影片
招牌菜
食记 (80)
都有一段时间没有去生活知味食下午茶了! 今日day off瞓到很晏，起身又突然很想饮杯台式热奶茶，所以就去了生活知味食佢地的两点三下午茶餐!这里的下午茶餐牌咁多年都没有变， 好在种类选择依然很多! 今次我就拣左我至爱的台式牛肉拉面，椰香多士，和热嘅台式奶茶! 首先，我很喜欢这里的台式牛肉面汤底，很有牛味和花椒八角味! 而且牛肉又炆得很焖! 个拉面幼身爽口，又有口感，咁多年都能够保持此水准，实在难得嘅! 至于件椰香多士就略为薄身啦，而且椰香酱不够，似乎悭左啲啰! 最后，当然系杯台式奶茶啦，温度、奶味跟茶味恰到好处，味道依旧很有家的风味!这间小店在青衣码头开业了十几年，每次去到总是有种「家」的味道感；虽然佢地嘅伙记态度就出左名好一般，但食物质素胜在保持到，而且性价比高，小妹都希望这间小店可以继续承传下去啦!
继续阅读
楼面态度极差，冇招呼，同事只系互相倾偈。十几年都只系收现金，条数点报都可以，沙嗲牛肉面，变咗钢牙无沙嗲汁牛肉面，牛肉无食水，鞋过只鞋！晚市小菜同酒楼差唔多价钱，差在冇比兜花生你，鸡扒一开二出，每块起双飞，唔知真系以为两块鸡扒。
继续阅读
糖醋排骨骨米线，好耐之前食过，觉得好好食，但系而家越嚟越差！点解可以咁样上枱俾人食？以前系分碟上，都仲有糖醋汁，而家如图片，将啲肉同埋米线放咗一起，啲味道冇晒；我问返佢点解会摆埋一碟，佢话：「你冇讲就会摆埋一齐」咁大家谂吓，点解盐酥鸡扒直接分碟上？食落去啲肉好嚡，仲嚡过煲汤汤渣！糖醋排骨冇排骨，糖醋排骨冇糖醋味，剩系得酸味！质素咁差，冇下次！！D肉我都唔好意思比只狗食啦！
继续阅读
落雨忽然走到青衣，见到有间小店唔似茶餐厅似小店。怀住好奇心的我，梗系要决定要一试种类选择都比较多，有几样嘢都好想食黄色圈就系oder 既食物🥘佢哋都好nice好有耐性，而食物都好快送到。虽然我好肚饿，叫嘅米粉都食唔晒🥲🥲所以奉劝正常食量嘅女士最好叫小米，咁就唔使浪费食物☺️另外职员知道我想食少少少少辣，所以佢哋好细心将辣另上～肉燥饭白饭上嚟嘅时候热辣辣~我相信假设冬天食嘅时候一定会好暖胃❤️不论味道及份量都系👍👍
继续阅读
晚上叫外卖，迟过我到店堂食都差不多食完，两盒饭等咗差不多30分钟，问有得取未，又话差煎蛋，见佢冲好杯冻柠茶摆度冰都融晒，只顾住招呼熟客，毫不著紧其他生客。美极煎猪扒干憎憎，猪手皮烟韧,炒反底都可以，买外卖就系想快，再者两款饭于餐厅来讲其实无难度，都要等咁耐，无下次
继续阅读