影片
以上资料只供参考，请与餐厅确认详情
食记 (1)
第一之出POST,,,,写得唔好请见谅 话说寻日食完饭约埋班FRIEND一行6人去踩夜车,本来谂住由大埔踩去大围食糖水再返大埔, 之后踩到黎海滨长廊o个间餐厅,见到佢出面块板写住有糖水卖,好似几吸引,决定坐低试下。 入到去笫一个感觉都几舒服,因为o个度有播d柔和音乐,而且又望住个无敌海景,感觉几好,坐低后睇下o个menu,见到d 选择其实唔算多，不过见地方唔错,所以我地最后order左芒果西米露，鲜芒果布丁，豆腐花，同埋一个店长推介既白石角香蕉船。 首先讲下个芒果西米露,其实同出面糖水店出就冇咩大不同,新鲜芒果加西米露,不过价钱就比出面平,廿几蚊黎讲都算抵食,而值得一提就系个西米露既芒果汁,令个西米露好入味，总括黎讲合格。 之后到鲜芒果布丁，谂住应该同出而都系差唔多，点知就有惊喜，个芒果布丁口感好滑，好似食紧豆腐花咁，芒果味就淡ｄ，不过踩单车踩到好热食淡ｄ都几舒服，所以我比８分。 到豆腐花，之前系大埔食过阿婆豆花，所以谂住比较下，我地叫左个冻既，食落去虽然无阿婆ｏ个边既咁滑，不过ｅ度既豆味就比阿婆ｏ个边重，而且又够冻，同埋阿婆豆花成日都好早关门，所以夜晚黎食都算唔错。 最后到香蕉船出埸，都系以生果配雪糕，ｅ个香蕉船味道其实算普通，不过胜在够大分，而且价钱好合理，３０蚊搅掂，其实都算唔错，合格！ 最后埋单只需９０蚊，其实比出面煻品店价钱合埋好多。总括黎讲今次之旅算系唔错，有音乐有夜景，最好就系白石角关门时间比较好，佢地开到凌晨一点，又可以放单车，踩夜车啱哂，下次一定再黎
继续阅读