由朝到晚

营业中

休息中

聽同事介紹，公司附近既富康花園有抵食醒神早餐，今日早左返工去睇下，發現8點幾門口已經好多人坐係到食早餐，我叫左個雪菜米、餐肉煎蛋，仲有一塊麵包，加埋杯熱檸水，都只係$27。佢碗米粉勁大碗，味道都幾好，雖然麵包就乾左啲，但餐肉同蛋係新鮮煎，仲好熱，整體感覺勁抵食，下次會試其他款。

我又因為玩遊戲再一次來到富康花園吃早餐。上一次來，發覺對著屋苑內則原來另有一列店舖，這一次來，就直接行入內園，找找看有沒有新發現，結果，讓我找到這一家店子細細，好家庭式，基本上由阿媽主埋，阿女放暑假幫手的小食店，名字叫《由朝到晚》。早餐，我都是食我最喜愛食的公仔麵，很抵食的，30元左右，就有雞扒，餐肉同煎蛋。麵是即叫即做的，而且早上連埋要送餐的 order，兩母女都幾忙的。等了一會兒，麵來了，當中的雞扒雖未算入味，但煎得皮脆，已經是非常之好，當然肉嫩也是一個令人開心的味道。其他的一切，餐肉、蛋同麵，都是一般茶餐廳的水準，幾OK。奶茶，茶味太濃令到入口時有少少苦澀感是一個小小的敗筆，若再有機會來，應當要求他們落多奶。簡單家庭式食店，簡單街坊的口味，值得路過支持一下。