甘永泰魚蛋 (已結業)

長洲一日游🌟一落船第一站甘永泰魚蛋，每次來必食小食之一，這家所有丸都系自家制，用料十足，最特別之處全部魚蛋系用油炸熟，有別於平時買的魚蛋都系煮熟，所以特別野味。🍡咁多年都無加價超級大魚蛋10蚊: 其實我覺得大魚蛋好一般得個大，唔太彈牙，無咩特別，但系阿女鐘意。🧀三文魚丸拼芝士丸20蚊：三文魚丸我食唔出三文魚味，但系有好濃魚肉味都幾好食。芝士丸非常出色，一粒丸入面滿滿咸香味芝士，真系好好食。🐙墨魚丸20蚊:墨魚丸我的最愛，每次必食，墨魚味濃，好好食。

去親長洲都一定會食大魚蛋 但食邊間就求其揀今次朋友推介咗呢個比我 我竟然喺未食過⭐️炸魚肉豆卜真係好好食 好鬆脆 好香❤️咁好食嘅嘢我竟然第一次食到 推薦比大家⭐️炸墨魚丸唔差嘅 但無乜特別 可以試下嘅～

上黎openeice先知，原來其他人都有同一遭遇。排到我地，我地以為佢整緊比前面人客，禮貌地等待,點知兩個女人問後面客人要咩，我地出聲，佢地竟然好惡咁鬧我地做咩唔出聲，咪問後面先law，其實後面都冇出聲架!咁你直接skip左我地咁有趣既？仲咁惡鬧人。魚蛋唔係即炸，味道好一般，係大粒law，講真，唔好食唔緊要，但諗唔到，食粒魚蛋都要受氣。

假日特登入嚟長洲掃街就係為咗試佢既名物🏖 大魚蛋有好多但聽講呢度係老字號🥇 見到唔少攤開左嘅魚蛋衛生麻麻地🌝 當我要影相嘅時候店家態度亦非常差🌚覺得我阻住佢咁仲要行開食😅 咁嘅質素只試一次嚐鮮就可以⭐️ 大魚蛋 🐟魚味唔算濃但表皮係炸得脆嘅🔥唔會太鹹重味精值得加分👍🏻 但係只係一粒大D既魚蛋😂無咩驚喜值得特別要黎食🤡⭐️ 甘永泰魚蛋 (長洲)📍 長洲新興街106號地下#foodiehkboy長州

🐟白魚蛋(推介指數: ⭐️⭐️）唔係炸即叫即炸，係炸定放係到，魚蛋係暖既，一拎上手成枝竹籤都係油🙈🙈魚蛋唔係彈牙個隻，而且食唔到魚味，同有少少偏咸🌟除左魚蛋仲有其他丸類，但應該唔係全部自家製，因為見到雪櫃既墨魚丸同龍蝦丸，都應該係入貨🫶🏻想睇更多食評，記得留意IG _imbeetang_

名物長洲大魚蛋在長洲小食店經常見到，雖然筆者對大魚蛋興趣不大，但是來到長洲點都要試下！第一次食，當然揾間歷史悠久的「甘永泰魚蛋」。在新興街的食店都有賣大魚蛋，但是「甘永泰魚蛋」門口的人龍最長最容易認。甘永泰魚蛋用真正的門鱔魚肉來製作，人氣名物包括招牌大魚蛋、魚肉釀豆卜及蝦丸等。阿姨即時炸夠新鮮又夠熱。魚蛋大大粒，但不是圓圓的。吃起來外脆燙口，內裡鮮味彈牙。味道令人不叫得一試難忘，但來到長洲當然要到此一遊。

難得去到長洲，當然要嚟食魚蛋！以往去開都會幫襯，但今次去到……竟然唔洗排隊直接落單，我就問幾多串會有個盒，因為之前去買滿幾串會有盒咁。今次個位有啲年紀嘅女士答我：無！$5個盒！咁我心諗可能經濟差少少啦，收錢都正常嘅，$5個盒自己選擇要唔要啦。咁我就唔要啦，先落4串為1袋，我要咗2袋共8串。真係無諗過佢直接將啲串串放入膠袋！紙袋仔都無個(指裝燒賣魚蛋個啲棕色小紙袋)，一入袋，啲籤直接插穿膠袋！真係初體驗！仲有，唔講唔知，我以為我做錯咩事，個位女士語氣態度令我覺得好似我做緊佢生意咁！可能我太耐無去，星期日唔洗排隊就買到(之前每次去都要排)，大概知原因了。好唔好食係其次，唔需要有咩服務，但基本禮貌係必須的！這是最後一次，完！

食完陳通記之後、兩個老嘢喺條街度踱步，見到一間叫做甘永泰魚蛋、記得呢間係某網台標榜長洲手做魚蛋，梗係要會一會佢啦，有墨魚丸、魚蛋、芝心丸， 可以話係十分之失望，可能佢真係長洲手做魚蛋、手做原因亦都可以標榜佢係因為用粉之冠、食落去一啲魚味都冇，成口粉，收$20串、豉油冇，辣椒油冇「百冇」可能店長想你認真嘗試一下佢啲魚蛋嘅粉味係有幾濃郁，所以呢個如果係我標榜的話我會標榜佢係一個專食粉嘅魚蛋，又名「魚蛋粉」（笑）

🎈#carhlife_yum長洲 甘永泰魚蛋⛳️🌸招牌門鱔魚蛋🌸 🌸極驚喜+必食豆卜魚蛋🌸🌸回頭指數極高的魚蛋店🌸════════════════════💨偷偷地跟你們說，我真的是第一次在一日內食了10串丸😂😆📌這間的丸全是自家製，重點是煮法並非跟街邊魚蛋店賣的一樣——用水煮熟，而是放在滾油中炸熟！正！🤩꧁••••••••••••••••••••••••••••••꧂🔸三文魚丸拼芝士丸($̆̈20)🌟有驚喜的芝士丸☻︎跟坊間食開的芝士丸有好大分別，一口咬落去，滿口芝士漿，芝士味帶點咸，是好食的芝士丸，我想食過以後未必會想食坊間的丸🙊😂🍂三文魚丸味道不特出☹︎由於店鋪不會標示丸的名稱，咬開後會見到入面有橙色粒粒，一開始以為是蘿蔔丸😂🔸魚肉釀豆卜($̆̈20)̆̈🌟 驚喜鬆脆，口感特別☻︎豆卜炸過，表面酥脆☻︎魚肉釀入豆卜一起炸，口感外脆內彈牙，好特別🌟 食完一串即刻回頭買多串🙈😆🔸新加坡白魚蛋🌟彈牙兼魚味濃！☻︎魚蛋大小平均☻︎平時食丸會咬開一半但這個要原粒食，魚味相當濃👍🏻🔸墨魚丸🌟墨魚味重，真材實料有墨魚肉！👍🏻☻︎建議大家整粒放入口食，食出墨魚味🥺聽聞蝦丸是出色，但今次去沒有賣蝦丸，下次再來要試💬溫馨提示：老

一彈落船🚣‍♀️望到街口直入左手邊👈🏻⬅️就到😂夠晒近！路線亦好容易記平時，食開大魚蛋太「行貨」，好多間都有買🤷🏻‍♀️ 亦無特別出色🤔反而 念念不忘脆卜卜的豆卜魚蛋😷 由中學食到呢家（自我暴露年齡💁🏻‍♀️🙋🏻‍♀️）不過今次真係太過油，用廚房紙包住，都吸油吸到張紙變半透明🤷🏻‍♀️魚蛋依然鮮甜～ 總括嚟講都係好好食😋一嚟到長洲就會捧場～～～！💖💖💖魚肉釀豆卜（$20）

入長洲食大魚蛋好似係例行公事，不過近碼頭有間老字號，賣左好多年魚蛋蝦丸墨魚丸，除左即場一串串熱辣辣咁食，仲可以一斤斤咁買走番去做手信😌🍢炸魚肉釀豆卜 $➋⓿基本上全部即場食嘅都係20蚊一串，首推一定係呢個炸魚肉釀豆卜串，即買即落油翻炸，拎上手即食脆卜卜。豆卜嘅蜂巢紋岀哂黎，一睇就知勁鬆脆😍食落shok shok 聲，20蚊5大舊都算合理價位，幾好味都好，小食多滋味，食一串好啦唔係熱氣死🤣🍡炸白魚蛋 $➋⓿白魚蛋真材實料用新鮮魚肉製造，食落係一啲魚腥味都無。平時唔係特別好魚蛋，但呢度魚蛋會令我有食完會想打包買翻一斤半斤翻屋企嘅念頭，長洲掃街黎講，絕對係top 3 必食！📍甘永泰魚蛋 長洲新興街106號地下

甘永泰🍽️長洲新興街106號地下呢間店屹立不倒四十幾年,由學生時代開始,每次黎長洲都必然黎篤串甘永泰大魚蛋。而家食既，不單止係佢既美味，亦有一種感情同回憶。附近有幾間唔同既都係賣大魚蛋,仲有唔同味道添!又麻辣、又梅味、又青咖哩、又沙嗲等等…不過試過晒,都依然係覺得甘永泰既原味大魚蛋最好食﹗唔使點任何醬,魚蛋既本質就已經足夠天然美味,又鮮味,又Q又彈牙。每日新鮮手打,百分百門鱔魚蛋,真材實料,果然唔需要花巧。佢仲有賣其他蝦丸、豬肉丸、墨魚丸…不過我覺得,專心一意食佢既大魚蛋已很足夠。諗起又好想返去食喇﹗

本身諗住排隊買，買之前喺舖頭則邊影下相，點知比店員鬧我地阻街，好黑面甘話: 「要買就去排隊，唔好企喺路中心，會搞到我地比人鬧。」真心態度甘惡劣，食物幾好都冇用唔會幫襯!!

每次黎長洲都會食， 幾年無黎，白魚蛋同豆卜己經加到廿蚊串，老細可以係長洲休閑地發過豬頭 正到暈。豆卜好食，其他無quota可以唔使side錢試，白魚蛋有種係屋企氣炸四州魚蛋既感覺。

跟着组织的活动，来到了这里，被领队推荐的这家常年做鱼蛋的老店，说真的在这家店，粤语不流利还是有点困难的，不知道为什么我去买鱼丸，说完给了我一份白鱼丸，我朋友去买就给了一份花枝丸，我个人觉得这两种鱼丸味道都算是可以的，至于追求味道正宗，建议去探其他的店看看。