甜牙牙煮意

营业中

休息中

呢間餐廳除左有西餐食，仲有超多款甜品，食完正餐正落食埋糖水超正😍🌟腩肉卡邦尼 $98加40蚊可以升級套餐，包左是日餐湯、餐飲同是日甜品。可以轉其他飲品同甜品補返差額。卡邦尼意粉可以簡扁意粉，幾煙韌彈牙，用左腩肉代替煙肉，加埋芝士同白汁都幾creamy.😬🌟鹿兒島A4和牛西冷 $188一人套餐幾抵食，本身沙律會好basic,原來係有埋兩款口味嘅雞翼，仲要好好食，炸雞翼好香辣酥脆。👍🏻和牛西冷點左150g, 西冷嘅牛味幾突出，幾軟腍。伴菜有雞髀菇、西蘭花同蕃茄仔，加左香草汁好清新。最驚喜係跟餐嘅自選口味窩夫，叫左Tiramisu 窩夫 ，估唔到四分一窩夫咁大份，仲有埋雪糕同tiramisu 😋😋🌟雪糕楊枝甘露 $58楊枝甘露有清新西柚、香甜芒果、Q彈三色芋圓、芒果雪糕、椰汁，夏天食消暑一流😍🌟士多啤梨藍莓酥皮餅 $68半份嘅酥皮餅份量都唔細，有士多啤梨，藍莓，桑葚，吉士醬，酥皮，再加上曲奇雪糕，酥皮好脆有肉桂味，甜品控必試。

收工去咗旺角搵嘢食，見到呢間西餐，見餐牌都幾多選擇同埋有二人套餐，就諗住試下。套餐包沙律、小食、一個主菜、一個意粉同一個甜品，我哋另外嗌咗一個糖水。西班牙火腿配自家制油醋芝士沙律火腿嘅濃郁風味與油醋醬的酸甜平衡得宜，加埋雜果仁，沙律菜好新鮮，食落開胃得黎又有層次感。蒜香炒小魷魚魷魚炒得恰到好處，軟滑有彈性，蒜香味濃而且帶點辣勁，好惹味。主菜可以揀牛、雞或者豬，我地嗌左烤豬骨排。烤得外皮微微焦香，入面嘅肉都幾嫩滑，保留到肉汁。醬汁味道香濃，甜味中帶少少酸。配埋薯菜食啱啱好，可以中和豬仔骨嘅膩。蝦汁大蝦扁意粉意粉好掛汁，醬汁係話用蝦頭炒香之後熬製而成，好香好濃郁。大蝦結實彈牙，絕非急凍貨，扁意粉硬度都煮得剛剛好。蘋果玉桂藍莓酥皮餅配2雪糕雪糕有五款可以揀，我哋揀咗朱古力同曲奇味，雪糕正常表現，不過不失。酥皮烤得金黃香脆，加埋焗過嘅蘋果雜莓，好夾，酸甜適中。玉桂味都好香，配埋雪糕食一流。椰汁燉桃膠糖水都幾大碗，有好多桃膠同雪耳，椰汁底唔會太甜，食落好潤。特別值得一讚嘅係服務態度超級好，侍應好有禮貌，又會密密卙水。上菜嘅速度係啱啱好，一碟接一碟，唔會要食好急，都唔會要等好耐，而且每碟菜都係熱辣

之前聽同事講先知甜牙牙原來開咗間有main食嘅店仔, 仲要都幾好食, 呢日出開旺角就決定試下個地點算係偏少少, 唔係最多人嘅旺區, 登打士街行到咁上下轉左, 就到咗豁然開朗嘅煙廠街日常鍾意食魚嘅我，一坐低就決定想叫個鹽焗鱸魚，唔係咁多地方有得食，緊係要try try佢因為係即焗, 所以staff都有講要等25分鐘，有興趣就坐低嗌定唔駛等咁耐。呢度啲dish都可以加錢要餐，凍凍哋我哋叫咗個餐湯，嗰日係南瓜湯，唔會太多cream 幾開胃終於等到鱸魚上枱，佢肉質比較緊實， 新鮮烤出黎都仲係鮮嫩多汁唔會太dry， 熱辣辣加少少鹽吊味，簡直是完美的搭配。唯一係魚皮比較韌， 但餐廳都好貼心，其中一邊會幫手將魚皮切開，而且有筷子提供 方便我哋食魚nice跟住係腩肉卡邦尼， 意外地清爽唔會好似其他店超多醬卡路里超標， 腩肉煮到金黃色好香口， 少少鹹香味配意粉啱啱好甜品方面，桂花麻糬西米露中規中矩幾好食。 不得不說桂花食落冇乜存在感😂 但打卡幾靚 ，麻糬好煙韌 係我想要嘅chewy口感出乎意料仲有芋圓， 而且綠色嗰個有啲似係抹茶圓（？），有少少清香嘅茶味壓軸嘅TIRAMISU鬆餅有驚喜❤️ 不愧係本家做甜

幾年前食過呢間舖頭既窩夫 印象幾好食點知今日再試 勁難食 未食過窩夫係咁淋又韌 （並唔係鬆軟）仲要叫左另外其他甜品都好難食 個火焰乜乜啲Cream 係檸檬洗潔精味 中間再有舊窩夫仲有叫咗個中式芋圓糖水 叫做不過不失因為實在太難食 所以膽粗粗問職員平時啲窩夫係咪都咁淋佢話新鮮嘅窩夫係淋 脆個啲係放左好耐咁我真係孤陋寡聞 平時食開大部分係外脆內軟 或者係鬆軟既 暫時未食過咁淋又韌 既窩夫基於佢咁講完 我忍唔住要打呢個食評如果大家終意食淋又韌既窩夫可以揀佢佢呢啲似係預先整好 再翻叮咁… 或者粉漿啲粉比例太多希望餐廳好好改善下食物質素 🙏🏻以前真係唔差

正當煩惱旺角餐廳都大排長龍，沒排隊的又麻麻哋時，見到平時食甜品的甜牙牙竟然有西餐，就發揮美食家的冒險精神試一試。店內客人沒有很多，有位置可以立即入坐。 研究了很久，就點了openrice 評價最高的雞和海鮮意粉。 檯角說加入whatsapp 可以以$2 換購蒜蓉包。 +$40 可以變套餐：有湯/沙律，飲品和指定甜品（芒果yogurt /焦糖布丁）如果是一早訂座，還可以正價有85折。可惜。。只能下次。見到隔離幾檯都有好打卡able 嘅龍蝦，翻遍整本menu, 翻前翻後來會10次都找不到，原來是特別餐，要提早一日預訂。下次試試吧。這裏沒有加一服務費，店員只有兩個，態度亦不錯，就是比較忙。下次我試其他菜再評論吧

情人節晩餐後，一心來這家食甜品，因為見google評分不錯。入去前有三張枱是沒客的，以為沒問題。入內叫了甜品後，等了約10分鐘，店員説今晚人多，所以要等20分鐘，我説沒問題；再等5分鐘，另一店員説人多，要等30分鐘，我説OK。再等5分鐘，店員走過來說人多，要等一小時，叫我不如去對面的分店食。之後入來的隔離兩台的人有相同的待遇，甚麼心情都比佢搞差晒!#原來呢間人多就做唔掂#還是我只叫甜品，沒有叫情人節晚餐，所以趕客?#如果事先聲明今晚只做情人節晚餐會好D囉大家以後去這家，見人多就諗清楚!

Sweet Tooth 甜牙牙煮意以甜品起家，但近年開了西餐分店，食客在享受甜品的同時都食到好吃的西式料理。餐廳的內部裝潢簡約風配柔和灰色調為主，牆上掛著一些藝術畫作，和星空燈為整個空間增添了幾分藝術感。我們點了兩樣受歡迎的菜品，分別是鹽焗鱸魚、檸檬烤雞以及加上升級套餐，包了沙律、飲品和甜品。♡ 1. 鹽焗鱸魚 (Baked Sea Bass in Rock Salt)鹽焗鱸魚焗到外表金黃，再搭配炸蒜、和辣椒慢煮鹽焗，香氣濃郁。首先覆蓋在魚身上的厚厚一層岩鹽，廚師巧妙地將鱸魚用岩鹽包裹並烘焙，這樣的烹調方式不僅能保持魚肉的鮮嫩，還能讓魚肉充分吸收鹽的香氣。♡ 2. 檸檬烤雞 (Roasted Chicken in Lemon)檸檬烤雞經過醃製後，再在烤箱中慢烤至外皮金黃酥脆，內裡卻保持著多汁的口感。檸檬與雞肉相融合，每一口都充滿了檸檬的酸爽，食落真會人忍不住一口接一口。隨餐附上新鮮的時蔬，增加了菜品的層次感和口感。♡ 3. 升級套餐 （沙律、飲品及甜品）我們選擇了+$40 的升級套餐。套餐包含沙律、飲品以及甜品，甜品是芒果酸奶，細滑酸奶搭配新鮮的芒果泥，口感滑順，甜而不膩。用這道甜品作

又經過了煙廠街，又想食飯又想甜品，第一時間諗到依度。 依度要環境又靚又 寬敞，主食同甜品都好食，同女朋友黎的好選擇！！西班牙火腿芒果卷份面個芒果好甜～比鹹香嘅西班牙火腿包住黎食，咸甜咸甜咁好好味～沙律配三文魚份量好足，幾款沙律菜新鮮爽口，入面仲有香脆嘅堅果，塊三文魚皮煎到香香脆脆，啲三文魚油混合埋本身嘅橄欖油同埋黑醋加埋巴馬臣芝士令到成個沙律更加美味腩肉卡邦尼呢個係用左餐廳自家腌製嘅豬腩肉，煎得香口脆身～濃汁香厚濃郁，色香味俱全蘋果玉桂酥皮餅（半份）鬆脆嘅餅皮上面有雜莓，吉士，加埋一球雪糕黎食，等雪糕半溶咁，一口入面有多種口感，重點係上面甜甜嘅蜂蜜，令到成個甜品加分~個雪糕仲有幾款口味自由選擇添～

朋友介紹嘅，喺一條細巷度，不過真係好好食！推薦俾大家！✨ 蝦汁大蝦圓意粉 ❤️我好推薦呢個！意粉吸收咗濃厚嘅蝦汁，口感滑順又有嚼勁，每一隻蝦都超彈牙，好新鮮！好香～✨ 鳳梨烤豬排骨份量超大，每一塊都好多肉肉，肉多而唔柴，外脆裡嫩～搭配清甜嘅鳳梨醬，酸酸甜甜，好好食！😍✨ 西班牙火腿芒果卷火腿有淡淡嘅燻燒肉香，同甜甜嘅芒果好搭，食越多越上癮🤣✨ 椰汁芒果西米河粉呢間餐廳嘅芒果真係好甜，芒果味又好濃🥭椰漿好濃厚，搭配黐糊糊嘅西米真係好食😋芒果河粉偏果凍質地，入口即化！

甜牙牙一直是受歡迎的人氣甜品店，今晚和朋友試一試這間主食的，最少早一日前經whatsapp 店舖電話6024 9426 訂座，正餐餐品更可享85折優惠，可以吃到晚上九時才離坐，性價比極高。【現烤蒜蓉包】麵包切成一片片，外層烤得酥脆，蒜蓉醬香氣撲鼻，鹹香濃郁，是一道美味開胃小吃。 【烤雞翼兩款】單骨炸雞翼外皮金黃酥脆，內裡多汁鮮嫩，經典的口感讓人百吃不膩。而辣味雞翼則加入了微微的辣度，刺激味蕾，面著香甜油醋沙律，中和了油膩感。 【腩肉卡邦尼意粉】意粉的熟度恰到好處，蛋黃醬汁濃稠且滑順，完美覆蓋每一根意粉，帶來強烈的奶香與濃郁口感。腩肉片肉質柔嫩，脂香濃郁，好滋味的意粉。 【朱古力鬆餅】有劇院蛋糕、朱古力雪糕、棉花糖等配料，蛋糕質感結實，雪糕入口即化，濃郁的可可香氣在口腔中蔓延，甜度恰到好處，不會過於膩口。雪糕的冰涼與鬆餅的溫熱相互對比。而主角鬆軟蓬鬆且帶有淡淡的奶香，外層微微金黃，內裡濕潤柔軟。 【拿破侖脆餅塔】酥脆的千層酥皮與香滑的卡士達醬層層堆疊，外皮稍帶焦糖香，吉士內餡甜度適中，入口時酥皮與奶香在口中交織，配搭水果和雲尼拿雪糕就更完滿了。

今次我嚟到旺角呢間西餐廳，原來就係甜品店甜牙牙的西餐廳，聽朋友講餐廳嘅食物質素真係好高，而且價錢又抵食！環境又舒服，服務態度又好好，係一間值得推薦嘅西餐廳。今次我就特登過嚟試吓佢。🤣**蘑菇湯**個湯好creamy呀，飲落去有陣陣蘑菇嘅鮮味，仲帶少少嘅甜味，完全唔會覺得膩。上面仲有少少忌廉同埋啲香草碎，令個湯嘅味道更加豐富，真係飲到唔夠喉呀。🍄‍🟫**蒜片炒安格斯牛柳粒**呢個牛柳粒真係不得了，係我推薦菜式。牛柳粒煎到啱啱好，外脆內軟，咬落去肉汁豐富，而且完全唔韌。配埋超級香脆嘅蒜片，蒜香同牛肉嘅鮮味完美融合，簡直係一絕！🐮**蝦汁大蝦意粉**呢個意粉嘅醬汁好特別，係用蝦頭熬製嘅蝦汁，所以個味好濃郁，充滿蝦嘅鮮甜味！意粉煮得啱啱好，唔會太淋，口感一流！而且蝦都好大隻，爽口彈牙，每啖都食到大大隻蝦，超滿足！🦐**檸檬烤雞**佢哋雞肉首先會用新鮮檸檬醃製，所以醃得好入味，而經過烤煮之後皮脆肉嫩，雞肉好juicy，完全唔會乾！檸檬嘅酸味同雞肉嘅鮮味完美結合，酸酸甜甜嘅，好開胃！🐣**焦糖布丁**呢個布丁真係好好食呀。焦糖脆卜卜，布丁滑溜溜，入口即溶，而且蛋味非常之香！甜度啱啱好，唔會太甜，食

一行四人到此，人流極高，應該評價不差！進店後點餐，當中新產品(榴槤酸奶冰)以及(朱古力酸奶冰)實在令人眼前一亮，大開眼界！甜品雪糕味道清淡，沙冰雪水味噥厚，冰底雞蛋布丁(酸中帶益味)，心太軟朱古力味道苦澀！幾款味道配搭，結果出奇地嚴重刺激味蕾，一試難忘(合極限重口味人士)本人嘗試問店員當中奥秘，店員解釋：店中冰塊新鮮制造，所以味道噥厚，需布丁更用酸奶制造，所以先能略帶(益)味經此一役，先知原人間美味原來如此，歡迎各路英雄勇士嘗試

以前一直吃甜牙牙的waffle，今天相隔多年來到旺角區吃飯，飯後當然找個甜品吃啦。原來甜牙牙在原來的店正對面開了這分店，店內除了一向受歡迎的甜點還有西餐意大利粉那些，還有酒精類飲品。Tiramisu鬆餅，配香草雪糕。鬆餅比一般的表面要乾身一點，內裡輕盈入口即化。蘋果肉桂酥皮餅半份，配士多啤梨雪糕。即點即烤的酥皮餅非常香脆，充滿牛油的酥香，配上蘋果粒丶藍莓丶草莓，用中間的吉士醬結合一起，面層一層肉桂粉🥂「香」「脆」！

甜牙牙煮意唔止有甜品食佢地嘅主食＆小食都相當有水準👍🏻幾適合愛食甜品而又想有飽肚滋味🤤🐓香烤雞中翼 $683件單骨脆炸雞翼炸皮十分香脆，辣度有點刺激🌶️3件烤雞翼味道微辣，內裡嫩滑，食得滋味全部雞翼入面都係熱辣辣伴有骨碟十分貼心❤️🥗伴碟的沙律菜亦有驚喜淋有酸甜的沙律醋，配上粒粒果仁，味道清新😋🐮蒜片安格斯牛柳粒 $108整碟滿滿牛仔粒，伴有沙律菜一口一粒安格斯牛，肉味濃郁牛柳粒煎得恰到好處，內裡肉質保持鮮嫩，咬落帶點肉汁配上香口的炸蒜片，提升香味🍝腩肉卡邦尼扁意粉 $98扁意粉上灑有芝士碎意粉掛汁，口感彈牙醬汁帶有芝士與蛋香伴有片片腩肉，帶點肉香與鹹味🍓士多啤梨鬆餅🥞 $88鬆餅即叫即整需時15mins暖粒粒的鬆餅&黑莓果醬，配上冰凍士多啤梨雪糕，冷熱交融口感甚好鬆餅口感輕盈，入口慢慢滲出香濃蛋味餘韻，值得一試🤤🥭芒果拿破侖88拿破侖擺盤精美，打卡一流底面千層酥皮，口感酥脆配上芒果味吉士醬，一脆一軟，口感有層次❤️甜品高質，主食令人驚喜，值得一試❤️

朋友介紹位於旺角甜牙牙煮意"cookery sweet tooth"透過WhatsApp:6024 9426 訂座可享85折享受正餐優惠！Booking by Whatsapp:6024 9426 got 15% discount!只需要24小時前預訂座好方便呢～不過不包括甜品飲品和特價套餐，有限時㗎，120分鐘享用，雖要9點前結賬及離座。如沒有人等位可以無限延長時間。👍而且訂座還可以免開瓶費和不收切餅費。加$40可升級套餐添，有湯或沙律菜及飲品和甜品。😋我哋選了蘑菇湯和凍檸檬茶。蘑菇湯味道好香濃好creamy 淨係呢個湯都唔止40蚊啦。溫馨提示 一定要升級啊！👍🍤🍤🍤蝦蝦哈～我好中意食蝦㗎，選了兩款蝦食品。海鮮酥餅批薩~外貌超吸引，好大隻蝦，望到我眼仔碌碌， 廚師細心已切成九小件方便進食，每一件都有一隻蝦同一粒八爪魚，入口淡淡蝦肉，蝦肉爽口配埋青醬同芝士好香濃呀，咬落去酥餅好香脆及有小小薄荷葉香味。👍蝦汁大蝦扁意粉~用蝦頭炒香後煮的蝦汁超濃鬱蝦汁味道，醬汁很多啊！入口有少許少少辣，扁意粉軟硬適中，大蝦入口爽。👍甜品跟餐~焦糖布丁和芒果乳酪焦糖布丁蛋味香濃幼滑，芒果乳酪有芒果粒和大粒藍