甜蜜蜜甜品專門店 (已結業)

尖沙咀厚福街既甜品店真係多到數唔曬，今次就抱住試下無錯過既心態試甜蜜蜜D甜品。甜蜜蜜既店面裝修並唔係話好靚，但就因爲平平無奇的甜蜜蜜，係甜品上有唔同既味道。同fd兩個人係韓國街食完晚餐，覺得唔夠飽，再黎食個甜品先我點左個焗冰火芝士木糠布甸，上面D蛋白食落好似食緊空氣甘，但都係有味道既。中間係cheese，個底就係D餅碎。我係好中意食cheese，所以尼個甜品我非常之中意。

同朋友係TST食完COCO諗住食甜品，但由於太夜，想食既幾間韓國冰店都閂左舖，就上網搵下附近有咩甜品店，睇到尖沙咀比較多人提既係呢間。以為去到要排隊，但係唔知係咪太夜又係平日，所以唔駛排。朋友知我係綠茶控，所以就叫左呢個 － 紅豆綠茶雪糕鬆餅第一眼睇到既反應係……邊到有綠茶呀！！！係咪俾錯左我地？原來綠茶雪糕俾d cream遮住哂，雪糕既綠茶味幾濃加埋d cream一齊食味道仲出d雪糕球下面係兩塊鬆餅夾住d紅豆味既cream，仲有粒粒既紅豆（但唔多）塊鬆餅都幾實幾難切，以為食落口會好難咬啦，但又唔係喎，不過可以再鬆軟d…因為食完飯，所以同朋友share。如果冇食飯自已食哂一個份量應該都岩岩好，哈哈！

同朋友係尖沙咀食完日本野，我地大家都唔係好飽，所以諗住食個糖水先散band行到去厚福街，原本我好鍾意食果間竟然執左於是就決定食呢間甜蜜蜜~等位既時候望下個餐牌，d糖水全部都好特別，於是滿心歡喜咁入去啦~我叫左個咩芒果拿波侖(冇影到相，一上到黎就俾我同朋友好快ko左)，都ok既就係拿破侖入面有芒果、雪糕咁，食落其實冇乜特別，唔難食但又未至於好食，可能我對佢期望過高啦朋友就叫左個酥皮焗豆腐花個樣真係幾靚，忍唔住影低左，我見個晚都好多人嗌左呢個食，點知原來佢得個樣首先duk穿個酥皮黎食，嘩完全唔好食，個酥皮唔係平時飲西湯果d酥皮，佢呢個酥皮非常之厚，食左一兩啖我地就冇食啦，轉戰下面d豆腐花...我諗住豆腐花應該唔會難食得去邊丫，點知原來真係有唔好食既豆漿花架喎lol 佢呢個豆腐花係又碎又冇味，bud又好難bud，又一啲味都冇，喺靠酥皮上面既少少朱古力醬流左落去先有少少味....總括黎講好失望，以後都應該唔會再食呢間野

附近食飯後，黎食下糖水。4個人叫左三樣野share。芒果豆腐花－－ 好味，多芒果。黃金楊枝金露－－ 亦係多芒果，淡奶令整個甜品非常美味，邪惡。朱古力雪花冰－－ 雪花冰質感好奇怪，好似壞左咁，但味道無唔託。 最後我地選擇放棄食用。 

晚飯過後，來到厚福街吃糖水，見甜蜜蜜等位的人不多，就試一試。被安排到最入面的位置，座位比較窄，坐得不太舒適，反正只是吃過糖水便離開，沒所謂吧。我和朋友分別點了爆爆珠芒果小丸子及西瓜豆腐花芒果汁。爆爆珠芒果小丸子，溫度來到時亦比較冷，每啖都有冰涼的感覺，配上香濃的芒果及煙煙韌韌的小丸子，口感非常好，不過爆爆珠不夠多。另一西瓜豆腐花，選了芒果汁，西瓜新鮮不太沙，不過不夠冰，芒果汁與上述一樣，十分濃郁，不過兩者比較還是前者較為優勝。價錢尚算合理，而且質素不太差，可再去!

平時尖沙咀晚飯後都會去厚福街再食甜品，今次就試試甜蜜蜜，因為要等大枱，所以都等左15分鐘。選了朱古力梳乎里伴雪糕，雪糕唔算太甜，好滑，梳乎里好香，另配的朱古力醬很濃，如一併食的話就會很膩了。

本人一向唔寫食評，但係呢一個moment, 都要爆一爆鳥。一向也不定時幫襯甜蜜蜜，早年還有賣麵餐嘅時候已經係其食客。當年佢哋標榜係酒店甜品師傅出來開店，其款式及品質的確係比一般甜品店出衆，但隨著越來越多特色甜品店出現，要保持競爭力，無論品質，服務，創意都應該最少要保持。對上一次去食其招牌芒果春卷，已經冇以前嘅質素，外皮係唔熱而𥚃面啲芒果凍到起冰沙，好明顯焗得唔夠時間。今日再幫襯，實在有點失望，唔係啲嘢唔好食，係根本冇食過。我哋八點三左右坐低，時間仲早冇乜客，order咗心太軟同香蕉卷，menu 都寫明要等。等咗十分鐘左右，隔離枱嚟咗成五六個人。再等，隔離枱嘅心太軟也到了。佢哋食完走咗，我哋終於忍唔住問侍應，話等咗好耐，佢哋反應錯愕，仲話整緊，其實走去部電腦落單。佢哋根本冇心承認漏單！白等了差不多四十分鐘，本來是開開心心同女朋友去食甜品，換來嘅係食了一肚氣！甜品種類多年也沒太大創新，坊間已有很多創意甜品店冒起，招牌食物水準又保持得一般，舊客仔亦容易流失，連服務水平也下降，看來尖沙咀甜品店的選擇次序，甜蜜蜜的確要排在後面了！

晚上9：30到達，門外已有多人排隊，我們一行7人等候第二張檯，排了約5分鐘已可內進鋪頭面積極小，環境頗為擠迫，但幸好蠻清潔乾淨的甜品都是大眾化的，大都是最受香港人喜愛的甜品點餐後很快便上第一份，每份甜品都算足料夠份量，班戟份量可作為晚餐

要在尖沙咀一帶找甜品店，一點都沒有難度，但若要找間有質素保証的，就非甜蜜蜜莫屬了。位於甜品店林立的厚福街，隨意數都有三間甜品店，競爭也是相當激烈，但唯獨門面普通平平無奇的甜蜜蜜依然能在厚福街屹立不倒。看到甜蜜蜜的簡單餐牌，不賣浮跨，嘩眾取寵的綽頭甜品，售賣的是實而不華，基乎間間甜品店都會售賣的甜品款式。但是他們這種平實的處事態度卻造就甜蜜蜜的成功。而蠻特別的是餐牌更有日文的語言，尖沙咀是香港遊客區，這樣也能顧及更多不同客戶群。甜蜜蜜的店內沒有刻意花費於裝修，對於「外貌協會」的年青人來說，必定會選其氣門面更為可觀的甜品店，但是甜蜜蜜是就實力路線，盼望客人食過他們的甜品回味無窮，再度光顧。心太軟伴雪糕：甜蜜蜜採用比利時品牌朱古力製作軟心朱古力，朱古力的味道香濃郁厚，再配雲呢拿雪糕。製作需時大概15分鐘，心太軟新鮮出爐呈到我們的面前，切開心太軟，朱古力熔漿也隨即慢慢流出，純正的香濃朱古力漿幼滑無比，相當滋味，能成為甜蜜蜜主打的甜品實在當之無愧。焗黑白朱古力梳乎厘：剛剛吃完心太軟，這個梳乎厘也隨即遞上，我們的肚子也無暇休息一會，聞到香濃的奶油和朱古力香味，而且賣相相當吸引。梳乎厘上還有幾粒朱古

喺尖沙咀食完飯想食甜品就行左去厚福街嗰邊，入到去坐低，一打開餐牌，見到好多幾特別嘅甜品，唔會淨係得雪花冰同雪糕。猶疑左好耐，最後叫左個酥皮豆腐花。甜品賣相好靚，搞到唔記得左相機食先，以下將以文字描述，大家自行想像XD酥皮豆腐花睇落同酥皮海鮮湯差唔多，但被酥皮所遮蓋住嘅係有朱古力味嘅豆腐花，估計係酥皮上面用作裝飾嘅朱古力醬流左落去。一食落口只係食到朱古力味，過多陣先食到豆花味，個人認為太甜，豆花味完全被朱古力蓋過。走嗰時9點幾,出面排唒長龍，建議大家想食嘅話早D去

今次第一次光顧這間甜品店，發現大部分的甜品都是凍食，而熱食的選擇就比較少，坐低一陣就叫左爆爆珠芒果小丸子和焗黑白朱古力梳乎厘。員工的服務態度不錯，而且環境頗衛生。爆爆珠芒果小丸子的賣相不錯，芒果大粒又甜又新鮮多汁，可惜芒果汁太甜而且比較稠，有點黏喉，令整個甜品偏甜，而小丸子分量適中，但囗感有點奇怪因為小丸子偏硬，所以這款甜品中等 梳乎厘叫完即蒸大約等了二十分鍾，一出爐時已經聞到香味，賣相非常吸引，配上朱古力食既時候唔會好dry。梳乎厘外硬內綿十分推介，再加上榛子朱古力雪糕真的不錯，雪糕中更有棒子粒，加強了囗感。整體雪糕的味道和梳乎厘都很夾，食的時侯絕對不會膩。

前排黎食左個類似許留山既多芒小丸子，不過差D，今日同朋友係尖沙咀食完飯，又想再吹多陣水，所以走去食糖水，但係厚福街間間糖水鋪都超多人排，我地唯有揀間最少人既，呢間甜蜜蜜又當選，可能今次我無咩期望，所以反而有驚喜。因為最近天氣凍，主攻熱食，最後揀左個朱古力梳乎里，等左大約十五分鐘一上枱己經聞到好香奶油味同朱古力香，仲有好多朱古力粒係上面，一入口係熱乎乎，超鬆軟，好似海綿蛋糕既質感，之後感受到朱古力粒係口入溶化變成朱古力汁，感覺很溫暖，佢仲跟左個朱古力醬，我再加D落去一齊食，食完真係好心暖，為頭先係出便等15分鐘補返數，雖然咁朱古力，但因為梳乎里係蛋白打成，所以都唔算漏，一個人絕對可以KO灑！！！

正好逛到有點累,想找個地方休息一會,順便吃點東西,於是便選了甜蜜蜜甜品專門店~2個人點了3份甜品,一共$120,小貴~我們點了兩份souffle,還有一個招牌的炸芒果~黑白souffle就是有黑白巧克力的,配巧克力醬吃,味道很濃!還有一個不記得叫香橙什麼的,其實我比較喜歡這個,甜甜的香橙味,加上souffle本身的綿軟,入口即溶炸芒果是最先上來的,好吃得停不了口,哈哈外皮炸的SO好吃,裡面的芒果雪糕配上熱熱的外皮,太完美了地方不大,但是很有人氣,喜歡的~

尖沙咀食完飯, 食糖水首選係黎厚福街搵食, 最近又開左幾間新野, 有食雪糕既, 但係不設堂食, 是晚黎到剛好間間都勁多人, 見呢間比較少就揀左排呢間!!!入到去見到其實都幾多款, 花多眼亂, 款款都好似幾特別, 不過最後我呢D老野都係揀返D平時食開既, 叫左個好似許留山多芒小丸子既物體, 但係入面就加左爆爆球同芒果雪糕, 心諗實無死, 仲多左幾樣野, 抵過食許留山, 點知一食落口, 個味道真係比唔上許留山, 一來唔夠佢咁凍, 而且芒果唔夠許留山咁好食, 所以連個芒果汁個底其實都無人地咁好味, 係得個小丸子同人地係一樣, 都算做煮得淋, 口感搭夠!!!總括來說, 如果要抄人地既成名作我希望佢係整得好食個原著!!!希望甜蜜蜜可以改善下!!

與友人於K11吃過晚餐後, 由友人C帶路去吃甜品. 在街上左穿右插後, 原來目的地就是厚福街. 一路走著, 一條短小的巷仔, 居然有多間甜品店, 而且很多間也有食客在門外等位. 我們最後來了一間叫做"甜蜜蜜"的小店, 雖然同樣要站在門外等位, 幸好三幾分鐘後便可入座. 店子不大, 不過卻放了很多枱椅, 所以坐得很擠迫, 很不舒服, 不過主要目的都是吃, 忍受一下尚可.餐牌圖文並茂, 供應多種甜品, 有傳統的中式甜品, 也有不少新派創意甜品, 梳乎厘, 窩夫, 刨冰等等, 花多眼亂. 店子主打心太軟, 不過當晚只想吃點滋潤點的熱食, 又不想吃心太軟, 所以點了看起來不俗的椰皇海底椰燉蛋白.椰皇海底椰燉蛋白: 落單後不到幾分鐘便已經送上, 有點意想不到, 可能是預先燉好吧! 所以上枱時不太熱.  一上枱時大家也"嘩"了一聲, 不是因為造型很美, 而是因為很"的式" (只因友人J點了相似的甜品 "面面俱圓", 椰皇比我點的大得多!). 不過當晚其實一點也不餓, 所以也不大相干了. 椰皇燉蛋白, 即是用椰皇裝著蛋白去燉. 不過店家加了兩片海底椰片在面層, 厚厚地, 硬硬地, 有點爽口, 不過一