影片
港铁旺角站 E2 出口, 步行约5分钟
继续阅读
电话号码
26828928
营业时间
今日营业
12:00 - 00:30
星期一至四
12:00 - 00:30
星期五至六
12:00 - 01:00
星期日
12:00 - 00:30
公众假期
12:00 - 01:00
以上资料只供参考，请与餐厅确认详情
📍 甜悦食完饭之后当然要食埋甜品，第二个胃黎架嘛🥳行到门口已经劲多人排队，跟大队试试佢先😎甜品既种类都算多，中式糖水同西式甜品都有齐，椰皇炖蛋更加系枱枱都叫添！🥥榴梿椰皇炖蛋白配小丸子（冻）（+桃胶） $72满满既榴梿肉铺喺面，榴梿嘅质地好绵密，每啖都食到一丝丝嘅榴梿😌配料有小丸子，口感烟韧，几Q弹～嚟到戏肉系炖蛋，蛋白香浓而且劲顺滑！另外，加左份桃胶，滋补一下🥳 🥣杏仁露椰皇炖蛋白配汤圆芋圆（热） （芝麻） $64想养生既大家都可以试呢个！热既椰皇炖蛋白奶味更加重🤩而杏仁露带有淡淡既坚果香味，配合椰皇既椰香味，味道好夹！而汤圆同芋圆咬落Q弹，值得一赞既系芋圆真系好好食😋咬落会有甜味～🗻雪山奶冻 $42听到个名咁得意即刻叫返过嚟试吓😍一上枱嘅时候就系一个富士山既造型🤩奶冻既奶味好香，个质地都系有弹性，唔系果啲好结实嘅质地～最出色既系最上面既奶盖，仲加咗啲紫薯碎同饼干，令味道冇咁腻⭐️好味指数： 8.6/10
继续阅读
旺角新开甜品店- 甜悦 顾名思义 食完甜品就会令人感到喜悦☺️歌仔都有得唱啦🎶「甜品使我心痒 亦期待你共我愉快分享」⍥ 杨枝甘露椰皇炖蛋 ❙ $52第一次见呢个配搭！见到个炖蛋水汪汪 卖相麻麻地？🫢问过店员原来系为左令炖蛋更滑溜 所以做法有啲唔同的确 食落系几滑溜轻盈😆我觉得倒啲杨枝甘露落去 食落唔算太融洽但唔难食 芒果份量几多 好彩甜度唔高😂⍥ 香蕉雪糕窝夫 ❙ $54最爱食waffle😙如果系厚身啲就更开心啦！庆幸烘得外脆内软 几香口 雪糕只有云呢拿味 仲有好大pat cream🤣呢个组合实无死😌！⍥ 火灸芝士蛋糕 ❙ $46史生最爱cheesecake 🤤奶味香浓 幼滑细致饼底虽然唔脆 但都增添左口感而且唔会好甜 食完气脷唔会鞋飒飒🥰我地都钟意！！⍥ 雪山奶冻 ❙ $42又勾起我既日本瘾🥲奶冻卖相一百分 打卡冇得输质地方面 我就钟意实净多少少😂用力啲都惊整烂呢座山面头既「雪山」其实系奶盖如果咸多少少去balance下奶冻既甜就更好
继续阅读
♥ 招牌椰皇炖蛋白！🥥旺角创新、种类繁多甜品店♥若你已经厌倦了常见的糖水舖，不妨试下旺角的甜悦 Joyful Dessert Lab ！😽菜单上有传统与创新甜，种类多样，必有一款啱你口味～而招牌椰皇炖蛋白基乎每枱必叫～🥥① 椰皇炖蛋白配椰汁雪燕芋圆 $69🥥
炖蛋白的蛋白味及椰汁味好balanced～👍🏻上面铺满了雪燕，再加上芋圆和蕃薯圆，口感丰富～我们还加了两粒汤圆😽② 焦糖巴斯克开心果芝士蛋糕 $58
蛋糕表面用火枪烧过，卖相吸引🔥蛋糕的焦糖味比开心果味重，整体比较甜，蚂蚁人一定喜欢～中心位置比较软和creamy，一个人吃一件会有点腻，适合与朋友分享！③ 鲜蓝莓火龙果乳酪 $48🫐
由鲜蓝莓和红肉火龙果果汁组成，搭配乳酪，既解渴又健康～📍 甜悦 Joyful Dessert Lab
旺角花园街11A号地舖
.・。.・゜✭・♥・✫・゜・。.#旺角 #甜悦 #甜品 #椰皇炖蛋白 #芝士蛋糕 #旺角甜品 #旺角餐厅 #旺角美食 #旺角甜品
继续阅读
餐厅：甜悦地址：旺角旺角花园街四海大厦超级推介焦糖巴斯克原味芝士蛋糕配雪糕！超好食大家可以去试吓！！！！！今次试咗呢款焦糖巴斯克芝士蛋糕配雪糕，一上枱就觉得好吸引！面头𠮶层焦糖烧得金黄脆口，轻轻一敲就有「咔嚓」声，下面系厚实嘅巴斯克芝士蛋糕，旁边仲有一球云呢拿雪糕，冰火交融，睇见都流口水！ 味道同口感芝士蛋糕质地好滑，唔会太实又唔会太散，入口浓郁但唔腻。焦糖层脆脆哋，带少少焦香苦味，同芝士嘅甜味好夹，食落层次好丰富。雪糕系经典云呢拿味，奶香十足，一啖热蛋糕加一啖冻雪糕，冷热交替，口感超正！ 整体评价呢个配搭真系冇得输，焦糖嘅脆、芝士嘅浓、雪糕嘅冰凉，三样嘢夹埋一齐食，味道平衡得刚刚好，唔会太甜漏。如果钟意食芝士蛋糕，一定要试吓呢个版本，比普通嘅巴斯克蛋糕多咗份惊喜！
继续阅读
今日行经波鞋街见到有间玻璃橱窗放满左多款蛋糕、班戟同糯米糍，真系好吸引🤩再睇埋餐牌甜品种类有好多，真系你谂到既都有～有人气补身椰皇系列、豆腐花、台式仙草、夏日必食刨冰系列、中式糖水、西米露等等，如果你系榴梿控呢度更加岩晒你，佢有多款榴梿主打甜品，特别推荐D24 榴梿水晶珠珠冰👍🏻另外佢有招牌雪糕窝夫卖相又靓好味🤭最有特色甜品一定要提蝶豆花富士山奶冻，卖相够晒梦幻可以用黎打卡呃like😍而家新出左雪糕糯米糍系即叫即包，雪糕味道仲可以拣豆腐、芝麻、开心果同D24榴梿味😋座位方面唔好见佢出面得咁少位，实则内有干坤行入少少有更多位，就算你推住一件二件行李或者婴儿手推车都唔紧要，可以安排坐入面阔落啲😊而且地点邻近波鞋街、家乐坊、兆万中心，好适合同朋友系附近食完晚餐再过黎糖水直落～—————————————————————————————♦️冰糖雪耳炖木瓜（热）：特别叫左碗中式糖水试下，木瓜同雪耳份量几多，木瓜每旧都大大粒，另外加左南北杏味道都几出，重点系一啲都唔甜岩岩好，绝对够晒足料♦️鲜芒果益力多芒果味绵绵冰：夏天咁热又点少得食绵绵冰消暑☀️本身想叫茘枝龙眼雪山，但后尾见佢系益力多绵绵冰所以试下，而家已经愈来愈少见有益力多味绵绵冰，芒果肉大大粒仲有好多旧，绵绵冰份量都唔少而且芒果味道非常浓郁，益力多既酸甜平衡芒果既甜味，令整体口感更加清新～绵绵冰质地非常细腻，入口即化🥰♦️多芒布甸小丸子（+花生汤圆2粒）：卖相几靓芒果布甸好大个有成个碟咁大，布甸系芒果布甸入面都有芒果馅超滑溜，真系超足料💖另有花奶可以因应需要自己加，小丸子外层皮薄，口感好烟韧Q弹，食落每啖都好满足🙈想试埋佢既汤圆所以加左花生汤圆，花生馅香味十足，汤圆外皮软糯有弹性，不过就唔算好大粒～评分🖍️(满分为5个🌕)抵食指数：🌕🌕🌕🌕🌑服务质素：🌕🌕🌕🌕🌕环境：🌕🌕🌕🌕🌑味道：🌕🌕🌕🌕🌗
继续阅读