甜一刻

营业中

休息中

佢有好多款甜品食，中式西式都有，亦都有紫薯系列，榴槤系列同雞蛋仔系列等等。最鍾意係食吐司磚塊，$88大大份 (建議2個人食，因為真係好大份，直情可以當飯食）✌️🤤🤤我款款都食過哂，幅圖依款係曲奇吐司磚塊🤩就咁睇個賣相都少女心爆發。🤤🤤🤤佢有四層咁高，最上層係Oreo味雪糕🍦，會食到啲粒粒。下面磚塊好香脆又暖粒粒。配埋棉花糖同濃濃嘅忌廉，仲有朱古力醬🍫，加埋真係好夾，有種滿足嘅感覺🤤🤤🤤🤤Hehe建議問店員攞杯水，因為食食下會有啲乾。😙

次次D朋友仔都話想試下呢間的糖水每次食飯的地方都吾近今日係附近餐廳食完飯又吾太夜就行左黎試一試聞說平時都幾多人等可能今日係閒日7個人9點左右都有位不過入座後都好快就滿座依家好多餐廳都為左方便顧客都用QR code 俾顧客自己落單Menu 的公仔好cute cute呢個有點似梳乎蛋一本menu 超多款不同款式系列的甜品有紫薯、榴槤、芒果、西米露、麵包磚頭、雞蛋仔、海盜船.....系列選擇芋頭椰汁西米露(冷)配小丸子海盜船(3款雪糕)士多啤梨雪糕,曲奇雪糕, 朱古力雪糕紫薯紅豆涼粉冰芋頭椰汁西米露(熱)配芋圓又滑又飽肚的選擇南瓜椰汁西米露(熱)配芋圓紫薯湯丸西米露(熱)薑汁芝麻湯丸(熱)未上桌已經成間鋪都聞到陣陣薑味主要賣點係糖水甜度比例比一般的糖水店少甜好多岩晒吾少喜歡甜食的女士們p.s. payment 直接掃番QR code 去番俾錢有不同方式可以pay, only 無八達通方式pay第一次甘樣俾錢

我諗呢間係全長沙灣態度最差既糖水鋪。扮黃店。一個甜品可以等9個字先有。就算無人都可以等超耐。我寧願去貴族都好過去呢間。呢間真係垃圾到不得了。芒果西米露可以叫芒果水米露。早執早著

夜麻麻經過呢間糖水店，又唔想一個人行過二條街果間出名x記糖水，於是試下啦，價錢比起旺區或出名店一啲都唔平，叫碗最普通腐竹蛋(熱)，價錢成$29，點知都中伏，基本上是一碗有糖的水，就咁加入的腐竹粹，一隻唔熱嘅蛋！完全敷衍了事！睇餐牌跟一般正常腐竹糖水一樣是全白色腐竹是煲溶了的，連我等不懂烹飪的都煲到出來，此等不用高手都懂得做的糖水，竟然有人可以咁樣拿出來俾人！有冇心去做去經營一眼已知，欺騙顧客，有相為証

星期五晚上，食糖水當然多，見到呢間門外企滿人，我地都耐心等待。店內大約有6-7枱，我地叫完之後，只見門口人龍愈來愈長，我地的甜品等左半個鐘到未到。最先到的係楊枝甘露小丸子，芒果比餐牌上的相少好多，只有一條，切做細細粒，不過味道係OK 。然後到木瓜燉雪耳，只有一舊半雪耳，木瓜量比較多，糖水唔會太甜，夠熱，冬天食落好滋潤。最後係芒果兵團，我見廚房係一次過出4杯芒果兵團，可能要儲夠人叫呢個甜品，先可以開blender打芒果沙冰，但付出的代價係要客人等好耐。

成日聽人講甜一刻好正好好食，今次終於有機會啦 😍 同朋友食完飯唔夠喉，所以特登行過黎食返個靚甜品滿足一下 🤤曲奇脆磚杯呢個真係超·級·好·味 🤤 即叫即焗嘅吐司磚又香又脆，加上大量又香濃又滑嘅忌廉，再配合埋朱古力醬同埋曲奇味雪糕，真係痴線咁好味！😍 個忌廉真係超濃厚，極高質，必食 🫶🏻芒果奇俠雪糕雞蛋仔雞蛋仔一樣係即叫即焗，充滿蛋香而且煙煙韌韌，加埋極濃滑嘅芒果雪糕，我有一種相逢恨晚嘅感覺 🙈 今日芒果肉唔算甜，但反而為整體帶黎左個平衡，全部野配合得剛剛好，原本以為雞蛋仔類嘅甜品平平無奇，但竟然做出一個驚喜，證明小店真係真材實料啊 🤤秘製雞翼尖點解小食都可以咁高質嘅呢 🙈 雞翼尖煮得好淋，口感好滑，個汁辣得黎帶濃濃蒜味，我本來唔算食得辣，但佢真係好味到我用唔到口 😍 （小聲）我有衝動打包多份返屋企食 😂呢度甜品種類真係好多，紫薯系列、中式糖水、心太軟、雪花冰、水滴窩夫、榴蓮系列… … 真係花多眼亂，全部都好想食 🤤 真心好耐無食過咁高質嘅甜品，呢間要長期 bookmark 🫶🏻

嚟到長沙灣，食完飯點都要食埋個甜品先滿足！冇錯，就係心心念念嘅甜一刻脆磚杯！之前禁堂食，店家只係做外賣，要食脆磚杯都只可以嗌外賣，今次既然可以堂食，就即管入去堂食脆磚杯！香芒脆磚杯🥭多士脆磚係即叫即焗，製作需時，但係今次等得真係有啲耐，朋友已經食完芒果芋圓冰，都仲係要等多一陣先有🥲芒果雪糕同芒果醬，加上忌廉，好邪惡🤤脆磚沾滿雪糕，真係不得了！等都係值得！朋友點咗芒果芋圓冰🍧，冇乜特別，正常味道。果然嚟甜一刻係要食脆磚杯😂

突然好想食甜品係屋企附近選咗間甜品店🦥心太軟$55配綠茶雪糕，仲畫咗隻豬公仔，都畫得幾靚😍心太軟都幾好食，朱古力味好濃，而且流心做得幾好🍫🦥香蕉船$44配朱古力雪糕x3朋友選咗個香蕉船，明明可以選三隻味結果全部都選朱古力🤣🤣雪糕無咩特別，香蕉正常，香蕉船都係啲唔會太差嘅甜品🍌🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 甜一刻 (長沙灣)長沙灣福榮街218號美居中心62號舖地下

芒果芋圓冰賣相唔錯喔(´∀｀=), 不過係細杯啲, 有三重口感同時食到芒果芋圓同爆珠, 芋圓口感唔硬, 有芒果汁做底唔會覺好乾~ 海盜船 會推薦既甜品!個擺陣堅係小船既型態(*´∇｀*), 呢間甜品店既雪糕係一流! 好滑(≧∀≦) 係口融完個雪糕但又有綿花糖咬口, 朱古力冧面有三重口感(*´꒳`*)

朋友仔介紹有間「黃店茶木」好好食，一於去試下💓以前有面文宣牆，依家都仲有幾個模型，去到可以留意下🙈🐷士多啤梨吐司磚塊 轉曲奇雪糕 $88等咗20分鐘上枱嘩岀聲，勁！大！個！視覺滿分😻有三大塊厚切吐司，入面係切好咗嘅粒粒吐司磚，每面都用蜜糖烘過微暖🍯面頭淋上cream同士多啤梨醬🍓一啖吐司加醬加雪糕超滿足吖😋 想再去試曲奇吐司磚塊，一定都好正！*建議3-4人開心些牙，順便分擔卡路里🫣🐷芒果芋圓冰 $44一碗有齊芒果粒、芒果冰、芋圓、小丸子、水晶珠，芒果冰好重芒果味但唔死甜🐽芋圓煙靭但有芋頭粒粒係冇咩芋頭味，紫薯圓唔煙韌但係有紫薯味😂環境 🐖🐖🐖🐽 3.5/5食物質素 🐖🐖🐖🐖 4/5店員態度🐖🐖🐖🐽 3.5/5人均消費 ~$40甜一刻 📍長沙灣福榮街218號美居中心62號舖地下

想試呢間好耐但真係唔係住長沙灣附近🥹由佢哋疫情期間唔做堂食只做外賣開始就想支持👍🏻到兒家終於經過呢度可以試下啦～😎會回訪嗎: ✔️✔️等候時間: 0 mins 💰$50 below/人 （冇收加1😏）≋-≋-≋-≋-≋-≋-≋-≋😍曲奇吐司磚塊 $88 ▶️ 9.25/10 每人食左$44都似食多左個正餐😂冇辦法只可以放棄其中一層🥲整個吐司磚塊真係好邪惡🤣又有Oreo又有cream大小有四層咁高😱雖然看上去只有三層吐司但還疊上吐司粒同雪糕所以差唔多四層啦～-雪糕應該係Oreo味但味道唔算濃 幸好上面有點Oreo粒再下面是已經切好嘅吐司正方體磚塊 細細粒一口都可以食曬成粒 咬上去又香脆又甜滋滋 而且夠熱應該是塗上了蜜糖吧😍加埋雪糕一起食更好👍🏻出面還有一點棉花糖同Oreo 配合曲奇味 令到佢更濃郁😝而下面一層層嘅都係麵包皮 麵包一早已經切成磚塊😋一開始食上來唔會很硬 但越食落去就開始硬🥲可能已經攤凍咗🥹😚環境 ▶️ 🐤🐤🐤🐣/5 店舖偏細 坐係度唔係好舒服但都可以接受普通嘅甜品店中也有手足figure同埋linkg豬💛每個menu嘅封面都有隻公仔超可愛😆😚衛生 ▶️ 🐤🐤🐤/5 -😚服務 ▶️ 🐤

呢兩日 33 度嘅高溫，喺街行一陣都就嚟熱到溶咗，急需搵啲冰凍嘅嘢降下溫，於是雙腳好自然咁走咗入去甜一刻。下午時份，唔係 peak hour，成間店只有一位阿姨打骰，煮嘢接待落單收錢 scan 針卡一腳踢，為免加重佢負擔，決定叫個較簡單嘅甜品，於是揀咗紫薯芋圓小丸子涼粉。呢個甜品最吸引嘅肯定係中間嗰球紫薯蓉，係真 • 紫薯蓉，味道同口感都天然真實，好好食。其他配料方面，涼粉冰涼爽滑，小丸子有糯米香，口感煙韌 Q 彈，紫薯圓同地瓜圓同樣 Q 彈，食得出紫薯同蕃薯味之餘又唔會太甜太假，完全係我喜歡嘅味道。幹掉整碟甜品後，成個人當堂降哂溫。

只做外賣的糖水店！勁呀！如果只做外賣都支持到，應該都唔差，所以試試。今次揀咗204紫薯芋圓小丸子涼粉及1501榴槤仙境。因為都好多款式，心大心細下揀左依2個。紫薯芋圓小丸子：如果鐘意食前芋圓，就真係唔好錯過。佢煙韌得來又唔太糊口，又有小小甜味，不會太淡。整個紫薯球真係不錯，清甜得來不會甜到口龍乾，又不會太嘢啖。而榴槤仙境，好正呀！係D24！ 香濃度剛剛好，而且又以椰子冰配襯，清清地搭配了榴槤的香濃，不錯。餐牌就可以係佢地網頁搵，電話whatsapp 落order , 就唔使等咁耐

良心店 就黎冇得堂食 要支持下 🍴聖誔老人 42 蚊西瓜 🍉紅毛丹 水晶珠 涼粉 椰汁冰底 雲尼拿雪糕🍦雪糕夠凍冇甘易溶 水晶珠 好 q彈 西瓜紅毛丹新鮮 重點係椰汁冰底 夠軟棉 同涼粉好襯🍴d24 榴槤水滴窩夫 半份 54 蚊🧇水滴窩夫幾軟林 甜度適中 上面有 d朱古力碎増加窩拎既口感 仲有雲尼拿雪糕 撈埋香濃既 d 24 榴槤肉 好味👍🏻#甜品 #雪糕 #涼粉 #雲尼拿 #椰汁 #雲尼拿 #窩夫 Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#甜一刻長沙灣福榮街218 號美居中心62 號鋪地下~~~~~~~~~~~~

位於長沙灣既良心小店💛甜品種類繁多 選擇困難症發作 睇menu都睇左好耐先簡到😹😹-✨法式焦糖燉蛋 ($46)係店鋪既王牌甜品🔥即叫即整 無論係畫功定食物質素都好出眾😛隻連豬畫得好靚 好有心思 打卡一流👀焦糖好脆口 燉蛋好滑同蛋味好香 甜度岩岩好 吾會覺得膩👐🏻