生隆餅家 (已搬遷) 新店位置

自己一個去深水步一日遊，記得openrice有講過呢度，既然到左就梗係要買d野試下啦。買左香蕉糕&光酥餅試下，香蕉糕有3隻味，原味、芒果、哈蜜瓜，要左2包唔同味，$5only，一包4隻光酥都係$6。香蕉糕ok，不過原味果隻唔得!因為第2日就濕到唔食得，too bad！哈蜜瓜ok啦，唔中意既人會覺得佢有陣味，因為係唔自然，一食就知係ester整的favouring。光酥餅就好正，比起出面一包包果d好味好多,好鬆軟架！！一d都唔實！！食得過。總括來講都ok啦，但唔會特登再去囉。

行過這間糕餅舖，見佢有不少人在買，又走去睇下買件糕一路行一路食。這裡賣不少老式糕餅，如白糖糕、芝麻糕、鬆糕等等，亦有如假包換的砵仔糕﹝非碗仔糕﹞。見佢白糖糕好似幾新鮮，就買了兩件。聞起來清香，一點兒酸味也沒有。白糖糕有不少氣孔在內﹝如圖示﹞，吃起來亦夠鬆軟，不太甜，好吃又有水準。一件是一個幾大的等邊三角型，吃一件已名皮，還貪心的買了兩件。5蚊兩件，喜吃白糖糕的話，路經此地要一試。

好鍾意佢d野食~尋日第一次去, 今日忍唔住又再去~南瓜燒餅有口感, 但唔夠南瓜味~豆蓉麼囉酥~ 好正~ 個filling好特別~白糖糕同砵仔糕都ok ~可以代替到已經唔知去邊吳茂記~~~

近日行開深水步, 記得有朋友提過, 尼間餅家D野好好食, 咪去試下羅.D迷你砵仔糕, 細細個,有黃, 白兩種,好得意啊, 一蚊一個咋, 食落又幾煙韌喎.試過雞仔餅,脆得來又有口感,好好味.光酥餅不太甜,都唔錯.燒餅有好多味,蕃薯,奶黃,豆沙同埋南瓜等,好新鮮, 奶黃唔夠滑. 咁多好野食,下次帶埋D朋友來先.

琴日睇完雜誌介紹因為不嬲都好鍾意食芋頭專登買黎試下黎到見到除左砵仔芋頭糕外仲有蘿蔔糕結果兩樣各要左一伴黎試蘿蔔糕好香蘿蔔味蒸熱糕身軟軟點甜豉油食味道唔錯芋頭糕無錯好多芋頭但唔夠粉味道又淡雜誌話有大量蝦米同大頭菜無錯係有但少得可憐我覺得味道一般囉無乜特別反而佢d雞仔餅個樣吸引d下次經過或者會試下

芝麻糕：好香芝麻味，但偏淋，5元2件，可配搭其他同價糕點白糖糕：媽媽認為以這個價錢來說，質素算是不錯了，也是5元2件砵仔糕：1元1個，5元6個，但細佬話唔好食光酥餅：買時還是暖暖的，不太甜，有少少少少煙韌，軟軟的，口感與士多或超市買的有很大分別，8元半磅已有滿滿的一袋

將傳統砵仔糕size縮細,一口一個,$1一個,幾特別,幾煙韌,唔會太過甜,可惜紅豆不足,而且太細舊令人覺得唔夠喉.所以都係食番傳統o個D好D.

前日行開深水埗, 經過呢間老字號餅舖. 記憶所及, 雜誌曾推介過佢地O既迷你砵仔糕($1一件, 買五送一), 而且就咁企O係度3分鐘, 己經有幾個師奶同婆婆一人買就買左幾個黃糖味, 返屋企同家人分享. 成件砵仔糕連埋紅豆都無味, 而且好迷你. 一啖已食完. $1一件唔值.

食飯前係度買左個南瓜燒餅$2---幾香南瓜味,頗煙un!黃糖砵仔糕$1--- 麻麻,吾夠煙韌,略甜!

行開深水埗, 見到呢間餅家好鬼平, 即刻去試下先,買了白糖糕$3一件, 馬諦糕,燒餅$10三件同雞蛋糕$4白糖糕超好食, 無酸味又大件, 好鬆化!! 正!! 燒餅有好多味,蕃薯,麻蓉,芝麻,奶黃等, 好新鮮, 奶黃唔夠滑, 涷了變成一舊舊, 蕃薯味好香但係甜一點更好. 但燒餅皮好煙韌, very good. 原本唔顆雞蛋糕, 但係佢岩岩出爐, 好香好大個, 即買即食, 有蓮蓉係入面, 好好味好鬆軟!!!唯一唔好食係馬諦糕, 因為太薄同埋唔夠甜馬諦唔夠. 另外有好多好吸引, 下次要再試, 如砵仔糕$5六件(細細個, 一啖一個)大大個煎堆,油角,茶果, 雞屎滕等等

行開呢一頭, 終於可以食下呢間都幾出名的中式小食店, 因為小妹好鍾意食砵仔糕, 所以便買了一棕一白砵仔糕, 一食落口, 覺得兩款都無呢味道, 一d甜味都無, 紅豆又少, 所以食完都無興趣買其他小食了, 以後都唔會再買啦, 另外可能呢間舖頭位於舊區, 所以驟眼望落去, 好似唔係好乾淨

呢間野賣的貨色蠻普通，想食砵仔糕根本唔需要來呢度買，去蘭桂坊有個推車仔檔的至係真材實料傳統貨！<br>另外試過雞仔餅，南乳餅，勝在夠脆囉！去開深水路經呢一帶不妨當作手信。