番茄18

营业中

休息中

今日同屋企人去咗荃灣廣場行街，行到肚餓諗住喺荃灣廣場搵間餐廳食飯，但又無一間想入去食。一向都知道大壩街有好多唔同類型嘅餐廳，發現一間餐廳「蕃茄18」內部嘅裝修很懷舊，再睇睇餐牌又幾吸引，於是就入咗去食啦。下午茶餐真係好抵食，分量又多。瑞士汁雞髀（另加＄3)配沙律 $43朋友仔覺得瑞士雞髀紋得很入味很濃，唔會紋得好老，剛剛好。但係小編就覺得稍為咸了少少。蕃茄通粉配炸豬扒 $55很濃味既蕃茄湯，蛋煮得很嫩滑又香。炸豬扒夠大件抵食，炸得很脆口，雞件肉質嫩滑，多汁。朋友推介食招牌木碎花生多士 $30真係冇介紹錯，相信喜歡食花生醬既你一定中意食。花生碎、煉奶和花生醬都超級多，真係好邪惡好好食。焗肉醬熱狗 $38本來以為焗熱狗會令到麵包很硬，完全相反。麵包焗得很鬆化很脆口，大大件，好抵食。+$12紅豆奶茶/ 新鮮菠蘿冰

呢間餐廳主打蕃茄湯底同埋滷水雞脾雞翼，但係今次就無試到呢兩個招牌菜。我哋兩個人要咗口水雞半隻，一個胡椒豬肚雞米線，一份鹹牛肉蔥花炒蛋三文治，同埋一份上湯浸娃娃菜。首先想講吓佢個口水雞，非常之嫩滑，啲骨仲有少少紅色，浸雞嘅時間啱啱好，就連雞胸肉都好滑，口水雞嘅醬汁都唔錯，唔會好辣，上邊除咗花生配料，仲加咗少少粟米脆筒嘅零食，好搞笑。胡椒豬肚雞米線嘅胡椒豬肚湯都唔錯，胡椒味幾濃，冬天食就最啱，食完暖笠笠。鹹牛肉蔥花炒蛋三文治個炒蛋唔算細份，有一定嘅厚度，生熟度都拿捏得都唔錯，如果個麵包可以焗得脆少少就更加好啦。

荃灣大壩街岀名就係多餐廳，最適合喺附近睇完電影或者喺附近荃灣廣場行街後過來醫肚。今次就試「蕃茄18」，聽個名就知岀名食蕃茄啦。今次我叫左一個番茄湯牛乳炒蛋通粉，配麻辣豬扒+$8 追加大汗雞扒。蕃茄湯底味道濃，蛋煮得很香很滑。豬扒同雞扒超大件抵食，我較喜歡大汗雞扒，因為佢冇咁辣，雞件肉質嫩滑，多汁。見到好多人都叫佢嘅瑞士雞髀，所以另外叫左招牌瑞士雞脾（另加＄3)配粟米什果沙律 $39，雞髀紋得很入味很濃，雞脾唔會紋得好老，剛剛好。沙律入邊有好多生果，好清新。值得推介：招牌木碎花生多士 $25喜歡食花生醬既你，一定一定一定要叫，花生碎超級多，多煉奶，多花生醬，真係好滿足好邪惡。而且多士香脆，夠晒開胃。炸薯角 $26薯角份量多，很香很脆。飲品是港式傳統飲品， 十分有特色。

得門口嗰個侍應有禮貌😪入到去個女侍應落單覆錯單，仲要惡返我轉頭話: 咪係鮮牛通囉！我話我係要雞扒通加鮮牛肉喎～（聽到佢咁嘅語氣已經唔想用有禮貌對佢) 之後佢堅持話咪係鮮牛通囉！ 我真係好無奈。諗住入去食蕃茄湯底，一定唔會衰得去邊，點知令我勁失望，通粉硬既，湯底甜到唔知乜味，鮮牛冇一塊咬到，雞扒普通。我食晒塊雞扒就走左。

點了$48 下午茶，即磨咖啡ok(上次order的奶茶好飲些)，蕃茄湯麻辣雞絲米線，茄湯味道可以，但麻辣雞絲，用滷水雞髀切碎，味道比較奇特，蕃茄酸、麻辣麻、滷水甜，好多雞皮，失望之作！

公司係附近 諗住近近的食個早餐 都唔係第一次幫襯了 但係肥肥的男店員在幫襯咁多次以來一直態度惡劣。今日同朋友朝早幫襯早餐，繁忙時段混亂都可以理解，搭台，開單同送餐一直同隔鄰分檯搞亂送錯 仲要幫我地落漏單 趕著返工催單先發現 呢位男店員就“掉低”新入張單落我地檯面 我以為佢走左 但原來佢想挪走舊單但企係我後面粒聲唔出，當時我背對著並無反應到佢想挪張舊單，而我部電話正係張單面上 男店員就黑曬口面大聲呵斥道‘我要挪走啊’ 便直接抽走張單 令我部電話啪落檯😇其實大可以講一句 唔好意思或者借借 講返你要挪張舊單走 粒聲唔出係人發脾氣後面大聲呵係咩事？開口講嘢好難嗎？最後找錢時亦是這位男店員，佢將找比我地既紙幣同硬幣掉係檯面要我地自己執Any way，幫襯咁多次食物質素都算可以😊不過作為街坊都唔會再想幫襯下一次。某啲店員服務態度非常需要改善，特別是這位肥仔男店員（成個樓面得呢一位）

呢條街係荃灣另一條出名嘅食街，行完荃灣廣場過嚟呢度食嘢最啱！✨花膠雞湯米線嚟到嘅時候都比嗰個份量嚇親！有超級多花膠，而且啲花膠都好軟林林！雞湯好足料好creamy! 而且啲雞件幾滑🤟🏻🤟🏻🤟🏻🤟🏻👍👍👍✨ 招牌番茄麵配吉列豬扒、牛乳炒蛋、自家製叉燒蕃茄味真係超濃郁！而且我哋配公仔麵都超級掛湯！自家製叉燒肥瘦均勻！牛乳炒蛋好滑好creamy!而且擺盤都好用心🤟🏻🤟🏻🤟🏻🤟🏻吉列豬扒吉列豬扒超級厚，而且豬扒好juicy超級鬆軟！吉列炸粉好薄！而且炸粉好crunchy!!!!!!✨瑞士雞翼瑞士雞翼係呢間餐廳最出名嘅食物之一！$38係有三隻雞全翼，都幾抵食！而且係超級濃味！果然係必食！瑞士汁啲顏色係深啡色！夠晒深色！而且雞翼夠晒肉汁🤟🏻🤟🏻🤟🏻🤟🏻飲品✨我哋揀咗檸檬蜜同奶茶！奶茶都有比較濃郁嘅茶味！幾好飲👍

見同事話新開左呢間。。於是去試下😁😁見入面設計都幾有特色同心思。。。加上同事之前去試過話唔錯。。佢地都推介花膠雞湯米線～ 同蕃茄濃湯米線～仲有胡椒豬肚雞湯米線都係同事推介的😋😋.最後我揀了。。。蕃茄濃湯系列。。蕃茄濃湯牛肉米線🍅🐮🍜好味道：⭐️⭐️⭐️⭐️蕃茄濃湯底做得好好。。味道完全唔會假～ 配上米線，正😋😋👍🏻🍅🍅跟餐有多士 + 炒蛋。。炒蛋都幾香+滑😋👍🏻因為唔係每間餐廳的炒蛋都好味🙈再加 凍檸茶。。少冰～反而佢地ge凍檸茶味道麻麻。。茶味好似差咁d 🤔🤔.招牌雞扒拼煎雙蛋飯🐓🍳🍳好大碟呀。。而且望落去好邪惡，好正～ 好大塊雞扒😁😁👍🏻見同事話好味道～ 應該都唔差ge😁😋.胡椒豬肚雞湯米線同事裝左少少比我試。。味道唔錯wo~ 本身對胡椒豬肚湯呢d 不感興趣的，都覺得呢個唔錯～有機會下次再試埋其他先

6-12-2021 (Mon)同老公請假送完膠,行去荃灣廣場借用廁所,之後諗食咩嘢,由於我只有少少餓,但老公要食,所以最好食碗粉吧.咁呢條街都多嘢食,行嚟睇,見到呢間以舊式街邊招牌做裝修嘅新嘢,於是試吓.睇完menu後,老公要$50.00嘅午餐A,招牌厚切豬扒煎雙蛋飯配秘製香蔥豉油汁,要熱檸水.我要$43.00嘅豬骨濃湯米線,配牛乳炒蛋粟米豬肉餃,但侍應話冇粟米豬肉餃,轉菠菜餃ok嗎?咁好啦.熱檸水到嚟,睇見佢哋個杯都要特別印有佢哋嘅名.之後招牌厚切豬扒煎雙蛋飯配秘製香蔥豉油汁到嚟,我嗅到好勁豉油味,同睇見其中一隻係全熟.然後到我嘅豬骨濃湯米線,配牛乳炒蛋菠菜餃.牛乳炒蛋係夠嫩滑;米線ok冇問題;唔多似豬骨濃湯,已經唔算濃,重要係似雞湯多啲;菠菜餃有4粒,SIZE正常但冇乜味.味道:2.88分之後我問老公嗰份點?佢答填飽個肚.我試吓豬扒,好鬆軟唔乾,落鬆肉粉實冇問題,而我試咗一啖飯,覺得冇咩嘢,不過老公話好鹹,其實都睇見佢嘅豉油係落好多.煎蛋一隻全熟,另一隻都九成熟,佢係失望囉,因為o衣o家香港人都鍾意食半生熟蛋㗎喇.味道:1分服務就唔差嘅.抵食係 2.5 分

《蕃茄18》荃灣西一睇餐牌就知道係樓下冰室出品，新舖光猛闊落，裝修沿用大窩口既路線😄感覺新派同衞生，今日先試下佢既早餐＜沙爹牛肉麵配炒蛋、牛油多士＞牛肉份量偏多而且不會無口感，沙爹味夠濃但無花生味，而麵底係出前一丁😙質素中上，炒蛋夠滑身，多士發揮正常＜义燒蕃茄湯通粉配炒蛋、牛油多士＞义燒份量多，有5-6件但味道不太好，口感似膠所以不推薦，佢可以改配午餐肉😶炒蛋夠滑身，多士發揮正常整體不過不失，對荃灣茶記早餐黎講多只係多一個選擇😉唯獨有即磨咖啡加返分

見荃灣新開左間出名食蕃茄嘅餐廳作為蕃茄控嘅我梗係要試吓啦一入到去裝修係幾得意用咗舊式香港做主題不過啲位就有啲迫起初仲俾咗張枱搖搖噏噏嘅俾我哋即刻要求轉檯 好彩咁岩隔離走打開餐牌 選擇數量一般咁我梗係叫個蕃茄餐啦個米線真係好夠味 亦都好多蕃茄炒蛋亦都好多 金黃色 有蛋香真材實料瑞士雞翼方面就不過不失都算幾大隻啦不過咁就盛惠$55飲品係另外加錢半價都要$11 你冇睇錯 係加$11先有杯凍檸茶 喊出嚟屋企人仲叫咗個胡椒豬肚湯米線不過同圖片就爭得遠餐牌上面啲雞靚好多嚟到變咗雞粒🤷🏻‍♀️不過都幾好味嘅 唔會一味得個咸或者辣味總結食物係好味 不過有啲唔抵都係新屎坑試吓

身為蕃茄愛好者🍅既我，一聽聞荃灣有一間餐廳既蕃茄湯麵好正之後梗係要9秒9衝去😂下午茶時段去都要等5分鐘左右先有位🙆🏻‍♀️店內裝修都係以舊式香港為主👍🏻今次叫左午餐set，包左自選粉麵🍜、炒蛋🍳、多士🍞同熱飲☕️，當然選左蕃茄湯底，配料選擇唔多，我就選左叉燒（配料可選叉燒/牛肉/午餐肉），麵底就選左米線🍜。 蕃茄湯底確實係濃郁既，仲有蕃茄粒係裏面，個人黎講係覺得吾錯既👍🏻但叉燒就比較少啦，只有大約幾塊左右，味道較為普通，同出邊茶餐廳差唔多。但值得一讚係佢個牛乳炒蛋🍳真係好香蛋味同好滑👍🏻👍🏻

今日去了一間蕃茄主題的冰室，可惜我與友人都沒有選蕃茄食物，選了午餐時段四川麻醬厚切豬扒飯$55、招牌瑞士雞脾撈丁配牛乳炒蛋及丹麥多士$60、麻辣手撕雞米線$52。當然凍飲加$3。四川麻醬豬扒上面有辣粉不太吃辣的，可以自己減去辣粉，豬扒下面便是炸醬，炸醬煮得夠腍及香口，沒有辣的，所以不會辣上加辣恰到好處，豬扒也是厚切口感鬆軟。相反，朋友吃的瑞士汁雞髀就略嫌失色，口感較硬及柴口。另外，撈丁有葱油與瑞士汁不太夾了。麻辣手撕雞，不過不失麵量也不少，但是不算太有特色。

叫左一碗米線，一個西多士餐，一個雞翼+薯王餐外賣麻辣米線係硬既…（除咗個湯幾香）西多d 油係熱到熔膠盒….雞翼未熟透……外賣無配牛油，無配糖….奶茶d 茶係澀，杏霜係淡….即係無樣好……試一次都好失策……係絕對無下次….😒😒😒😒😒

行過見新開左呢間蕃茄18，就膽粗粗入去試下叫左個$55 炒蛋蕃茄通粉+瑞士汁雞脾，竟然飲品係要半價，最後凍檸茶要+$11，真係唔便宜味道一般，不過不失，但你問我會唔會再用$66食呢個餐，我會肯定地答唔會😂