白宮咖啡室 (已結業)

餐廳位於最多美食的地方---大壩街附近。 這間餐廳共有兩層，地下有坐地玻璃，適合下午茶或喜愛曬太陽的朋友，而上層則是一個小型的閣樓，內有Board Gamess及其他桌面遊戲。今次小編於晚上與朋友聚會，專門選擇這間的原因，是因為他們的老闆都是年輕人，餐廳整個環境都比較有活力，更重要的是，之前小編都到過這間吃過午餐，味道很好，所以選擇再來！晚餐時段有套餐，我們分別點了兩個套餐，及一款小食。套餐方面，我們點了慢煮安格斯肉眼扒。聽餐廳員工介紹，這個慢煮牛扒煮了四小時，牛扒鎖著牛肉汁，口感非常特別！此外我們亦點了，明太子三文魚籽煙三文魚意麵。 雖然味道及口感沒有太大特別，但三文魚份量比起其他餐廳多很多。另外我們亦點了，蜜糖雞翼，非常欣賞這間餐廳製作的蜜糖雞翼，蜜糖完全滲透入雞翼入面，吃起來不會太乾，卻帶有自然甜味，非常可口，值得一試！

周未清涼早上，睡到日上三竿，施施然揭開被子，收到閠蜜短信，相約白宮見面咖啡店散發文青氣息，喝著咖啡，嘆全日早餐，聊聊近況打開餐牌，開始選擇困難病發，幸好店員好好推介下，解決我選擇困難特飲：雙魚座 $40新出星座特飲雙魚座，用草莓蝶豆花疏打製成，甜度剛好，有草莓微酸。酸酸甜甜，變幻莫測，相當配合雙魚座性格Latte $38奶和咖啡平衡，咖啡與甜度剛剛好，重點可以選咖啡圖案，圖案選擇非常多 All day breakfast $108由材料到鋪排都好細膩，感受到廚師有心去做！整體水準高，用足料！感情同一份有heart breakfast一樣，有無心去做從細節都已經睇得出滑蛋足一寸厚有黑松露親托三條腸仔香脆薯角、薯餅、牛角包明太子三文魚籽煙三文魚意大利麵 $108意大利麵軟硬剛好，混入明太子三文魚籽，鮮味無窮，三文魚籽散發出魚油香配上忌廉香，很快已經食光.Menu

根據openrice的路線去兜左好耐都去唔到最後都係用googlemap一去到見到比想像中細好多原來有兩層即刻去左第二層除左煙肉之外，其他都唔錯薯條同魚都幾好食魚都幾嫩唔錯同朋友一直傾計傾左幾個鐘唯一一樣唔好細二樓無播音樂好安靜好容易聽到隔離檯講野而同樣人地都會聽到我地講野如果好似一樓甘會播一D輕鬆音樂更好

約左中學同學係荃灣晚餐，由於我地都係文青，於是去試下呢間Cafe。店員帶左我地上一層，哇，環境唔錯呀，呢個Corner岩晒自拍。明太子三文魚籽煙三文魚意粉($108)，煙三文魚唔會太鹹，味道岩岩好，明太子醬汁意粉熱辣辣，好有溫暖的感覺，我最中意三文魚籽的口感，值得推薦! 慢煮安格斯肉眼扒 ($128)，肉眼扒大大份， 肉質嫩滑，生熟比例控制得好好，咬落去非常Juicy，大滿足！朋友最愛係榛子，叫左榛子朱古力 (跟餐 $20) ，入口軟滑，榛子味道夠濃。好熱情的我就飲熱情果梳打(跟餐 $18)  初初唔記得將糖漿攪勻，哇，點解咁熱情，咁甜既？攪勻之後就甜度岩岩好，好飲！Cafe的環境同氣氛都好好，我地坐到佢地差唔多收工先走。店員都好Nice好有禮貌，值得Encore! 

訓到自然醒是人生最大既樂事, 再加埋一餐美味既午餐更是無敵😎今朝訓醒大食男友就車左我黎荃灣去睇汽車用品, 順道食埋lunch, 呢間Cafe, 雖然舖位細細但給人感覺乾乾淨淨好舒服😌； 再望望門口餐牌價錢吸引, All Day Breakfast 都係六十蚊, 我即時雙眼亮星星🤩; 我地叫左一份All Day Breakfast同一個溫泉蛋Carbonara; 我對個All Day Breakfast幾滿意, 首先熱既食物夠熱😂好似炒蛋,腸仔, 煙肉同薯餅, 而且佢地用料不足, 香草腸仔同煙肉都質素好好, 只是大食男友覺得炒蛋蛋香不足; Carbonara既意粉軟硬適中, 汁都有濃郁既忌廉香😄

白宮是一間不錯的cafe，上次試了英式早餐，非常豐富，而且都十分美味，個蛋很好食非常滑，價錢不算太貴，份量很足夠！cafe 的佈置很美麗，有置身外國的感覺，可以慢慢享受，暫時放下繁忙的工作

又係放左工黎搵食嘅時間，來到了之前食過的白宮，貪其食物有水準，加上平日不用加一價錢抵食嘛。蜜糖雞翼（$40）先來一客小食，雞翼烤得剛好，皮香肉嫩，加上大量蜜糖甜甜的很對胃。明太子三文魚籽煙三文魚意粉（$98）親子口味的意粉版，三文魚籽爆漿，煙三文魚鹹香肥美，意粉彈牙，仲有個好好味嘅醬汁，醬汁中混了明太子，鹹香又creamy，好味到汁到無食淨，正。慢煮安格斯肉眼扒（10oz）（$128）大大塊牛扒配上新炸起嘅厚身薯條，仲有加了麻醬的沙律菜，賣相很不錯。慢煮下食到牛扒的肉味，很易咬但不失口感，好味。阿凡達疏打（$48）＆Latte（$35）自己點了熱的鮮奶咖啡，拉花點的是超人，但店員聽錯成了咸蛋超人，沒關係，這個很可愛。味道方面也很好，不只有外表啦，咖啡香滑，不加糖亦不會苦澀，好飲！朋友的疏打是藍柑加青蘋果口味，藍藍綠綠的很好看。藍柑本身有點酸酸的，青蘋果果漿則很甜，兩者混在一起味道很夾，顏色也漂亮，哈哈，如不太好甜就不要把果漿全加了。食物好味賣相又靚，唔怪得去到九點多依然全店滿座啦～PS。點主菜的話餐飲有減$12的優惠

去完荃灣廣場睇完戲 就過咗呢後面呢間cafe 白宮 初頭以為舖頭好細 原來2樓仲有空間 我哋上咗2樓坐 隔離仲有影相區可以畀你打卡影相添 小食叫咗個蜜糖雞翼雞翼有5隻 佢本身好嘢味 之後上面加上蜂蜜 注意係蜂蜜！好香嘅味道同普通蜜糖完全唔同！明太子三文魚子煙三文魚意粉 呢度菜有幾種海鮮加埋 但係味道都好夾 煙三文魚整到成個花咁 好靚 再加上巨型嘅三文魚子 啖啖鮮味 而明太子就加咗落忌廉汁嗰度同意粉煮埋一齊 明太子嘅風味好搶 慢煮安格斯肉眼扒 牛扒好大塊 而且厚身 差唔多有一吋 切開入面係好吸引人嘅粉紅色 而且肉質好軟淋 咬落口仲好多肉汁 加上粗薯條 脆卜卜 仲有少少沙律 可以畀你消滯 黎到cafe 梗係要嗌番杯靚嘢飲 我就叫咗紫薯拿鐵 隻味淡淡地 不過飲落口好舒服 奶味好香 男朋友就叫咗蜂蜜朱古力 蜂蜜味好香微甜 加上朱古力 都幾夾 最特別係有line嘅公仔 雖然我唔係粉絲 但係都覺得好得意

It was a Monday morning and with a self-proclaimed day off, my buddy and I decided to grab a nice lovely brunch before the start of our day.  It was super easy to find this place as it is very closed to the Tsuen Wan West MTR - I hardly relied on Google Map and that was a pretty big achievement for me!Anyway, we were the first customers to enter since we arrived at 12 on the dot and already were greeted by their friendly waiter asking us whether we would like to sit upstairs or the ground floor.

今日同朋友喺愉景新城行完街 想搵一間可以影靚相嘅餐廳 俾我哋搵到一間叫白宮的cafe 我地選左dinner set的all day breakfast 同拿破崙蘑菇煙鴨胸意粉 同埋叫咗個小食拼盤 朱古力或者咖啡可以拉花👍👍先講講All day breakfast 入面有明治鮮奶炒蛋 德國腸 巴馬火腿 煙肉 薯餅 牛角包 焗豆 粟米 沙律 真係好大份好足料 最滿意係個炒蛋真係好滑 加埋黑松露好夾 薯餅香脆可口 拿破崙蘑菇煙鴨胸意粉 意粉煮到啱啱好 唔難唔軟 加埋茄汁酸酸味味 好開胃小食拼盤 入面有春卷 咖喱角 雞翼 薯角 薯餅 最欣賞薯餅 香脆可口 跟住就係雞翼 好入味👍👍👍飲品方便可以揀自己鍾意嘅拉花 我揀咗美妮朋友揀咗美少女2樓有影相區 一見到咁多公仔 少女心即刻爆發 左影右影 影左大半個鐘🤣🤣

店員服務領我們上上層佈置充滿聖誕節🎄氣氛仲有令人印象深刻既服務態度，呢度服務真系非常好👍🏻剛說明我要點的飲料，店員很溫柔的叫我等一下，果然..飲品很快便上桌了，而且還是超美味精緻的>>第1杯：「薄荷朱古力熱飲」☕️，驚喜位係可以隨意自選店內提供的公仔圖案造型作為奶泡忌廉的圖案，真是別出心裁！驚喜不斷..第2杯：「阿凡達梳打特飲」（巨峰葡萄🍇味），用針筒注射的巨峰葡萄🍇汁玩味濃又吾會過甜，好飲！「明太子三文魚子煙三文魚意粉」美味度滿分💯，新鮮配搭明太子及三文魚子，配煙三文魚同嚐，明太子醬汁包裹著每一條意粉加埋脆卜卜既三文魚子，勁鮮味美令人停不下來吧「慢煮安格斯肉眼扒」有足10安士份量的大塊牛排🥩上碟即時讓人唾涎俗滴，牛扒不是全熟牛排，所以肉質不韌，安格斯牛肉味幾香！「小食拼盤」超大份又美觀，有齊蒜香烤雞翼、粒薯條、咖哩角和炸春捲！份量多得驚人，只係$68，二人都食唔曬，實在太棒了👏🏻十分貼心的服務的店員和美味的食物令人感到意外也賓至如歸

難得可以平日休息訓到晏一晏起身決定搵間cafe同呀媽消磨下時間荃灣區cafe選擇唔算多White house一年都會去幾次貪佢坐得舒服同埋食物質素高去到既時候下午2點幾樓下都幾乎坐滿人但樓上就得返一枱人可以靜靜地坐下叫左個all day breakfast + 荔枝紅茶 $60牛角包係熱辣辣架個炒蛋好大份 應該有幾隻蛋起裡面腸仔魚柳煙肉沙律都好對味好好食仲有最鐘意食既牛油粟米正呢個早餐我比100分仲叫左櫻花蝦三文魚籽意粉+伯爵奶茶 $60個汁都幾香 意粉都煮得啱啱好但我都係鐘意個all day breakfast多啲

星期六返半日工，未食lunch，於是喺公司附近搵好野食食晏時間四周圍都好多人，於是想去尋訪一下小店，睇下會唔會搵到隱世美食，哈哈。於是行到去呢間白宮，一入到去就感覺店內好逼，沒有裝修，四周鋪滿塵，心底已經涼左一截，不過，我並非外貌協會，如果好食我唔介意裝修甚麼的。可惜，我錯了！！！！！！一入店內，幾個員工只顧傾計，完全沒理會顧客。我點咗個拿破崙大蝦意粉，意粉有陣怪味，大蝦唔新鮮，一咬落去，就知中伏。超級油膩，食完肚痛。杯伯爵奶茶超甜，完全唔好飲。原本想支持一下小店，但這樣令人難以支持！星期六一整天也不開心。

星期日又是與友人出巡的時候，在荃灣玩過一輪，吃下午茶是也。所謂的小食拼盤，有些薯角有些雞翼之類，份量少選擇少，熱又不夠熱，吃完都不知吃了甚麼，無甚可取之餘更是吃完要“了”牙，對於我們來說實乃敗筆之最。拉花咖啡講求形態，可惜的是友人的龍猫咖啡形狀不盡不實，至緊要的是咖啡是不熱的，何其之差！小人的拉花咖啡乃是一個嬲爆爆的舊款汽球樣子而已，更加要死，說是徒具虛形還是美其言而已，形神俱欠，差矣。白宮又如何，小人的評語是可宜影相，不合吃貨。

其實唔明點解佢地好似仲有幾多客人咁🙄因為影相又吾係話靚，又吾係好食，環境我想像唔到係靚囉，已經好殘舊，同埋果啲拍攝道具周圍擺，好亂😒仲有上層又冇播歌，冇咩feel, 吾似係cafe 食緊野，隔離台近到以為大家係同一台食野😂 係度想反映下，店主應該維修下間cafe 同埋執下野😂我同朋友都鍾意食帶子，兩個一樣都叫左黑松露帶子卡邦尼意粉。賣相普通，帶子唔夠熱，特別係個心，個意粉幾乾下，又吾夠味🙄 唯一可取係夠大份。餐飲係台式飲品，糖漿野💁🏻‍♀冇興趣再黎，今次係晒quota 🙄