甘潮潮式甜品焗飯專門店 (已結業)

我今次係去銅鑼灣那間，但....完全失望！一去到，佢話有張枱埋緊單，要我地等一陣，等咗幾分鐘，佢地每隔一分鐘都會出來示意我地等多一陣，好快有枱，而且佢地起初好有笑容，所以心諗服務都唔差....終於有枱，點咗：-玫瑰麥精湯圓--係維他麥精來的，無玫瑰味，只係上面落咗玫瑰花瓣，個味道唔夾之餘，連乾的玫瑰花瓣一齊食個口感好奇怪。-腐竹雪耳清心丸--好奇怪，食到係落維他奶整的，所以腐竹唔"霖"亦唔溶。沒有清潤的感覺，有點騙人。-綠豆清心丸--最好係這個，但係綠豆都係較硬的-鎮店之寶之一，什麼炸芉頭丸，入面有香蕉的，都幾難食，而且我們食到是酸的，同侍應講，他說酸味是香蕉炸完後是會酸的，這是果酸，但是我們說我們真的吃不下，味道好怪，可否換其他的？之後他面有難色的走開，轉頭佢話，老闆娘話酸味是正常的酸味，所以無得換。下！無啦啦芉頭配香蕉，味道真係一點也不夾，感覺就係芉頭加酸味，點入得落口？最後我們都係全碟無食過！而且佢地咁既答案真係好唔滿意咯，我唔係貪你個幾廿蚊，你地整得唔好食個客唔啱食，都應該要換啦！你肯換的話，個客條氣順d，都會返轉頭幫襯，你慳個幾蚊(講真你地成本都係幾蚊啫)，唔肯換，個客唔會返

琴晚同媽咪兩個人去左荃灣搵野食！晚上七點幾，好多食店都排哂長龍，唯獨得依間無排隊，咁就入去試下啦～一入到去，有歌播住，地方又乾淨，燈光又夠，環境總算唔錯。我地叫左．．．．1)芝士自製叉燒焗飯食評：ｄ芝士味好香，ｄ飯好滑，不過ｄ叉燒麻麻。2)豬頸肉炒公仔麵食評：ｄ公仔麵好正，不過ｄ豬頸肉未夠炒得入味。3)椰汁芒果清心丸食評：好足料，椰果同芒果都勁大粒，可惜椰漿太甜。4)芒果奶皇丸（唔記得太清楚，大概咁既名）食評：媽咪話．．無特別，丸細粒左ｄ，都係奶皇包住芒果既味。整體尼講，野食都算唔錯架喇！不過賣相真係好好，可惜我唔記得映ｄ相俾大家睇啦～同咪如果果度ｄ射燈唔好咁熱就仲好ｄ喇，因為冷氣未算太夠。最後，提議大家叫野食之前，要食咁多，叫咁多，因為佢樣樣野都大大碟同好足料架，都算抵食既～計埋加一食左$155

新開張既時候都想試下....不過...見食評都唔太好...所以無去試...今晚正好..唔知食咩野...去睇下先!同老公叫左個軟殼蟹柚子沙律...個蟹幾熱幾香...不過...啲柚子加得太多花生..反而令個味唔清新!唔想食焗飯...於是叫左個三文魚濃汁意粉...啲煙三文魚太鹹....個汁都ok..不過...佢間鋪既野食對於我黎講...偏鹹!另外再叫左兩個甜品....我既腐竹蛋雪耳清心丸..雪耳好硬....太甜! 老公要綠豆清心丸, 唔知潮州人係咪慣食硬既綠豆呢....啲綠豆又係好硬呀! 鋪頭細細...但侍應不是太過熱誠...又唔係平....相信不會再有下一次!

今日同左女朋友入去試下啦，見到D野食幾特別，所以想叫待應妹妹介紹下啦，當時都有一半客人，但只得一名員工，見到佢咁忙，都廢鬼事。我叫左一個蜆GE意粉，都唔錯，但係個炒麫就比較淡，之後經待應妹妹介紹GE唔知咩木留連GE甜品，好味！！食物都OK，好多野想試，服務唔錯，可惜唔夠人手，可能開得唔夠冷氣，幾熱！

今天去試了豆漿桂花礅雪蛤, 雖然豆漿不太膿, 食得出唔係自家製, 但桂花味好香, 成個甜品食得出除了桂花甜味, 無再加糖, 好清潤, 好合我口味.但店內各人不太會招呼客人, 態度冷淡, 令人客感覺不太自在!

這間甘潮已開了一段時間，但每次行經，見裡面都是空盪盪的，昨晚不想四處搵位吃飯，便試它一試，怎知卻是失望得很...原來晚上是不供應套餐的，我和男友叫了雞肉炒出前一丁和泰式豬頸肉柚子沙律為主菜，另加一杯士多啤梨多多多及酥炸杧果湯丸(忘了在餐牌上的正式名字，但就是這個食物)。等了都頗久才有東西吃，先上的是炒面，四十幾蚊，一般啦，沙律就完全不行，咸到苦的，柚子味道完全消失無蹤；飲品是益力多加大量水及小小士多啤梨打的，最後那個說是招牌食物必吃的酥炸杧果湯丸就更令人失望，皮厚又好油，中間有一小粒杧果肉及一些咬落粉狀的黃色東東，辛好是小小的三粒...唯一值得一提的是侍應的服務都很好，看得出是新手，但笑容夠，有禮貌，叫了幾次問嘢都有耐性，加水亦快手。真不明白為何有人說這間店是日本人來香港必試的？我想他們在銅鑼灣那間應不會咁大分別吧，不過我就不會有信心去試了。

試過玫瑰麥精湯圓, 玫瑰同麥精味道完全唔夾, 湯圓只是街貨, 整個甜品給人好求其的感覺, 明顯只是把煮好的湯圓放入叮熱的麥精再灑上玫瑰花「茶葉碎」, 玫瑰花的味道沒有融和麥精的味道, 湯圓也滲不進玫瑰麥精湯的味道。另外試了奶王蜜提莎丸, 外咸內甜, 味道又是完全唔夾, 而且多油, 很失望。最後點了最普通的燉蛋, 比義順甚至杏花樓的差幾條街。對menu 上的生果燉蛋一點興趣也沒有, 不用試就知道生果的鮮混入燉品, 完仕冇可能好食。食店與其標新立異造新口味, 不如先做好本份。愈放得多雜誌剪報做feature 宣傳, 只會令更多人食過後失望而一去冇回頭。

食完客家菜，時間尚早，屈細妹請食糖水。銅鑼灣總店食得多，原來係荃灣開了分店，即管試下。我食了馬蹄沙綠豆沙，馬蹄沙份量多過綠豆沙，食唔到綠豆沙味，而且味道略甜。老公要了綠豆邊清心丸，與正宗潮式綠豆清心丸的味道不同，這個糖水的味道比正宗較濃。另外老豆媽媽細妹都是紅豆沙湯丸，細妹覺得湯丸好食，但紅豆沙味道假。我試了少少，紅豆沙味怪怪的，似日本紅豆多過似中國天津紅豆，所以媽媽特別喜歡。糖水無總店咁好食，但見隔離的焗飯，又香又大碟幾吸引，下次o黎改食焗飯唔食糖水。講下服務方面，好過總店，有兩三個後生waiter，佢o地服務態度唔錯，又有禮貌。而缺點係，當時只得三客，但得一個人係水吧負責糖水及飲品，所以上菜的速道較慢。