷咳的情況下，我們點了以下的點心：高湯水餃生菜($35)：吃湯吃水餃吃生菜，值回票價。虎皮釀尖椒($38)：頗為辣，不過又辣得幾滋味。香滑流沙包($30)：流沙都幾熱，喜歡吃熱心饀的流沙包。山竹牛肉球($25)：不知為甚麼總是配喼汁，但這種讓人味癢癢的配搭都算無敵。蜂巢炸芋角($30)：我食極唔化，於是讓女人獨霸。泰式鳳爪($42)：冰冷的，應剛從雪櫃取出，因為我還吃到冰，我在想如果加小小紅茶，就變成一碟完美的鳳爪冰紅茶，連飲品錢都慳返。孜然豆腐粒($35)：孜然是一種調味料，吃完即刻有種孜孜然的感覺。菜芥($28)及前菜($12)：我覺得這個世界上最無辜的是前菜，每次見

29/7/2017晚上，參加親戚的百日宴。侍應的服務態度極度惡劣。開席前想飲杯茶。到開席後都未送到。不斷提醒，就回答⋯⋯等一陣等一陣。開席後，坐椅都未齊。客人就企5分鐘才有櫈坐。空調十分不足。部長說已開到最大。人人都食到滿頭大汗。最後雖有風機。但亦無補於事。同佢地反映氣溫好熱，個侍應竟然答：「呢度出名熱」⋯⋯⋯ 食到個翅，竟然有檸檬及花香味道⋯⋯⋯。我真係未試過去飲晏會咁受氣及惡劣。 如果要擺酒嘅朋友。真係要諗清楚。自己跌錢事小，親戚朋友講一世就無謂。

早前去過食晚飯，覺得呢間酒樓的嘅小菜不過不失，今日入沙田飲茶，間間酒樓都無位，就想起呢間，居然唔駛等位，係沙田嚟講都算奇蹟。見有花膠金翅灌湯包，星期六特價$12.8，即管試吓，食相麻麻，不過味道唔錯喎，真係有少少花膠，湯底仲有少少薑粒，算抵食，如果可以平日嚟仲好，賣$9.8咋。XO炒蘿蔔糕全無XO醬味道，而且變咗係炸嘅，好油膩。奶皇千層糕奶皇好少，好彩唔太甜。賽螃海鮮餃皮有D厚，但蝦粒夠爽，抵讚。雪山义燒包、鳳爪、潮州粉果都平平無奇，無特別驚喜。埋單每人都要一佰大元，唔算貴，但計埋個嘈雜嘅環境，就似乎唔太值喇！

有朋友介紹，這間酒樓晚上全單九折，就心思思想試吓食物質素，反正要吃晚飯，有折總比無折好，就去試一試。沙田出名揾食艱難，去到酒樓約七時半，居然唔使等位，吓……有D驚中伏開咗茶，見有特價菜，就點了果皮蒸大連鲍魚(六隻)，再加錦江海鮮豆腐煲，芥末和牛栁粒，兩個人都夠食喇！出乎意料之外，諗住$68有六隻鲍魚，都唔慌大隻喇，估唔到隻隻淨肉都大隻過匙，但陳皮味就唔夠香，不過都抵食嘅。再試芥末和牛栁粒，味道唔錯，芥末味足夠，可惜牛柳粒頗韌，食完牙較有D痛。至於個海鲜煲，賣相麻麻地，海鲜都是雪藏貨，不過豆腐好滑好入味，送飯一流。食完仲送埋好豆沙，埋單全單九折，盛惠$300，唔算好抵，只能話不過不失喇！

特價下午茶，供應時間14：00至16：00我首選超值抵食嘅自選孖寶 $52.8 仲包埋1位茶芥添😀我揀咗迷你福建炒飯+高湯灼水餃。（迷你福建炒飯）一d都唔迷你，熱騰騰，炒飯底唔會太乾身或太黏，獻汁剛剛好，味道適中，材料都算多。（高湯灼水餃）有4小粒水餃，size比較迷你咗d,菜就滿滿的，味道都是不錯。（網絲肉鬆腸）網絲脆肉鬆甜，好好味。（養顏紅棗糕）紅棗味道比較淡咗一點點。 這間剛剛開業一年有多很新淨，宮庭水晶燈 ，裝修很華麗！現在有做優惠👉開業1週年誌慶🎊星期一至日（公眾假期及前夕除外）午市時段85折星期一至五（非公眾假期）晚市9折（套餐除外）星期六，日95折

之前去過這間酒樓食晚飯，晚市小菜做得都唔錯， 今次試下去飲茶， 啱啱到的時候剛剛是下午茶時段， 不用等太久便有枱， 下午茶時間價錢不太貴，點心都有做特價。 但質素就一般般， 都是集團式一慣作風。 我個人就覺得飲茶就真係一般般啦，都係幫襯返佢哋晚飯小菜較為合適。

星期日同朋友一家人去酒樓食午餐，朋友推薦這間酒樓，話之前食過味道不錯。星期日去飲茶預計了要等位，幸好不用半小時已經入到去。進去後感覺酒樓的環境真的比較寬敞，裝潢都新淨，坐得都舒適。今次點了一個有义燒，大蝦伊麵及菜苗的套餐，另加胡椒豬肚羹及一些點心，义燒真的出色，吃下去鬆軟無筋 ; 胡椒豬肚羹胡椒味足，吃下去可以暖身 ; 伊麵及菜苗都係一般水準，不過不失。點心方面，燒賣同蝦餃都足料，食得出蝦肉都尚有彈牙的感覺 ; 春卷裡面包的都是蝦肉，炸得不太油膩 ; 蘿蔔糕都係粉多，比較易散，不夠蘿蔔味 ; 其他的點心都係一般酒樓水準，沒有太大感覺。

間酒樓原來就響正幾間銀行旁邊，入面典型宴會廳裝修，紫色歐陸主題，感覺好舒服好高級。問一問原來是某大型婚宴集團的旗下品牌。據了解百樂金宴是走高端方向的。食物方面，點心小菜大部分都幾好食，特別系燒賣蝦餃皮薄多汁。但價錢一D都唔平！是級數野！