畢打奧餐廳

营业中

休息中

今日去咗新界好多朋友介紹嘅老字號，喺上水個車站大概行5分鐘到會見到有一間好熱鬧嘅酒吧餐廳，有得食嘢之外仲有得hh，今次我哋就叫咗個晚餐套餐，一個燒春雞一個肉眼牛扒！晚餐都會跟一個餐包同埋餐湯，我哋就揀咗忌廉湯，佢嘅忌廉湯都非常香濃而且非常creamy！原隻燒春雞配意粉🍝原隻燒春雞嘅份量都好大，可以同朋友share食，去燒春雞燒到好香，肉質非常嫩滑👍🏻👍🏻而且佢個皮唔會好窿，仲好Juice添😻😻覺得就咁食成隻雞都夠飽佢啲意粉都差啲食唔晒😵😵另外仲叫咗美國肉眼扒10oz，我哋叫咗七成熟，嚟到嘅時候肉扒都非常大，都非常容易切開，切開之後都唔會見到有血水，係七成熟！而且牛扒嘅肉質但非常淋，唔會非常銀👍🏻👍🏻🤭再配埋佢嘅燒汁就非常好味😋如果你哋都係上水附近都可以去試吓依間平價又高質嘅西餐廳，佢哋平時都仲有happy hour！

成日都想去啲懷舊扒餐廳，成日經過見到呢間都好想食！今日終於黎試吓啦！佢除咗個外觀好懷舊，原來佢入面既環境都好懷舊！再加上佢有酒吧形式嘅餐廳感覺！呢個環境都真係好特別！ 佢嘅擺位都坐得好舒服同好闊落！佢都好多款式揀架！扒為主！都有飯同意粉！講講個酥皮湯先！真係好正，個皮夠脆！就咁食好食，浸左入湯又吸晒湯既味，軟左但有豐富既湯味都好食！之後到佢既馳名焗豬扒飯，份量多！豬扒有一大塊！加埋飯真係頂住個肚！加上飯有炒底！係焗豬扒飯嘅精髓！到個牛扒，因為個人唔食得太生所以叫咗七成熟！但肉質都唔錯！好軟身！唔好太熟，都唔會好硬！整體都唔錯，環境好舒服！

今次去北區搵食，上網睇到呢間餐廳評價唔錯，就同友人入去食晚餐。呢度環境幾好，裝修係懷舊港式茶餐廳，好有味道！餐牌都多選擇，同友叫咗兩個餐share，一個係美國肉眼扒10安士，仲有原隻燒春雞，另外仲加咗$29試埋個焗酥皮龍蝦湯。美國肉眼扒10安士 - 肉眼扒好大塊，好厚肉，肉質鮮嫩，唔會硬同乾。兩個人share啱啱好，唔使點汁都夠味，牛味好濃。原隻燒春雞 - 燒得好香口，肉都好juicy，又有薯菜，所以夠飽。最鍾意啲香草，令隻雞更惹味。酥皮龍蝦湯 - 好香牛油味，而湯都好濃郁。餐飯幾抵食，下次嚟北區會再encore！

很久沒有來過上水，這天來到這間別致的餐廳，發現這裏的價錢又抵食，食物質素又好，真的很興奮！原隻燒春雞（$129）夠晒大隻，雞皮微脆，配埋薯條食夠晒飽肚，雞胸位置都唔會好鞋，仲有肉汁添！另外仲可以加少少錢轉做焗酥皮龍蝦湯（+$29），龍蝦味濃，而且仲有酥皮，酥皮脆卜卜，好好食呀！浸落湯度食又係另一番風味。重點推介嘅仲有美國肉眼扒10安士（$169），咁大塊都只係咁嘅價錢，實在係10分抵食！肉眼扒有牛肉味之餘，熟度仲可以自己選擇，大家一定要來試吓！

好有歷史味道嘅上水酒吧餐廳，係大家嘅集體回憶地方☺️開左好耐，由細細個開始餐廳就屹立到宜家，有唔少回憶，係唔少北區街坊嘅情懷地，加上環境好有酒吧特色🍻🍽️<餐湯(羅宋湯/忌廉湯)+餐包>餐湯好足料，紅湯蔬菜好豐富，白湯好濃郁，最正系個包，好好味，發酵得好香，唔知有無Taste錯，食到一股核桃嘅味道，好好好味😋🍽️<焗法國田螺>買少見少嘅一道菜，有自己獨特餐具去品嚐，唔係周圍都有得食，賣相好靚，田螺都好肥美，每粒田螺都焗得好均勻，入面有好香嘅蒜味同田螺汁，搭埋墊底嘅薯蓉，正啊👍🏻🍽️<鐵板牛柳>一上台已經feel到塊鐵板真係好熱，好有鐵板氣，兩大塊牛柳都比鐵板辣到滋滋聲，淋埋黑椒汁就更加熱氣衝天，牛柳一D都唔會韌，而且薯角有好獨特嘅味道，唔錯，配菜都好豐富，有茄子，南瓜，唔係咁多餐廳會準備得咁豐富🤩🍽️<燒春雞>燒得好嫩滑嘅雞，皮都好香，好脆，仲保留左好多肉汁添，好味🍹<凍檸茶>用自家制嘅外賣杯上，好特別，配上濃郁嘅茶膽🥤

行過見到呢間歷史悠久嘅傳統西餐廳，見到餐牌價錢好抵食，就行咗入去！餐廳裝修好有懷舊feel，有70 年歷史😆食物水準應該有返咁上下✨畢打奥晚飯套餐套餐有齊羅宋湯、餐包同飲品而且仲可以加$55 經典焗法國田螺，價錢咁抵，當然唔可以錯過！香氣十足，大蒜同牛油好香，口感有嚼勁餐湯係羅宋湯味道酸中帶甜，甜中帶香，再加胡椒粉令個湯更香！沙律都絕不吝惜， 成大塊厚厚煙三文魚係上面，下層蔬菜鮮甜，真係好開胃😜主菜係德國咸豬手，百零蚊就有得食，仲配意粉德國咸豬手外層脆卜卜，咬落肉質幼滑，睇落乾身，但食落好juicy! 配意粉真係好飽~餐廳雖然傳統，但感覺好地道嘅香港西餐廳，食物好有水準而且價值好抵食！

好耐冇去上水喇~ 今日去探朋友順便食埋飯先出返市區......朋友係地頭蟲, 食乜梗係佢話事啦~~~佢帶左我去間佢成日去既西餐廳道据扒呢道既環境唔錯, 坐得舒服~~價錢又經濟實惠晚餐送湯飲 & 餐包~~亦可加錢升級穌皮湯, 蒜茸包&特飲出爐麵包麵包新鮮出爐~~ 熱辣辣, 外脆內軟羅宋湯好濃郁既羅宋湯配料豐富, 唔錯~~焗法國田螺 (半打)蒜蓉、香草同牛油味非常香~~酥香的香草牛油滋潤螺肉，螺肉變得甘香軟滑薯茸就非常creamy~~新鮮沙律份量都唔少, 有幾塊煙三文魚~蔬菜夠晒新鮮爽脆原隻燒春雞燒春雞燒得好香口~~香料味濃又入味!!雞肉嫩滑JUICY

今日全日上急救班，又做CPR，又學包紮，所以要喺附近食啲嘢補充能量。經過見到呢間餐廳幾靚，一於試下。入面燈光比較昏暗，似地下酒窖，令人覺得好似去咗歐洲咁。🦐 蒜蓉牛油扒大海蝦 $229（套餐）有三隻大海蝦，真係手指咁大隻，肉質有咬口、唔會軟爛，而且充滿蒜蓉同牛油嘅香味。配菜要咗薯菜，有大大舊嘅薯仔，同埋仲有翠玉瓜、車厘茄，全部都調味唔錯👍🏻🦞 焗酥皮龍蝦湯 +29酥皮外脆內軟，牛油味香濃，浸住湯入邊食都好滋味。湯頭夠晒濃郁，仲有粒粒龍蝦肉，彈牙爽口☺️🍋 熱檸水 $0健康嘅餐飲一定係熱檸水，消滯解膩一流。呢度嘅檸檬片唔會苦～整體真係幾有驚喜，環境靚之餘，男經理同staff都幾好態度。估唔到比我係上水一條普普通通嘅街道發掘到一間咁有feel、食物水準又高嘅餐廳😋

以前住大埔時不時都會去北區搵食, 價格比較便宜, 搬出黎之後好耐無再黎上水, 餐廳食物仍然咁平!上水呢間適雅餐廳正如其名, 環境夠舒適, 而且格調優雅, 可以黎嘆下西餐!今晚主菜點了一個德國咸豬手, 帶有咸香的鮮嫩肉質入口細膩, 點多個沙律均衡一些, 沙律菜連埋煙三文魚一齊食好清爽~ 而我個人非常喜歡出爐麵包, 香脆可口, 加埋牛酒更香更滑啊! 而焗法式田螺都好抵食, 整體黎講係幾抵食, 佢仲有宵夜套餐, 最平$99就有扒餐, 下次收工收得夜都可以一試呢!

星期日去左上水探朋友，之后我諗住出去食埋晚飯先走，於是朋友提議帶我黎”畢打奧”呢間老字號餐廳食晚餐，仲話平靚正，包我一定鐘意😎今日勁肚餓，所以叫左個餐廳經典套餐忌廉湯﹕不錯，味道濃得黎又唔會好杰身煙三文魚沙律﹕有2片厚厚嘅煙三文魚，好抵啊~原隻燒春雞配意粉﹕其實咁嘅價錢，一般都係得半隻雞，”抵食”呢個形容詞我就唔再講喇。雖然係咁平嘅價錢，但水準一啲唔唔差 😆 真係估唔到春雞皮燒得好香脆之餘，內里仲好juice、嫩滑😋😋下次再去朋友度，都想再去試下餐廳嘅其他扒餐🥰🥰

上水土生土長的同事推介了這間西餐廳，氣氛富情調，餐牌製作精美，食物款式非常多元化，價錢亦相當大眾化晚市套餐會附送餐湯、出爐麵包及飲品，真係超抵食👍👍👍出爐麵包外層烘得香脆，內裡鬆軟🥰🥰德國咸豬手 $136份量比想像中更大份得多，雖然沒有刻意叫廚房碎上，但豬手肉質非常軟嫩，唔使切得咁辛苦。外皮燒得超脆，但豬手肉完全不柴，配菜選了蒜蓉汁意粉，意粉口感不錯美國肉眼扒 $169同桌的肉眼熟度掌握得不錯！肉質較為結實，細膩的油脂一湧而上！薯菜加上惹味的醬汁，令人欲罷不能整體真是不錯，而且店員態度友善👍👍👍

上水懷舊餐廳餐廳內裝修比較傳統，適合懷舊風嘅朋友仔。法國田螺焗薯蓉，55元，螺肉偏重蒜蓉味，好香，田螺冇沙👍底下嘅薯蓉亦好creamy !好滑！好想再增添食！！美國肉眼扒扒，10onz！肉眼扒好厚身，熟度剛剛好，都算有牛味，肉質五會太um!配有薯菜，翠肉瓜，蕃茄仔。焗酥皮龍蝦湯，我個人就鍾意呢個，酥餅好大個，有淡淡的牛油味，浸住啲龍蝦湯食，好正！價錢尚算合理。見到呢兩款套餐，都幾吸引，下次再食埋呢個餐先。

今日途經呢到朋友想食西餐就二話不說入去坐低睇到個餐牌都有好多選擇 價錢都好合理首先有碗大沙律🥗面層有幾大塊三文魚 咸咸香香唔錯 最緊要係沙律菜係超級超級新鮮食洛好脆口 仲加左我鐘意食既洋蔥🧅大愛呀同朋友叫咗個原隻燒春雞（$129）表層燒到脆卜卜 好貼心嘅店員俾咗手套我哋 一野撕開雞髀好多肉汁滲出嚟 配埋蒜蓉汁真係好香 仲有意粉一齊食唔會怕乾 另外南瓜同車厘茄都好甜 唔可以忽略既配菜 最後有個焗田螺薯蓉沖滿牛油香草🌿味 田螺肉入口實在 實是凡間美味 總結 食物質素高價錢合理 值得一試

🥲🥺話說去上水見客見到八點忙到連lunch都未食 今日先星期渣幾時先禮六可以放假吖嘛點都好 今晚晚餐一定慰勞下自己🥲叫埋住上水個fd陪我食飯吹吹水救命！又想食扒又想食豬手 點揀好🤯Menu選擇好多 樣樣都想食呢度仲有素食餐添😛但我呢個食肉獸係一定唔會點囉！羅宋湯湯係我嘅夠哂香濃 酸Mei Mei 好開胃飲完仲餓過未飲嘅喂！好多殻麥嘅餐包仔 當然塗滿厚厚嘅牛油食啦焗法國田螺好耐冇食過 唔係度度有得叫最鍾意‘了’粒田螺肉出嚟同d薯蓉一齊食田螺煙煙un un 味道唔錯最後 都係放棄左食扒 點左德國鹹豬手配意粉吖豬手d皮超級脆 重點係 好難得地D肉唔柴皮平時出面食 好多炸豬手d肉都係又乾又硬架個汁同個豬手意好match！無叫錯喎！食餐好 充返電 又再博殺過先 💪🏼星期六真係要快啲黎吖

疫情下已經很久沒有來到上水，因工作來到上水這片曾經非常熱鬧的地方，當然嚟到附近應該尋找美食！ 在門外看看感覺很有英倫古色格調的感覺，再看看門外的餐牌看見happy hour生啤的價錢也不錯，便不太多想進入這間餐廳！剛工作完肚餓的我馬上面看餐牌有什麼東西好吃！ 晚餐餐牌這裏有鐵板或牛扒套餐十分吸引，但最終因為肚餓還是選擇10安士的美國肉眼為我今天晚上的主食！ 由於我點選的是套餐所以這裏包了是日餐湯，我點選白湯，白湯是忌廉湯味道十分濃厚！而餐包份量亦很多，剛剛出爐暖笠笠！牛油也不吝嗇用上知名品牌！牛扒我們點上medium，熟度出來剛剛好，不會太乾硬，也不會太生，也很 juicy! 同時配上蕃茄薯角和翠玉瓜，整個套餐十分抵吃！ 我們還點上焗法國田螺半打來share，田螺大大隻，用薯蓉作base，焗出嚟味道十分鮮甜，只是吃的時候有一點麻煩需要自己把田螺肉挖來，當刻由於焗出來有點熱所以有點熱手！但味道絕對不錯，配上 happy hour 的啤酒簡直一流！