生昌潮州海鮮酒家

营业中

休息中

話說阿媽第一次去食，食咗之後覺得正， 就話有機會要黎食多次。剛巧今日探完屋企人，佢二話不說帶我哋去呢間食店試一試佢家鄉嘅菜-潮州菜。 脆漿過厚偏鹹， 蠔嘅份量亦都太少。 凍蟹經濟，肉實味鮮。 湯很濃，材料很足，可以見到一排排嘅翅。 烏頭有黃油，冇泥味，啲肉有啲實。滷水鵝片一般，份量少，價錢偏貴。唔係日本菠蘿， 有渣。

位於大圍下徑口村的潮式海鮮酒家。交通方便有很多巴士能到達建議不要在大圍站行過來，因為是很遠的我們帶了很多不同的菜式如潮式鹽焗烏頭、 韭菜豬紅、 蒜蓉炒油麥菜、 豬大腸糯米卷、 燒鵝片、 炸鮮魷、 蠔餅、 蠔仔粥及 胡椒豬肚湯等。 本人推薦潮式鹽焗烏頭、 蒜蓉炒油麥菜、蠔餅及蠔仔粥。現場有普洱茶供應、 另外也可以另叫啤酒汽水等。員工服務態度很好，而且現場不是太嘈吵，不像大排檔一般。而且如果坐屋內座位嘅話可以有冷氣供應適合多人聚會附近有洗手間、停車場。星期六日較多人，需做些到達找位。

原本真係唔想再幫襯，但老豆生日開口想食打冷，有大圍又好像沒有正式打冷，好吧，就試多次吧食物方面，好好多，蠔餅香脆可口，蠔仔大大粒，重點是不會像上一次咁，上桌時是凍的這次熱辣辣春菜煲好味豉椒炒蜆就陰功豬，隻隻蜆都好像發育不良咁，鹵水雙拼ok，大腸不是太肥那種。由於上次食個芋泥甜到想噴，我今次要清心爽，老媽子就唔聽我勸，企硬要芋泥，典知，今次個芋泥唔太甜，還好香，至於我嘅清心爽就甜到好像食完即晚會有糖尿病，其實典解品質管理唔做好一些？次次靠彩數咁伙計方面，真係nice咗，可能平日無咁忙？連碟芋泥痴了隻蚊滋要求換，伙計都沒黑面，有進步。

以前久不久就會來這裡吃飯，雖然價錢較貴，但這裡的蠔餅和鵝腸十分出色，抵這店愈做愈旺，但這一切一切已成過去，上星期六晚有朋友從台灣回來，知他想念打冷菜，就選定這間，早知道這小店已出名，為免等位，於是早三天打去訂座，我們一行11人，但伙計說訂座必須食套餐我說套餐幾多錢？我們就叫返這個數，換來是沒禮貌的回應：「唔得！」好吧，我就早一點去等位，8㸃食，我就同另一個朋友6:30去攞位先，我們先叫可樂，想著邊吹水邊等齊人，伙計就話：「飲乜鬼嘢可樂？飲咸檸七啦！」其實這樣街坊式招呼，我是完全接受的，但之後伙計的服務態度讓我知道，他們不是當我們街坊，而是犯人真的用呼喝的語氣來「招呼」我們好吧，心想鬼叫你嘢好味咩？抵人吋嘅，怎料，全桌十多樣菜，真的沒有一碟是好吃？我不是網絡水兵，沒必要長篇大論去唱衰一間鋪頭，但呢間嘢實在過分，椒鹽鮮魷全是漿、蠔餅是凍的鹵水拼盤成三嚿幾水，難食，最要命是辣酒煮花螺，完全不是這回事，好像一個唔識煮這味菜的人憑想像創作出來咁，如果說每家店都有不同煮法的辣酒花螺，我就只能說這家店的獨家辣酒花螺非常失敗，一碟花螺有幾多粒吖？我哋11個人都竟然食唔晒？還有碟螄蚶，叫了兩碟、剩了一碟

第二次到訪，依然係人頭湧湧，所以根本無人得閒睬你，等咗十分鐘先有人肯落單點了烏頭、獅酣、蠔餅、欖菜肉碎飯、椒鹽骨、鹵水鵝片等。真心講，當碟獅酣送來時都嚇一跳，邊有咁細粒？仲有半碟開唔到，開到我啲指甲崩晒....朋友話細粒甜啲、半生熟啲肉嫩啲，佢係阿Q我唔係烏頭上枱，啖啖肉堅好味，可惜個醬唔得，而且無黃油，為證明係香港養殖，連個牌都唔除原條上，有這需要嗎？蠔餅人人話必食，可能我個人口味獨特，我唔鍾意；其他菜式ok順帶一提，相信大家坐低點菜都試過，伙記問你食唔食甜品，阿姐講到好搶手，要就先落單留俾你，實情係驚你食飽唔order，因大多數餐廳將甜品拆出來俾伙記分，所以佢哋好積極叫你落order，咁你堅持唔要住會點？咪好似我咁囉

星期五嘅晚上，我同男朋友去咗大圍田心警署對面呢間大排檔食飯。如果有揸車嘅話都算幾方便，旁邊有個爛地停車場可以泊車，不過可能星期五嘅關係車位滿晒，最後我哋都係冇得選擇之下泊街就算。而且呢個大排檔亦都適合吸煙人士，因為坐露天嘅位置係可以食煙。我哋只係叫咗三個餸，因為得兩個人食都怕食唔哂，呢間大排檔嘅嘢出名全部都係大大碟。首先叫咗個咕嚕肉，當然就係好大碟啦，但確實係色香味俱全。仲有蒜蓉蒸開邊蝦，仲有粉絲係底，啲粉絲勁入味撈飯超好食。再叫多個腐乳通菜，菜係最失色嘅，因為完全唔夠腐乳味。埋單三百幾蚊，當然就唔算係平，不過三個餸都咁大碟都算抵食嘅。

生昌地理位置十分方便非常適合揸車人士，因為旁邊就係爛地停車場食滿$300好似有少量現金回贈（好似得$15太少了無刻意記住）講返重點：食物食潮州野，當然要有鹽焗烏頭夠鮮味，入面有黃油流出，非常甘香金湯華腿雞煲翅金華火腿濃烈咸香，D翅又足料，一大梳一大梳咁入口，真係罪過罪過但又停唔到口炒菜亦非常出色，就算唔係豆胚，個豆苗都好鮮嫩甘甜，完全無渣潮州特色蠔餅，感覺上較油膩，蠔仔偏瘦滷水拼盤不錯，很有傳統風味，份量很足本小食都不錯不算驚為天人，但水準都不差食到一檯都係非常滿足整體而言，都係一間成功的潮州酒家，各項食物都有保證，價錢亦公道人均大約二百幾

突然想食潮州野，揸車兜下兜下就兜咗入去大圍，諗下都有年半無去過生昌就決定去食Honey鍾意食鵝腸，就叫咗呢碟鵝腸併墨魚，但今次食D鵝腸感覺過熟了...蠔餅比起以前嘅蠔少咗一大半，而且一D都唔脆口，好失望呀！如果連牛丸&豬扎肉都Keep唔到，我諗我唔會再黎...豬紅無特別，勝在唔會一夾就散開。雖然今次有少許失望，但都會再黎嘅，但下次一定會多D人嘅日子先會再黎，因為兩個人真係食得好少款野食。希望下次黎嘅時候，個蠔餅會回復返水準啦！

點解幫襯生昌？當然係貪成佢地露天地方可以食煙啦！泊車又方便！聽聞佢地嘅鹽焗烏頭好了得，okay，試吓一條先。最驚喜嘅就係，好少見到嘅鹵水鵝肝，佢地都有提供喎，又試試先！食噤多次鹽焗烏頭，哩次嘅肉質係最實，咸鮮味充滿咀裡，淨食哩條魚，已經滿足！鹵水鵝肝比想像中更滑，要知道依家香港食鵝肝唔易，食到兩款好味菜式，滿足嚕，。冰鎮菠蘿就有d失望，無太大特式。好奇怪，茶壺上寫明 "靚普利茶，請勿浪費 "好少見到餐廳食巿會用靚普利喎，但係，飲落又真係幾好飲喎，連一個唔識欣賞茶嘅都覺得好飲，相信普利茶葉真係唔係普通野，哩點值得一讚！

嚟到大圍，都會選擇去食潮州菜，因為有朋友超愛嘅鵝片。今次係第二次嚟生昌食晚飯，對上一次除左覺得佢泊車方便同椒鹽九肚魚好好味之外，真係唔覺得有幾特別。今晚一於再試下其他菜。😋豆腐同鵝片，我偏愛豆腐多D😅畳足料是呢碟九肚魚真係食完個個都贊不絕口，真係好好味😋每次嚟都會點

早幾年間唔中都會同家人來食晚飯。但由於味道轉差，所以好耐無來，琴晚又再同家人去食晚飯。3個人叫左3個餸，第一，西蘭花魷魚，一點鑊氣都無，無味，好似白灼禁。第二新鮮菠蘿果醋果肉，仲以為係生炒豬排or 生炒骨之類啦，點知係一粒丸入面包左薯仔，勁難食。第三鹵水鵝片，又貴，得幾塊鵝片，鵝片唔太新鮮，好似放左好耐。服務態度差，一坐低就問落左單未，睇都未睇張餐單，我地一路睇有咩小菜，佢就一路整去第二頁，話呢頁好食，又叫我地睇甜品，我地淨係想睇小菜，好煩。食到一半，拿住碟蝦仔，由話48蚊問我地食唔食，我爸話碟野賣相好差，成碟食剩既野禁。呢個價錢食呢d野，去食茶餐廳好過，上次都已經話唔再來，但隔左段時間唔記得左，所以我要記住呢間野無下次

幾年前係大圍返工.同事介紹呢間潮洲店.之後都成日黎幫襯.後來離左職唔就腳就冇左黎過.近排同中學同學聚會.就提意黎呢間舖.多人先食得多野嘛.同埋冇限你食幾耐.地方又夠大.不過地方就唔算就腳.可坐小巴或的士！一共叫左八樣野 蟹棗、扇貝、聖子仔、九肚魚、拼盤（大）、蠔仔粥、翅同蒜蓉蝦蟹棗 - 夠爽肉.炸得岩岩好！不過食時要小心.好熱的👍🏻扇貝 - 蒜蓉蒸，其實只要唔蒸過頭就唔會有問題.底下有金菇同粉絲墊底.入晒味聖子仔 - 略為有沙.拼盤 - 叫左個大既.咩都有.我最愛既墨魚😍蠔仔粥 - 好大鍋，多蠔仔.又夠大粒椒鹽九肚魚 - 好味到爆.大大碟.炸得岩岩好.唔乾.夠味😋蒜蓉蝦 主角黎啦..呢煲翅完全值回票價..價錢抵食.真材實料..

對上一次黎已經係6、7年前，今次黎比當年已經無咁多客（同樣都係星期六），主要聽返朋友講都係味道轉差、貴、服務差這些原因。今次再黎，服務比以前好了一點，可能客少了工作量少了態度便好了；食物方面我覺得仍然算保持水準的，而價錢方便的確稍貴。基本上接近$100一碟小菜，而滷水鵝價錢已接近$400隻，所以無食。

鹽焗烏頭簡直是人間美食! 咸檸七好夠味! 蠔仔粥無得彈! 凍蟹雖不大隻但很鮮甜! 冰鎮菠蘿吃得人超爽! 這些都是不可不吃的招牌靚菜! 我們還點了椒鹽鮮魷鬆脆可口，炒麵線都得，鵝肉豆腐拼(有點太咸), 沙茶牛肉(相對沒有那麼好味)。還見到鄰桌點了糖醋麵，賣相超正，味道應該都不錯，可惜太飽，未能一試。還有很多美味不能盡錄。侍應"姐姐"們態度友善， 服務好好，很久沒有這樣的賓至如歸了! 我已計劃再去，把上回沒吃上的全試。肚子餓? 還不快去試試!

以前仲係大圍讀書嘅時候成日都會同屋企人過去食嘢但畢咗業之後好耐都冇嚟過食Lu今日閑情逸致一家人去田心嗰度食打冷嘢食尼講我覺得佢唔算抵食但係味道都保持中上尤其是佢條烏頭 真係好鮮甜又滑嘅而且鍾意食豪仔蛋嘅我都唔失望但係佢嘅環境同埋服務真係好麻麻人哋食緊野佢地都可以洗地啲水流晒落嚟人哋啲腳度都唔理。。。仲有佢哋啲態度真係唔係咁好。。。已經唔講叫佢哋落單佢哋唔應因為以前食過幾次所以知道問佢攞張飛仔嘅話隔離有得免費泊車但係今日食完飯就唔記得咗問佢攞飛比完錢行落左幾級樓梯之後之醒起行返番轉頭問點知個收銀就即刻用好唔耐煩同埋好粗魯好差嘅態度話 ：下！您又唔早講！但係其實只係比完錢1～2分鐘。。。。所以就係因為佢咁樣嘅服務態度我應該唔會再幫襯