甜圓坊

营业中

休息中

留意了「甜圓坊」一段時間，今次終於可以朝聖了。店舖位於深水埗基隆街，店家膽子也頗大的，這街都沒什麼食肆，也不是購物區域，但還是靠近工業區，人卻不多，風險不小。店內裝修比較簡單，座位比較小，所以坐起來有點狹窄感。餐牌除了甜品類還有熱食主餐類。手工滷肉飯$30份量是一小碗，飯是粗粒的珍珠米，鋪在飯面的當然是滷肉，還有原隻滷蛋，醃青瓜。滷肉入口即化，味道濃郁，只是略嫌鹹了一點點，少了點甜味。滷蛋也很入味，醃青瓜酸酸的，可以中和滷肉的膩感，雖然滷肉份量不多，但以飯量的比例又剛剛好。香酥排骨飯$45基本上是手工滷肉飯上多了一份酥排骨，排骨味道好香，賣相很惹味，看到的新鮮即制，熱騰騰，排骨雖叫排骨，但其實是豬扒，外皮香酥，啖啖肉，而且肉汁滿滿，一點都不覺乾。仙草西米撞奶$20，但跟飯落單只需$10。而且相當足料，味道不會太甜，冰是碎冰，可以透過飲管吸入口，份外冰涼。仙草基本上是沒什麼味道，滑溜溜的，奶味香濃，西米是迷你版，口感好得意喔。抵飲！！主角當然是芋圓吧！最想試的就是「嫩鮮草奶凍」...自己卻誤會點錯了「總匯QQ圓」...既然是自己點錯，也沒所謂了。總匯內有雪耳、紅枣、紀子、芋圓、地瓜圓、湯

我朋友超愛芋圓。一見到有芋園就講要試試結果找了一天特登出深水埗食位置唔近西九龍。有點距離要特別走過去食門面不算光亮。普通一走入見店員只有兩個人人手嚴重不足餐後既枱沒有人清理我地只好坐bar枱一心想食挫冰可惜店員告之沒有冰一再問什麼時候會有。佢答佢自己都唔知令人無言最後點左依個仙芋奶凍沒有奶。可以自行決定要定不要原先點餐後同我地講無芋園我地真係晴天霹靂。因為一心食芋園好彩最後都有。仲有一舊冰仔有加奶。味道香d,芋園有食到芋頭味。不過另一款，只有口感無蕃薯味價錢算平民。

喺呢間台灣菜仲係試業時已經mark低左想要一試，奈何經唔少媒體介紹過後，小店嘅人氣不一般，加上正值暑假，有唔少人都慕名去。嗰次下午四點幾去到，甜品已經售罊，我地意欲都減半，而且門外有十幾人排隊，只怪我地耐性比平常人低，唯有轉去康瑞。事隔個零月，喺鴨寮街辦完事，即管過黎睇睇咩環境週日六點半鐘，排隊嘅人就冇上次咁多，但店內已經滿座，睇清楚甜品冇售罊後，我地就決定等位，幸運地只係等左十分鐘。小店嘅位置唔多，有部分係高枱，其餘係窄到肥少少都坐唔到，背貼背程度，唔會舒適。裝潢普通，但全店只有兩個店員，客人爆滿，感覺不論樓面定廚房兩者都承受唔到咁嘅客量，有外賣嘅人等唔切取消單退錢、有堂食嘅客人等候時間太長，難怪評語好壞參半。相信未來除左穩定品質外，人手短缺都係店主要解決嘅一大問題。餐牌選擇唔多，主食有滷肉飯、焢肉飯、排骨飯、油蔥拌麵；小食有皮蛋豆腐、青菜、酥炸排骨同鹹酥雞；甜品方面有芋圓、仙草、西米露、剉冰及兩款甜湯；飲品有珍奶、仙草撞奶、檸茶檸水咖啡酸梅湯、沙冰類，定價唔貴。食物大約等左十幾分鐘，個人認為可以接受手工滷肉飯 $30新鮮熱辣上枱，滷肉偏肥膩，滷汁唔會太鹹，反而覺得飯粒太濕笠，滷蛋冇

呢間甜圓坊成日出現係ig~芋圓控既我點忍到口！去開深水埗點都要食埋佢🤗🔥嫩鮮草奶凍 hkd25 💰 佢既價錢係真係唔算貴，同樣地，味道都一樣唔算好！先講落左單，等20-30分鐘先上呢個誇張左小小...一碗糖水，正常情況下所有配料已經可以預先準備好，唔明點解仲要等咁耐..我覺得落單時可以同客人講聲會比較好。另外店鋪人手嚴重不足，點個單都要千辛萬苦😞大家真係要考慮下食唔食...講番碗嫩鮮草奶凍，入面啲芋圓咩味都食唔出，而且好散，一啲都唔煙un。成碗野一啲味道都冇，十分清淡🙃我諗最好食既係啲紅豆，因為係甜既😓anyway,不會再去了...真係不值得特登去到深水埗食呀⋯⋯

看報導照片以為這裡的芋圓材多價錢又相宜，便過來試試，豈料令人大跌眼鏡在門外排隊等了大概20分鐘，幸好我只是一個人，否則等候時間更要長一些。甜品款式不多，有台式飯供應。下單後再等了30分鐘....味道卻很一般，偏淡少甜，不推介。

從雜誌上睇到介紹有芋圓，以前大角咀附近有一間都好好食但好似已結業，太耐冇食一心去試，晚上8點去到見有人排隊，心諗自己外賣啫應該唔會太耐掛，都預左等一陣，落單時想叫嫩仙竽奶凍店員就話要等半個鐘，做甜品得一個人，之後我叫另一個(總匯QQ圓)佢話會快小小，好...我就等你睇下你有幾好食，我就足足等左25分鐘，其實已經等到一肚氣，一食落去真係想鬧爆D芋圓黐埋一舊舊好似食緊粉團唔煙韌無味....不會再試。

因為係附近吃完晚飯，想吃個甜點，就去了這間芋圓小店，因為是晚上，特別多人排隊，不過我們照等。進去後就嗌了個嫩仙草奶凍同總匯QQ。兩樣都沒什麼特別，芋圓不是特別多，也沒有特別好吃。仙草奶凍的甜湯底很普通，感覺就是把所有東西放在一起，沒有太大驚喜。總匯QQ，我被它的名字騙了。賣相很hea，甜湯底跟芋圓不太配，料也很少。整體就是不太抵 ，如果餐牌有圓會開心d haha！味道也很一般，不過嫩仙草奶凍比總匯QQ好，因為總匯QQ我以為是有很多Q彈的意思，但是看樣子就不太感覺岀來。

下午2:15 落單 2:30同你講無飯要煲要等15-20分鐘。任你D野食幾好味都無用。等左20分鐘同你講要再等10分鐘。上菜同你講D碗未洗得切用膠碗。食左D野食覺得完全唔好食。原本重想食甜品但無叫。一個字形容，"伏"兩個字形容"中伏"。真係不知所謂

原本好期待 落左單之後等左成三十分鐘先有得食 芋圓冇想像中咁好食 有d失望 又巨比較硬 唔係同期待中嘅一樣 湯圓比期望好 但下次唔會再特登嚟食 very disappointed

禮拜去深水埗一心諗住食個合益泰跟住行去買啲車衫用品就返屋企。行過基隆街，見到有間唔係賣布嘅舖頭，仲打正旗號台灣野，阿女又好恨食仙草，於是的埋阿媽入去試下啦。叫左嫩仙草芋圓奶凍，好食喎，有台灣嘅感覺架！仙草真係好嫩！滑嘟嘟過滑嘟嘟，啲芋圓係現做的好味。我隔離張枱個對男女對話穩約聽到佢地話之前黎要等位，今日早左唔駛等。睇返之前啲食評話待應態度唔好。以上呢兩樣都冇，我地等位係因為冇三人枱，有兩人枱架，咁我地都係等隔離張枱走左咪入去囉。而待應見到我地隔左條巷仲靜靜細細聲問我地如果隔離走我地駛唔駛座返埋一齊添，可能換左人掛，兩位待應都好貼心，我見到另一位待應用濕布抹完枱仲用張亁紙抹多次。舖頭咁細，想請多個講真到時冇定行嗰喎... 由於野食係即叫即做，咁等耐啲情有可原囉，唔明點解啲人唔等很嘅。價錢比响台灣食當然貴左啦，但香港人工物料舖租咩都貴，呢個冇法嘅。唯一覺得貴嘅係一湯匙滷水要10蚊，同隻滷水蛋同價囉。

次次都話賣晒 （都算）去到有得食 （芋圓話等15分鐘，最後等左一個鐘）好食唔緊要，最緊要真係好普通.....無心做既就唔好開鋪要客等都算，都可以去安撫一下d客話15分鐘最後變60分鐘真係有點兒那個#我為左呢間野第一次係openrice寫食評，真難得

今次並不是經過行入去食 而係特登來朝聖趕在11點來到店裹面 冷氣都幾足幾舒服店面係行簡約風的令人有種輕鬆既感覺.令我有點兒驚喜既係好似大部分店員都係台灣人非常友善同親切招牌綜合挫冰各式各樣既料擺係面 食每一啖都可以有五同既滋味同質感冰底既味道 非常之足 食每一啖都有濃濃既甜奶香味非常之滿足但一d都五會利竽圓無我想像中q彈 有少少的粉感呢個係令我有少少失望既地方不過整體來說亦都不錯嫩仙竽奶凍佢有一小瓶奶俾我倒落去但略嫌個奶太細粒對喜好奶香味既我 有點兒不夠佢既仙草凍比起坊間既仙草有d五同竟然係五甜的感覺好天然同好健康最意想不到的佢竟然係暖的 好有滋潤既感覺甜而不利 小丸子亦都非常q彈食完非常之飽可能係因為食完好多竽圓同小丸子提醒大家冰底既食物要食快d呢如果五係會好似我甘未食完已經溶曬

近排中意左食芋圓，所以周圍去搵唔同既地方既芋圓食上星期就去左呢間新開既台灣野倒試呢間地點都唔算離地鐵好遠，喺好出名既強記大排檔後面佢芋圓款式唔多，有2款主打既冰類甜品因為我地唔想食冰，所以揀仙草奶凍嗰款芋圓較厚身同硬，麵粉味好重而且無咩芋頭味至於地瓜圓倘可食到有地瓜既味不過整體感覺都係太硬，唔夠煙un可能係放左入雪櫃雪硬左再解凍既原因？下次可以試下佢地其他台式野不過芋圓就唔會再叫繼續搵下芋圓食先！

星期日下午5點幾嚟到, 門口已見有幾個人排隊, 等了超過15分鐘, 終於可以入坐。點了嫩仙草奶凍及總匯QQ圓,滿心期待的芋圓....入口係完全唔覺自己食緊芋圓, 芋圓無芋頭味,地瓜圓無蕃薯味, 最差係完全無咬口, 一點煙韌的感覺也沒有, 只像咬一粒粒的粉團。仲有更差嘅係本來諗住嚟食甜品, 兩碗都係啖如水, 唔係小甜, 係簡直無味, 總匯QQ圓還好一點, 有一丁點清甜味, 但係嫩仙草奶凍... 感覺就係凍水浸粉團加冰。要排隊超過15分鐘, 結果係食這水準的所謂道地台灣冰品, 我一定唔會再食! 完全係中伏

「好差勁，太多改善空間！」因在附近返工，選擇少，幫襯過幾次，但幾次經驗都麻麻地：第一次食，隻滷水蛋超級喊，但見佢新開張，有送菜和湯，算吧，但之後都冇送菜和湯了。另一次，想叫個外賣，點知職員話唔接外賣住，因為廚房應付不來，無言、走人！另一次，外賣左個焢肉飯，但係個肉超級硬，完全食唔到另一次，想叫個飯類冇飯，只有糖水另一次，想叫個糖水冇糖水，只有飯類另一次，叫兩個熱糖水，點知一熱一唔熱另一次，外賣糖水，竟然得半碗，冇誇張，無言！另一次，已經有十人八人在門口排隊，等左近15分鐘先入得，排隊時冇職員安排秩序，到你係自己入去搵位，想舉手點菜，職員又話要自己去收銀處排隊點，那我的位置怎樣？排隊到我點菜時，職員突然話要截單了，不接order住，說因為太多客、廚房應付不來，但又唔叫我走、又唔叫我等，唔知想點。另一次，見餐廳內只有5-6人，打算可以快靚正叫個肉燥飯外賣，點知職員話要等20分鐘，咩話？？無言、走人！其實間野佢個肉燥飯ok 好食，我都想幫襯多d! 開店但多次成日甩甩漏漏，都唔知點咁，遇幾次幾個職員問咩都唔清唔楚，要問senior! 唉，點想再幫襯先？？