甜源居

营业中

休息中

上星期4, 去左西貢, 下午去左當叫甜源居坐底.環境幾優雅, 我就中意坐室外, 依家天氣涼涼地嘛~我睇完MENU 就叫左個勁量炸雪球, 40$到, 因為見特別所以試下.佢黎到..嘩..好大個, 食落佢係用蛋糕包住雪糕黎炸到金黃色, 出面好香好脆, 入面係好滑既維記雲呢拿雪糕, 好好食呀. 點解我知係維記,士頭婆講我知既~佢仲有2塊西瓜伴碟添~食緊同時見到隔離有個人叫左個沙冰堡壘, 賣相唔錯, 下次要試下先~

吃過一頓令人心滿意足的海鮮宴，當然便要吃些甜食作押尾才算圓滿。在西貢吃甜品，小弟是從來不去人山人海的"滿記"的。心頭好一直是身處較偏僻之地的"甜源居"....甜品花款之多實在看得人眼花。既然沒有太多主意，所以最好的還是"還原基本步"，叫些大路的吃便算....楊枝甘露十分的濃稠也足料，甜度甚強勁，芒果及西柚粒甚多的，又甜又帶酸，吃得過癮；偷吃了一點太太的特色甜食名為"白雪公主"，內裡有着大量的碎冰，絕對是天時暑熱之恩物。材料有不少清心丸，大大粒的吞入口，口感QQ；本來原裝版本的重頭戲是果后山竹的，但是日缺貨，換了顏色同樣是米白但味道及質感有着天淵之別的海底椰，當然是失色了不少，少了一份山竹特有甜中帶酸的獨有滋味；薏米跟清心丸一樣有很多，吃完後好像有點藥用功效，去御手洗的次數也多了....

打風天搞小型癲Tour，真係咩都做得出。＠呢度其實寫左一堆List For 餐廳，見到呢間同AJ都擺埋一齊，不如唔好浪費時間。叫左芒果河粉。芒果汁其實都幾新鮮，濃稠方面Arm Arm 好，反而芒果個look唔似本身。個河粉都滑溜，有少少香蕉定雲呢拿味，一「o雪」就食左佢~其實三十二蚊真係唔算好抵，但至少出名既試過丫。

食完全記呢餐唔係咁滿足既晚餐之後,老公帶我嚟呢度食吓甜品以填補心靈上未能滿足的空虛感雖然都食咗好多嘢吓,但對於我呢D永遠覺得有另一個胃放甜品既人緊係無問題LA睇吓甜源居餐牌原來遠至茵特拉根都有分店的甜品店,哈哈不過係位於祖國深圳東部華僑城之內的茵特拉根城有好多甜品想食,但係只可選其一就揀左個有生菓又有ICECREAM香蕉船,細細個的時候係好恨食呢個甜品,因為呢個通常係餐室度最貴的,又唔係間間有得,所以每次食呢個甜品都好有滿足感甜源居既香蕉船好味在佢哋既雪糕度,紅豆同朱古力味都好香滑雜果都夠多.而老公就揀左個天府雜果冰即是凍雜果花茶,都幾清甜.下次要食吓佢哋其他甜品至得

叫左2個甜品...炸雪糕同埋芒果班cake講下個炸雪糕先,一睇個餐單真係幾貴下,但我係為左lei樣野而泥既,幾貴都會試泥到之後,原來有2個既,仲要咁大個@@計落都幾抵既個雪糕好好食^^個皮都好好食,有d奶味,但厚左少少,總括泥講我都好滿意或者佢可能整多d味比客人簡^^之後就係個芒果班cake,個d芒果有d酸,麻麻地個皮就太厚喇,個邊位直頭係食唔落口,剩番係度下次再去,我仍然會叫炸雪糕^^

八點左右入到西貢，第一站就去左依間野依個時段都仲未開始多人，所以一入到去都已經有位可以即刻坐底叫左個芒果河粉。個賣相好靚，好香芒果味有多舊芒果，個湯底係用芒汁加埋西米。個啲河粉係用蒟蒻整既，食落口覺得好幼滑而且份量都幾多!如果當飯後甜品既話，一個人應該會食唔晒，因為好大碗下次得閒都會再去食不過如果價錢平啲就會更好

成日都好想試,但無奈個價錢真係有D貴啊爸經過話試下,於是就叫左期待好耐既炸雪糕><四十幾得兩大粒,的確唔係好抵!不過純粹係想試下!之前已經係度食過芒果河粉同其他甜品!覺得幾好炸雪糕,幾好味,推薦雪糕用紅豆味!有D奶味咁,幾好食個皮就略嫌有D厚但唔會食多次,太貴,唔抵><

朋友話有一間好好食既糖水舖一定要試!咁我地就一行三人去影完相就去左西貢搵好食既糖水估唔到以前係滿記隔離既甜源居搬左位因為好耐都唔去一次西貢所以一直都唔知以前就已經覺得佢地既野食好過滿記!今次重試左好多唔同既野食~重有同老板娘好好人好好傾^^~又介紹左D特色野食比我地重同我地講佢地每季都會加入一D新野食~叫我地得閒就去下

細妹推介這間甜品，今晚咁啱約朋友入嚟食海鮮，見時間尚早，又有點肚餓，便與男友先到此吃一個甜品作Tea。我選了妹妹推介的河粉，因為想吃多點生果，所以我選了什果河粉。河粉做得不錯，味道適中，也不會太甜，配合芒果汁，真的很美味。男友的蘋果魔芋露，清清地，內有少許雪耳，也不錯。不過，男友略嫌不夠凍。下次要來試試石榴飄香，因為我極愛石榴呢!

今晚去左個零收鑊chok墨魚團~落左船朋友仔提議話去食炸雪糕 貪得意既我當然唔會say no啦去度先知係原來黎甜源居~記得好耐之前食過,間鋪仲係滿記隔離 宜家搬左鋪位置幾偏僻下但都爆埸呀 等左一陣先有位呢炸雪糕 外表圓looklook好似炸魚蛋 吉列豬扒的皮包住大大球雲呢拿雪糕 切開左個雪糕都仲未溶 唔錯wo~外暖內凍 又冰又火既口感都幾得意 炸皮唔算厚食落唔會好油膩 我同好友都一匙一匙咁食到停唔到手 值得一試呀白雪公主 唔知食咩好 咁就試下個店員推介呢位白雪公主啦 仲聲稱有去濕解毒養顏功效 arm晒我呢d經常燥底人仕 其實即是椰汁露內加山竹,清心丸同薏米. 山竹甜品好少地方有 不過呢度既山竹幾酸配埋奶味重重既椰汁露唔太夾 食完真係有俾店員搵笨既感覺= ="芒果涼粉 大大片芒果肉絕不欺場 濃郁芒果汁底可以當湯飲咁 加埋消暑涼粉食完即時透心涼 惟一要彈既係涼粉切到勁大粒,求求其之作 玩完成晚再同朋友食個糖水吹下水 十分滿足的一個晚上~謝謝友人請客

may 01, 10去完橋咀洲地質公園,同大家醫吓肚,7大叫咗以下 : 1) 川貝雪耳燉木瓜 (hk$22)-無試到,估計正常 2) 金沙寶藏 (hk$28)-個面做得要讚因個糖面燒得很脆,用匙"羮"敲下時,卜聲裂開-可惜底下嘅布甸味道真喺不濟,布甸中有好多西米,呢樣嘢喺無味,連甜味都唔多覺,整體無嘜味,幸好滑度都合格的-很沒癮的甜品 3) 蘋果魔芋露 (hk$28)-友人話成碗無嘜味,個蘋果底無果甜-相信2款生果嘅甜度也不高,所以拉不起全碗嘅味道上嚟 4) 榴槤飄香 x 2 (@hk$35)-對榴槤好敏感嘅我,坐喺旁邊,d味已經撲埋嚟,令到我要背住友人們咁食-不過好此道嘅友人就覺得好似滿x好d 5) 生果皇后 (hk$28)-個底好似喺芒果味-似乎全晚味道叫做第2似d樣嘅出品* 友人話以前佢嘅水準好d.........雖然佢嘅另1名物芒果河粉我哋無試到.........但試咗今次之後,我對芒果河粉都唔會有咩寄望..........我個人覺得嚟多次都可以慳番 * 當晚西貢嘅所有食肆都爆到滿瀉............連這間甜品也不例外

我好鍾意個芒果河粉, 個河粉質質無咩味清清地, 但加埋香甜既芒果汁底都唔錯, 楊枝甘露好味過其他店, 我比較鍾意呢度既出品, 其他都無試過. 不過外賣既碗好細, 果次外賣芒果河粉, 我諗個份量係堂食一半都無, 勁唔抵, 佢用番芝麻糊果d碗仔邊載得晒成碗芒果河粉喎, 起碼都比番個車仔面碗咁大呀, 可以既話我一定唔會再買外賣.

食完晚餐, 行到過來食甜品.好多人, 開左好多 摺枱!叫左兩個甜品, 都係生果, 其中一個係榴槤!等緊果陣, 見到店內勁多明星相~睇都睇左好耐, 時間過得好快!起碼, d 甜品好似馬上已到枱上咁~榴槤我唔食, 大豬女友話好正~我只食了另一個西瓜的, 個瓜半生喇, 幾硬, 瓜唔甜, 但因多其他甜耶耶的汁, 打平均都ok喇.榴槤愛好者必來!

黎到西貢最尾1站;就梗係食甜品啦!睇完OR話呢度有芒果河粉;就同男朋友叫左1碗SHARE30蚊就有D貴囉不過...蒟蒻整成O既河粉;望落已經好吸引!加埋芒果汁做O既湯底同埋少許西米;再加埋半個新鮮芒果切片;加埋1齊就好似魚片河粉!湯底O既金黃好吸引!!呢個河粉最特別係冇味精;仲要成個湯底飲晒河粉好煙UN好有咬口;芒果好甜;加埋個湯底真係好正!!下次要再黎~PS;西貢吾係淨係得滿記姐我又覺得!呢度假錢貴得有道理;滿記吾係話吾好;但係價錢偏貴我又吾太覺得值果個價!

同朋友在西貢食完晚飯,當然想食埋甜品la,不過唔係滿記,而係甜源居,貪呢度唔似前者越做越差。由於朋友第一次來,當然order芒果河粉俾佢地試下,結果不出我所料,個個讚不絕口,賣相靚,味道一流,真係可以把芒果汁底當作湯咁飲。而我就因為之前已試過芒果汁底,所以今次就轉試番石榴汁底,又香又清甜。另外再order炸湯圓,如果就咁食,就好普通,但如果淋上芒果汁(隨炸湯圓附送),即刻fresh好多