影片
今日再一次黎到甜嫂....未行到入去...已经听到佢地系到笑..再一次听到个水吧女仔把声...哈哈...呢次都系同几个朋友一齐黎....我仲介绍左个水吧姐姐俾我d朋友识..而呢次我地几个都简左几样自己钟意ge野食..有...什果豆花....芒果豆花...杨枝金路布甸(冇记错ge话)...榴梿豆花.....钟意食榴梿ge朋友必食(仲有叫咩大合奏啦...榴梿滑dd...)不过本人对个汤圆就麻麻地...d汤圆可能浸耐左..d皮唔够弹牙...呢样差左...但d汤就够味...够辣...之前几次都听到个水吧姐姐同楼面个阿姐同个老细系到讲话d汤圆煮d咁就唔洗个客等....呢点我就唔同意了俾著系我都宁愿要个客等几分钟都好...汤圆都唔会煮定我反而同意呢个讲法...因为汤圆系即时煮先会好食...希望佢地面个都听取水吧姐姐个建议啦....!!!汤圆有代改善....基本上都几满意....服务都唔算差
继续阅读
系筲箕湾食完晚餐之后太饱，所以就徒步沿大马路走至鲗鱼涌去。 心情有啲差咁行到西湾河，途经一条小巷，向上一望发现有一间小店闪着招牌，即使知道自己呢排肥咗，但心情唔好就梗系要食甜品(这是错的，只是借口)，望入店面无乜人，个店员哥哥态度唔错又几好咁，又见到有心太软食，于是就行入去坐低食～
呢度个装修很港岛，窗，地板同摆设都很西式，应是一家西式甜品店～但很美，心情有纾解到的。
点餐是自己划表的，容易填写，选择极多而且可以自己拣雪糕同加topping，好个人化，正！友人同我倾过就拣左椰汁紫米露(冻)同朱古力心太软伴雪糕，雪糕可以自己拣，我拣了曲奇味。呢度啲甜品算要等得耐，椰汁紫米露五分钟后上台，紫米味随住椰汁香气飘来，真系几正！但我怕冻，食一啖就好～椰汁系后加既，多咗啲，我宁愿自己架～可能冻得耐就有啲杰啦，但够紫米香架～都几surprised既，系咪好好食呢，又唔系，但okay既。心太软要焗，等左廿几分钟先到，无乜香味传出，系到面前我闻到味，摆盘真系唔错，香蕉几香但个size真系好细个，系我食过既最细个，都要$46，有啲唔抵。 切开嚟，内心已变超杰身朱古力浆，完全唔流心，好失望，但内里冒烟出来，肯定系焗炉新鲜焗，唔系微波炉叮，系值得欣赏既，但真系太细只啦！加上个球雪糕只系雀巢，无特别，又融得快，又甜左啲，$46太唔抵啦！！可否考虑下转啲靓牌子，例如哈根大师？朱古力浆好浓郁，我估ARD65%既比利时朱古力，唔系好甜，钟意食80%既我都接受到，只系唔流心而令我有啲灰心。 外皮香脆，朱古力味极浓郁，入口有惊喜，唔漏，但真系size太细，有少少唔多喉啊呜～香蕉够蕉又香，外皮好好食，内心又太杰太熟，有少少失望。等甜品期间，水吧姐姐同厨房哥哥互扔冰粒，玩乐吵闹，令宁静既店变得嘈闹，难怪心太软太熟啦，奇怪既系，老板唔闹架㖞，真得意。 咁失礼都唔管下啲员工又点得呢？最后食左六十几蚊，性价比有啲低，有啲唔抵。
继续阅读
食完晚饭, 地胆朋友揸车带我地食糖水 , 见附近无乜餐厅, 原来转个弯就黎到间糖水铺, 十点几已经有好多人坐系室外成班朋友系到食甜品啦 日式朱古力脆皮奶冻$25味道OK啦 , 感觉都几得意薏米腐竹糖水$17钟意呢种腐竹厚身啲 , 唔会煲到烂哂, 几有口感绿豆沙, 同下面嘅合桃露, 都好杰 可能系煲嘅时间落得太多米杨枝金露$28芒果都几甜, 唔错薏米腐竹糖水+流沙芝麻汤圆$22都有厚腐皮, 正, 汤圆都OK
继续阅读
因为唔想食冻野, 所以决定摆脱次次都系食榴梿的习惯, 今晚要试新野。叫左个无花果苹果炖雪耳, 秋天当然要滋润下。份量算细, 不过中式甜品差唔多la, 入面得2片无花果干, 其实少左点lo..苹果同雪耳就够多, 苹果系连皮炖的, 入口即化, 雪耳就够爽, 个汤底感觉好润, 食落酸酸甜甜,清得来暖暖地好舒服。老公叫左个香芒雪山, 个甜品主要系芒果沙冰底, 面有芒果肉同埋芒果雪糕, 仲有点透明硬硬地的珠仔..唔知叫咩。沙冰好幼滑, 有好香芒果味, 芒果肉好清甜, 上面的芒果雪糕入面有果肉粒, 奶味较重。沙冰融得好快, 要食快点唔系就变水lo
继续阅读
啱啱同朋友食完饭去食糖水，店舖环境一般，贪佢门口可以泊车，坐低叫咗个紫米露豆腐花同香蕉船。先讲紫米露豆腐花，卖相已经奇差，味道只有甜，应该落得太多糖水，紫米露又搞到一pat pat。香蕉船好少少，因为无特别技巧，味道还可以。整体感觉失望。
继续阅读