甜品老媽 (已結業)

三月廿六‧晴跟朋友出席完飯局，還想找個地方多談幾句。 這裡新張時來吃過一次，寫了這裡的第一個食評，雖然當時只給「OK」面，但感到主理人對其食物重視，也緊張客人的反應，以此下去，應有作為。幾個月後再來吃一次，果然是大有進步的一間甜品店。 先來一客雪花刨冰，這裡的刨冰非如一般的是水冰，而是一早調好味道，再刨薄片疊在一起而成。比起那些充滿假味的所謂綿花冰，這個好吃多了，吃起來鬆軟又輕如無物，芒果味道鮮甜，非常不錯。可以另加醬汁，建議不要貪心，因為刨冰本身味道已不錯，太甜或味道太複雜反而不妙，只要了一點練奶，增點甜味就算。另加了椰果及乳酸魔豆，後者是一粒咬開會爆出乳酸味的東西，很甜，還是椰果較好吃。 這個刨冰，值得一吃，下次來，必定會試其榴槤刨冰！ 也要了一碗腐竹糖水，在外時脊吃腐竹糖水，但做得如此有水準的，罕見。這裡煲得濃濃的，鮮香的腐竹味道，薏米及銀杏也煲得軟稔又有咬口的。腐竹糖水我也成日煲，但自問就不能煲到如此水準。請教了箇中技巧，原來也不外乎是材料跟時間。很少會推薦吃腐竹糖水的，這裡的，值得一試； 也要了幾粒糖不甩，即叫即煮，煙韌軟糯，加上芝麻花生及糖，又香又甜，十分有水準。 埋單78

行前些少位於安利魚疍粉麵旁有間叫甜品老媽，裏面有臺式雪花刨冰吃...選了牛奶冰底配朱古力漿，無加任何配料吃要$22，if加生果每款$5，配料每款$2，貴過在臺灣吃很多！不過又整得很美很濃牛奶味，絕無偷工減料，放在口內融化後似飲緊鷹X煉奶!不過要花成$24或以上吃刨冰,好貴!

老媽原來開左半年啦...住係筲箕灣既我一直都唔覺=.= 因為之前果間實在係太太太太太太差啦，試過一次之後冇回頭，搞到我冇行去巷尾，唔睇下OR，爭D都唔知開左一間甘好食既糖水我老公好中e食凍野ga~個"刨冰"真係===>正正正正正正!!$25個冰，好似gelato甘，一D都唔似台式刨冰，唔係刨完D冰先至淋D果汁上去，而係個冰底自已已經有味~~我食過mango flavor only~ 因為太正啦，食左5次都唔捨得轉個味~~ 仲食過個上元丸，其實都冇乜特別，(因我不太好湯丸)，但個杏白真係超滑！！老人家一定中e~ 加埋又唔係好甜呢~仲有試過個mango河粉，幾special~可以一試，D河粉好"e un" 一定會keep住再去，試勻維止~ haha~~

話說旺角那間主打刨冰的舖頭賣到開晒行但我和我男人一直抽不到時間去拜候一下幸好係時常出沒的筲箕灣近期新開了一間甜品舖...內裡更有我心掛掛的冰冰芒果冰底配芒果漿超愛芒果的我當然要試試這個配搭每一口都有香濃的芒果味花生冰底配朱古力漿+香蕉+乳酸波子一放低就已經聞到好勁既花生味男人亦非常滿意他的自選菜式芒果腸粉我同男人都覺得le款幾特別d腸粉皮煙煙un un入面d芒果就麻麻地多啦最得意係有d細細粒既綠色jelly扮蔥花炸蘿蔔糕我就覺得le款麻麻地..但男人極到愛好可能食完甜野再食咸野會無左味覺而影響我對佢既評價始終去甜品店都係食甜品好d

今次去筲箕灣東大街飲茶~食完唔飽~過左黎試新野~其實我一向都唔食中式糖水~所以我就叫左雪花冰~咖啡冰底+榛子醬$25menu我都映埋啦~其實就25蚊起囉~有好多味揀~又可以配唔同既sauce~再另外配生果就$5加配料就每款$2~本來呢~我係想order 榴槤既~但見d sauce....好似唔係咁match.於是揀左我既第2心頭好~咖啡味~榛子醬~哈哈~份量我覺得ok~榛子醬都唔算多~但我覺得係perfect match!冰底都打得ok~唔會話好實又唔會好易溶~咖啡味唔算太重~岩岩好啦~婆婆叫左一碗合桃糊$18亞婆叫佢唔好咁甜~佢話盡量~哈哈但亞婆話好味~唔知呢~我唔食既XD本應都想叫法式焦糖燉旦~但佢話一定係凍既....我見18蚊...算啦~都係唔食喇其實我記得我食過熱既法式焦糖燉旦.....or下次都係要食中式既先有熱燉蛋~!(p.s除左中式糖水~佢仲有法式焦糖燉旦,芒果腸粉既..)

v tried 杏仁蛋白,芝麻糊豆腐花,腐竹豆腐花&合桃糊上元丸others are ok but there was a bit 澀of the合桃糊上元丸 when v left, old mom specifically asked me whether there is any problem with the 合桃糊上元丸onlyi said y she didn't tell me or ask me b4hand i thought that the 合桃skin was not completely removed, so it gave some strange tastebut i'm in the toilet many times in the following day

呢間野既前身, 我食過一次就唔想再食but老媽接左手後, 我就成日幫襯, 一來甜品特別2來佢地真係對客人有heart架...呢樣野真係做食店好緊要既野, 態度唔好幾好食都無用.佢地會接受意見, 亦會傾下咩好咩唔好...好友善.呢度既雪花冰唔係好多地方有得食, 綠茶味真係好正..另外蛋白亦係超好食, 其他大路既紅綠豆就反而一般啦.

星期日食完飯就落左樓下食d間na6個人食左5樣野有雪花冰,芒果腸粉,豆腐花x黑lor米,士多啤梨沙冰同綠豆沙又無拎相機影吾到最特別既系雪花冰,芒果腸粉choose左芒果冰and朱古力糖醬,加左($2)芒果星星椰果食落有小小似雪糕咁,好特別,而且又吾太貴芒果腸粉,個賣相真系好似腸粉,又加左粒粒綠色jelly扮蔥花見到d相炸魚蛋,蘿蔔糕好似好好味咁,下次要黎試左佢賣單5樣野$110,刀ok na

(2009年5月16日 星期六) 天氣有點悶熱，與機師逛了石澳、筲箕灣。 晚上9時多，在筲箕灣東大街某食肆，飯後，想再試其他食肆，見到 "甜品老媽" 推介家鄉湯圓，決定試一試。 人潮 : 滿座，好彩只需等幾分鐘便有檯 環境 : 店舖不算小，但擠逼，有4人檯及大檯，淨潔 ---> 好彩可以坐4人檯，無需搭檯，又近走廓，舒適 廁所 : 沒有到此一遊 服務 : 有禮貌---> 在店內等位時，店員笑面通知... 等一等，有位通知我倆。"甜品老媽" 老板親自推介食品及招待客人。 招牌菜 : 上元丸 食品 : 餐牌內，食品分類清晰。---> 叫了2款甜品 (1) 上元丸配薑水1碗 HK$18 ---> 普通！招牌上元丸普通，大家異口同聲話... 北角 "福元湯圓" 出品的湯圓最正。喜歡薑味的機師話... 上元丸薑水味夠濃。 (2) 芒果河粉1碗 HK$28 ---> 好！芒果甜，芒果汁做底，夠味。河粉好滑，同芒果汁一齊食，好！還加了蒟蒻、黑珍珠，賣相正！ 結賬 : HK$46 (免加一)

食完簡單嘅泰國菜之後，太座與筆者被冇幾遠嘅甜品舖吸引，其招牌甜品係雪花刨冰。雪花冰配搭多樣化，可選不同味道嘅冰底、生果、醬汁及其他配料如台式珍珠等。太座以綠茶冰底配上相同味道嘅醬汁，再加白珍珠及三色Q果。筆者則叫咗上元丸配薑湯。所謂雪花冰，口感似冇落牛奶嘅雪糕，亦即係似雪葩。Q果原應似台式珍珠般，甜甜地煙煙韌韌，但這裡嘅Q果則像有色蒟蒻，一點甜味也沒有。不過話說回來，這甜品有雪葩嘅效果，也是出色之作；上元丸與湯圓類似，餡料有芝麻、花生及糖冬瓜。上元丸外皮煙韌，餡料不太甜，不過似乎唔係幾夠香。薑湯清甜又帶有輕微嘅薑辣味，十分暖胃。食物總體來說可算合心意，但座位高矮比較尷尬，坐得唔係咁舒服。雪花冰底廿五蚊，加配料七蚊；上元丸十六蚊五粒。共銀四十八蚊，平均每人廿四蚊。

平時有來開食杏汁蛋白, 蛋白好滑, 非常潤...今次加埋湯圓試下先...又唔錯wo...上元圓係用花生加芝麻再加糖冬瓜做既...好少會食到...我鐘意食湯圓...係另外d舖都有食過不過都係一般芝麻湯圓, 已經食到無咩特別...呢次好新鮮...聽老闆娘講係外婆日日親手做...所以好新鮮呢...不過佢唔會流沙..原來係因為...流沙的話會加豬油...但為左健康..所以老闆娘決定唔加豬油...雖然無流沙..但味道都非常好!!值得一讚!!

星期六佛，與媽媽同家姐去筲箕灣拜神！又路過甜品老媽，於是帶佢哋入去食甜品。叫咗家鄉上园丸、黃金蕃薯糖水及雙杏木瓜雪耳等 。 媽媽食上园丸，話湯丸陷好好味呀！只係啲薑汁太薑了，店員聽見馬上話：如果唔食得太薑，下次可先話一聲 ，可改用蕃薯嘅糖水代用上(因為蕃薯都係有薑汁，但就唔太薑。) 家姐食雙杏木瓜雪耳，佢話好潤。 我就食蕃薯糖水，佢啲薑汁糖水真係唔太薑，有啲懷舊嘅味道。唔錯！

第二次黎食野.....試左上元丸, 炸蘿蔔糕同炸魚蛋.睇呢道個個都POST刨冰....但呢道D湯丸都好好食..餡係芝麻花生...大大粒....老闆娘話湯丸係自己做...冇落豬油...所以唔會流沙..(健康D)加入綠豆沙好好味....綠豆沙起沙又有海帶....好足料...$21都算唔貴重食左個炸蘿蔔糕同炸魚蛋, 加左椒鹽...好好食..個蘿蔔糕大大粒...6粒$12...超抵食...呢道比上次黎多左好多野....下次試下台式刨冰...@@

食完dinner,同D FD3個人去左食甜品見到有個台灣既雪花冰幾得意,就試試LA叫左一個士多啤梨既雪花冰,加多左D爆爆圓個士多啤梨既雪花冰好好食,好食過食ICE CREAM但本人唔太中意食D爆爆圓,因為唔中意佢既TEXTURE成個甜品都幾FRESH.可以一試

琴晚同老公及契仔、契女一齊食飯。飯後契仔提意到付近食甜品，佢話依間甜品新開不久，啲甜品味道適中， 我哋就一齊去試吓。一入鋪就有店員話：歡迎光臨，幾位呀！隨便坐。大家坐好就點咗雪花冰、雪糕、河粉芒果冰加星星椰果好好味。士多啤梨冰加愛玉凍又另一返好味道四色天地雪糕好味，特別係朱古力味，再加上幾粒鮮果。特色什果椰汁河粉，原來非常好食嫁，啲河粉好特別，鮮果睇得出新鮮。總一句好味道呀！走時店員再話：多謝哂，拜拜！我覺得，我哋會再嚟試食其它甜品。因為睇到有招牌杏仁蛋白、桑寄生蛋茶、香蘭紫米露及合桃露等都係我至愛！