番茄師兄

营业中

休息中

都說深水埗多平民美食，名店「合益泰小食」的腸粉、「新香園堅記」的蛋牛治和豬手麵、「公和」的豆類食品、飲品早已享負盛名，新加入人氣店舖行列的就有「蘇媽蘇媽馬來西亞茶餐室」的南洋美食和「文記車仔麵」的車仔麵，已先後成為顧客趨之若鶩的人龍名店，而就在「蘇媽蘇媽」舖位旁邊附近，也開了另一間堪稱為美食後起之秀的「番茄師兄」。我曾先後兩次到訪，吃了店中不少食品，都覺得水準不俗，值得推介。看店中電視機播放的餐廳廣告宣傳片，得知這餐廳的老闆曾在金融界工作，因為一次患病，病癒後才把心一橫，開了這間餐廳，以由騸牯牛腩、牛頸骨、鮮雞和大量新鮮番茄、蔬菜長時間熬成的鮮牛蕃茄濃湯為賣點，希望在飲食界闖出一番新天地。這晚光顧時，老闆也在這間以紅、橙、黃等溫暖色調為店中主色的餐廳裡親力親為招呼客人，友善有禮的老闆和服務態度甚佳的員工，讓我對這餐廳增添不少好感。先來兩瓶師兄凍飲，兩瓶特色飲品「檸檬雪梨露」（$18）和「信陽毛尖蜂蜜冷泡茶」（$18）都以印有番茄師兄字樣的高身塑膠瓶子盛載。老婆仔的「信陽毛尖蜂蜜冷泡茶」入口淡淡的，蜂蜜味道微弱，雖然都能解渴，但我就喜歡味道較出，飲品內有細細粒雪梨肉在裡面增加口感，微微帶

就係路過見到幾吸引就排下隊一排就排了30分鐘可以接受的，因為預左的⋯希望有意外驚喜🥳到我了入去試下先😋都算唔係等得太耐😆入到去OK嘅光線充足🤩但係冇乜冷氣🤦🏻‍♀️當日系星期日原來假期無餐既要單叫仲有飲品要正價的😜叫咗一個番茄牛肉麵😚牛肉好林好香😚麵林了😢唉⋯不是我喜歡的口感🤦🏻‍♀️蕃茄湯底普通無特別喔😢而且不夠熱😅服務態度不好的😒食物太普通不太吸引不打算再去喔😒

等左好人陣先入到去食可以因為有點夜嘅關係，有部份嘢都已經冇咗，例如一貝子同拉麵老闆好好人介紹咗唔同嘅嘢食俾我哋最後我哋叫咗犇犇有禮，慢煮豬頸肉同滷水雞翼我番茄湯做得非常出色，口感傑身，好食到好多蕃茄肉另外我再加左芝士同粟米係個番茄湯麵入邊，增加左湯嘅鮮甜味同更加濃郁至於慢煮嘅食物，亦都非常出色尤其係豬頸肉個汁，配上沙嗲汁亦都係非常新鮮嘅配搭，比一般嘅沙嗲汁偏辣，食落去非常過癮整體來講，呢間餐廳食物嘅質素都偏高另外佢仲有好多涼茶嘅飲品，下次再嚟過試過

又係時候講下深水埗嘅美食啦因為深水埗真係好多嘢食好食得嚟又抵😉😉而今次試呢間叫蕃茄師兄——————————————我地嗌左犇犇有禮（$78），豚豚圓圓（$58），滑一滑（$48），70度慢煮麻香瑞士汁雞中翼（$28）同埋鮮炸魚片頭（$24）而且我哋每一個番茄濃湯麵都有加芝士（$5）而每一款蕃茄濃湯麵都可以揀要邊種面底，分別有烏冬、上海麵、米線同埋日式拉麵四款揀犇犇有禮係包含左新鮮牛面頰、牛坑腩和崩沙腩嘅蕃茄濃湯麵，肉質好肥美多汁，唔會係鞋烚烚嘅味道，而且牛面頰肉肉質好嫰滑，亦帶有啫喱膠原，好咬口。牛坑腩同崩沙腩亦燜得好軟熟，筋腱又爽口，牛肉味都好濃郁。豚豚圓圓有新鮮豬腩肉同埋新鮮豬頸肉，肉質唔會太肥膩，好彈牙❤️❤️，鍾意食豬嘅人一定要嗌呢個滑一滑就有炒滑蛋同埋新鮮騸牯滑牛，最抵食之選，亦都有唔同口感😋😋配埋鮮甜嘅蕃茄湯亦有另一番滋味必試嘅70度慢煮麻辣瑞士汁雞中翼，連我呢種唔鍾意辣嘅人都覺得好好食，入口首先會食到小小甜味，之後就有微微麻辣嘅味道🌶️咬落去超juicy又超級入味鮮炸魚片頭勁新鮮，食得出係啱啱炸起，佢嗰個熱度同埋軟硬度都好夾，外皮香脆裡面非常彈牙總括而言，下次要試埋其他款式💕💕

放工黎到，平日730黎到，排隊排左大概30分鐘，都真係幾多人，不過門口侍應好好禮貌，等都等得好開心故名思義，哩度主要係食蕃茄麵，另外仲有唔同嘅特色小食同炸物，仲有特製嘅飲品，而且真係幾抵食！絕無hard sell先黎一杯熱嘅檸檬雪梨露，飲落仲有啲雪梨蓉，好有口感，仲要有陣好香嘅檸檬味慢煮沙嗲醬豬腩肉煮得好軟熟，沙嗲醬微微辣，好香哩度嘅秘製豬扒真係好大塊！好香又一啲都唔韌，唔痴牙滑蛋加$5就有咁多，真心滑又香加埋蕃茄湯，好濃，一啲都唔稀，最後真係成碗湯都喝晒嗌左拉麵底，份量都夠哂多，煙煙韌韌，唔鐘意食太爽嘅麵嘅我，淋淋地真係好正佢嗌左叫犇犇有禮嘅牛肉麵，有牛面頰，牛坑腩，崩沙腩，啲腩肉炆得好淋，真心好味2個人嗌左一人一碗麵，仲嗌左小食，仲有嘢飲都係200都唔洗好抵呀！

下午茶時間黎，唔多人，坐得都幾舒服，諗左好耐決定要犇犇有禮同鮮氣逼人，其實仲有好多野都好吸引，不過兩個人戰鬥力有限😂😂，兩碗麵都有飲品送，如果想拎走個玻璃樽就加5蚊.

有次食蘇媽蘇媽時，發現隔離呢間番茄🍅師兄的菜單好吸引喎！即刻記在心中，搵日要試下先得！呢日終於有機會來試啦深水埗區周圍比較雜亂，番加師兄門面企理，入面都乾乾淨淨，坐底頓時覺得同出面有個對比。午餐時間，未見大排長龍。麵底有多種選擇：上海麵/米線/日式拉麵/烏冬今日點左田園風味番茄濃湯⬇️36蚊的份量都唔細，有雞髀菇、有番茄件、有椰菜、有粟米。最緊要係個湯底無得輸，勁多番茄蓉呀一粒粒每啖都充滿住番茄肉加埋個滑蛋未熟晒的蛋漿流入埋湯底，正唯一係個28蚊的菜的份量真係少到喊夾埋都無十條，但味道係唔錯嘅！

個人頗喜歡濃郁的蕃茄湯底，而番茄師兄的蕃茄湯底真的令我感到驚喜！犇犇有禮 $78牛面頰、牛坑腩、崩沙腩，配烏冬！所有牛肉的肉質嫩滑，牛味非常濃郁，十分高質，非常美味，超讚！湯底有大量蕃茄蓉，還有新鮮蕃茄，蕃茄味濃郁，酸酸甜甜，清新開胃！另外湯底較為厚身，所以湯底可以掛上每一條烏冬，每一口都可品嚐到湯底的精華！ 一貝子米線$68帶子煎得外層焦香，內裏嫩滑！花甲肉質肥美飽滿，鮮甜美味，最重要沒有沙！ 日式拉麵有彈牙咬口，和蕃茄湯好夾！鮮炸紫菜墨魚丸 $24墨魚丸爽口彈牙，裏面有不少紫菜，鮮味倍增！鮮炸腐皮墨魚蝦條$24外層腐皮炸至微脆，墨魚條有不少原粒蝦仁，真材實料！慢煮麻香瑞士汁豬腩肉 $28豬腩肉充滿油香，加上瑞士汁的甜味，很邪惡！沙嗲牛柏葉 $28牛柏葉份量多之餘，辣辣地，又有沙嗲香，好惹味！檸檬雪梨露 $18雪梨的清甜中帶少許檸檬香味，甜度適中，還有些雪梨蓉，感覺清新滋潤！亞答子柚子茶 $18

今日經過深水埗，原本想食蘇媽，但實在係太多人排隊，放棄了。見隔離番茄師兄門面介紹番茄湯麵餐牌唔錯，裡面亦坐滿人頭，就決定入去食。服務員安排周到，等了5分鐘左右就入座。檯面招紙介紹了"犇犇有禮" "一貝子"，見名字及配料都幾特別，就點了這兩個並配拉麵。先介紹犇犇有禮，這碗麵都幾特別，以番茄作湯底不會過濃/過淡影響牛肉味，味道很適中亦感覺新鮮健康，然後牛肉用上了三種包括牛面頰+牛坑腩+崩沙腩，全部夠入味而且嫩度適中，份量亦很大碗，對牛肉控來說會感覺非常滿足。女友就選擇了一貝子，用料有大大隻的大花蜆及北海道剌身級帶子，兩種配料都極鮮甜，剌身級帶子極厚完全沒有過火，真的有厚剌身的感覺。食到一半途中，還聽到一貝子已經售完，那時只是晚上八點，真的很跨張。個人比較大食，還叫了慢煮麻香瑞士汁豬腩肉及沙嗲牛柏葉做小食和炸紫菜墨魚丸及炸腐皮墨魚蝦條等。豬腩肉極大碟亦很入味，絕對對得起價錢，牛柏葉大份之餘沙嗲味很香，兩款炸物以墨魚作食材很鮮甜，作為前菜小食絕對一流。最後配上番茄師兄自家出品的蜂蜜雪梨露(凍)，感覺很清甜潤喉很健康，而且裡面好足料，極多雪梨肉，一試難忘。食完上述咁多食物，兩人都只係$280幾，

近來深水埗多左好多排隊嘅選擇，哩間番茄師兄之前都睇到好多推介，今次決定試下。回頭率：🌕🌕🌗🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌕🌑味道：🌕🌕🌕🌑🌑價錢：HKD67/pal◆Summary◇番茄湯真係好味；飲品真材實料；其餘好普通。◆滑一滑◇HKD48炒滑蛋加騸牯牛，揀左拉麵。番茄湯👉🏻濃稠，酸中帶甜，好香番茄味，而唔係單純靠茄膏煮出來的酸滑蛋👉🏻滑，蛋味濃，不過冇牛油/奶味騸牯牛👉🏻都幾腍幾滑，有肉香，不過冇咩驚喜拉麵👉🏻係太麵，雖然都彈牙，但係硬係覺得太腍，一言難盡嘅感覺，唔算好中意兩舊番茄👉🏻又硬又冇味，好一般◆一貝子◇HKD68有蜆有帶子，揀左米線蜆👉🏻新鮮，冇沙，好評帶子👉🏻半生熟，唔覺得有煎過，偏硬，麻麻地米線👉🏻煮得太腍◆檸檬雪梨露◇HKD18意外的好評。好多雪梨渣，淡淡的甜味飲落好有住家味道。💁🏻‍♀️就係蘇媽蘇媽隔離，唔駛排隊💁🏻‍♀️番茄湯顏色唔係好鮮艷嘅紅，反而感覺比較真實，而且飲得出好足料💁🏻‍♀️可惜除左個湯，其他都太過普通，個價格自然在深水埗區略嫌過高💁🏻‍♀️好多人推介犇犇有禮，有牛面頰、牛坑腩、崩沙腩，中意食牛的朋友可以一試💁🏻‍♀️麵得上海麵、米線、日

在深水埗買電話卡，就順道食下野，因為平日好少來。發現番茄師兄，我又好鐘意番茄，所以好想試下。裝潢好色彩，而且座位都舒適。點了凍及熱的檸檬雪梨露 $18用料十足，飲到每口的清甜雪梨肉，更有檸檬的清甜，兩者配合得幾好。如果想擁有個膠樽可以加錢的。一貝子 $68 即是新鮮大花甲+北海道刺身級帶子，麵也有4款選擇，分別是上海麵、米線、日式拉麵及烏冬。花甲大隻鮮甜，帶子剛剛熟湯底番茄味好濃郁，上海麵全吸收精華，不過煮得有點腍。豚豚圓圓 $58，即是新鮮豬腩肉及豬頸肉配米線加炒蛋 豬肉入味有嚼勁，米線也是幾腍。70度慢煮麻香瑞士汁雞翼 $28肉質好嫩滑，而且瑞士汁的甜味當中有種麻辣味，不錯。鮮炸魚片頭 $24魚片頭來自學利魚蛋，十分出名，咬下去幾彈牙。

今日收工後同朋友去深水埗行街，行到咁上下就去醫肚喇。深水埗出名多地道野食，今晚就同朋友揀左位於基隆街既蕃茄師兄。呢間餐廳查實平時係深水埗行開行埋都經過無數次，一直都好想去試試，今晚終於有機會。餐廳面積不大，只有幾張4-6人台加少少2人台，但台與台之間空間夠，唔會有太擠迫的感覺，用餐環境不錯。我地總共叫左兩個麵、兩個小食、兩個炸物再加兩杯野飲。滑一滑湯底濃郁但不覺肥膩，炒蛋好滑。正一貝子大花蜆隻隻都好飽滿，帶子先封煎過亦都處理得好好，唔會太熟。70度慢煮麻香瑞士汁雞中翼呢個瑞士汁雞中翼有別與一般既瑞士汁雞中翼，餐廳經改良後係醬汁度加入麻香味配料，令雞翼甜中帶少少麻辣香味，十分惹味。78度慢煮沙嗲豬腩肉豬腩肉肥而不膩，配上沙嗲汁一絕鮮炸魚片頭魚片頭每粒都好飽滿，炸得香脆可口。鮮炸紫菜墨魚丸墨魚丸啖啖都爽口彈牙，足滿墨魚肉，唔似坊間一般溝面粉的墨魚丸。加入紫菜更加香口，美味非常。檸檬雪梨露(熱)桂圓紅棗桑寄生茶(凍)

睇演唱會之前行深水埗買電腦用品，突然好掛住番茄師兄的蕃茄湯底，所以又再次來到番茄師兄了。 其實之前食過已經覺得好味，所以寫了讚好的食評， 今次再次光臨感覺依然非常之好， 看見餐牌上也增添了 很多新款食物，而最吸引我的就是這裏的蕃茄湯底，使用大量新鮮蕃茄淆製而成。 上次來吃過一貝子和犇犇有禮。 今次點了豚豚圓圓$58（ 選了上海麵加炒滑蛋$5）， 因為犇犇有禮$78 （ 日式拉麵加芝士$5）實在太好味了，所以今次又再食過， 見到餐牌上有新款小食秘製沙嗲牛柏葉$28，飲品點了檸檬雪梨露$18和亞答子柚子茶$18。犇犇有禮 ～食材用牛面頰，牛坑腩，崩沙腩再加新鮮蕃茄濃湯， 聽聞舖頭每日用30斤蕃茄和30斤牛骨牛腩淆湯的， 食材非常新鮮，唔會用冰鮮牛肉，搵了香港最強牛肉買手 (牛王莫)取新鮮牯牛肉做餸。 蕃茄湯底真係好足料， 每一啖湯都食到佢滿滿的蕃茄蓉。 今次跟上次一樣都是選擇了拉麵， 麵的質地彈口煙韌， 一食落口就知道係高質拉麵，牛腩類有好重的牛味香味四溢！ 今次加了芝士， 雖然很邪惡， 但芝士香味令到整碗麵的味道升上另一個層次，更加濃郁入味。豚豚圓圓～ 厚切大塊豚肉， 半肥瘦啖啖肉。 還

女友帶我黎深水埗，話有好野食。仲以為食乜野，點知係食用番茄煮的湯面。公平d咁講，雖不是山珍海味但的確幾好味。 再者，有個肯同我慳錢嘅女友，這都算係我嘅福氣。五款用蕃茄做湯底的麵食，賣相唔錯。呢碗犇犇有禮連個名都唔識讀，只知道是由三個不同的牛隻部位拼合而成，好爽口㗎!一貝子是花甲帶子，帶子是刺身級的，很大隻厚肉，正!麻香水豉汁牛筋肉碎個名夠晒長，anyway，牛筋燜到好腍，配麻香瑞士汁幾特別!青青地，叫左碟蒜蓉炒菜，夠鑊氣!自家製的檸檬雪梨露及桂圓紅棗桑寄生茶，凍飲來的，很清涼!

黎到深水埗都想搵d特色食品，呢間餐廳用番茄做主角，雖然不是名貴食材，但勝在有益又夠大眾化。前陣子興冷壓同慢煮，聽閒話可做留更多養份。呢碟78度慢煮沙爹豬腩肉，肉質很腍又入味。叫了另一款慢煮食物--70度麻香瑞士汁雞中翼，可能是慢煮關係，夠晒入味。瑞士汁配麻香聽落好怪，但又幾夾喎。豚豚圓圓米線是豬頸肉加豬腩肉，兩部位都是最好吃的。原來仙氣逼人即是海 "鮮"，玩食字。不管如何，夠晒新鮮滾熱辣便可。本身已夠味，根本不用添加調味品。