甜記餃子

营业中

休息中

一段時間，沒去食甜記餃子，怕像上次款待。今次改去了太子分店，值得讚的，是煎餃子，比旺角店更有水準，像炸出來咁款。。尚算有些水準，但我老友說，這裡水準較漂忽。另一極品，就是服務，全店國語交流，西口西面，這真是甜記品牌。極品。店內環境真的舒服，但店員就是完全離題中的極品。

星期一去了太子食餃子，太子區餃子店爭霸區域，有幾間都去過，甜記未試過，所以去試試！叫了個韭菜煎餃，雞肶菇湯餃，餃皮太厚，湯頭太淡無乜味，一般，唯獨煎餃，煎得幾靚仔。重點來了，全店所有員工，老中青都用普通話和外省語溝通，我本想問位年青少女，拎豉油，佢望一望我，無回應我，咀喵喵行左去，就同其他女同事講了一堆不知什麼語言，上餃子時，就像掟落枱一樣，感覺太不舒服。香港咁樣食肆，服務態度，就係俾呢些員工搞瓜了。仲係太子區，收喇。

天氣熱唔想食飯同事提議去甜記食叫碗餃子食吓先有諗過試其他味道但最後都係始終如一香芹芫荽豬肉拼香葉豆角豬肉正配埋蕃茄湯開胃加埋佢自家製辣菜埔同醋就perfect match 仲有得加椰菜絲底感覺健康啲

💚西洋菜豬肉餃 x 南瓜忌廉雞肉餃 🎃✨今日試咗甜記嘅 西洋菜豬肉餃 配 南瓜忌廉雞肉餃，兩款湯餃都超驚喜！🥟💖 西洋菜豬肉餃清香鮮甜，菜肉比例剛好，餃皮薄滑唔易穿；南瓜忌廉雞肉餃更係創意滿分🎨，南瓜蓉香甜綿密，雞肉嫩滑，中西fusion好夾！湯底係 自家製番茄薯仔湯🍅🥔，酸甜開胃，薯仔煮到軟淋，同餃子一齊食超正～ 飲晒成碗都唔會口渴👍。

最近去甜記餃子，真係唔想講，越來越無心做好。首先，煎餃等咗半個鐘以上，終於出到嚟，但係油淋淋，食咗真係唔開心！而且，之前嘅蕃茄湯仲會有薯仔，依家連薯仔都慳返，真係唔明。當我同職員講餃子油膩嘅問題時，佢哋根本冇心聽，只係隨便應一聲，完全冇想了解嘅意思。講真，見佢門口仲要咁多人排真係覺得無天理……食物差已經係一大敗北，點知連服務態度都係咁衰就真係無嘢好講……一句講曬，真係失望！應該之後都唔會再去食了。寧願等陣食隔黎街豐信好過…

每次做完運動都好想去食甜記餃子🥟！ 今次都試清雞湯湯底牛展台灣麵🍜，48蚊就可以滿足一餐 超抵食！👍 不用排隊，味道都唔錯牛展好淋好味，台灣麵質感我幾鐘意，下次再試餃子🥟分享下啦！ 甜記餃子(太子店)太子砵蘭街450-454號地下#hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #noodle #taiwan

星期日大約1330來到餐廳，等了5分鐘左右就可以入座。叫了粟米芝士雞肉餃、韭黃雞肉餃、檸檬葉杏鮑菇雞肉餃。粟米芝士雞肉餃芝士味香濃；韭黃雞肉餃好juicy；檸檬葉杏鮑菇雞肉餃比較濃味，未必個個都接受到檸檬葉陣味，但個人覺得幾fresh。

第一次去荃灣分店度食，好有驚喜。要咗兩款餃子和蕃茄湯底，餃子大大隻，菜多肉少，皮薄，有少少似砂鍋雲吞皮嗰啲皮， 番茄湯底不會太甜，而且頗有家的味道。 附近好的餃子店不少，我覺得它是有自己賣點的。 所以今次剛好來到太子附近就怒叫咗蕃茄湯餃，煎牛肉餃子，同個台灣麵吃啦。大失所望，個蕃茄湯底竟然有魚味，原來係蕃茄魚湯 （但係Menu明明冇寫到係魚湯，我之前食分店嗰間都唔係魚湯）。魚湯都冇所謂，但係好鬼腥！搞到成碗嘢都好難食。d 餃子都不是熱辣辣的，應該是烚定擺埋一邊，然後倒啲湯入去。牛肉餃子好一般。個麵煮得好腍，食咗一啖就冇食。 荃灣OK，太子就不了。

食過甜記餃子我諗都不下數十次都係最鍾意食嘅餃子之一最鍾意食西洋菜湯餃同洋蔥牛煎餃加上屋企附近又有分店所以都成日幫襯今晚收工嗌咗佢哋外賣自取一共叫咗3個餃子其中一盒係煎餃一打開真係o曬嘴燶到咁 好心就掉咗佢啦咁都夠膽比客人嘅覺得佢哋要加強training 首先唔應該煎燶曬啦就算真係唔小心煎燶煎燶曬就唔應該比客人啦個觀感真係好差成盒大部分都係燶到黑曬咁都唔知食唔食好未試過見到咁離譜嘅煎餃希望佢哋可以改善下

平民美食，收費合理，餃子餡足調味唔過咸，蕃茄薯仔湯飲完唔會口渴，煎餃同湯餃都可以一戰，環境幾靚，幾好坐。分別試過檸檬葉杏鮑菇餃，南瓜忌廉餃，西洋菜豬肉餃，羊肉薑蔥餃，同埋香葉豆角餃，每個口味都滿足，而且鍾意食菜嘅我係覺得佢菜嘅份量好足夠，所以有加分。個人最推薦香葉豆角餃，口感特別，喺出面少見啲嘅口味。辣菜脯好食，藤椒魚皮夠脆口，手拍青瓜雖然嗌咗小辣但係都有啲辣，如果唔食得辣嘅，可能要備注要少少辣。

今日心血來潮想食餃子，喺群組嗰度問人意見原來姨甥仔一直都有去甜記餃子食，所以去咗太子店食，順便買外賣俾佢哋我哋星期六4:00去食，所以唔使點樣等位，環境坐得好舒服空間感好大，Menu好好有個餃子選擇攻略有埋卡路里俾你做reference，我同先生之後決定嗌一份湯餃（揀咗白菜豬肉、雲耳椰菜豬肉）一份煎餃子（揀咗韭菜、同埋佢哋嘅王牌推介芝士粟米雞肉）個雞湯好好味，餃子個皮好薄，四隻味食嘅時候都分辨到，而且每次都可以叫一或者兩款味道，變咗口感上會滿足好多最後我喺門口影咗啲靚相，佢呢度做到間Cafe咁食得好舒服

呢間餃子店又係短時間跑出，而且開了不少分店，終於試到啦，同朋友平日5點左右到，避開繁忙時間。$48 湯餃 2款 韭黃雞肉餃 好重韭黃味呀，雞肉比豬肉鞋dd 菜芯豬肉餃 好少食呢種口味，幾新奇，味道菜芯較重，肉味偏輕每隻湯餃呈長身形，當日預先包好後急凍，有單就下鍋煮，size比一般大dd，皮厚度適中，唯一失望是上枱湯底温度叫做微熱，食到最後兩三隻已經涼哂啦😮‍💨湯餃就係要熱吃！番茄薯仔湯湯底淡淡，配有一兩粒薯粒，無味精！！$52 煎餃 2款 +6 京蔥羊肉餃 羊肉唔，唔夠京蔥味，食梗羊肉餃 粟米芝士雞肉餃 應該叫粟米雞肉餃，冇芝士味，好濃厚粟米因為真係一粒粒粟米煎餃望落細啲，煎得乾身，口感唔油膩，即煎關係，上枱真係熱辣辣出哂煙，同埋，香！所以食到最尾煎餃仍帶點微熱。特別一提，店舖提供自家製辣菜甫，惹味，唔重鹹，偏辣，建議配上餡料較淡的湯餃。

咁啱坐嗰個位下便啲冷氣又凍又大風。服務員話校細啲會冷氣機滴水，收銀話封嘴位置不可以調校，溫度冇得調校。啲風力係強到連個湯麵上面啲湯都move 緊。收銀話幫你唔到叫我搵老細。我希望你哋老細見到呢一個留言搵人搞下啲冷氣機。重要嘅嘢，講多次！咁啱坐嗰個位下便啲冷氣又凍又大風。服務員話校細啲會冷氣機滴水，收銀話封嘴位置不可以調校，溫度冇得調校。啲風力係強到連個湯麵上面啲湯都move 緊。收銀話幫你唔到叫我搵老細。我希望你哋老細見到呢一個留言搵人搞下啲冷氣機。

太子人氣餃子店，主打十二款不同口味的餃子，價格親民，可選擇湯餃或者煎餃，湯餃可以選擇雞湯或者蕃茄薯仔湯。今次選擇了湯餃雙拼，粟米芝士雞肉餃和南瓜忌廉雞肉餃，湯底選擇了蕃茄薯仔湯。餃子皮薄餡料足，兩款餃子都是偏甜的口味，蕃茄薯仔湯清甜但不算濃郁，食出手工整的味道，與急凍餃子是不同的層次！-🔘 粟米芝士雞肉餃 | hkd$48/10隻🔘 南瓜忌廉雞肉餃 | hkd$48/10隻-🍽️ 食物 | Food: 4/5🌅 環境 | Environment: 4/5💆🏻‍♂️ 服務 | Service: 4/5💰 價錢 | Price: 4/5📝 總結 | CP Value: 4/5-A foodie documentation of dining experience in restaurants based in Hong Kong 🇭🇰.

🤩甜記餃子（太子）好耐無黎呢間食餃子啦 今晚上完瑜伽堂男朋友黎接我諗住一齊食餃子 開頭去左油麻地附近果間 原來內部裝修緊🤣🤣粟米豬肉&京蔥羊肉餃男朋友至愛粟米🌽豬肉餃🐷好味～南瓜忌廉雞肉餃&咖哩南瓜豬肉餃南瓜餃仍然係我心目中top 1不過好似南瓜味無以前咁濃口水雞 蛋麵 蕃茄湯底好好味😋 雞都幾滑 絕對要食呢到嘅菜莆 真心好正不過我地夜晚9點零左右到覺得好熱🥵好似無乜冷氣 唔知係咪臨收鋪熄左仲要食咁多熱野 食到大汗踏細汗咁😂