發記甜品 (已結業)

上星期同三朋友係銅鑼灣食完飯諗住上朋友屋企玩啤牌，突然間好想食榴槤, 即刻諗起發記，於是走去買兩碗榴槤飄香(因為淨係我同另外一個朋友鐘意食)返去食。上到屋企一開碗嘢除咗傳出榴槤香就係朋友的臭罵同埋命令我哋盡快食完佢，但係碗嘢除咗好香之外仲真材實料有唔少榴槤仲好甜添,鐿意食榴槤既朋友一定要試呀!

31 March 2006 (Fri) - 甜品食完個好飽既晚飯，本來都食唔落甜品，但係見距離飲嘢既時間仲有兩個鐘，又見食完飯後散咗咁耐步都應該落咁啲格，再見自己每次想食發記都要排長龍而今次只需等三張枱，所以又忍唔住去咗食甜品．．．舖位真既好細，要同人share 枱，真係要食完就走！我叫咗楊枝金露，朋友叫咗榴槤飄香，嘩，楊枝金露真既幾好味，入面既芒果好大舊，加埋晒可能真既有整整一個芒果，正！！至於友人個榴槤飄香，我不願致評，因為我唔食榴槤既，但朋友話幾好食，我又即管試一口，但係真係臭到想嘔，食咗成碗楊枝金露都區唔走喺口中陣臭味，唉．．．　真係自己攞黎，我以後都唔會再試，明知自已都唔鍾意！

上次行街街突然心血來潮想食..又見冇人山人海(每次行過都必然好多人排隊)..所以就入去試試..叫左榴槤飄香,榴槤pancakes,唔記得左個名(成份係士多啤梨)個樣好靚..成間舖都好大陣榴槤味，我唔太喜歡食榴槤(所以食品不是我點的)^"^埋單都只係＄７０到

(23/3/06)湯丸+黃金露,初時諗,會唔會係楊枝金露,一問之下,原來係南瓜露(都唔醒起添!),即刻要啦。湯丸只得兩大粒。南瓜露就....太甜,好似開槳粉咁,南瓜味淡淡! >_<

Every time I have out-of-town friends I bring them here. All my friends love the mango dessert and I love black sesame soup. The only downside is it's always so crowded you can't sit for long.

嘩嘩嘩…大開眼界！！！！！！我地入到鋪頭淨係睇其他人o既野食都已經覺得大飽眼福！尋晚食完一個一肚氣o既晚餐，諗住黎發記試下，哇！一試難忘！！！！！！！！！！楊枝金露有四大塊芒果，仲超級冰凍，好食到停唔到口！！！！！芒果pancake亦都唔錯，不過個人比較喜歡楊枝金露。仲有呀…見到人地食懷疑係意大利涼粉o既物體，果碗生果大到嚇死人！！！！！！！鍾意食生果o既朋友一定要試！（呵，我下次實試！）

今凌晨1點30分我和男友去食甜品湯丸+番薯糖水-湯丸內芝麻,可惜2粒~番薯肉很ok,三粒很大~糖水很麻麻,冇甜~.~

食宵，我同個fd都係食熱紅豆沙，真係未食過冇甜味o既紅豆沙，十分唔掂！仲有好煙呀

食o左個芝麻糊同芒果糯米卷, 前者一般, 冇乜驚喜. 但糯米卷就真係一流!!! 芒果好甜, 個糯米皮唔會太厚, 唔會蓋過芒果味~本來好飽o既我都食得好爽!!!其實我都比較鐘意佢o既榴槤製品多d, 如果下次再食, 可能會食下佢O既焗香蕉卷啦~

同fd share 黃金露(飲完都唔知係乜, 只知有雪耳同埋唔太甜) 同埋焗香蕉酥皮卷, 呢個就值得一試呀!不過成間舖都充滿榴槤味-_-

慕著粟子茸之名而來, 郤敗興而歸. 與朋友點了粟子茸豆花及粟子茸西米露, 端來時發覺香氣完全給芝麻糊, 合桃糊比下去, 只剩下粟子甜甜的味道. 而最慘的就是兩碗糖水都是最難吃的空溫糖水, 跟熱字完全拉不上關係.收這個價錢而供給這樣水準的食物, 只會令我再無下次光顧.

食唔飽咪去食甜品. 4個人叫左清心丸+腐竹, 焗香蕉卷+ 唔知咩意大利粉(什果涼粉)我最喜歡都係個清心丸..其他都一般.

去開CWB買野，回程時想買點甜品回家，本來想去許留山買芒果糯米糍，但又懶得行咁遠，見對面有間發記，好似話芒果甜品很有名，就走過來試試.要了差不多的芒果糍米卷，一客四件，薄薄的糯米皮包著幾大舊的芒果，比錢時才知道承為$32，即八蚊一件！！！好貴呀！以為收得咁貴一定有番咁上下水準，點知食落非常失望，糯米皮唔煙韌，芒果雖然太舊但一點香味也沒有，仲要有少少出水的情況，這樣的水準，坦白說，即時賣$20我也不會再買，莫講話三十幾蚊.下次都係買番$20六粒的許留山芒果糯米糍好過

發記甜品, 深井店水準比CBW店好.今晚吃了芒果涼粉和什果涼粉.什果涼粉係芒果汁底, 什果包括: 士多啤梨, 西瓜, 木瓜, 芒果. 生果好甜好新鮮. 涼粉就失色少少, 因不夠爽.芒果涼粉好好味. 叫侍應加點花奶比我, 係個人口味, 因總覺得食涼粉無花奶好像欠了一點點.花奶係免費嘅, 不明白滿屋點解要收2蚊.

琴日終於試左發記啦! 但係...我同男朋友叫左3 樣野:芒果班戟--- d 芒果好甜呀! 估唔到呢個季節都有咁甜既芒果, 好味! ^3^ 不過男朋友話食得有d "呢hea"喎!~杏仁茶+ 湯圓--- 我好鐘意食杏仁茶架! 好多甜品屋既杏仁茶我都食過, 呢間既呢, 就... OK啦! 我嫌佢唔夠凍囉! 整體都係好味既...焗香蕉酥皮卷--- 都等左好耐下... 買相OK, 但味道... 食得仲"呢hea"過芒果班戟呀! d 酥皮飛到周圍都係, d 香蕉同朱古力蛋糕暖暖地, "淋gi gi"咁囉! 口感真係麻麻啦!埋單都幾貴下,,, 2 個人要80蚊, 食甜品黎講都係屬於貴啦!