番茄師兄

营业中

休息中

上次去了番茄師兄深水埗店，回味無窮，聽網民說新開灣仔店，專程去支持一下。上午睇完忙碌門診，遲了吃午餐，下午茶時段才到達，不用等位。店員很友善，也有禮貌。我欣賞番茄師兄的餐牌，很環保，餐牌過膠，用白版筆填。灣仔店的餐牌和深水埗店的餐牌有點不同。為了獎勵自己，叫了最貴的鮮牛面頰 $78。果然一分錢一分貨，牛面頰好軟、好好味呀。蕃茄湯有真蕃茄，好蕃茄味，好味。烏冬，入味。我好想加烏冬、加底。蜂蜜冷泡茶，只需要加$6，自家制，用玻璃樽，可回收，我鍾意。總評味道：好味，蕃茄湯有真番茄，好番茄味；環境：灣仔特色小店；服務：服務好，上菜快；衛生：可以；價錢：性價比高。下次有機會，去其第三間店元朗，試下有無分別。

星期五晚8點左右諗住去買外賣, 入到去見到位收銀姐姐坐咗喺堂食位度講電話. 買完比咗錢, 厨房先話無果樣, 唔好意思都無句. 當時一個客都無, 咁嘅時勢都仲咁服務態度, 好嘢！

番茄師兄最出名一定係佢哋個番茄濃湯🍅💛 不過灣仔分店唔止有番茄濃湯，仲有粟米芝士忌廉湯，同埋三重芝士焗飯，同埋仲有唔少新嘅配料/小食～上個月去開灣仔嘅時候，就試咗幾款喺深水埗總店無食過嘅😋 遲下疫情無咁嚴重，就去試埋元朗分店先😆 呢排多咗留喺屋企食晚餐，大家可以支持下番茄師兄嘅外賣茄邊團🍲 或者多多支持下其他良心小店嘅外賣呀💛•🥢 騸牯鮮牛面頰三重芝士焗飯 (配招牌番茄汁) $82三重芝士焗飯真係好多芝士，不過好似焗燶咗少少😬好彩食落都無燶味，依然好濃芝士味😋 喺深水埗分店嘅湯麵無得揀牛面頰做餸，只可以另加小食，但灣仔分店竟然有！牛面頰份量好多，非常腍同嫩滑，仲好有牛味！😍🤤招牌番茄汁嘅番茄味唔算好濃，但酸酸甜甜咁好惹味，亦食得出唔係茄膏味～亦都要讚一讚個炒飯底，炒得好乾身香口，仲有好多蛋碎👍🏼•🥢 秘製雞扒粟米芝士忌廉湯飯 $48 (炒滑蛋 另+$5)秘製雞扒有兩大件，雞皮煎到好脆，而且都醃得幾入味，但食到最尾一啖嘅時候略嫌有少少雪味😬 粟米芝士忌廉湯又係灣仔店獨有🤤 真係非常之creamy同cheeeeeeeeesy🧀 配湯飯底仲有啲食緊risotto嘅感覺😆 因為啲飯粒唔會煮到太

偶然經過灣仔 見到呢間番茄師兄 之前喺深水埗佢嘅總店 總店就只係得麵食 估唔到灣仔分店有焗飯同蛋包飯揀😮餐廳環境好光猛 座位擺咗兩邊靠牆 坐部都係半卡位 一望牆上嘅霓虹燈 就知係良心小店😮騸牯鮮牛面頰芝士焗飯 芝士蘑菇汁見到喺面焦香嘅芝士覺得佢嘅芝士味會好濃 不過食落又唔係好重芝士味 不過都好嘅 冇咁膩 牛面頰肉質比較散 就咁食就有牛味 但係送飯咁食 牛味就唔係咁出😂香煎豬頸肉芝士焗飯 芝士蘑菇汁呢個焗得過咗火 店員都有問我地介唔介意先擺低嘅 香煎豬頸肉完全係冇煎過 食落口肥膏都比較多 非常唔推薦大家叫豬頸肉🥲秘製豬扒芝士焗飯 招牌番茄汁嚟得呢度就梗係要試吓佢嘅招牌番茄汁 番茄汁都幾啱口味 豬扒都唔會好韌 唔算好特別 水準中規中矩 略嫌番茄汁有啲少🍅香煎牛脷蛋包飯 招牌番茄汁呢個係最推介嘅飯 牛脷有一定嘅厚度同數量 食落又彈牙又有牛味 蛋都炒得好滑 加上蛋同番茄零舍夾😚炸腐皮墨魚蝦條（兩條）唔係好特別 外面會食到嘅味道🤤凍豆漿 熱桂圓紅棗桑寄生兩款飲品都唔係茶餐廳常見嘅 特別係熱桂圓紅棗桑寄生 幾咁養生🍵焗飯要有水準真係唔係咁簡單 呢間餐廳有進步嘅空間 如果真係想試吓食呢間餐廳嘅飯類

⭐️⭐️⭐️⭐️⭐️📍蕃茄師兄 (灣仔)~ 驪牯鮮牛面頰炒滑蛋蕃茄湯烏冬 ($73)~ 驪牯鮮牛肉蕃茄湯通粉 ($48)~ 信陽毛尖蜂蜜冷泡茶 (+$6)~ 豆漿 (+$6)🍴本來已經bookmark 想試好耐，見到佢係灣仔開咗新舖所以即刻去咗食🤩，嗰日仲係試業期間但係lunch hour 都已經有少少人龍，排緊隊嘅時候店員已經畀定menu 可以揀定食咩，好有效率😎為食妹貪食就揀咗驪牯鮮牛面頰蕃茄湯烏冬加炒蛋，朋友仔就叫咗驪牯鮮牛肉蕃茄湯通粉，無加到炒蛋，但係見到我個炒蛋之後朋友仔即刻話後悔無叫到🤣講咗個驪牯鮮牛面頰炒滑蛋蕃茄湯烏冬先，先飲一飲個蕃茄湯先，好濃郁，食得岀真材實料落咗勁多蕃茄，仲有好多蕃茄塊喺旁邊夠哂足料😋，湯頭有少少杰身所以令到啲烏冬好掛湯，烏冬份量多，有彈性又好滑唔會酸，為食妹好怕食到酸嘅烏冬，呢個完全唔會好啱為食妹口味👍🏻👍🏻鮮牛面頰起碼有七八塊，份量唔算少，食落好軟腍入口即化又好有牛味，啲牛面頰一塊塊夾得起唔會散哂，個炒滑蛋真係炒得好滑，唔會好水，超正😍為食妹都試咗朋友仔嘅鮮牛肉，一樣好有牛味，有咬口又無咩筋，唔會腍到似畀鬆肉粉乸完咁，係新鮮牛肉嘅軟滑度，一樣好好食😙飲品叫

叫左個牛肉蕃茄湯 個麵黎到 我見啲牛肉少到咁 真係唔係好夠飽呢間野由深水埗做起又係黃店 如果岩岩開業就偷工減料 好難繼續支持你以下附上29/12/2021同10/2/2022兩個日子食嘅牛肉份量對比圖今次湯多左少少 但唔係藉口希望你地用心做好食物 如果再有一次係咁就唔會再黎

食物唔差，但唔明點解每一次去到都要受氣，尤其是個位戴眼鏡矮矮地既男侍應每一次都會教訓客人1. 填排隊號碼第一次食唔知要自己係門口填號碼拎飛，禮貌地問左個位男侍應有冇位，個位男侍應用左一個好厭煩既態度叫我地自己填先入得，已經要等20幾張枱先入得，仲好似好唔歡迎你排隊咁2. 外賣自取本身打電話外賣自取，去到唔知可以拎得未，見佢有比number我拎，誠意地問個位男侍應而家外賣大概叫到幾多，佢好晦氣咁講「外賣呢就唔係跟number既，要睇下你食乜嘢」然後就走左？你就算做個樣都可以同我講幫我check check拎得未掛 又或者話而家仲未叫到請你等一等，唔需要咁串有一次叫左外賣，見到佢bar枱已經擺左我地個號碼外賣，但見到號碼遲過我地又係一模一樣食物既外賣都可以拎得，咁就問個位女侍應係咪可以拎，佢勁惡好大聲咁對住我地講「外賣唔係跟number呀！」但轉頭已經即刻拎我地個外賣出黎，即係其實一早就預備好，唔問佢就唔會拎出黎？經過上次男侍應既教訓，我地已經唔係問number，今次直頭係見到我地份外賣擺左出黎bar枱，但我地冇得拎3.menu要寫同一張堂食既枱面放左一人一張點餐紙，我地每人填左一張，遞比

呢間番茄湯麵專門店，而家各區港．九．新界都有各一分店，而灣仔呢間，應該過咗「新店大排長龍」階段，所以我嗰日去食午餐，等咗10-15分鐘左右就有位啦😁騸牯鮮牛肉三重芝士焗飯配招牌番茄汁 (HK$62)．#灣仔店限定，所以喺呢度食是常識吧？．拔一匙羹，即見到芝士拉絲😍．可能是配番茄汁底，我覺得飯係比較濕一啲．有多件牛肉和厚厚一層芝士，好足料👌🏻桂圓紅棗桑寄生 (跟飯 +HK$8)．多粒桂圓、紅棗、仲食到有一粒巳去芯嘅蓮子．甜度適中，飲完感覺即行氣和血 (成個人暖哂)及感覺被滋潤🥰灣仔店的餐牌

幾日前去番茄師兄食飯，好耐冇去過深水埗，因為太多人排隊，諗住灣仔呢度行返工，又唔算多人，滿心歡喜坐低試吓，點知就出事。本身想叫米粉，但係冇晒，唯有轉通粉，通粉係超級林，好似比BB食咁，騸牯牛肉啲調味例如胡椒粉好重，食唔到牛肉本來嘅味道。食完之後返屋企好口渴，總括來講對於灣仔分店嘅食物係頗為失望，希望可以改善。

有一間係深水埗出名嘅蕃茄湯麵開分店終於開到嚟港島區啦～位於係灣仔嘅蕃茄師兄鋪頭大約坐到20人，供應源源不絕嘅蕃茄湯，仲可以買蕃茄湯底火鍋自取，之前凍凍地就見好多人買嚟打邊爐介紹番佢先，可以有自選粉麵，肉食，配菜，仲有飯類同埋啲小食可以選擇，食物選擇都多牛脷蕃茄湯菜底薄切香煎嘅牛脷，油香味重，口感好腍同埋韌，加上蕃茄嘅酸甜，解哂啲油膩感，而個湯底有西芹洋蔥等其他蔬菜，唔會淨係得蕃茄味咁單調騸牯牛面頰肉配炒滑蛋佢用騸牯牛嘅關係，肉嘅油份比較重，牛嘅油香味係口腔裡面散發，而炒滑蛋非常濕潤而且有蛋味👍🏻👍🏻付皮墨蝦條呢炸嘅蝦條，外層嘅付皮非常脆而裡面嘅墨魚蝦膠非常彈牙，好香口，而且仲有墨魚同蝦號鮮甜味

12月頭去上堂，中午去咗附近呢間人氣餐廳，佢第一間店係深水埗，專買番茄做湯底嘅粉麵，或者番茄汁底嘅焗飯。12點多去到餐廳，有十幾人在外等位，因為我自己一個人去食，所以好快有位，自己填好餐單，叫待應入單就得。坐位唔多，同隔離枱距離都好近，不過可以接受嘅。番茄湯麵可以轉菜底，係實行低碳飲食嘅我的好選擇。怕菜底唔夠多菜，所以加多碟生菜。餸只係要咗騸牯鮮牛肉，肉味濃，有點韌，下次應該叫牛面頰。番茄湯底食得出新鮮番茄整嘅，冇過甜嘅茄膏味，酸味適中。菜底原來好多菜，其實唔加多碟菜都好夠飽。希望有機會再嚟食。

💛番茄師兄·呢間我想試好耐架啦 不過我好少去深水埗個邊 難得見佢係灣仔開左 我地就做運動之前去左食啦😌😌·秘製豬扒招牌番茄湯通粉$48 (炒滑蛋+$5 椰菜+$5)佢個番茄湯唔係好多番茄蓉個種黎既 飲落清爽啲既 但係都好濃番茄味 之後佢個通粉索曬湯 好正🍅佢個豬扒都幾嫩 而且仲係juicy既 之後佢個滑蛋炒得好滑 唔錯唔錯 好適合早餐食🤤🤤·#rbyeat#rby港式#rby💛#rby灣仔 #rby銅鑼灣 #rby深水埗 #rby元朗·📍灣仔安樂里1號利昌大廈地下低層B號舖📍深水埗基隆街255號地舖📍元朗擊壤路9號金寶大廈地下4號舖

因為總店係深水埗，之前都無去幫襯過，知道灣仔有分店，即刻要過你試下，餐廳位置比較隔涉，晚飯時間要6點鐘先開始有行入坐，排隊都算多人，入到黎即刻叫佢地出名嘅蕃茄湯底嘅雞肉麵，可惜蕃茄湯底冇想像中咁好味，有D失望，希望下次你這時候有改善~

除咗蕃茄湯麵 仲有蛋包飯同芝士焗飯再加埋配料 都相當多選擇 揀到有少少吃力😂騸牯鮮牛面頰 $68牛牛有好濃郁嘅肉味肉質都幾鮮嫩至於招牌蕃茄湯🍅 ummmmmm蕃茄味係出嘅 亦都算濃厚嘅蕃茄湯底但係呢🧐又硬係差少少咁🤏🏻(不過諗咗好耐 都諗唔到差咩唔夠鮮(?)唔夠味(?) 真係諗唔到😂味道唔差嘅 但就係差咁啲炒滑蛋 +$5係炒得好嫩滑嘅蛋蛋唔錯唔錯而估唔到嘅係….麻之一滴加少少已經好香好麻 令成件事更加惹味一碗麵埋單七十幾蚊

蕃茄師兄終於喺港島有分店啦！！分店位於灣仔~~喺地鐵站行六分鐘左右就到啦🤓今次我叫咗一份雞扒蕃茄拉麵，額外再加左一份蘑菇同芝士😋 蕃茄師兄嘅蕃茄湯底永遠都唔揸流攤！好濃郁嘅蕃茄香味配埋芝士簡直係一流呀🤤 個雞扒仲煎過嚟添，抵食👍🏻👍🏻 私心推薦，可以加 “麻之一滴”，令個湯底有少麻辣嘅味道🥰提升左湯底嘅味道呢間分店同深水埗嘅唔同，粉麵可以轉烏冬、通粉、米粉，有好多選擇👏🏻大家要多多支持新分店呀！