癡膠雞 (軒尼詩道)

营业中

休息中

癡膠雞灣仔軒尼詩道254號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：口水雞拌麵 $52，燒豚肉飯 $46口水雞拌麵：這是一道色香味俱全的川菜，鮮嫩的雞肉，搭配香葱、花生、雲耳和芝麻，雞肉經過特製的麻辣醬汁調味，醬汁中含有花椒油和辣椒油，香葱的清香、花生的酥脆、雲耳的滑嫩以及芝麻的香味交織在一起，讓人一口接一口，欲罷不能！😄😄😄燒豚肉飯：精心醃製的五花肉，經過烤制後，外皮酥脆，肉質鮮嫩，散發著誘人的香氣，搭配新鮮的青瓜和各種蔬菜，不僅增添了色彩，還減低了油膩感，更加營養均衡！👍👍👍

天氣轉涼當然唔少得食返啲暖笠笠嘅嘢，灣仔呢間主打花膠雞湯米線，竟然有個爐仔熱住，可以慢慢食慢慢嘆。餐廳座位唔多，Lunch Hour排晒長龍，價格親民且份量足，最緊要健康無味精！私心推介椰子雞米線，椰香味出，雞肉嫩滑多汁，米線軟硬度適中，QQ哋，吸滿湯汁，值得一試。花膠濃湯米線同樣出色，花膠好大塊，容易嚼爛，帶微微黏嘴感，女士們啱曬。小食方面有時令田園蔬菜，大大份，鮮甜入味，性價比高。蜜糖雞都唔錯，沾滿醬汁，咬落酥脆可口、薯條唔算好脆，但勝在夠熱，點埋番茄醬都唔錯。

養生花膠雞米線餐廳專食花膠雞米線，聽咗好耐，經過灣仔就入去試吓。招牌花膠雞米線湯底鮮甜唔會太過鹹，雞肉好嫩滑，花膠亦都俾得好足，如果唔鍾意食米線仲可以轉米粉/上海麵或者飯。姬松茸竹笙花膠雞米線呢款湯底多咗姫松茸鮮甜味，菇味好出，食落亦都唔會好油膩，夠晒暖胃。蜜糖雞翼小食種類都算囉，雞翼皮焗得夠脆，咬落啖啖肉，亦都保留到肉汁。餐廳食物質素唔錯，而價錢比想像中抵食，下次想食米線可以再試。#花膠 #米線 #性價比高 #灣仔 #灣仔美食 #雞

灣仔成日都見哩間好多人！ 今晚終終去試嚇啦！ 有好多雞款選擇！ 有米線和熱鍋做底！ 花膠雞煲翅🍲✨ 這道菜通常以雞翅、花膠和豐富的配料為主，湯底鮮香濃郁，雞翅肉質鮮嫩，花膠則增加了獨特的口感和營養成分😋湯很鮮美有雞味！ 雞翅的嫩滑軟綿綿！ 花膠有嚼勁！ 為左幫你保溫會用爐幫你熱住， 保持熱辣辣俾你食， 每一刻都有熱嘅溫度！ 招牌花膠雞米線🌟 招牌花膠雞米線通常是以雞肉、花膠和米線為主料，湯底鮮美，米線滑順，雞肉嫩滑，花膠則增加了獨特的口感和營養價值。😋

灣仔呢間癡膠雞，經過好多次都見到大排長龍。今日扚起心肝，5:30收工即刻沖去餐廳試吓佢，去到啱啱坐喺最後一張堂食枱。叫咗招牌花膠雞米線（$68），花膠雞煲翅湯1人份（$98）同埋金磚豆腐（$42）花膠唔會硬骨骨，厚度都有啲咬口，女士恩物。 魚翅比想像中大嚿。湯底質感濃稠，又唔會太多肥油。雞胸肉已經起骨，唔鞋口。雞髀肉幾滑同鮮味。湯嘅份量算好多。金磚豆腐好好味，外脆內軟，冇叫錯。走嘅時候舖頭外面已經排咗長長嘅人龍。

晚餐唔知食咩好？今次嚟咗灣仔食米線！晚市仲可以跟爐上，好有一人邊爐feel~🍲胡椒豬肚雞米線（$60）趁天氣仲凍凍地，今次嗌咗胡椒豬肚湯底，仲獎勵自己+$10轉雞髀🍗🤭 湯底好濃，胡椒味都足，雞髀好滑，略嫌有啲碎骨，所以飲湯嗰陣時要小心！面頭仲有啲蟲草花，都幾有誠意👍🏻 而且店員會畀定個兜仔你，方便裝骨，好貼心💗✨貼士我平時都唔會跟爐，但今次心思思就揀咗（影相好似靚啲😝）不過，我建議食得慢嘅大家都係唔好揀「跟爐上」😂因為一嚟會好多煙，食米線唔太方便；二嚟，米線吸晒啲湯會漲得好快，同埋雞髀煮太耐會變嚡！

天氣凍就想食米線見到呢間有花膠既米線, 價錢又唔貴就決定黎試下係主打養生既湯底原來米線係可以簡碗上/成個鍋咁上第一次食就決定試下鍋上, 好特別🤣🫨個火爐一路烘住, 熱辣辣咁好正!招牌花膠雞米線一黎就比佢賣相吸引 雞件份量多湯底好清好香, 感覺好養身又高營養係咁凍既天氣下食, 好滿足姬松茸竹笙花膠雞米線湯比招牌花膠雞米線果個更清甜, 好香又一D都唔油有淡淡既姬松茸味, 而雞件既份量同埋多同大件雖然我地冇簡到要脾, 但雞肉一D都唔鞋, 啖啖肉好好食花膠又係好食. 估唔到呢個價錢會食到花膠, 真心驚喜🥰雲耳豬肚絲呢個份量都好多, 雲耳好爽口, 愈食愈辣好正而豬肚絲就好爽口以呢個價錢黎講真係好出色 食完又唔會口乾好暖胃好滿足 下次會試埋其他款

🍜姬松茸竹笙花膠雞米線($78）(轉脾+$10)呢款係期間限定既湯底之一，姬松茸味非常濃🤩鐘意松茸嘅一定唔可以錯過!!!竹笙好吸哂啲湯非常出色😆雞髀肉好嫩滑😇湯底仲加咗蟲草花、木耳，成個配搭好夾又養生😍🍜招牌花膠雞米線($68)一上枱湯底既顏色呈奶白色非常之creamy🤗花膠既份量都唔少而且好彈牙🥰雞湯配上米線好掛汁，唔敢相信呢個價錢可以食到花膠雞米線😚尤其是係冬天，食落非常暖胃🥰凍桂花烏龍冷泡茶(+$10)成個桶裝住既冷泡茶好有分量🤣而且味道甘香😚凍檸茶有餐飲價加$6!成個menu仲有好多款其他養生湯底，包括羊肚菌、椰子雞、人蔘雞、胡椒豬肚等等☺️已經plan緊揾日lunch time再回訪試埋其他湯😛

今日見天氣好凍，想打邊爐，咁啱去行婚紗展去灣仔搵嘢食。見到呢間叫癡膠雞既餐廳，俾佢個名吸引入去😂😂。見到佢個菜單有個胡椒豬肚雞湯鍋🩷🩷🩷🩷🩷可以比我打邊爐，即刻落單食先。因為天氣真係太適合打邊爐，熱辣辣🤩。我叫左牛頸脊娃娃菜米粉同埋腐竹。先講個湯底真係越煮越入味，煮耐咗啲胡椒味仲濃烈 同埋啲雞係鍋度滾都唔會好鞋口，雞肉比較結實，但係唔韌。豬肚食落胡椒味都好濃。唔知係咪打邊爐嘅關係，啲食材都好濃味正😍牛頸脊同埋娃娃菜米粉腐竹呢啲都係最吸味，打邊爐一流。不過38蚊一份牛頸脊真係抵，夠大份同埋都幾大塊。另外叫咗沙薑雞飯🩷🩷🩷🩷佢嘅沙薑味，唔係太濃。偏淡口味，不過雞肉係比較結實，同埋雞味較濃，唔韌食落啖啖肉，都唔多骨，呢個價錢係灣仔黎講都好抵食了。仲叫咗兩杯凍檸茶，茶味香濃，好飲。食完已經好多人排隊了。下次再試下其他口味。

✨椰子雞米線（$60）雞湯與椰漿融和呈淡黃色，湯底清新而不油膩，帶有淡淡的椰子香氣，香甜椰子與鮮美雞肉相互交融，米線的口感滑順，吸附了湯底的精華，每口都充滿滿足感，正！晚市還可選擇跟爐上，可以keep住食到熱辣辣米線✨藥膳黃酒花膠雞米線（$68）湯底以黃酒為主，帶有酒香的濃郁，並加入多種藥材調理，味道更深層次。花膠滑嫩口感，雞肉滑嫩鮮甜，連雞胸肉部位都好好食✨金磚豆腐（$42）豆腐炸得金黃金黃，每一口咬下都外酥內嫩，調味恰到好處✨蟹肉忌廉薯餅（$38）餅皮酥脆，內裡則是鮮美的蟹肉與醇厚的忌廉，蟹肉與忌廉配搭滑順，而且內餡飽滿

🔹️今日到灣仔 ‘’癡膠雞‘’ 滋補一下🥘 打開Menu有多款選擇🧐 店員友善、高效率🙎🙎‍♀️ 價錢親民💰🔸️招牌花膠雞米線🍗🍜以滑嘟嘟花膠、細嫩幼滑雞脾肉, 爽口雲耳、甘香蟲草花, 鮮美湯底🍵 整碗米線營養豐富 ~ 含豐富蛋白質、磷質和鈣質, 有助養顏活血😚🔸️燒豚肉濃湯米粉燒豚肉外皮香脆, 肉質爽口彈牙、腐竹軟腍, 轉了清甜木瓜蕃茄湯底 👍👍還有不得不讚的幼滑米粉😋🔸️明太子釀雞翼雞翼外型飽滿、肉質嫩滑, 味道鹹香、微辣, 越食越滋味🤤🔸️雲耳豬肚絲以絲絲幼細豬肚絲, 味道辣辣哋, 口感爽彈, 配爽口入味雲耳, 十分開胃🤗🔸️飲品飲品點了凍檸水和熱檸水🍋有助消化✌️

🚩雞 全部都係雞 款式多但平平無奇🚩📍 癡膠雞香港餐廳價錢高昂是人所共知的現象，既便宜質素又高的食物可謂可遇不可求。今天來到灣仔，看到這間專門食雞的店舖，每款竟然只需六十多元，Openrice上又好評如潮，決定去一試究竟。🍴藥膳黃酒花膠雞上海麵 ($68)麵種可以選米線、米粉、上海麵和薯粉，如果不想食麵，選擇飯都可以。整個麵甚至可以跟火爐上，令湯底的溫度得以保持，口感更佳。先要讚藥膳湯底出色，酒味充足之餘又鮮甜，配上海麵簡直一流。用餐後一段時間也沒有明顯口渴感。花膠方面有兩塊，但偏小塊，亦不算太腍。至於這裡主打的雞，反而是較失望的部分。不知是否用火爐上的關係，雞肉偏熟令肉質較乾身又沒有很嫩滑。如果你是因為食雞而來，可能就會有點期望落空。🍴明太子釀雞翼 ($20/隻)店內有多樣小食提供，由於眼見主打雞，所以要了這個明太子釀雞翼。但吃下去質素只算普通，正常水平，試試其他小食可能更好。

今日帶朋友嚟我平時其中一間飯堂食飯，推薦咗佢試椰子雞湯底，自己就試吓其他款湯底～原本諗住叫金磚豆腐，但可惜賣哂，唯有試吓其他小食，結果一樣好滿意🥰★̆̈ 姬松茸竹笙花膠雞米線 $78 湯底帶濃郁香氣，菇味好出，味道相對咸啲，雞肉好滑～竹笙同花膠食落口感豐富，米線吸滿湯汁，好飽肚！ ★̆̈ 椰子雞米線 $60 清甜嘅湯底超級推薦！有椰子肉，雞肉滑嫩，湯底飲落好舒服，食完仲想飲多幾碗湯！ ★̆̈ 明太子釀雞翼 $20/隻 雞翼釀到非常飽滿，明太子餡料夠足，咬落多汁，外皮仲燒得脆脆哋！★̆̈ 凍蜜桃烏龍冷泡茶 $10 （跟餐價） 叫咗走甜，清新又解膩，蜜桃香氣好明顯，飲完好舒服～ ★̆̈ 凍桂花烏龍冷泡茶 $10 （跟餐價） 同樣走甜，桂花香氣好柔和，配埋米線一齊食，好清新～

天時冷，真係好想食熱野。今日嚟到📍痴膠雞🫶🏻🫶🏻進補下。食完後，好舒服😌1. 蟹肉忌廉薯餅✔️金黃酥脆的薯餅表面，裡面隱藏著豐富的蟹肉和忌廉餡料。✔️外層酥脆，內裡柔滑，蟹肉的鮮甜與忌廉的香濃相得益彰。✔️蟹肉的鮮味透過忌廉的包裹更加突出，搭配少許香料，增添了層次感。2. 羊肚菌花膠雞米線✔️清湯上漂浮著嫩滑的雞肉，搭配羊肚菌和花膠，米線柔軟而富有彈性。✔️羊肚菌的獨特滑潤感與花膠的彈性，結合雞肉的鮮嫩，米線則吸收了湯底的精華。✔️湯底鮮香，羊肚菌的香氣引人注目，花膠的滋味則為整道菜增添了豐富的口感層次。3. 姬松茸竹笙花膠雞米線✔️湯底清透，姬松茸和竹笙的顏色鮮豔，花膠和雞肉的搭配讓整道菜色彩斑斕。✔️姬松茸的鮮美與竹笙的脆口感相互交融，花膠的滑嫩與雞肉的鮮甜形成完美的對比，米線則綿滑而富有嚼勁。✔️清新的湯底中融合了姬松茸的香氣，竹笙帶來的清香讓整體味道更加清新，花膠的厚重感則平衡了整體的口感。總結這三道菜品不僅在味道上讓人驚艷，每一口都帶來不同的口感與風味，無論是改善食慾還是滿足味蕾，都是極佳的選擇。

📍癡膠雞📍天氣凍最岩就係食D暖粒粒嘅野暖下身，本身就好中意食雞米，見有人推介呢間，就約埋朋友收工一齊食。🍽️藥膳黃酒花膠雞米線 $78湯底用左黃酒同埋多種中藥材熬煮而成，滿滿嘅藥膳味，飲落去好濃，配埋米線同花膠，層次感豐富，而且好掛湯！雞肉都好嫩滑，浸係藥膳湯底更顯得入味，可以暖身之餘又有滋補效果，岩曬中意養生既人！🍽️椰子雞米線 $66如果想食清D，椰子雞米線都係唔錯嘅選擇。湯底有啖啖椰香，清爽而不膩，飲落去都唔會覺得好漏。米線吸收曬椰子湯的味道，非常入味，絕對係養顏美肌同滋補養生之選！🍽️蜜糖雞翼 $42雞翼外皮酥脆，鮮嫩多汁，配埋蜜糖甜中帶鹹，充滿層次感。🍽️金磚豆腐 $42金磚豆腐絕對係小食必點！切得細細粒一口食曬，而且份量都幾多。豆腐外層炸得金黃酥脆，做到外脆內軟，配埋七味粉，夠曬惹味，真係可以Keep 住係咁食！ 無論係配麵定係單獨食都好好食！地址：灣仔軒尼詩道254號地舖