生活知味 (已結業)

5月1日2006年晏晝，我同朋友第一次入去食，個餐牌有少少睇唔明，叫個著住灰色制服既女侍應詢間一吓，結果我都未問完個問題，個女侍應就已經好唔耐煩咁話"係呀係呀"，咁跟住我地就叫野食，個女侍應個態度勁寸同埋差，好似好趕時間咁(注意:當時係無咩其他食客，因為係晏晝)，之後d食物同飲品到左，就好大力咁放落將枱度，又唔同我地講係黎左d咩飲品，d飲品個款都差不多，我地見個侍應態度咁差，我地都費時問佢野飲是什麼。一路食就一路見佢同個男侍應係度玩打黎打去，跟住就收工，原來個女侍應係因為趕收工。到我地去收銀付錢既時候，我就同個著黑色制服既女侍應投訴，但個女侍應好似愛理不理咁，仲幫住口話個灰色制服女侍應其實係水吧，跟住我就話，咁水吧又點??水吧就可以服務差既咩??跟住佢先至應酬話"會話佢喎"。總結，我同我朋友一致咁決定，唔會再去呢間生活知味到食野

lunch第一次尼食,因為太唔就腳,睇個餐牌食物種類都幾多.叫個芝士焗雪魚飯,即叫即焗,要等三四個字.食落芝士味唔算太香,唔會食到好"漏".雪魚唔多掂,好似"擺"左好耐咁,有D怪味.最麻煩係勁多魚骨,因為佢係用雪藏雪魚及切一片橫切面,起唔到骨,所以要好小心食.友人叫蕃茄茄子豆腐米線,睇落幾好食,因為佢連D湯都飲晒.整體算係不過不失啦.

我叫左一個"冬瓜粒海鮮泡飯",但送到黎,竟然是"油鷄皮蛋莞茜泡飯",呢樣菜仲要係個meun 冇ga wor,完全係佢地自創俾我ga lor,但因當時我已經吃了一件鷄,加上第一次光顧,所以就算了,沒有追究,只怪自己沒有看清楚吧!其實,食物都ok ge,價錢平,而且份量多,叫了一個"金姑肥牛煲"都ok 好食,仲好熱gar,個湯都幾好味,同埋d 肥牛都好多,好足料!之後,仲叫了一客"炸蟹鉗"小食,但味道只是一般而已,加上沙拉醬不足,所以味道一般!!至於飲品方面,真的不太好,籃梅紅茶及百香果紅茶都不是太好味,而且好多泡,加上個杯好dirty!假期日子,午餐時間很多人的,可能屋邨內沒有其他選擇吧,總言之都係一般水準lar!

前日一行3人去食午飯, 叫左個瓜粒海鮮湯飯,蚵仔米線,酸辣炸醬雞翼米線,酥炸拼盤,芋頭雪香走甜,凍咖啡同熱茉香珍珠...我地叫左3樣野食同飲品後個侍應就走左去喇,好冇禮貌囉,乜3個人一定要食3樣野架,又唔問下人地仲有冇野叫...個海鮮湯飯黎到已經唔開胃喇,有d瓜粒,蟹柳粒,蝦同魷魚粒,但係全部都係白色,而且係就咁烚熟放落去咁款,真係睇到已經唔想食喇.一食落去個湯好咸其他野冇味,一句講晒:難食.個蚵仔米線唔好食,我bf個媽媽話唔知d蚵仔唔新鮮定唔熟,有陣味.個雞翼米線叫做食得落口咁啦.至於個拼盤內既所有食物都係冇味既,連雞翼都係冇醃過的,好彩有碟醬,唔係都食唔落呀.最後到飲品都係麻麻地,我杯熱茉香珍珠黎到時係冇落糖又冇加珍珠,咁我唯有叫佢加返珍珠然後自己加糖...個侍應仲要好大聲話"加珍珠要加$$喎",我夠知要加$$啦,問題係我一開始落單已經有講,係侍應冇寫落張單度,關我鬼事咩>.<食飯途中見到有侍應送外賣後係店外傾電話,但係個陣好多客架,都唔係做野架d人=.=

今晚和老婆在這台式店舖吃晚飯,因已是9點幾所以人客不太多, 雖然店舖細細亦有4位年輕伙計(2女2男),但入座幾分鐘(3~4分)依然未有人抹台,當時店內電視正在做酒店風雲,1位女店員一正用電腦入單但每按一下鍵盤便停下看電視, 另一位女店員在收銀機亦是如此!兩位男伙計不是說笑便看電視,我們要大聲叫幾次才有人抹台及清走之前客人的碗筷(但亦一面做一面看電視). 跟住落Order 時都是這樣! 另一張台有2位外國人比我們更慘(因言語不通)或Waiter 英文差所以客人要落order 時當看不見.最後要很久才落到order .由於是屋苑小店所以對於食物味道要求不會太高(不過食物質素比以前差)但街坊生意服務態度亦不應如此!