甜圓坊

营业中

休息中

話說其實住得一啲都唔近深水埗，特登黎到搵野食見呢間新開，上網叫到都又好似有啲人排下隊就試下啦。我地入去果時係好順利有位既，但過左一陣就要排隊了。台式餐廳手製芋圓當然少不了，佢仲有鹽酥雞果啲咸食提供，既然佢主打芋圓就當然要試，仲寫住每日製作數量有限，售完即止，只不過依我所見真係唔覺得佢有幾正宗同特別，質感唔夠煙un，亦沒有太多芋頭同番薯味，反而佢個仙菜值得一讚，好滑好滑，仲有其他豆呀花生呀珍珠呀咁夾埋食都拉返勻，住附近落樓下食就ok既，但如果遠道而來就唔值得囉，咁遠黎到點解我唔去康瑞呢？咸食呢就一般般啦，個鹽酥豬排好硬，咬到天荒地老，至於個蔥油拌麵呢，麵質ok既，但我唔係好搵到蔥油既存在，好似一個普通拌麵，但份量很足，男仔都夠食。去唔去試就你自己諗喇～

早兩天在fb看到朋友到台灣旅遊，已很懷念當地的地道食品，今天在深水埗太子穿插，意外地發現這台式小店有滷肉飯，剛好是午飯時段，肚皮也作出投訴，那就毫不猶疑進店了。餐廳裝修很新，應開業不久，還有一些鮮花擺設，很清新也光猛餐牌款式不多，那先點了主食手工滷肉飯配珍珠奶茶，特飲沒有套餐優惠，一般飲品就可以$5熱$7凍加配再看看餐牌突然雙眼發光，發現了甜點，甜品有芋圓，地瓜圓，實在太完美，已急不及待就也下了嫩仙芋奶凍，店員很細心問是否後上，那當然還是要先進食主餐吧。手工滷肉飯配珍珠奶茶 $30 + $20期間店內開始人多，也有附近的人來買外賣，而樓面跟廚房的對答都是用國語，温柔的台灣腔令我有大大期望，稍等了一會，端了一大碗滷肉飯在我眼前，飯量比較多，滷汁也很足夠，滷肉的比例應該是半肥瘦，沒有太過份油膩感但卻是入口溶化，同時也溶化了我的心，這就是台灣的那味道，而附有的滷蛋味道剛好，很怕那重很入味的滷蛋其實是不知蛋放了多久滷了多久，才把蛋白也滷上色。還有附有幾片的酸瓜，十分好吃，大慨也是用作減油膩吧!飯沒完全地吃完，但比起平日只能吃半碗飯的我這次只吃剩三份一，要知道這兒的碗也不算小。(以免浪費，下次再

這天中午約了朋友到深水埗吃午餐，我們決定吃"甜圓坊"。聽上去像是一間甜品店，但其實裡面有飯和麵吃。店面：店員正在辛勤工作。裡面的裝修很簡潔：看樣子像是剛開了不久，以白色為主調。我們決定選2道主菜、1道小食﹑2道甜品和2杯飲品。手工滷肉飯 $30台灣最出名就是滷肉飯，所以來到台式餐廳一定要試！滷肉肉質鮮嫩，又稔又滑，醃得很香。飯夠柔軟，配合醬汁簡直是一流！滷肉飯當然少不了滷蛋，經過醃製後，就連蛋黃都變得異常可口。我們很快就整碗吃完。油蔥拌麵 $35這拌麵也有一隻滷蛋，味道跟滷肉飯的差不多。麵粗幼適中，質感綿滑，容易咀嚼。加上油和蔥很香口，完全是味覺上的享受。鹹酥雞 $30這是新鮮製作的，外脆內軟，令人食唔停口。鹽分不算高，很健康。份量也夠兩個人share，吃完後還有空間吃其他食物。奶茶 熱 $5朋友因為病了，所以選擇熱飲。奶茶味道夠濃，而且能中和油膩度，很健康。仙草紅豆撞奶 $20甜度適中，很能止渴。非常足料，不像外面用冰充數，絕對是物超所值。牛奶﹑紅豆的味道能平衡，不錯！總匯QQ圓 $25非常大碗，看樣子就覺得很滋補養顏。材料包括雲耳﹑紅棗﹑芋圓等，溫潤甘甜。吃後齒頰留香。嫩仙芋奶凍

同朋友係深水埗食完飯，大家都想食芋圓，結果就去左甜圓坊嗌左個雜錦芋圓冰，好彩同朋友share因爲好大兜甜圓坊價錢都算平，性價比高！行開深水埗既朋友一定唔可以錯過呀！

上網見到有台式甜品食，立即約朋友去食（本人超愛仙草）！假日過左午飯時間都滿場，但等一陣就有位，位置空間相對細。香酥排骨飯。排骨有點乾身，滷肉就好好味，但偏肥，如果叫一碗滷肉飯可能有人會食不消。嫩仙芋奶凍。好多料，有珍珠芋圓紅豆薏米花生仙草（應該數齊）。除左珍珠本身已經有少少甜味，其他配料跟糖水食岩岩好，最愛既仙草好順滑，芋圓又好煙韌，整體好有台灣味道！其實今次既重點係甜品，咸食本身無抱大期望，不過不失。而個甜品真心岩我口味，去唔到台灣食，可以黎頂一頂癮。

說好了的嫩仙草奶凍～隔了兩週，今天重來，就是為了當天點錯了的奶凍。只是短短兩週不見，餐牌卻有所更新了，有點摸不透...上次的香酥排骨飯只需加十元的仙草西米撞奶不見了...如有需要按原價$20一杯...政策說變就變了，真有點無所適從呀！但因為好喝，按原價便原價吧。今次的主角是嫩仙草奶凍一整碗材料滿滿，只需$25，抵吃哦！那當然不能與台灣價錢作比較，因為這裡是香港耶！材料很豐富，有芋圓、地瓜圓、黑珍珠、湯圓、赤紅豆、西米粒、洋薏米、仙草，足足八大類，超愛那仙草QQ彈的，好滑溜！加入鮮奶視角效果倍吸引，味道更香滑。如果可以加入三花淡奶，效果不知會否可能會更出色呢。是好吃的！回來是沒錯的選擇。檯單到了手要注意看看，侍應可能回覆客人的要求時沒錯，但打單卻出錯，看來要增強員工的培訓了，避免出錯食物而造成浪費的情況。

之前在雜誌報導下，小店門口日日堆滿人，第一次去到也只能吃到肉臊飯，叫唔到甜品。但因此店在屋企附近，近日經過見到冇左人潮，今晚專誠再造訪試試他們打正旗號賣的台式甜品。結果還是失望而回。我點了嫩鮮芋奶凍，男朋友叫了紅豆牛奶挫冰。食物很快就端來了，冇上次見人等左大半個鐘咁慘。我果碗還好一點的，至少紅豆夠腍，仙草都QQ既，只是話係自己signature的芋圓好削，一點也不Q，有點似湯圓呢！但男朋友果碗就慘不忍吃。挫冰上有些黃黃啡啡的汁，上面再鋪了一層紅豆。正如剛才所言，紅豆都ok既，但下面那個啡汁加冰就相當苦 我們來可是想吃甜點的呢！後來男友只能吃掉紅豆就算。離開的時候，大家都不約而同講左句「冇下次」

好耐以前見fb page有介紹，心諗一間又有主食又有甜品ge店鋪真係好好，最重要有我最愛ge芋圓 今日終於有機會試啦！可惜有d失望。星期六八點幾黎到，唔需要等位，有位就坐。食物選擇唔多，叫左主食同甜品。隻蛋又咸又硬，魯肉偏淡，d瓜好酸。鹹酥雞：估唔到係雞粒，味道偏淡接近無味蔥油伴麵：唔計估蛋又咸又硬，個麵叫最好食，食落夠味，有種類似炸蒜味。兩杯特飲計原價好唔貼心仙草紅豆撞奶：味道偏淡，紅豆偏硬，唔知係咪因爲係‘撞’ge關係，杯野飲有d苦味珍珠奶茶：茶底有苦澀味，珍珠痴埋一舊又難咬，廿蚊一杯絕對唔抵仙草奶涷：附送奶仔比我地加唔夠頭先講ge 紅豆，珍珠偏硬芋圓都唔淋撈埋一齊味道都ok尤其仙草+奶之後感覺似咖啡？

呢間鋪頭喺屋企附近, 初初開張日日都好多人排隊. 最近開始小人, 行過見有位就入去試吓D芋圓. 店舖裝修簡潔, 但座位好迫. 2個人, 各叫咗1款芋圓糖水.嫩仙芋奶凍- 仙草好味, 唔係好硬, 紅豆好味,  芋圓同地瓜圓都好煙韌, 真係食到有芋頭同地瓜味, 其他OK. 覺得比康X好味.總匯QQ圓- 紅棗好香, 龍眼肉都香甜, 芋圓同地瓜圓都好味, 其他OK. 我個人鍾意呢款多D.缺點係唔夠凍(碗糖水係室溫, 完全唔凍, 冇雪過?)同份量小, 如果夠凍同加多D份量就好喇.  我見其他人食滷肉飯, 都係細細碗.

星期五下午黎到，明明只有兩三枱客，但店員見到我地咩都無講只係黑口黑面，是但係張枱放menu，expect我地自己招呼自己。我地兩個人叫左招牌綜合剉冰，30蚊。落左order後店員明明收左menu，又無啦啦行過黎唔出聲，放多次張menu係我地張枱。我地個剉冰黎左之後，先有第2個人走埋黎話每人最低消費20蚊。原來係咁，咁你早講丫，落單時又唔講，落完單先唔聲唔聲擺多次張menu係枱算係點？我地試左兩啖之後實在唔想再叫其他野……因為實在太難食。d芋圓係硬的，痴埋一舊，一d都唔煙靭，好明顯係買番黎的急凍芋圓，不是自己每日新鮮搓的，因為我係超市都買過，係同樣的味道質地……既然你間鋪頭主打賣芋圓，係咪應該至少芋圓呢樣野要俾d誠意整而不是急凍的呢？連主打食物都造不好真係唔知你地點生存。食物又難食，服務係零，大家試完一次唔會想再去囉，不過我勸大家一次都唔洗去，因為係超市買番黎自己煮應該仲煮得好味過佢。

之前都無寫過食評，但食完呢間之後，覺得要寫，免得其他人好似我咁中伏。我之前經過呢間鋪幾次，見佢系台式，價錢賣相又okay，幾次經過又坐滿人，呢度d人寫既食評又好似唔錯咁，結果,終於試左......如果你系台灣食過既剉冰，就唔好希望系呢度食得翻個鐘味道，如果你純粹想試下台灣式既剉冰，咁咪黎試下。芋園地瓜圓都有d韌，唔系煙韌，系帶d硬，d冰唔系好綿，食既時候，依然食到d小碎冰，我都系等佢融少少先食，好似食糖水咁。當初見到香港難得有咁似樣既剉冰，真系好開心，諗住之後都可以黎，點知質素系咁，希望店方可以改善下，以後可以吃到更好既剉冰。PS　你見到個d寫過幾百篇食評既人（其實點解會寫到幾百篇食評，大家都知道系咩事）都只不過話系okay乍......

一早打算試下新野但去前幾日見到FACEBOOK廣告心諗出事啦今。次。有。排。等點知真系等足45分鐘酸梅湯味道偏淡無咩特別跟飯+$5可接受手工滷肉飯見上網好評幾多一於試下不過無想像中好食亦做唔出台灣水準但又唔系難食或者系唔夠入味唔推薦香酥排骨飯哩個反而有驚喜成餐入面最好食排骨好Juicy 熱辣辣好味道味道適中好適合餸飯本身想點鹽酥雞可惜賣哂但唔知點解後面果枱遲落單都有嫩仙芋奶凍配料種類好多仙草。芋圓。地瓜圓。原粒紅豆。紅腰豆。薏米。台式珍珠。鑑於我同朋友仲唔中意奶所以我地無落奶直接食芋圓同地瓜圓都暖暖地嘅但食落真系好足料呀會咬得出芋頭泥同蕃薯肉而且又煙韌彈牙食得出系新鮮製作算系我系香港食過最接近台灣質素嘅芋圓整體黎講哩到嘅芋圓相當唔錯可惜人手不足系最嚴重嘅問題😶明明座位唔算太少但收銀傳菜樓面夾埋先得兩個人🤦🏻‍♀️收得錢黎又落唔到單出唔切菜廚房上菜嘅速度亦都系一樣慢加上Facebook落埋廣告根本就無可能做得切🤷🏻‍♀️希望下次去嘅時候已經解決哩個問題因為我覺得個排骨同芋圓都做得好好所謂貴精不貴多而加嘅菜單已經夠啦如果可以再加強就更好

仙草味道不錯，黃色的地瓜圓口感也是不錯 紫色偏白不知道是什麼那個圓，非常硬，有粉粒，紅豆也是比較硬。。。成碗嘢唔凍又唔熱，真的好普通。不過滷肉飯真的很不錯，很好味。

之前甜圓坊嘅芋圓突然係FB,IG爆紅，所以就去試下到底係咪真係咁好食。一入到去就即刻點左碗「招牌綜合挫冰」等左大約35分鐘，知道佢突然爆紅又人手不足，所以都理解嘅👌🏻點知一上到枱食左兩啖先發現少左黃番薯圓，問返侍應。點知淨係一句話「無曬」就打發左我地。再追問點解唔點餐時通知下，佢就再一句「無話你知咩？」於是友人問可唔可以俾其他芋圓補返份量，佢就答「應該已經係其他配料俾多左」服務態度實在令人無語🤷🏻‍♀️。。。而碗芋圓味道更得人驚。兩款芋圓都超級軟腍腍，一咬落去就爛晒，完全冇口感可言😢其他配料都普普通通。而挫冰方面，見到有黃色嘅糖水，原本諗住係黃糖水。點知食落口有小小苦味，完全食唔落口。本身已經對佢冇抱好大期望，知道好難比得上大陸嘅仙芋鮮。但冇諗過差得咁離譜，不可一不可再👎🏻👎🏻👎🏻

留意了「甜圓坊」一段時間，今次終於可以朝聖了。店舖位於深水埗基隆街，店家膽子也頗大的，這街都沒什麼食肆，也不是購物區域，但還是靠近工業區，人卻不多，風險不小。店內裝修比較簡單，座位比較小，所以坐起來有點狹窄感。餐牌除了甜品類還有熱食主餐類。手工滷肉飯$30份量是一小碗，飯是粗粒的珍珠米，鋪在飯面的當然是滷肉，還有原隻滷蛋，醃青瓜。滷肉入口即化，味道濃郁，只是略嫌鹹了一點點，少了點甜味。滷蛋也很入味，醃青瓜酸酸的，可以中和滷肉的膩感，雖然滷肉份量不多，但以飯量的比例又剛剛好。香酥排骨飯$45基本上是手工滷肉飯上多了一份酥排骨，排骨味道好香，賣相很惹味，看到的新鮮即制，熱騰騰，排骨雖叫排骨，但其實是豬扒，外皮香酥，啖啖肉，而且肉汁滿滿，一點都不覺乾。仙草西米撞奶$20，但跟飯落單只需$10。而且相當足料，味道不會太甜，冰是碎冰，可以透過飲管吸入口，份外冰涼。仙草基本上是沒什麼味道，滑溜溜的，奶味香濃，西米是迷你版，口感好得意喔。抵飲！！主角當然是芋圓吧！最想試的就是「嫩鮮草奶凍」...自己卻誤會點錯了「總匯QQ圓」...既然是自己點錯，也沒所謂了。總匯內有雪耳、紅枣、紀子、芋圓、地瓜圓、湯