影片
行过口渴谂住买杯黑糖波霸，个女职员戴住口罩都见到黑口黑面，向佢落单好似听唔到咁，一啲做人基本礼貌都冇，唔好计服务性行业。未饮都经已对间舖印象大打折扣。平心而论杯嘢又唔算系我饮过最难饮𠮶杯，珍珠口感系正常嘅，不过味道除咗甜味之外乜都冇，不过难饮都饮咗半杯至掉，因为真系好口渴。睇返其他食评至知原来唔系我一个有咁感觉。讲真靠做街坊生意，咁态度可以做咁耐，都几出奇。
继续阅读
门面就好靓，不过微糖都甜到反肚😝😝冬瓜柠檬🍋🍋呢款都几冰凉清新🤭🤭柠檬酸酸地，而且温度够冰冻🤭🤭😁😁冬瓜茶有少少冬瓜味同埋甜甜地，不过又唔会太甜，几解渴，不过无得调教甜度。云石香芋鲜奶🧋🧋呢只系紫色香芋零食𠮶只味，都几有童年点忆。口感沙沙地。但系就完全无鲜奶味，可能比甜味盖过，但系我明明叫咗微糖，都好甜好甜。睇埋呢间店其他啲comment, 原来呢间分店次次叫调节糖度冰度都无分别😁😁。所以，下次有机会试下其他分店先。
继续阅读
都唔知系铺头问题,定系职员问题，其实冇心做，不如快啲接咗佢。 落order讲明要少冰， 点知成杯都系冰， 问𠮶位女职员， 系唔系我要个杯大甲芋头， 女职员冇反应。 饮品质素劲唔得， 成杯都系奶同冰。 不知所谓， 绝对冇下次。
继续阅读
附近除左去到黄埔个边，都冇咩珍奶舖头，见到冇咩人唔洗排就谂住试下。叫左碳焙乌龙奶茶加黑糖珍珠，$28，中杯size。拎到手个下已经觉得伏伏地，明显见到三层，珍珠、茶、劲少量奶。完全冇摇，只系将三样野倒入个杯到比你。味道方面，净睇样已觉得伏。基本只得甜味，完全冇茶味，更唔好谂系未乌龙茶啦；奶得好少，冇奶味；唯一好处系有珍珠有少少黑糖味，未致于太甜入唔到口。以$28中size既价钱，质素完全接受唔到，唔会有第二次。自己摇左几下，明显见到好稀😢
继续阅读
公司同事差唔多每 2 星期都会叫一次珍珠奶荼饮, 今次叫了几杯饮品, 其中2杯完全错的, 标签内容就正确, 但系杯嘢饮就完全错的, 其中一杯珍珠厚奶茶就变咗走奶, 另一杯芒果蒟蒻厚鲜奶就变左黑糖波霸珍珠奶茶. 如果冲调的工作人员冲调完再细仔望一望系咪应该唔会错呢?
继续阅读