影片
一入到「男人厨房」，个环境得闲晒晒，唔洗嘈嘈吵吵食嘢，好有feel！开餐就黎咗德国肠拼盘。话说，啲肠真系好有口感，咬落去哗啪哗啪嘅，至于薯条就系正宗golden crisp，蚝油薯条真系顶级好味！之后蒜蓉包就有啲平平，蒜香够哂，但包身差啲火候，热辣辣先至交足功课。然之后𠮶碟焗海鲜宽面就算啦，海鲜多但成碟汤汁少得可怜，有啲干身。不过，快将眼光转过去犒赏自己最爱嘅pizza同埋猪仔骨！🍕🍖👀 一讲起pizza，手拉饼皮好嘢，得意得来韧性够，上面满满的芝士拉丝咁趣味十足！食到最尾，BBQ曼克顿猪仔骨味道真系正，烤得香口、酸酸甜甜嘅汁液好夹，正！仲有那个冻朱古力同热咖啡嘅对比，一冻一热嘅体验，冻朱古力浓郁得嚟唔会太甜腻，咖啡香浓得来又唔会过苦，咁嘅搭配令人回味！好喇，就系咁，食到开心就算，毋须太计较。食饱食足，朋友们笑口常开，今晚呢顿饭，简直系满足到我哋每个人👌🏼。
继续阅读
喺这家意大利餐厅，啱啱食完一餐好滋味嘅午餐，个胃满满嘅，心情又靓晒！🌟 首先，个Pizza(10吋)真系掂到不得了，饼底热辣辣又松脆，顶面嘅芝士诱人到不行，那个热力同芝士嘅香滑完美融合，辣肉肠又火辣辣，厚切得黎完全唔小气，啖啖肉，充满满足感！然后个猪仔骨又点会少得，啱啱好嘅烤焗，配上佢哋秘制嘅烤酱，就算条骨有呎几长，都快快哋被我扫晒，骨头旁边嘅肉质松化，又鲜又滑，𠮶种入口即化嘅感觉，实在太正喇！当然，唔可以唔讲下个黑松露意粉啦，呢个简直系意粉界嘅黑金！口感绝佳，黑松露味浓郁得嚟又唔会太油腻，吃落去包你哋赏心悦目。虽然就算烟肉粒有啲少，但整体嚟讲，呢碟黑松露意粉有种说不出嘅优雅，佢喺味道同口感上都得到我嘅点头——好食到闩眼！🍝 下次见到朋友，我肯定推介佢哋嚟试吓！
继续阅读
为咗庆祝母亲节, 特意上OR揾下有乜好推介, 见到呢间餐厅d食评好似唔错, 于是预早book枱, 而餐厅方面, 会问定驶唔驶order定d咩食物? 咁佢地可以预早安排, 到时唔驶等咁耐, 咁我当然系order定猪仔骨同咸猪, 两个主打啦~ 其余去到再谂~地点唔算难揾, 但楂车就要早d嚟, 因为系泊街边, 晏咗就冇位, 要去远d的停车场泊~呢度地方唔大, 而且我地坐响厨房门口, 所以油烟都几劲, 不过可以睇住班男人, 响厨房走来走去整嘢, 系等食时一个不错的节目~ 虽然系母亲节, 但依然有set dinner, 而且都算几抵食, 于是叫两个餐, 再散叫一d, 最终系食唔哂, 要打包tim~ 餐汤、餐包、薯茸 虽然叫咗两份set, 但只上得一份, 半枱人share食住先, 但差不多分哂嚟食, 另一个都未上, 追问佢时, 话佢地一有就上咗先, 唔会等齐先上, 另一份整紧, 但奇怪地两个餐系同时落单, 整呢d唔驶搞咁耐呀? 餐汤 -> 浓浓的忌廉, 好creamy, 好重奶味, 好滑口~ 餐包 -> 焗翻热的面包, 系一大旧, 切成一份份的size, 有d牛油香草, 好香~ 薯茸 -> 似系自家制, 唔系完全茸哂, 系有d薯粒, 好有texture~ 焗海鲜宽条蛋面焗得几干身, 而且都够芝士, 一人分到一啖仔, 特别觉得好食~ 德国肠拼盘有几款口味, 当然有鸡肉同猪肉, 但始终觉得猪肉好味d, 因为质感实净d, 又浓味d, 鸡肉就肉质太散, 冇口感~ 由于肠系好浓味同油腻, 所以旁边有d酸青瓜同酸菜丝, 等你解下d味, 消下济~ 烧猪仔骨 (1份)虽然一早order咗, 但始终都系到咗先安排去烧, 所以都等咗一段时间, 不过烧得干咗d, 唔够juicy, 头尾果两旧干到柴咁, 而且味道对我地嚟讲系太浓, 有少少失望~ 苏豪特式10"薄饼pizza有两个size, 其实只系想试下, 所以叫咗个10"试下, 又唔知叫咩𩠌好, 于是叫呢个苏豪特式, 有辣肉肠、免治牛肉、五香肉粒、火腿、鸡肉、芝士, 够哂多料~ 但佢d芝士唔够拉丝, 而饼底厚度唔算厚, 但又未系传统果只咁薄, 我觉得pizza专门店好d食~ 芝士焗咖哩鸡皇饭个饭系超多汁, 而且太辣, 搞到要"片"开d汁,用大量饭配小量汁先食到, d鸡又唔算多, 比d汁遮住哂, 好似寻宝咁, 食得有d辛苦~ 黑松露云吞超大只碟, 入面只系得10粒一口云吞, 其实一啖放入口, 系食唔出佢有咩馅, 当然唔系黑松露馅啦~ 黑松露只有面果少少黑松露汁~ 呢碟一定要多人share, 我地一人食一粒, 连埋d汁, 都已经觉得好"漏", 因为佢个汁实在太cream, 又浓又漏, 如果两个人食, 分分钟食完呢个都饱哂, 唔驶食其他~ 德国咸猪手好香, 个皮超脆, 好似食薯片咁, 个个争住食猪皮, d肉比人冷待, 但其实个肉都好好食, 唔会好干, 又唔太咸, 但始终唔个皮咁吸引, 又脆又唔油, 伴碟的薯角都系一样, 热辣辣脆卜卜~ 但都要食返旁边的酸青瓜同菜丝, 解一解d热气~ 凯撒沙律食完d油腻嘢, 食返个沙律, 即刻清哂, 消哂济, 因为d菜好fresh, 个黑醋酸酸地好开胃, 平时出街都好少叫沙律, 因为觉得又贵又唔够饱, 唔抵食, 但今餐实在太heavy, 要叫个沙律中和返~呢度由门面到厨房, 真系清一式男人, 冇一个女人见到, 除咗客人, 真系想知佢地系咪连洗碗都系男人?
继续阅读
刚搬入洪水桥，今日趁有时间同老公周围揾下有咩好野食，起码第日多个选择。上次试左附近d茶记，都系一般，纯粹填饱个肚，今次比我揾到间叫“男人厨房”睇落座位都几舒服，入到去就闻到好香牛扒味，食肉兽既我即叫两份牛扒餐，望下个价钱$148都可以接受，点知份扒来到份量十足，食落d牛好原汁原味，赞! 个餐仲跟个粟米汤同蒜蓉饱，个汤都ok,个饱就外脆内较，好有水准，原来个饱自家制既，唔怪得特别好食，好味到我再叫多一客。餐饮加$10就有即磨咖啡，杯啡好香浓，咁既价钱食到咁高水准既餐，呢餐食得好满足。望下佢个menu,除左扒外，仲有pizza同牛仔骨，下次一定要试下。👍
继续阅读
得知 男人厨房，完全是多得 Oli 的blog；虽然洪水桥离我挺近，不过找餐厅也花了一段时间。其实如果大家搞清楚，它就在人气 King Ludwig 德国餐厅 的对面马路，就会好找多了～起初期望它与 King Ludwig 差不多的格局，但我完全的错了。这里有点似豉油西餐厅，精选晚餐只由 $88-148，还有 $58 起的晚餐，价目便宜得令人打个突！ 还好是吃下去尚算有水准。一早预订了名物 烧猪手 ($200) 及 半份烧猪仔骨 ($200)，这晚来到只额外多点两份晚餐，已够4女1男吃到超级饱足。晚餐会跟餐汤及脆蒜茸包，不过当晚我仍不太舒服，没尝了... 对了，这里的啤酒选择很多，酒鬼老公及叉叉，分别点了不同口味的啤酒来饮，我当然不会试了... 另外晚餐会跟汽水，就给了另两位友人，我嘛还是饮暖水好了。 虽然状态与胃口都非常麻麻，但见到超巨大 烧猪手 ($200) ，还是非常的兴奋！名物猪手制作需时，一定要预订，但其实在当日中午才订也来得及。 成品皮香脆、肉香美味，配上又粗又胖的薯角及酸菜丝，实在是非常的吸引！ 可惜我状态不佳，只得平日一成胃口，结果... 猪手吃剩了。不过我们没有浪费，选择让友人打包带走。 另一也需预订的名物是 烧猪仔骨 ($200)，这只是半份的大小！成品约有十条骨，兼夹非常厚身，因此中间的肉汁仍然十分丰盈，加上浓惹的烧烤酱，以及焦香吸引的外层，水准很高。 近年好吃的猪手多了（屯门也新开了 Berliner！），反而出色猪仔骨不多，这里值得推介。曾到访的友人记得这里的 焗海鲜宽条蛋面 ($68 晚餐) 好吃，也点了一份分享。成品让我想起 Pizza Hut 的海鲜宽条面，味道同样香浓但没那边咸，作为点缀也算不错，重点是好平呢！最后还点了 纽西兰PS顶级牛扒 12oz ($148晚餐)，据说选用纽西兰肉品局认证的PS顶级草饲牛，天然放牧，出品会较低卡、低脂肪及低胆固醇（真的？），可以吃得较放心云云。一顿半顿，孰真孰假不用太著紧，我还是看重味道，而其滋味又的确不差，吃得过。埋单 $720 多，已够五个人吃饱饱兼打包，的确几抵食。不过算上气氛的话，还是喜欢对面的King Ludwig 多一些，那边也会Baby-friendly很多呢。而且小店有个严重缺点：没甚么甜品选择，饭后我们唯有去元朗吃糖水！下文再记～
继续阅读