甜在心 (已結業)

原本想比「喊面」，不過鑑於這裡選擇很多，可能選錯了食物，就轉了「OK面」。又落左廟街，會合在尖咀過來的太座去吃飯，時間尚早，見這裡裝修新淨又光猛，就先來吃吃甜品。甜品選擇不少，成十頁紙，就要了薑湯五豆及意式西瓜涼粉。薑湯還可以選大中小辣，個人而言，當然是越辣越好。兩款甜品都不好吃，意式西瓜涼粉就只是涼粉絲加西瓜粒，跟「意式」一點關係也沒有。西瓜不甜，涼粉也淡出鳥來的，份量雖不少，但水準一般；薑湯幾夠辣，但跟豆是一點關係也沒有，絕對是最後才溝在一起的，幾款豆都煲得不腍，硬硬的，吃剩了不少在內。40蚊，不算是便宜。有時其實花款不用多，簡簡單單的幾款，如果做得好的話，已很不錯。

一行八人星期日晚專程走去佐敦食糖水, 點知原本想去個間糖水舖搬左, 是是但但入左呢間.款式超多, 不過個waitress好攪鬼, 叫”淮山芝麻糊”, 佢話因為d芝麻唔靚, 唔啱做芝麻糊. 叫薑汁撞奶, 又話d薑唔靚, 唔啱做薑汁撞奶, 不過用o黎做薑檸樂, 薑汁湯圓又okay喎!我千揀萬揀, 叫左個楊枝甘露, 嘩! 西柚…芒果….西米…加埋攪溶左嘅芒果雪糕, 杰撻撻, 你想像下都知道正喇!!!最可憐有位叫左個薑汁唔知咩野粉, d粉用綠豆做(個waitress話), 做到好似透明嘅河粉. 一個字, 勁! 糖水無薑味, 河粉無味重要咬極都唔爛, 睇佢用力咬條河粉個樣, 真係橡筋都可以咬斷幾打! 早知去老麥食個雪糕新地好過!

行到佐敦附近想食甜品，唔想食傳統糖水，所以黎左呢到叫左木槺布甸，朱古力mouse同埋三心兩意木槺布甸好似tiramisu，但係無芝士味，似d奶味cream加朱古力粉，味道幾好，唔太甜，我鍾意朱古力mouse有ｄ酒味，我唔太like酒味，但d mouse幾濃朱古力味三心兩意即係三片心形既窩夫加三球雪糕加ｄ朱古力醬生果球，窩夫軟dumdum,雪糕溶得好快，呢個presentation幾靚，但唔太好食台籍老闆好nice,重要求同我地影合照,最後埋單重比左９折我地添~呢到ｄ價錢其實幾貴，但誠意可加，環境都幾適服

好多野揀, 係幫襯過所有甜品店最多既, 又好特別木糠布丁, 好食好奶好香但好肥, share食好d, 無咁膩南瓜露, 可以自己加胚牙, 好得意, 味道好清, 愛甜既人未必鍾意, 但本人覺得清清地幾fresh~薑汁xx擔, 唔記得個名, 但係係一d用綠豆做既好似粉皮既野, 用薑汁浸住, 個汁好香, 但我覺得可以加多d其他配料rich d~十分滿意, 食物有趣清新, 環境十分企理且唔太迫, 服務週到, 值得嘉計, 一定會再唻

噚日同班friend 打完邊爐，係佐敦周圍揾糖水食。見到呢間舖裝修唔錯，就入左去試吓! 店員落力介紹甜品，我記得報紙好似推介過Chinese芝士多，見價錢$15都幾抵，就大家share試吓! 另外重叫咗雪糕涼粉冰、椰汁西米露同埋木槺布甸。Chinese芝士多($15) –用腐乳、奶油同芝士焗成，食落幾香脆同好惹味，有D喜出望外。店員話無咩客敢叫黎食，話我吔夠膽試新嘢! 我就反而覺得呢樣嘢好有新鮮感，應該要試吓! 不過，件多士焗得燶咗D，要改善吓!雪糕涼粉冰($26) –都幾大杯，涼粉切絲無咁溜，都幾fresh，但冇咩特別。木槺布甸($28) –味道似tiramisu，奶油味重，好creamy，鐘意食mousse既話應該合口味。不過，$28 好似貴咗少少!總括來說都ok，環境唔錯，而且間舖收得幾夜，同朋友揾地方傾計可以一試!

好想食芝麻糊, 本來想去九記, 但路經此處, 見裝修不錯, 環境舒服, 又有我想食的芝麻糊, 便試一試。要了淮山芝麻糊$12。拿起匙, 撈吓 它, 看看有沒有粉粒, 是否純芝麻糊...一小碗裏有數粒小舊舊, 都攪不清它是粉開還是什麼了, 但甜度還算適中, 吃了後不滿足, 有些失望。下回都係去返傳統甜品店食番碗, 尋回失樂感。

今晚諗住去松記買糖水, 唔知無開定執, 就去呢間買一個雜果西米撈哈蜜瓜汁底同埋一個芒果汁底,外賣拎走啦~返到屋企打開碗野，碗芒果汁底既西米撈好滿，好似好正咁~碗哈蜜瓜就水汪汪咁，又冇黎味道，不過唔知係咪因為外賣搞成咁。跟住攪兩攪入面，點知d料極其少，西米得個小小。跟住打開碗鮮雜果睇睇，芒果個樣爛爛地咁，而個d奇異果又爛又臭，仲有火龍果得個兩薄片，無黎口感。整體賣相甚差，都唔知間鋪頭係咪冇錢定"呃" 錢，廿七蚊，咁既價錢不如去食許留山!總之試下個招牌木糠布甸可能會好味d~話晒都係十大推介之一。

心血來潮, o係放工後搭小巴落旺角, 再慢慢行去佐敦, 搵老友食甜品. 我地嗌左招牌木糠布甸, 同金沙梳乎里. 木糠布甸賣相好elegant同極形似tiramisu, 食落就o係一層木糠(餅碎)一層cream, 口感okay, 奶味頗重, 木糠幾香. 不過食極都o係奶味重o既cream, 食食下幾悶! 金沙梳乎里要等十五分鐘, 完來o係羌汁梳乎里, 本人唔太鐘意羌味, 所以麻麻地, 不過梳乎里算o係焗得幾對辦. 環境唔錯, 唔逼, 唔太侷聲, 乾凈, 服務非常親切, 我地齋坐吹水, 佢地仲不斷幫我地加水, 好impressed! 有機會會再o黎, 試下好多人叫o既涼粉雪糕(something like that 啦).

夜晚成點鐘先去搵甜品，見哩間門面幾好就入去啦~老板好好人，大力推介幾款甜品，不過得罪講句，有時過份好客真係有少少煩...因為老板既推介，所以叫左一份木糠布甸、一杯螺旋藻榴槤奶，另外再叫左兩個鮮果西米露~~推介木糠布甸，奶味幾香，朱古力粉又唔太過多，味道岩岩好。賣相一個透明高杯見到有分開四層，靚呀~~螺旋藻榴槤奶...老實，我分唔出同一般榴槤奶有乜野分別...鮮果西米露同一般糖水鋪食到既差唔多，無乜特別驚喜。咁靚既裝修環境，如果只係有一個木糠布甸，有少少浪費...

佐敦一向都已經有無數咁多間甜品舖，甜在心依然認為佐敦有得做，仲比其他甜品舖貴少少，佢對自己既出品應該幾有信心。門口例牌地貼滿報紙既介紹，d相真係影得幾靚，明明唔鍾意食甜品都會俾佢吸引到。老闆大力推介木糠布甸同螺旋海藻甜品(正確名字唔記得左)，但係外貌就係藍色，有d科幻Feel。老闆話佢仲左呢個甜品參賽，我諗都幾有機會獎既! 不過個螺旋甜品有榴槤味，本人不甚喜歡，只好試下木糠布甸。外形似tiramisu，但係就冇芝士味，反而有d滑滑既奶味cream，配以朱古力粉，正!!! 不過要成$28杯，老闆話好食既野梗係貴d。店內仲有多種飲品，最特別既係佢有准山杞子等中藥溝生果飲品，下次有機會試下啦!

雖與太子的某甜品店同名，但從食物看來，兩者應該沒有關係。此店的甜品其實沒有什麼特別，唯獨是有一個腐乳厚多士。另試過Souffle ，二十多元一小柸，即叫即製，等大約10分鐘。Souffle外表不錯，焗出來幾高身，味道一般啦，但內裡略濕，始終不及深井的David Kitchen那麼有水準!

一行3人原本打算去""松記"" 食糖水, 點知原來佢星期日唔開架, 咁咪去上次萍果介紹果間"" 甜在心"" 啦! 點知............嘩!!!! 都唔好食既! 我地叫左木糠布甸$28 (依個叫做最好食架啦),Chinese 芝士多$15 ------腐乳X 奶油Chinese 多士鹹香脆(唔太好食, 好咸啊! )，螺旋藻榴槤奶$23 好難飲啊! 我2個朋友平時都係榴槤迷, 但最後我地3個都頂唔順坏野啊, 都飲唔晒, 決定放棄吧啦! >.< 服務、環境ok不過野食真係唔得最後埋單$66

哇~ 睇左openrice都有1段時間, 個網真係好好, d食家俾左好多有用意見, 1定要讚讚今晚俾大朋友無啦啦叫左出去食甜品, 佢唔知o係邊度發現呢間舖呢, 到達只是8點多入面只有幾個客人(仲早嘛), 地方光潔, 沒有松記般擠, 老闆唔似係港人, 非常好客=] 好落力介紹, 於是我地2人就叫左*木糠布甸($28)*南瓜露($16)*chinese芝士多($15)~木糠布甸分左4層, 用1個中高杯盛著, 不是太甜, 大朋友10分欣賞, 不過不失~南瓜露有好多西米, 唔甜架, 佢好重南瓜味, 自己好鍾意南瓜, 但係呢款不太合自己好味, 可能鍾意甜既多D~chinese芝士多!!!不得了!!!真的很好吃耶!! 厚厚多士熱辣辣, 外脆內軟, 唔多覺有芝士, 因為有陣好熟悉的腐乳味!! 同多士出奇地夾, 真係好好味...好好味...好特別呢埋單$59, chinese芝士多挽回很多分數, 其他如蜜西售28元不是便宜, 沒有太多中式糖水(我最好糊類), 來這兒就嚐嚐新口味了好開心能再這兒發表意見呢, 希望能夠為大家提供1點微少意見=D