當下 (和富道) (已結業)

星期五晚上想吃一點好的 喝一點走 以慰勞這個星期的辛勞經過北角看見這一間小酒吧有set dinner就試一試吧這兒四至九點有happy hour 啤酒買一送一 就要左兩杯，Set dinner價錢大概140多元,包了是日餐湯 沙律和飲品我們就叫了個紅酒燴牛尾跟薯角 $168散叫了黑松露野菌手打闊條麵 $98餐湯是南瓜湯 非常足料 喝得很舒服 配上黑醋沙律和蒜蓉包 紅酒牛尾 醬汁很好吃 牛尾亦都大份 配上薯角 應該要再嗌一客蒜蓉包下醬汁！黑松露闊條麵 放上了極多菌菇和意粉混合~ 一起吃很滋味最後埋單每人大概$200~價錢ok !再看一看這裏的早餐,有無限添飲餐飲！感覺上性價比十足

北角出左名係藍既地區今次就支持下呢間清泉精選晚餐芝士汁海鮮焗德國農夫包（$148)配是日餐湯、蒜蓉法包及沙律、餐飲。平時食農夫包散叫都百幾蚊，但呢度$148就已經跟埋餐，都幾抵。農夫包質感外脆內鬆軟，挖空後中間盛載住滿滿既芝士汁海鮮。海鮮有青口、藍青口、蝦、蜆肉等等，好豐富。芝士汁香濃又厚身，用麵包吸哂啲汁去食，勁正。晚餐蒜香蜆肉扁意粉（$71)醬汁帶微微香辣，扁意粉炒得啱啱好，軟硬適中。依家做緊六折，只係$71，仲可以根據需要配餐，豐儉由人Iced Monkey ChocolateIced Mojito Coffee

今天放假賴床至中午，便與朋友吃了個brunch, 想不到下午2點過後餐廳都是人來人往的。brunch的選擇也很多，好不容易才選了澳洲M3和牛漢堡伴薯角，可能烹調時間少少over了，和牛漢堡的肉質偏乾身，感覺麻麻地，但伴碟的薯角卻味道加分，可惜我體質太熱氣，最後都吃剩很多薯角。而芝士汁海鮮焗德國農夫包不但賣相了得，青口放於農夫包上派氣十足，像在芝士熔岩中似的，味道很不錯。而餐廳的男侍應非常敬業樂業，常與食客嬉笑對話，既有禮貌又感覺很親切，可能這就是北角街坊的特色。

A餐叉燒飯唔錯，叉燒多肥，好厚切，好多蜜汁，B餐海鮮包偏鹹。餐配湯、沙律同餐茶，禮拜日晏晝每人一百蚊內算ok。環境設計頗有特色，座位寬敞舒服，侍應好有禮貌。假日黎可能比較少人。

👉🏻 店內播放多個版本的《願榮光歸香港》，支持醫護罷工，發文譴責政府抗疫不力之前同👵🏻 朋友一齊食dinner去左依家幾有格調嘅bar✨✨========================炭烤蜜汁頂級黑毛豬叉燒飯配水波蛋 $138呢一個叉燒飯都唔錯😚但主角叉燒有微微韌，肥瘦平均，肉質入口未完全夠腍偏有咬口，水波蛋整開之後用蛋汁撈飯聽落就覺得好正🤤今個餐都配有餐湯餐包同埋沙律飲品都真係幾抵食🤟🏻🤟🏻========================芝士汁海鮮焗德國農夫包 $148放上枱超吸引左我哋嘅注目，中間放咗滿滿嘅海鮮🤩🤩青口大蝦蚬肉大蝦咩都齊🥖農夫包微微脆卜卜，但係個人覺得可以再更加香脆，底下因為有少少多汁而冧咗，不過都可以理解🤓芝士汁creamy得嚟唔會太膩點包食好啱key✨😚========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 當下 (北角)北角和富道126號地舖===============

“當下PRESENT” 這間餐廳個名改得真好，活在當下這4個字聽起來很簡單，但是做起來卻十分不容易。而在今年的環境底下經營食肆就更為難上加難。而這北角分店更仲推行待用餐卷，幫助一些有需要的市民，免費享用佢地的餐食，這點真的令人好鼓舞。而我們2人一入到餐廳，店員都好細心咁幫我地量度體溫同拎埋搓手液比我地使用，這點溫馨動作無疑令到所有店內食客都更安心，值得一讚。我地今晚為左”當下”這點熱心，就決定黎幫襯一下。今晚點左精選晚餐A ~ 炭燒蜜汁頂級黑毛豬叉燒飯配水波蛋，B ~ 芝士汁海鮮焗德國農夫包。而主菜上之前例牌係有一餐湯和沙律的，是日餐湯是蘑菇濃湯，濃濃的蘑菇味，絕對不是罐頭湯的質素。芝士汁海鮮焗德國農夫包好大個，真係令我地好驚訝！農夫包入面係香濃既芝士汁，而在芝士汁當中就有好多海鮮，當中見到好多蝦、好多青口和好多蜆在內，入面啲芝士汁超正，用黎點包食一流；仲有伴碟的薯菜，蘆筍和薯條都好香脆。炭燒蜜汁頂級黑毛豬叉燒飯配水波蛋就賣相已經一絕，飯係用咗意大利飯，黑毛豬叉燒嘅份量就相當多，入口即溶，完全係用一個字可以形容 – 正！

今日我約左朋友黎北角食好野。平時返工都好少黎北角，但自從開左北角匯同海濱公園之後，連帶附近都有越黎越多好野食。今次就黎到北角站附近既Present食西餐。餐廳係古舊既英式酒吧佈置，燈光昏暗，座位之間隔得好開，坐落寬敞，氣氛十足，平時可以同朋友黎傾下計，飲杯咖啡、食d小食，優閒咁過一個下午都唔錯。今次我就同朋友黎食晚餐，估唔到都有驚喜。我地今次就叫左個set dinner($168) 同一個香烤汁燒豬肋骨($98)。Set dinner 包左一個湯、蒜蓉包同少少既沙律。個湯係蕃茄湯，蕃茄味非常濃，酸甜度適中，非常醒胃。而蒜蓉包亦十分香脆脆口，絕對係新鮮整既。Set dinner既主菜我地就叫左紅酒燴牛面肉飯。牛面肉估計係用慢煮既方法烹煮，入口即溶，又留有陣陣既肉汁同牛味，食完d牛味係口腔內停留好一陣子，令人回味。至於d飯亦都係採用意大利飯，較細粒同有咬口，粒粒分明，就算同紅酒汁一齊食都唔會太淋。豬肋骨亦係另一驚喜。豬肋骨燒得剛好，食落口留有肉汁，唔會太乾。重點在於肋骨上面既bbq醬，厚厚一層鋪係上面，味道適中，又為豬肋骨加上水份，配合剛好。同碟亦有配上薯條，薯條係用新鮮薯仔整既，薯仔味十

上網見到呢一間餐廳，佢都好熱心幫助一啲有需要嘅市民，免費請佢地食飯。因為我覺得好有意義，所以都嚟幫襯左！入到餐廳好彩都唔使等位，侍應都好貼心咁幫我地量體溫同埋提供搓手液。我哋嗌左每人一個set大概都係$100左右，包括餐湯、沙律、蒜蓉包、飲品。呢個黑毛豬叉燒飯，同其他燒味飯實在差天共地！佢嘅飯係用咗意大利米，所以食落去好有口感，黑毛豬嘅份量都好多，完全係色香味俱全！呢個芝士汁海鮮焗德國農夫包，食落去真係好驚喜！入邊有至少七八隻青口，好多蜆同埋蝦之外，入面啲芝士汁有好濃郁嘅海鮮味，我同朋友兩個人連個包都食埋，又唔會覺得好膩。

首先我個人好喜歡活在當下，所以好鍾意呢間餐廳個名😉餐廳環境好舒適，一看餐牌，晚餐主菜和飯麵都有6折，好抵呀！.忌廉汁青口意大利飯 $118忌廉汁好濃郁，意大利飯生熟度剛剛好，有幾條炒香了的蘆筍，令人不會覺得膩。.澳洲肉眼牛扒 $197🥩油脂很夠肉質好軟腍！生熟度都剛好，配菜也很豐富，有我最愛的薯角、燒翠玉瓜。.還點了兩杯啤酒 只需加 $48~ 以這種格調這種質素，2個人400多有很飽的晚餐連酒好抵呀😍

_<當下Present >除左要做應該的事🗳當然唔少得享受下weekend美好時光同心愛的人🤣🤣👫甘巧合去咗呢間<當下Present > 食lunch🐟日式汁燒原條鰻魚飯set $98條鰻魚好大條好多肉食完好飽🤭🤭🤭都幾好味🐷烤西班牙黑毛豬扒伴薯角$108烤得幾好味個豬扒又唔老而且都幾大塊😍😍幾正Overall 餐廳環境唔錯 ,食物質素都唔錯，weekend lunch Cp值高❤️❤️❤️❤️❤️

以前曾經食過一次晚餐印象不錯,今次試下lunch來, 知道在網上book位有9折book了1:30, 早到15分鐘都俾我早d入去我叫了個肉眼扒(6成熟), 幫遲來的友人叫了個魚柳漢堡點知落完order等我朋友到(差不多15分鐘)先話沒有魚柳漢堡了友人就改叫肉眼扒 (7成熟)然後等左大半個鐘......終於等到的肉眼扒 超!級!無!敵! 韌!!!好厚！超級難切!!!食落口超難咬!!食完落order叫了2杯咖啡個waitress放低杯咖啡後唔收返我地2個碟張枱已經特別細過人但佢繼續抹其他枱(但根本冇客人了)總括來講是一次不愉快的用餐經驗, 完。

聽講北角匯開左，便過來行行一田☺️順便試試附近的美食-上網搜尋便找到這一間設計充滿特色的餐廳酒吧，設計好像MTV裏面就會見到的餐廳🍴每一個餐都會包括餐湯沙律和蒜蓉包值得推介的是集菌黑松露手打闊條麵，看上去看似平平無奇，但是手打麵非常彈牙，充滿驚喜，而且份量對一個女孩來說相當足夠😌但黑松露味相對欠缺。再來叫了一個和牛漢堡扒漢堡配薯角。份量相對少和牛扒的味道也不是很出，好像沒有落鹽😌，我本來已吃得比較健康清淡健康，但覺得它的味道還是比較比一般的漢堡淡。麵包是新鮮的，薯角非常香脆可口🥳餐飲還有點了一杯Cappuccino😚咖啡豆味香濃不錯👌🏼

真係離哂大譜！我地4個大人兩個小朋友加一個手抱bb加埋叫左起碼6-7樣主菜埋單差不多1500元，張單裡面收左我地兩位兩歲小朋友各人40大元係用兒童餐具既收費！其實80蚊好小事，但完全唔講清楚在先，隨便亂收費，真係十分唔老實好過去搶，加上服務態度十分一般！實在兒童不宜！以後都唔會再幫襯問過哂身邊朋友都冇聽過原來兒童餐具要收費，咁不如直接比我地買成套走啦，一係索性唔好招待小孩，或者加3-40%服務費，但一定要清楚指明收費囉，唔係隨便亂咁收！

1 點前入鋪頭，環境幾舒服，當時只有一台客（5人），1 點左右落哂單，1 點15 分黎左個湯同沙津。餐湯偏稀。沙津正常。但可惜主菜黎得好慢。餐包好薄身。厚少少都可以頂住先，等個主菜。餐飲都有唔少選擇，可以揀果汁(橙汁，蘋果汁及有片檸檬既紅苺汁），但可惜menu 上既伯爵茶冇左。期間同同事言談中都有提及趕時間。1點30 到 職員可能聽到我地講緊d lunch 好耐。佢就走埋黎講左句：「我想講呢，你地要等嫁」，「唔好意思」都冇句。呢下真係扣哂分。真係好符合鋪頁名 — 「Present 當下」。1 點45 分先開始有餐出。另一位職員先講返講「唔好意思，等咁耐」。主菜食物質素幾好，魚柳漢堡既魚柳熱辣辣，肉質香脆，應該係即叫即炸，但等候時間真係太耐，炸粉亦唔會快餐店咁好厚身，岩岩好。安格斯肉眼牛排，order 左7 成熟，肉質尚算夠緊實，但肉味就比較淡，而且係咁多個餐入面最遲上菜，2 點鬆d先有。****應該提醒客人 每個餐起碼等40分鐘**** 真係唔係個個打工仔可能活在當下，lunch hour 慢慢個餐。如果有充裕時間都可以活在當下。

好姊妹生日， 她帶我到當下食午餐。 餐廳位於北角， 一入到餐廳內，就快快點了兩款午餐， 澳洲M3和牛漢堡伴薯角$98和 炭燒西班牙黑毛豬伴飯$108。飲品方面： 一杯跟餐美式咖啡和 玫瑰鮮奶咖啡（ 跟餐價$23）。是日餐湯 ～ 南瓜湯， 味道偏酸， 上枱的時候溫度已經唔熱。沙律～ 乾哽沙律菜，沒有沙律醬或橄欖油。蒜蓉包～ 質感非常硬， 凍冰冰的沒有蒜蓉味。澳洲M3和牛漢堡伴薯角～ 漢堡包皮非常硬身，感覺是微波爐overcooked 了， M3和牛沒有牛味， 薯角反而比較好， 起碼味道正常。炭燒西班牙黑毛豬伴飯～ 落單的時候店員問我們要不要八成熟，她說會比較軟熟， 我們就聽她的八成熟吧！ 點知出來的時候是全熟， 完全沒有辦法切開， 用了我九牛二虎之力才把西班牙黑毛豬切好， 說好的八成熟呢？ 加上醬汁味道普通， 完全失望！美式咖啡～ 味道正常。玫瑰鮮奶咖啡～ 有玫瑰花味， 奶味重。整體而言第一次來感覺有點失望， 兩款食物質素都麻麻地， 絕對不值這個價錢， 希望餐廳可以改善食物質素吧！