甜記餃子

营业中

休息中

環境:裝橫有d日系風格，初初經過門口以為係食甜品/日式嘢🤭坐位都算係闊落，冷氣供應都充足，衛生整潔嘅。無留意到店舖有無洗手間🤔服務:偏自助，所以唔好期望有乜好好服務，正正常常普普通通🤷🏻‍♂️落單QR code型式，都係i人福音，方便自己慢慢睇慢慢揀。自助斟水咁。食物:水餃，煎餃，湯麵，小食。餃嘅口味選擇好多，有12種口味，有d口味都幾特別，鍾意佢地嘅 香芹芫荽豬肉餃 同 西洋菜豬肉餃 配番茄薯仔湯🍅🥔餃子大細適中，皮薄滑溜，餡料非常足。個湯都好清甜可以飲得晒~配埋每枱都有嘅醋同菜脯食，唔同層次口味😋

呢間餐廳裝修是是正正入到去環境好寬敞 傾計談心都好唔錯見到咁多餃都花多眼亂 選擇夠哂多叫左一半水餃 一半煎餃🥟水餃保持到佢既味道外 煎餃外皮脆脆地勁可口 餡都一樣唔乾身連埋菜圃一齊食 辣辣地正加埋杯洛神花茶 超好飲 一定要叫呀🥤🤍餃子控既人一定要黎試下 本人最愛大推芫荽餃🫶🏻🥟🫶🏻🥟•香芹芫荌豬肉餃•白菜豬肉餃•韭菜豬肉餃•菠菜豬肉餃

甜記一直都係我好鍾意既小店之前一直都係外賣返屋企食但係經過今次就真係未必想再去食一. 職員態度惡劣職員帶位入坐之後 我睇左陣餐牌 問佢有冇邊種餃子已經賣晒佢就好惡咁話: 我點知啊！你自己睇咪得 嘟QR code咪知但係佢帶我入坐直到我問佢個刻都冇比過QR code我嘟….其實只係問一句啫 使唔使咁惡?二.職員缺乏培訓到用QR code落單時 發現冇得揀煎餃所以問其他職員 發現連啲職員都唔係好識點用手機落單 最後要問收銀先知原來係已經停止供應三. 未夠鐘就熄燈氣趕人走九點坐低 九點三last order 九點四左右先上菜 十點收鋪但鋪頭職員九點八仲有幾枱客就已經開始熄冷氣 令大家都食得相當唔舒服依家夏天成三十幾度 冇冷氣又閂晒門係十分侷促其實佢地咁趕住收鋪 點解唔九點已經停止入座?四. 食物質素下降以前長沙灣店嘅蕃茄薯仔湯係有薯仔同洋蔥係湯入面 依家係咩都無 淨湯啲餃又煮到爆開咗其實經歷完佢哋咗惡劣既態度真係唔想再食但係又已經坐低咗 所以先繼續點餐今次一定係我最後一次幫襯其他食客去太子分店堂食既 睇路啦

甜記餃子 (太子) @tinkeedumplings 📍：太子砵蘭街450-454號HQ大廈地下C-D號舖🚗：太子地鐵D出口 步行1分鐘📞：+852 4614-9740💲：~HKD60/head for lunchFood quality✔️：10隻湯餃配茄湯 （京葱羊肉餃、南瓜忌廉雞肉餃)👌🏼：10隻煎餃子(粟米芝士雞肉餃、菜芯豬肉餃)、熱豆漿總結：😋一間喺長沙灣打出名堂係區內餃子🥟名店 喺太子呢個餃子爭霸地都想佔一值位 新店裝修就走新穎日系路線 同舊舖畀人嘅感覺有段距離 不過食物質素都保持到 推薦嘅😋個人偏愛食煎餃多過湯餃 但呢度係難得令我覺得湯餃出色啲 同埋湯餃會發脹睇落大粒足料啲🤣有12款選擇 雙拼單拼同價 除咗傳統豬肉餃嘅選項外 呢度都有提供啲新式選擇如京葱羊肉餃同南瓜忌廉雞肉餃等😋湯底有得揀雞湯或番茄🍅薯仔湯 茄湯都幾足料 家庭嘅味道 唔係茄膏而真係食到一塊一塊嘅鮮番茄 京葱羊肉餃出色過南瓜忌廉雞肉餃 京葱好清新 不過羊肉我覺得未必太夾 好似都係豬肉正啲 不過都好食🥰😋南瓜忌廉雞肉餃就相對冇咁驚艷 不過都好食😋其實佢最好食唔係餃子 而係任拎唔嬲嘅辣菜脯 非常辣但醃得好入味嘅辣

今日同老公去開太子，有啲掛住甜記餃子，見喺附近所以就行咗過嚟，平時星期六日都仲要排隊嘅，今日平日好多空位～呢間舖頭裝修係以木系裝修為主，有少少文青風嘅感覺～今次我叫咗雙拼煎餃，一半係椰菜雲耳冬菇豬肉煎餃，一般係忌廉南瓜煎餃～雖然同樣都係熱辣辣煎出嚟，但今次感覺佢退步咗，成隻餃子好似細咗，而且煎得冇以前咁好食，有少少煎過龍既感覺，有少少失望。忌廉南瓜餃子好似冇乜忌廉咁，同上次食爭好遠。而我老公叫左韭菜餃，都係普普通通。

太子甜記的質素真是每況越下，如非必要下次都不會再吃。晚飯叫了甜記外賣，本來是韮菜豬肉及椰菜冬菇雙拼。拿外賣時，發現韮菜豬肉餃的外皮全部破損，餃子溶溶爛爛。向店員查詢，則表示當天的韮菜餃因不明原因，以致外皮易爛。真心想問店長，為何明知成品如此，不可以店員更換及篩選完好的給顧客，要顧客自己做篩查？最後店員提出願意重做，就換上了南瓜忌廉餃。但打開外賣，外賣筷子發霉。椰菜冬菇餃的餃子皮是沒有以往的彈性，反而是吃到極重粉及黏嘴，似是未全隻煮好就放入盒。甜記真是越做越差😞

一向很喜歡💕吃餃子，近期因為帶孩子去太子學習，所以就多咗去太子，之前去搵間咖啡店，一路行嘅時候見到有一間好靚嘅舖頭，見到原來係間餃子店，原來現在嘅餃子店已經一改茶餐廳系的感覺，所以就快快記下。睇其他食評，說要等好耐，所以我就搵一啲下午時段去，我大概2:30左右到餐廳，餐廳冇什麼人，員工們都正在努力包餃子，所以可以任選位置坐下，餐廳的環境很舒服，好企理。餃子的種類也非常豐富，有傳統的，也有新派的。我叫咗一個雙拼湯餃子，粟米芝士雞肉餃和香芹芫荽豬肉餃拼🥟拼蕃茄湯底。粟米芝士雞肉餃～睇食評，大部份人都會推薦，所以叫了這款，餃子皮薄，雞肉飽滿配上香甜粟米，但就缺芝士味。香芹芫荽豬肉餃～有時候覺得還是傳統餃子好味😋，豬肉🐷沒有腥味，配上香芹和芫荽，非常美味❤️！整體用餐感受也很好，埋單$48，但有一個舒適的地方享受美味的餃子🥟，性單比高，期待下次再去。

香港愈來愈多餃子鋪，呢間相信大家都唔會陌生😂之前成日要排隊，開左多間分店之後人龍終於少左👍🏻有追電視劇嘅可能都覺呢間分店咁熟口面嘅🤭雖然無神秘餃食，都想嚟食吓😝味道還可以，個人覺得荃灣餃子屋好味啲🫢但呢間勝在環境較舒服😬仲有介紹每款餃子適合咩體質嘅人同卡路里幾多，啱哂想食得健康嘅人👍🏻1. 韭菜豬肉拼西洋菜豬肉餃 （$44/8隻）有得揀番茄薯仔湯/雞湯，試咗番茄薯仔湯，特別啲🍅湯偏酸，幾開胃，但番茄粒同薯仔都係得好少😅韭菜餃好味過西洋菜餃，韭菜新鮮，西洋菜就有少少渣🫢兩款餃肉汁都多😋另外試咗椰菜冬菇雲耳豬肉餃，呢款好推薦，椰菜鮮甜，雲耳爽口，冬菇好香，加埋豬肉食落有層次🤤菜脯稍為辣左啲，但撈湯食都可以嘅😂

突然想食餃子，就去食甜記餃子，其中一樣我最鍾意的餃子就係粟米芝士雞，皮薄餡料多，揀左湯餃子麵$46，有五隻餃子，好多餃子選擇，湯底我就係蕃茄薯仔湯，酸酸地嘅蕃茄味幾開胃，麵要左米線，配上佢哋自家製的辣菜脯，好食👍👍😋😋飲品叫咗洛神花茶$12，正常，有啲偏淡。老公叫左白菜豬肉餃子，入面啲白菜切到好大粒，有口感，有咬口，豆腐正常發揮。

本身都聽過呢間嘢好出名又多分店見到menu 好多選擇又有晒營養成分所以都幾期待當日叫咗兩碗分別係雞湯同蕃茄薯仔湯其中一碗懷疑係廚房漏單，等咗半個鐘都唔見有問一問之後 佢地應該就拿拿林煮之後嚟到錯湯，換返之後錯餃子餡加加埋埋由落單到食，就等咗一個鐘一碗餃子都可以整三次先正確仲要又唔係繁忙時間啲職員仲要一啲表示都無，唔好意思都無句見到我地默默等就當問題？即刻煮返就當解決咗？本身好食都等到變唔好食真係理解唔到同一張單都可以miss咗

有時好食，蕃茄薯仔湯夠濃，餃子夠新鮮。有時（幾乎每3次有1次）難食，蕃茄薯仔湯無薯仔，餃子唔新鮮+好似煮過左龍，皮爛曬。蕃茄薯仔湯底一啲都保持唔到水準，濃淡味次次都唔同，次次都買六合彩咁… 淡到粉粉紅色水咁都試過。試過有一次芝士粟米餃有怪味。員工好忙，講一句野都好麻煩左佢地咁…可以服務態度正常少少，客人第一句問野唔好咁嫌棄，問第二句先再嫌棄都唔遲。希望非繁忙時間可以調較下冷氣，風又太太太太大又太凍。

❣️店舖於食飯時間都好多人排隊，如果趕時間要留意預留時間❣️我曾多次光顧甜記餃子，他們的湯餃和煎餃都非常好吃。每個人的口味不同，所以個人偏愛湯餃，因為煎餃通常比較油膩🫣❣️對於湯餃而言，我個人特別喜愛他們的蕃茄薯仔湯底。❣️甜記餃子的餃子屬於皮簿型，意思是餃子皮相對其他一般餃子較薄。這種類型的餃子能夠更好地展現餡料的風味。此外，他們的餡料選擇也非常多樣，滿足了各種口味的需求。❣️由於我與朋友多次光顧，幾乎試過了所有的味道，我可以說，暫時沒有品嚐到有伏味的，可以安心嘗試❣️此外，他們提供的辣菜脯非常惹味。如果您喜歡辣味的，我推薦您一試。

今日同朋友去太子，但係又唔想食得太多嘢，所以就諗起呢一間餃子啦，其實我哋之前都食過好多次，依然覺得幾好味返轉頭再幫襯。-🌟淨餃子10隻🥟 ｜$48今次叫咗南瓜忌廉雞肉餃同埋西洋菜豬肉餃。南瓜雞肉餃還可以，入面有一啲南瓜蓉同埋雞肉 ，但整體食落去嘅口感一般。我始終都係覺得傳統嘅菜餃係好食少少。呢間啲餃子🥟唔算大隻，但係個皮好薄，餡料好多。而且個湯底都有誠意，有好多新鮮蕃茄碎喺入面，食得出有蕃茄味🍅

下晝唸住搵碗麵搞下香港地獄根本冇好西點知碗麵又都幾鬼好味得黎飽得滯常餐就唔抵但出街喂 搞得👍空調小凍唔舒服 麵湯太快凍小菜建議食 好鬼正 齋啪都舒服餃子正常發揮 隨便食都正

叫咗蕃茄薯仔湯，一丁點薯仔都冇；叫職員去廚房加返，最後拎返嚟係嗰啲湯底攤凍咗嘅薯仔渣，薯仔大細仲細個手指尾指甲，都唔知喺邊度拎返嚟、合唔合乎衛生⋯食到想嘔🤮去過三四次，服務一次差過一次，之前係煮唔熟薯仔，以後唔會幫襯