影片
帮衬过好多次啦，次次同朋友去东大街食饭佢地都指定要饮杯果汁个人最中意ABC同老细推荐既车里子益力多～ABC感觉好清肠胃，营养又几饱肚～车里子益力多就出奇地夹，饮过返唔到转头两杯都好好饮，一试就知真材实料，绝对唔系坊间有D加左水/落糖既难饮果汁见老细都会同熟客街坊倾计，又会推介时令生果同果汁，服务算唔错：）
继续阅读
🧃餐厅名: 生果佬地区: 筲箕湾评语:菠萝雪梨汁 HK$22 - 解渴清润 冇沟水打汁结论: 食完隔离小食 系度买杯果汁几正环境卫生: 🌕🌕🌕🌕🌑食物味道: 🌕🌕🌕🌗🌑 服务态度: 🌕🌕🌕🌕🌑
继续阅读
20-5-2023 (Sat)晏昼,同老公扫完嘢食后要饮嘢,原本想喺茶星人买嘢饮,但老公见呢喥有生果益力多,咁就试呢间.佢用咗$22.00要芒果,橙益力多,拎到嚟饮喇,两种生果味都有,但芒果味比较出啲,而益力多嘅乳酸味唔多饮到,杯嘢系唔会太甜同酸,但唔冻,天气咁热,可唔可以将啲嘢雪一雪?评分系:味道 : 2 环境: 3 服务: 3 卫生: 3 抵食: 2.8 CRY
继续阅读
喺隔离买紧生菜鱼肉嘅时候，都想买返杯嘢饮，本身想买下珍珠奶茶。等紧生菜鱼肉嘅时候望一望啲生果都几新鲜，然后先至发现原来有鲜榨果汁。见自己都几热气，所以就谂住叫杯果汁健康，又可以清热气。苦瓜石榴汁$20苦瓜石榴汁呢喺佢价钱牌上面就冇标明，我问佢可唔可以做到，佢都话冇问题。因为又想饮苦瓜，但系又唔想饮苹果🥰🥶因为觉得苹果好普通同埋比较平呀嘛，点知转红石楼都系一样价钱咁就梗系转啦。苦瓜新鲜，不太苦，石榴酸酸甜甜都几开胃。一定会再回购 价钱合理
继续阅读
行咗去东大街，见到原来有小店卖鲜榨果汁，系筲箕湾呢一区比较少见，见老板啱啱开舖 ，就饮番杯润一润，唔贵又大杯，仲好多选择！阿张点餐👦🏻$20 红火龙果雪梨汁🔥🍐评分（10分满分）：9⃣食评💬：行到去铺头面前真系花多眼乱，有好多生果卖之余，上面仲贴满左好多果汁嘅配搭！问一问老细有边一款比较润喉，佢话金桔苹果雪梨汁(🍊🍎🍐)同红火龙果雪梨汁(🔥🍐)都润，后者仲有排毒功能添🤣所以我拣咗后者～榨到出嚟成杯紫红色咁好靓😍一杯大概有350ml，水果新鲜，唔会有太多水果渣，仲食到火龙果籽，非常解渴！等于食咗两款生果咁，健康健康👍🏻同埋相信唔会有太多街铺有红肉火龙果汁呢个选择🤔所以都算系比较特别，性价比几高！ 👉🏼隔离仲有几间正野，低调高手、印尼沙爹屋、I love戟，下次先试！生果佬东大街76号地舖(筲箕湾)👉🏼筲箕湾港铁站B1出口搭䢂出䢂转左
继续阅读