甜心婆婆

营业中

休息中

中伏楊枝甘露，加$6嘅小丸子未熟，芒果唔甜、碌柚又苦嘅苦係完全食唔到落肚，包裝好求其好似擺咗好耐咁，價錢又貴，絕對唔建議食，仲要雪糕糯米糍兩件都買你16個幾。千祈唔好去買。

等候時間太長，收銀姐姐話太多單，但係我見到我個糖水出咗佢都仲未幫我執外賣，仲要我提佢先至幫我執，個姐姐做嘢太慢，同埋其實如果佢多單出面咁多人等佢都可以入去幫吓手㗎嘛，咁咪唔使積咁多人，專登用OpenRice買定外賣估唔到都要等成廿幾30分鐘，下次不了

今日如常用open rice點甜心婆婆的綠豆糖水！返家一打開！已經覺得唔對路！水到呢！係水還水，豆返豆！明顯分開兩層！唔知係婆婆冇貨賣要加水，定啲豆貴咗！入口，味道都有啲同平時唔同！點唔同，好難講俾你知！反正唔係我食開的味道！反正係怪怪哋！之前從未試過，以前最多係份量不太足！但可以理解！但今次真係有啲去到垃圾級別！但我哋一場街坊！我俾多次機會婆婆！下次再係咁！就永不錄用！其實小店唔靠品質，（服務係冇嘅，可能係外賣啦）可以靠乜？

呢間舖係一個屋苑嘅細商場入面，相信唔係住戶好少去呢個位。叫左1.凍腐竹白果芋圓加愛玉2.水果荔枝茶3.綠茶蒟蒻多多加寒天粒粒水果荔枝茶，唔係我飲嘅，所以no comment，但都見有生果，算係足料。綠茶多多，少少茶味夠晒多多味，不過佢default加蒟蒻，啲蒟蒻好鬼甜。腐竹白果芋圓加愛玉，呢個超驚喜！香港好多糖水舖話自己出名腐竹糖水，但我真係食過好多間，好多稀到不得了，得陣糖味，白果又少。我自己都會煲腐竹糖水，係會落好多腐竹去煲，所以市面上都無邊間我覺得合格。呢間真係掂，杰身，重腐竹味，又唔會太甜，而且白果超多無苦味，佢開半唔係碎上，有啲糖水舖係碎上。芋圓見佢都算係自家推介，算係咁，食到芋頭南瓜綠茶味，口感煙韌唔死實，但好出色又未算，中上。支持小店，又係可以encore。

從deliveroo訂了芋蓉鮮奶 $48這個並沒有熱飲的選擇點了少冰，另外加了綜合小芋圓芋頭味濃，但我覺得芋蓉再次再打滑一點並沒有很甜，鮮奶與芋蓉真的是絕配⚎⚎⚎Recommendation 🅙🅙🅙🅙/5⚍⚍⚍

經外賣apps嗌過2次，真係好足料，次次都會嗌芋圓，因為真係會俾好多粒！最推薦係白果腐竹四色芋圓同芋圓百寶盒👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

我同同事都好鍾意食嘅一間長沙灣糖水舖😋，所以今日下午茶又忍唔住叫咗外賣❤️1. 芋圓大寶盒 🌟🌟🌟超級推介 我揀咗仙草做底料，而配料有珍珠、小丸子、芋圓同紅豆。除咗仙草底仲可以簡愛玉或者豆腐花。份量超級足料，下午茶食佢真係會好滿足！仙草一定要加煉奶先更加好味，再配搭埋紅豆更加滋味。而芋圓大大粒有唔同口味：抹茶、紫薯、蕃薯... 仲要超級煙韌又夠味，超加分🤤唔會粉唔會無味！珍珠同小丸子都係好煙韌，整體冇嘢可以挑剔！

突然想食糖水，用apps search 下， 見附近得呢間有份，跟手上黎睇食評個個都讚，於是就試試叫左芋圓寶盒(有小丸子，黑珍珠，紅豆，4色芋圓)，紅豆沙小丸子4色芋圓同熱豆腐花，仲好貼心咁跟左5樣野 : 黑糖，黃糖，糖水，椰奶同花奶，認真抵讚3樣糖水都好高水準，紅豆沙唔會太甜，但如果有小小陳皮味會正啲，到芋圓寶盒，真係好豐富，唔會每樣得幾粒，特別要講既係芋圓同小丸子，軟硬適中，而且少少煙韌到豆腐花，夠滑，但嫌欠豆味，但都係唔錯，整體3樣都好滿意，一定會再有下次

今次已經係第二次幫襯 食過一次後 成日心思思就想...再食佢個芋圓百寶盒 當然要配我最愛嘅仙草 佢仲要有幾款揀可以配愛玉或者豆腐花底 啲芋圓好煙韌同好QQ 黑糖珍珠個黑糖好香 仲會畀多一盒仔黑糖 可以加落碗糖水到 好有愛既小店🤤豆腐花都好食 好香豆味 完全係一碗好足料又滑既豆腐花重點嘅係今次另加左芋頭蓉紫薯蓉試下啦 超有驚喜 好滑好香 唔係講笑好好食👍🏻 聽店員講 係老闆娘每日親自整 唔係機器整出黎 一間小店可以做到咁有心機 又好食 好難得 真係見少買少 會繼續幫襯

一間小店可以做到這樣的水平還是挺驚訝的，這間小店有很多不同的飲品選擇而且糖水配搭也是很豐富的，啲糖水真係煲得好靚，佢哋啲糖水很足料。紅豆沙食落口感不錯，沒有只是喝水的感覺，煲得很蓉，是我理想的紅豆沙。而椰汁西米露的椰汁味很香，不會淡而無味，反而椰汁和西米露的比例很好。而百寶盒可以一次過食到不同的配料，是一個不錯的配搭。至於飲品方面珍珠是做得不錯的。而玫瑰椰果梳打真的十分推介，這杯飲品意外地好飲，配搭也是挺新奇的。這間小店的飲品幾特別又做得好飲，可以媲美連鎖飲品店。很喜歡這間小店的甜品和飲品，會多光臨這小店。

甜心婆婆新開咗一排，見到社交平台好多人都讚好，話芋圓豆腐花做得唔錯，煙靭控嘅我當然好想試吓珍珠芋圓啦，終於有機會買個外賣返屋企食！兩個都係四式芋圓珍珠寶盒，不過一個係豆腐花底，另外一個係愛玉底。佢唔係好平，但份量就好多，食完真係飽晒。講吓啲配料：四式芋圓：好Q好煙靭，芋頭圓有食到淡淡芋頭味黑糖珍珠：煙靭有口感小丸子：口感都好軟糯附近有好食嘅芋圓令人太感動，絕對有回頭率嘅餐廳！不過老實講，愛玉底好似唔多夾，下次我會揀返豆腐花底！

呢個鋪位之前2間甜品/飲品都做得唔好,試過一次已經唔洗再試！今日見到新開,點都要試一試！買左個熱豆腐花,一支黑豆漿,豆腐花$20都算大碗,味道唔錯！因為我唔鍾意太甜,支豆漿對我黎講偏甜,應該唔會再買！係荔枝角係搵唔到糖水舖,希望佢可以keep住個水準！

新店開張 試業期間有9折試左老闆娘推介的芒果沙冰透心涼甜度適中...唔係藥水既死甜..仲有芒果肉係入面!!!個杯幾靚好厚身...拎返屋企再用^_^見佢仲有糖水...下次經過再試下..

有日食完飯行過 中式糖水又平又好食， 食個腐竹蛋同埋 四色芋圓好好味( 尤其是綠茶味有驚喜)不過呢度最出名好似沙冰 我今次就冇叫但係啲friend嘛好香好好飲 下次一定要試下