甜記餃子

营业中

休息中

新店餃子皮厚好多，味道沒之前好。重點是店員態度超級差， 漏單 , 出錯餐 , 收錯錢，年紀大少少，可以埋位收錢果位丫姨，鬧客，大聲，單單打打，仲唔炒真係可以等汁。仲要做錯野無道歉， 話番個客做錯

一直都好想試試甜記餃子 但係一係就因為路癡搵唔到 一係就去到發現星期六唔開💩 然後最近發現長沙灣分店搬咗舖 搬咗去長沙灣MCL嗰個商場 睇戲之前終於試咗甜記喇🫶🏻 試過舊分店既男朋友話新分店地方闊落舒服好多～ 🤍 唔洗等位 同埋仲有寵物友善區添！🐶✨ 煎餃10隻 （南瓜忌廉雞肉餃 / 香葉豆角豬肉餃子 ）💲 52餐具 辣菜脯同醋都係自助攞的👀 菜脯爽脆 麻辣味好惹味 配餃子真係絕配！但係對我黎講真係好辣😹 然後話說我好憎食南瓜 但係南瓜忌廉雞肉餃成功令我改觀！！🤩 雞肉無咩存在感 但係南瓜忌廉好creamy🥹 真係必試！聽到隔離檯都最鍾意南瓜餃～🤍香葉豆角豬肉餃聽起上黎幾特別 豆角索索聲幾有趣 但係香葉味唔算出 同埋唔知點解餡有啲粉粉地 個人覺得可以試其他味🤔✨ 醉豬手 💲50男朋友覺得OK 但係對我黎講酒味唔夠 屋企人整可能仲好食😹 建議留肚食翻餃 或者試下其他小食～✨ 桂花烏龍💲 18正常偏甜✨ 豆漿💲12唔會太甜

搬舖之後第2次嚟。第一次係平日12點午飯時間，服務呀食物質素呀完全唔覺有問題。第2次去（即係依家寫食評嘅呢一次），禮拜日下午5點8食early dinner。一入去，上次lunch見到嗰d好醒目好勤快嘅侍應完全冇晒，變晒做d中年侍應。QR code 落單入到去見冇晒煎餃，但係又有湯餃㗎喎。咁我問個中年侍應1號：冇晒煎餃係真㗎？佢：我唔知。我：即係依家呢個時段淨係賣湯餃唔賣煎餃？佢：我唔知。我：會唔會晏d有番？佢：我唔知。咁我轉陣，搵中年侍應2號：請問係米真係冇晒煎餃？佢：係啊！我：但係你煎餃同湯餃係同一隻餃子嚟㗎喎，咁你又有湯餃？佢：總之冇！我：咁會唔會等多一陣晚市至落單會有番煎餃？例如等到6點咁？佢：總之依家冇！我：即係你今晚全晚都唔會有？佢：答你唔到！要等師傅返！總之冇囉依家！我：咁師傅幾點返？我可以等佢喎。佢：冇人知㗎喎。我地一家人於是好衰咁😛坐住佢張檯openrice下附近有冇其他嘢食，諗住搵到就轉場嘅時候，幾個妹妹仔侍應返嚟開工喇。咁我即刻再問多一次冇煎餃嘅事，而呢個時候其實四方八面檯檯都係問緊點解冇煎餃，個小妹妹話：下冇咩？我去睇下。一分鐘之後小妹妹出嚟通知各位食客已經開通

甜記名物！香芹芫荽燶鍋貼鍋貼咬落堅韌清脆，味道焦香濃郁，食咗第二舊發現燶得滯，將啲鍋貼反一反轉，發現原來員工都將心思藏喺鍋貼底部，員工為咗我可以盡快食到佢哋整嘅佳餚，竟然將煮燶咗嗰一面遮住照上菜，離晒大譜呢個世界竟然有咁好咁細心嘅廚師，如此細密嘅心思，搞到我都唔想反映，免得佢加我料要受二次傷害。推薦鍾意重口味嘅人嘗試挑戰。五星好評！

之前食過太子分店 都唔會好似荔枝角咁差 一入門口 寫住堂食，外賣都要等 湯餃20分鐘 煎餃30分鐘 嗌咗醉雞麵 10分鐘到咗 但等到個麵都凍咗 先到另一個湯餃 個湯餃係雙拼 唔同味嘅餃子黐埋一齊 餃皮爛哂 全部staff圍係廚房area 舉極手都冇人理 話冇提供辣椒油 都冇比醋 埋單 個cashier排哂隊 有人比錢有人叫外賣 但收錢嗰個係喺廚房個位用緊電話 好似錄緊音又聽緊錄音 之後先出黎收錢 仲繼續拎住個電話聽 十分之差

從舊舖幫襯開，餃子水準都好好。呢次係搬新舖之後第一次外賣，真係跌曬眼鏡🤦🏻‍♀️🤦🏻‍♀️去到嘅時候舖內都唔係好多人，叫佐外賣都要等佐幾耐下！翻到屋K打開外賣盒真係嬲😡試問俾佐D咩我？？咁耐嘅原因係因為煎過佐龍？

依間「甜記餃子」人氣超高，之前已經食過他們在太子的分店，已經覺得非常高質，他們最近在長沙灣換了新舖，位置再闊落啲，咁啱經過附近，就順便去試吓質素有冇分別雖然太子店位置已經很大，但新的長沙灣店更加大和闊落而且他們的辣菜脯要自己出去攞，相對上冇太子店咁方便，因為我和同行人士都超級喜歡吃他們的辣菜脯，拿了兩次🫣🫣🫣今次叫了20隻煎餃😂😂有15隻都係粟米芝士雞肉餃，另外有5隻洋蔥薯仔牛肉餃，可見粟米芝士雞肉有多麼好吃🫣唔係話其他味不好吃，只是粟米芝士雞肉這個味道，真的讓人食上癮；粟米淡淡的甜味配上芝士真係冇得輸，雖然比起洋蔥薯仔牛肉餃，味道偏淡一點，因此食多少少都可以洋蔥薯仔牛肉餃，味道偏濃，唔係好食到薯仔，反而食到很多洋蔥和牛肉😂😂，食多一兩粒會覺得有點膩，適合重口味人士手拍青瓜 $22 推薦指數🗯️：🌟🌟🌟因為今次全部都是叫煎餃，怕會有點膩，所以叫了一份青瓜解膩，味道酸酸辣辣，幾開胃，不過略嫌有啲青瓜太大粒不夠入味桂花烏龍茶 $18 推薦指數🗯️：🌟🌟🌟表面加了超多桂花，飲落桂花味道偏濃，但係烏龍茶味並不突出，覺得飲緊桂花茶多少少以上均是我個人觀感，每個人嘅口味各有不同，所以末必同每個人嘅

見食評唔錯，一家四口去試吓。新鋪剛開張，座位間格闊落，環境舒適，設有攜帶寵物客的專區，唔錯。餃子款式頗多選擇，試了韭菜湯餃、芫茜西芹煎餃、白菜豬肉湯餃、醉雞飯及豆漿。下單後，食品上桌時間合理，首先試吓個雞湯底(另有番茄湯底)，湯底得個甜字，飲唔到雞湯味，而湯餃明顯煮耐左，有啲餃皮爆開😕，芫荽西芹煎餃還好。菜甫及醬料在自助區自取，菜甫頗辣但偏咸。至於醉雞飯，又係淡而無味，雞肉好韌，無酒香，唔掂😣見之前食評，話佢細鋪搬大鋪，希望係初初有所影響，如果食品繼續咁嘅質素，真係……😌註：價格定價正常，但咁嘅食物質素就正常價都唔值，所以比2粒星

今晚收工走嚟長沙灣麗新商場，同朋友去新開嘅【甜記餃子】食餃子，呢間店好大間，但係都好爆要等位，多數都係啲後生仔女，我哋坐低後叫咗香芹芫荽豬肉及西洋菜豬肉雙併清湯餃，煎韭菜豬肉餃，醉豬手，滷水牛𦟌，加多杯豆漿同冬瓜茶。餃子皮薄餡飽滿又夠香，有咬口，再點多少黑醋，更加會帶出餃子嘅鮮味，又再食埋佢哋免費供應嘅辣蘿蔔，對於鍾意食辣嘅我，簡直就係一個字：正❗️醉豬手做得好出色，我朋友係上海人都贊不絕口，滷水牛𦟌有筋有肉，我覺得點醋好食，煎餃個底脆脆啲，點啲醋又食啲辣蘿蔔，咁樣食法唔錯，但係我會比較鍾意食水餃多啲，我朋友就兩樣都鍾意，冬瓜茶好有台灣味道嘅香同做法，我哋9點零鐘埋單，仲有好多人食緊，都仲有人入緊去食，證明好食價合理先多客。

今日係第2次食，近排係荔枝角出job，荔枝角真係好多野食，啲野又平又好食，朋友提我先知可以食甜記，去到見到超靚，原來呢間係新開既，係舊舖搬新舖，去到12點8，都要等左成差唔多10分鐘先有位，我係自己食，拎一人飛，坐低左叫左個48蚊2個款式既餃子，其中一個係香葉味，另一款叫左洋蔥牛肉，我覺得比較好食既係香葉，呢個真係第一次食到咁出色既餃子，入面既咸係好特別，仲有呢到係自助式既，配菜呀杯呀筷子呀要自己係出面拎

食開青山道嗰間新鋪裝修企理餐具同菜脯改為自助式，要自己出去攞食物好似愈做愈差我食椰菜雲耳餃同菜芯餃湯唔夠熱餃子爆晒皮茄湯鹹咗少少不過咁嘅價錢其實係咪唔好咁高要求？😅

📌新派餃子店💛必試番茄番茄湯底🍲今次去嘅係太子店 之前已經食過幾次 但都會以今次探訪餐廳嘅體驗做食評～今日試咗佢哋嘅南瓜忌廉雞肉餃🥟佢地有好多款餃子可以揀架😆朋友食左羊肉餃 我個人黎講覺得羊肉餃出色過呢個南瓜餃🤓另外再搭配咗米線 揀選左番茄薯仔湯底 佢地嘅湯底出名好味 唔會太鹹有味精味 淡淡地少少似屋企老火湯味🥹再加埋佢地比較幼身嘅米線 食落去好好食好舒服😙💰：湯餃子麵 (5 pcs) $46個人覺得佢地嘅湯底出色過餃子😂同埋值得一讚係佢地分店之間唔太大分別佢地出餐嘅一致性比較高👍🏻佢地嘅木系裝修好文青風～唔似一般傳統餃子店🤣啱曬後生仔女去打下卡🤩🍽️ 食物：🌕🌕🌕🌑🌑🥂 飲品：NA👩🏻‍🍳 環境：🌕🌕🌕🌑🌑💯CP值：🌕🌕🌕🌑🌑✅回頭率：🌕🌕🌕🌑🌑Overall: ⭐️⭐️⭐️ (out of ⭐️⭐️⭐️⭐️⭐️)📍 甜記餃子 地址：太子砵蘭街450-454號HQ大廈地下C-D號舖

今晚收工要去荔枝角上workshop，心血來潮就諗起附近的甜記餃子，一於來幫襯！搬咗新店的甜記，地方大咗好多，坐得都幾舒適。一到餐廳，門口已見好多等緊外賣的客人，果然係區內人氣小店！一！定！要！試！ >>> 香芹芫荽豬肉餃。西芹、芫荽，兩款同樣重口味的配料撞埋一齊，味道各不相讓，不會互搶風頭。一放入口，西芹的味道首先爆出，口感爽脆。吞完粒餃子之後，陣陣芫荽味就喺喉嚨縈繞不散。另外，西芹、芫荽同樣身為蔬菜類配料，夾埋豬肉做餃子，食落零油膩感，完全唔覺好heavy。洋蔥薯仔牛肉餃有別於一般餃子的組合，忍不住叫咗嚟試。如果你鍾意食洋蔥的話，肯定好鍾意呢款餃子，事關入面洋蔥嘅比例好多，而且煮熟的洋蔥唔會好辣，反而整體味道偏甜。另外亦食到有少許薯仔軟糯的口感，但不算好突出。小分享一則：舖頭有湯餃、煎餃選擇，如果選擇湯餃的話，可選雞湯、番茄湯的。之前試過番茄湯都相當出色，但就係因為太出色，我覺得番茄湯適合就咁單飲，多過做餃子的配角，所以我就揀咗普通雞湯，感覺今次個湯就同餃子夾啲。醉雞酒味偏甜，不算好特別。而且雞肉好多都唔係我喜愛的肉肉部分，所以整體一般。

叫咗一個醉雞米線 湯底比較清 但係醉雞還可以 鍾意食清淡嘅人應該會好鍾意 如果鍾意食辣嘅朋友嘅可以喺出邊拎辣椒 撈埋一齊都幾融和價錢唔算特別貴 樓下有電影院 最啱就係睇戲之前食返碗麵 ！

長沙灣店搬咗去麗新商業中心，空間感、裝修都好咗，但食物同服務竟然差咗，令人失望。首先講食物，叫咗南瓜奶油雞肉湯餃，之前食開口感滑中有咬口，今次食落似糊仔😬，層次冇以前咁層次分明。至於服務就等於零 — 阻住客人揀位；用QR code自己落單；嘢食送到埋嚟先至話要自己出去攞餐具，要食客將啲嘢食係冇人看管嘅情況下hea喺枱面，勁無奈。揀位方面最麻煩。事緣間鋪就算大、有幾多空位都好，門口個知客兼收銀都會用老闆娘咁款嘅語氣，呼喝啲想坐入面嘅客喺門口附近坐，沖撐場面。如果大家想享受吓新鋪嘅空間感，記得ignore個知客，堅持自己揀位🤞🏼