白木屋居樂屋 (已結業)

從來未食過咁差勁o既lunch buffet…首先未入門口就要先收錢先俾入場；第二講明只限食一粒鐘咁大把(但宣傳就話由十一點食到三點)；第三食物唔算太熱(有部份重凍o添)，種類唔算多(咁都正常)；第四連茶都要自己攪掂，茶清光后要好一輪至添加翻；第五只會係臨完二分鐘前提醒你唔可以再添食；第六一過鐘就即刻收杯收碟驚蝕底(連茶都唔俾飲)！？所以平係無用服務奇差！唔係個老友叫到我都費事o黎食！食完重要趕返工，因為呢度只限一至五至有buffet食。

　　初來這日本餐廳，以為它是和民的貴版，怎料它的食物不論賣相和味道都非常好！　　這裡必吃是蒸蛋，因為１小盅的蒸蛋內有魚子，海贍，蝦，帶子，冬菇！賣相和驚喜都１流！這裡的甜品都不錯，而且價錢又不是貴！　　總括而言，食物價格偏高，份量亦少，但質素高已值回票價！Ps：有個男侍應生不準我為食物拍照！非常可惡．．相：http://xfe.xanga.com/d45a62404613272731165/b48984581.jpghttp://x5e.xanga.com/3bea607b5203272731136/b48984559.jpghttp://x02.xanga.com/208a90455243572731395/b48984754.jpg

記得大半年前來吃過lunch buffet,印象中不錯,那時說過要請表姪女來吃,因lunch buffet只有星期一至五才提供,直到今日才可成事,我們約1:15pm到,不用等就有位了,真的比以前少了好多人,我們還被安排坐4人獨立卡位,心想到時會不會有侍應來招呼,估不到每當我們差不多要吃完時,就有侍應走過來幫我們收碟,間中亦有侍應巡視一下,服務都幾好.熱盤有好幾款同上次一樣,日式炒飯,日式蒸蛋,照燒鷄扒,秋刀魚,咖哩鷄,今次換了炒麵,日式燒餅,蔬菜蒸蛋,洋蔥炒豬肉,涼瓜等.今次我較為欣賞炒麵,簡單材料有椰菜花,紅蘿蔔同豬肉,但味道好夾好香,如果可以再熱些會更好味,鷄扒肉夠滑,而蒸蛋亦好滑溜,秋刀魚沒上次那麼肥美,今次只吃了兩塊,反而爸爸同二表姐同時吃了約十餘塊,他們都說好好味.其他的還有麵豉湯,海帶蛋花湯,烏冬麵,冷麵,魚生飯,壽司卷,壽司飯團,炸物有薯仔,南瓜,紅蘿蔔,什菜,炸三文魚同炸麵粉球,甜品有布丁,芒果班戟,像似啫喱的甜品,但今日卻沒有生果,炸三文魚幾好味,可惜每次拿完都要再等,有些見有寫著菜名的牌卻不見其形.食物總類雖不是很多,但以這個價錢算是合理,我們都覺得食物質素不太差,

買左飛"目弟"戲，唔敢行0甘遠，所以就近近地試下呢間.是日叫0左炸豆，好特別，整條形狀好似立豆一樣，但系整條系炸物，而中間夾住的23粒豆，好熱氣既一道前菜，由於每條太少豆，所以好似食緊薯條一樣三文魚salad，好好食，好大碟壽司拼盤，都唔錯服務有待改進，服務員比較遲鈍，一眼關不到七，0的菜來灑，都未欏到只碟來

７月5日　同朋友3個人去食飯。唔使等位即入心知不妙,樓下幾層都要等位。坐响吸煙區,成日好似無人理,落単都花成十幾分鐘。Order：鷄軟骨、Pizza、刺身拼盤、寿司、石頭飯、燒雜串、沙律、日式燒餅、乳酸飲品、日本燒酒。鷄軟骨：炸過火,好咸！Pizza：無料,又淡味又唔脆。刺身拼盤、寿司：總之一句唔新鮮,點食呀～石頭飯：有D肥,尚算可以。燒雜串、日式燒餅：燒得好似唔係好熟,日式燒餅D醬好難食D料好不知所為。沙律：一般啦！要等。乳酸飲品、日本燒酒：好似飲緊水o甘！總括嚟講Service又唔得員工成日掛住傾計一係就唔見人。真係入嚟食裝修,虚有其表。

由於常常去APM貪方便去過三次食物質素同服務只係好一般d waiter 自己係到講野玩多過server 客份量少唔緊要野食幾乎全係煎炸野樣樣野都油立立除左d pizza 好d 外真係唔太好食更唔好既係冇下午茶星期六日下晝人地間間都爆滿佢咁大間野得一兩台客XDDDD

可能食左lunch buffet好幾次,已覺得唔好食了.而且甜品區那些甜品好難食.唔怪得知越來越小人去啦,13:00去到都唔使等位.最好食都係那鍋辣烏冬及薄燒牛肉.因為那些洋蔥好香好入味.但那煲烏冬成日都要等.

平時睇開電影, 都聞到呢度d野食好香。今日去出名冇野好吃的apm, 而腳上的鞋及水卜令走動不宜, 所以試下果陣味。吸煙區的L型沙發, 令2個不吸煙的人坐左吸煙區。但係果度其實叫煲煙區。不過今次係我自己揀的, 與人無尤。奉勸受不了煙味的人, 不要貪舒服。香港果d所謂居食屋, 一款食物收你平d, 份量又真係好少呢隻文化, 不嬲都唔係好對胃口。係估唔到今次真係咁過份! 蛋包飯個奄列好食, 飯就一般。石頭碗上幾keep到熱, 係估佢唔到咁淺je。每人只吃到4匙。炸蝦卷炸蝦的粉勁厚, 只吃到粉, 不見其蝦味, 得5件, 佢好野呀, 切到咁薄一件, 總之就係難食。wasabi 魷魚28蚊, 係一個碗底面積2.5"x2.5"的碗平放咁多。呢味冇不好吃的道理, 卻有"乜得佢咁少"的感歎!至好味係我不睇好的免治雞。好似魚滑咁蒸。佢張相好多架! 點解條竹得直徑1"? 總之太少, 太少!埋單162, 食得3成飽, 唉。以後唔信居樂屋!

成日去APM睇戲，都會見到呢間食店，前晚終於有機會試下。我同左Waiter講唔想坐出去，於是見到原來吸煙區比非吸煙區舒服好多，靜好多，而且都無人食煙。我地兩個人叫左3個餸:烤雞Pizza：d 芝士好正同埋個批好脆口軟殼蟹卷：足料同埋個汁幾特別牛油帶子：同其他日本食店味道差唔多，OK入去之前可以O係門口取宣傳單張，有張9折Coupon！

叫野食時初時未齊人又俾面色我和朋友睇, 2個人叫左5樣野食都可以唔飽, 想像下碟碟都係得2個人各食到2啖, 仲要唔係特別舒服的坐法

前兩日同朋友特登去觀塘apm 白木屋食飯,D食物都OK,好過笑笑居樂屋,雖然佢地係同group.不過埋單時check單先至發現有個order"佐土豆腐"冇上菜,咪叫個侍應攺單囉,過o左陣,另一個高級d o既侍應行埋嚟,問有咪事,於是乎咪再講多次,點知佢竟然話好似有上過類似o既菜喎,態度仲好差,好似我同朋友呃佢碟菜咁,係呃都唔呃碟噤平o既菜啦,一人都係夾多幾蚊,搭車錢都唔止啦.簡直不知所謂.價錢唔貴都冇用啦.日本白木屋集團俾佢丟架!!!!因為我去日本時,食過呢間店舖都幾好.

同fd一齊去食lunch buffet總括黎講都幾抵食我地過左lunch time先去人唔算多,即時有位食物選擇都ok多最鍾意係燒雞扒,食左好多件豆腐都幾好味炸三文魚都好正,但多骨左少少囉同埋d食具好似唔多夠搵唔到裝汁既碗仔有d匙"更"仲黐立立

尋天經過apm ...食店好多...多到都唔知揀邊間...於是見無咩人...就同老公走入去試下!老公叫左三文魚+魚子飯, 好似五十幾蚊....好細好細碗! 我就叫左個蟹粥....size 仲細....佢set 好個爐黎整熱佢....一開蓋我覺得好似開左個即食既日本包裝粥...連隻腳仔都無....! 好失望...咁由於太細既關係..我地就再叫左個凍豆腐....我覺得普通....但老公話幾好.....另外仲叫左個炸軟穀蟹壽司...呢個反而幾好食...不過....apm 咁多選擇...下次都唔會再黎!

食過一次,不過不失;招呼好,環境好,坐得舒服~食物選擇唔算多,是晚最鐘意竟然係燒餅,叫左兩個!!其實一直好想試佢個LUNCH BUFFET,但次次都好多人,唔知而家仲有冇呢~

同男朋友去APM Dinner..搵間靚靚地,我好鐘意個吧台,一支支酒樽好靚.我地order 左海膽刺身一板&壽司拼盤.海膽刺身唔腥,但又淡過頭.壽司拼盤好得,件件都好新鮮,但飯身有點散.環境靚+分.