甘味處鎌倉 (希慎廣場)

营业中

休息中

🇭🇰Hong Kong - Causeway Bay📍甘味處鎌倉 本人係一個超中意食蕨餅嘅人，但奈何係香港仲未食到一間食完會再返去食嘅蕨餅！點解呢！？第一，香港常見蕨餅係比較四四方方好似一粒啫喱粉外面加層黃豆粉。第二，另一款會相比起第一款嘅蕨餅軟身啲，而入邊會係一啲無聞無味嘅蕨餅需要外層黃豆粉同黑糖加入味道。最重要係大部分都係預先整好。但今日，終於係香港搵到一間好好味嘅蕨餅！所有蕨餅新鮮即製保持到蕨餅最佳口感，質地比較軟糯。唔好似平時食個啲實得得。一盒五粒，鋪滿大量黃豆粉。但一打開盒嘅時候有啲小麻煩，因為太足料滿滿黃豆粉飛出黎。今次無另外買到黑蜜，而個人覺得就咁食已經好好食。宜家經過一定會買盒黎食過下口癮。📍銅鑼灣軒尼詩道500號希慎廣場URBANHOOD B1樓B101A號舖

🇭🇰甘味處鎌倉·鎌倉蕨餅（10個装）$98 l 自家製黑蜜$10我自己都幾鍾意食蕨餅 麻糬 呢類煙類煙煙韌韌既嘢食🤩呢間蕨餅係每日新鮮整嘅 望住店員整 已經覺得超正😈佢食落超級超級煙韌 係軟熟個種煙韌 口感好好😌面頭嘅黃豆粉都好香 而且唔會太多 之後佢個黑蜜我都覺得唔錯 唔會太甜 同個蕨餅好夾🍯不過我自己就覺得10粒裝真係有啲太多 要多啲人先食得晒 因為佢每嚿都超大嚿🤣🤣·濃厚生朱古力$53 l 淺川園抹茶蕨餅$48之後嘢飲方面我自己就鍾意佢個朱古力飲品多啲 佢呢個朱古力真係幾濃 下邊仲有啲朱古力味嘅蕨餅 口感幾好🍫·#rbyeat#rby甜品飲品#rby銅鑼灣·📍銅鑼灣軒尼詩道500號希慎廣場URBANHOOD B1樓B101A號舖

希慎廣場地庫樓層，最近做咗新裝修，有唔少新餐廳開業。行到攰一攰，來呢間日式餐廳飲杯嘢。呢間餐廳最出名嘅係蕨餅，就點咗杯抹茶蕨餅凍飲。坊間比較少見嘅係將蕨餅放入飲品裏面，因為一般來講只係會加入珍珠，寒天，奶凍等等材料，蕨餅都係第一次見。呢杯飲品抹茶味非常濃郁，每一啖都係厚厚嘅抹茶味。而蕨餅嘅質地非常綿滑十份有驚喜，唔會過甜。本身都10分好奇，究竟蕨餅可唔可以好似珍珠咁樣由飲管吸入去呢？答案係可以嘅！因為佢夠滑夠輕身，所以飲完都唔會話好飽肚食唔到其他嘢。既然蕨餅咁出色，所以都外賣一盒黃豆粉蕨餅返去繼續食。黃豆粉蕨餅同樣出色，喜歡黃豆粉同埋蕨餅嘅人唔好錯過啦！

新店速遞 .ᐟ.ᐟ 希慎廣場B1裝修後煥然一新，引入咗唔少人氣小店如pandan man、八時、silk、Grandma’s scone等 。最令我期待是來自日本鎌倉的 @kamakura_hongkong 𝘼𝙩𝙢𝙤𝙨𝙥𝙝𝙚𝙧𝙚 自助服務，落單後自行找空位坐下進食，沒有加一服務費 。ᵕ᷄≀ ̠˘᷅由於店員好忙人手不足，自行清理垃圾方面有待改善（最後的圖）𝙍𝙚𝙨𝙚𝙧𝙫𝙖𝙩𝙞𝙤𝙣 位置方便，銅鑼灣地鐵站F出口直達，閒日晚上8時入座率5成，有幾人排隊𝙁𝙤𝙤𝙙 主要有蕨餅、刨冰及飲品，可外賣或堂食 。聲稱使用日本產厥粉，柔軟煙靭亦帶少少咬口，加入大量黃豆粉及自家黑蜜，蕨餅比相像中大件，一人一件剛剛好，有點太甜抹茶有配料黑糖蕨餅 on top再加cream，抹茶中規中矩，之前見到佢IG刷茶既茶泡都大小不一已不抱期望（所以冇失望）ᵕ᷄≀ ̠˘᷅ 濃度不錯，不甜不澀，配黑糖蕨餅碎反倒有驚喜價錢算相宜，經過可以過過口癮，同朋友快食個甜品傾下偈都可以一戰—————-𝙒𝙚 𝙤𝙧𝙙𝙚𝙧𝙚𝙙:▸ 蕨餅（2個裝）配雲呢拿雪糕配黃豆粉及黑蜜 $28▸ 淺草園抹茶 中 $48—————————————————𖠿𖥣 甘味處鎌倉

成日去銅鑼灣行街，經過呢間次次都要排隊，一個好懶得排隊嘅人就次次都話下次先食啦！早排約個朋友去食lunch，食完當我哋準備經過希慎落地鐵站個刻。。。竟然唔洗排隊喎！同個fd個即刻心心眼，秒衝去買刨冰食啦！店員好好服務，好用心去介紹我哋食邊款，抹茶控嘅我哋就好齊心講，要宇治金時刨冰啦！但我哋又好想食蕨餅喎，店員就即刻話，可以加蕨餅㗎！而且加埋生牛乳（煉奶）會更加濃味㗎！個刻真係開心到跳起呀！俾完錢就坐低慢慢等好期待嘅刨冰，環境其實都好舒服好和式設計！到我哋嘅刨冰啦，快啲攞黎影相先！個冰其實份量都唔少，啱曬2個人食嘅份量！食入口嘅生刨冰真係好正（雖然個日天氣都凍凍地），配上紅豆🫘、丸子同煉奶，仲有佢哋每日新鮮自家製嘅蕨餅配以黃豆粉，真係超正！有別於一般舖頭整嘅棉花冰，真係入口慢慢咁溶化！享受完個刨冰之後，成間舖頭就開始多人啦！我哋仲覺得蕨餅唔夠喉，買埋外賣返屋企食添！環境：⭐️⭐️⭐️⭐️⭐️服務：⭐️⭐️⭐️⭐️⭐️質素：⭐️⭐️⭐️⭐️⭐️價值：⭐️⭐️⭐️⭐️

呢日係希慎行街，見到呢間大排長龍，原來係日本過江龍的蕨餅😍我又跟隊排，點了兩杯野飲同兩盒蕨餅😋.有座位買完可以坐低食，首先要大讚盒蕨餅，超大件😍煙煙韌韌相當高質，口感軟綿綿又q彈，大量黃豆粉再加埋黑糖，真心覺得係香港最好味的蕨餅👍🏻.兩杯飲品一樣非常出色，揀左最受歡迎的抹茶和焙茶口味，滿滿的cream，茶味甘香濃郁，入面仲有蕨餅煙煙韌韌，超級好飲！真心一定會再幫襯，終於明點解個個都拎住杯野飲打卡，因為真係好正🤣

早排個癡線friend同我鬥truth or dare，佢dare我喺寒天10度嘅天氣下食刨冰，dare咪dare，洗乜驚呀！呢間係 @kamakura.cafe 嘅第一間海外分店，排隊都排咗半小時先可以落單，跟住等食又要等一輪。唔難怪，因為所有食物飲品都係落單後即煮，似足日本咁新鮮。「生蕃茄」刨冰$88，好似座山咁高，啲冰好綿，落咗面層中層2層蕃茄糖醬，食到冰底都唔會淡茂茂。蕃茄糖醬味道好蕃茄，然後有啲甜，同飲kagome蕃茄汁嘅味道一樣咁正。招牌名物「鎌倉蕨餅」風靡全日本，嚟到香港更加要買嚟食。有$58 5件裝，$88 10件裝，晶瑩剔透，入口彈牙，好似食緊固體嘅水。而包住蕨餅嘅黃豆粉，係有濃郁香氣。蕨餅除咗食，原來仲可以飲。鎌倉品牌「原創咖啡牛奶」，「天空焙茶蕨餅」大杯$48，小杯$42

🔸解鎖蕨餅新食法🔓🤩🇯🇵🔸Hysan地下翻新後多左好多新食店進駐，其中一間最吸精就係依間日本過江龍，主打蕨餅同飲品，成日經過都有條人龍排緊隊，今次試完之後完全愛上咗！！！好開心終於喺香港都食到同日本食嘅蕨餅一樣咁好味😍—— 濃厚生朱古力 $53—— 香蕉朱古力 $53依杯生朱古力不得了！估佢唔到落左勁多蕨餅，飲每啖都食到，蕨餅本身好軟熟好易吸，加上生朱古力香釀濃厚，面層有滿滿嘅忌廉。值得一讚嘅加左士多啤梨碎粒，驟眼似裝飾用，但濕左飲落都散發好香士多啤梨味，似足北海道白朱古力士多啤梨入面個果乾味咁香！—— 蕨餅 （10件） $98係一食回到日本嘅味道！！！一打開目測好軟糯，郁下個盒啲蕨餅就彈下彈下，放入口柔軟綿密，有適當嘅煙韌度，咬落去唔會過黏痴牙，甜度啱啱好👍🏻同樣重要嘅黃豆粉比左激量‼️確保每塊蕨餅都得到黃豆粉嘅竉愛！啲粉多到我會將一塊蕨餅分幾舊食，務求用最多面積沾到更加多黃豆粉！10件啱3-4人share，一塊size都好大，絕對會再回購好好食啊！！！🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍甘味處鎌倉 (銅鑼灣) 希慎廣場URBANHOOD B1樓B101A號舖

urbanhood開了後,第一時間來吃這個甜品店,平日都有很多人排隊,所以要來可能要預多一點時間~~🔹鎌倉蕨餅蕨餅每日新鮮製作，下單後職人會立刻將軟糯綿密的新鮮蕨餅放到滿滿的黃豆粉上，附帶一碗小小的黑蜜，大家可以按照自己的喜好加。吃了這麼多次，這次我是真的感受到什麼要好吃的蕨餅：口感軟糯，水潤卻不容易散，加上黃豆粉很香不渴喉，加了清甜不膩的黑蜜剛剛好有甜蜜的味道，一盒五件的話真是忍不住自己吃光🤣🔹鎌倉原創品牌咖啡牛奶熱熱的咖啡牛奶底下有軟糯微甜的麻糬，一邊喝咖啡一邊吃麻糬感覺蠻特別，平時不喝甜咖啡的我覺得這杯頗容易入口呢。🔹找川園抹茶抹茶的茶香非常濃郁，不加上面cream的話會比較澀，適合喜歡品嚐茶香的朋友，想要甜味的話加cream比較好喔～用來搭配蕨餅也是不錯的。🔹生檸檬刨冰 生草莓刨冰 宇治金時刨冰堂食會看到很多人點刨冰，這個忠於日式風味的刨冰特別選用日本直送的天然水去製作刨冰，冰的味道更純，和天然鮮甜的生檸檬在一起原來很搭配，酸酸甜甜像柚子，生草莓甜度比較好，裡面有粒粒草莓果粒🥰 至於宇治金時的抹茶味和刨冰的組合都很搭，不會甜，很清，甜味是旁邊的紅豆蓉，適合不太能吃甜的朋友。

身為蕨餅控的我，一收到這間日本蕨餅過江龍來港開店的消息當然要盡快去試試這天與朋友吃完午飯就去看看，就已經有人龍了店裡採取自助形式，無論堂食或外賣也要先排隊購買，幸好速度也比預期中快最後點了蕨餅+浅川園抹茶套餐($68)，跟西尾抹茶刨冰($78) (追加3塊蕨餅+$15)　點餐的時候店員說刨冰要等30分鐘，但最後不到10分鐘就可以取餐了🍡首先是蕨餅，外層滿佈黃豆粉及黑蜜黏糯Q彈，想用小叉子把它完全切開也不那麼容易，但就是我喜歡的口感🍵冰抹茶看上去顏色很濃，但喝下去卻是淡淡的，不知道是否加了冰塊的關係🍧抹茶刨冰吃下去茶味更淡，反而上面的黃豆粉及蕨餅味道還比較重，是有點小失望下次我會只為蕨餅回來！😎

之前經過希慎廣場見到地庫裝修好，開左好多新餐廳，所以見有d時間就去行下！！呢間舖有媒體報告過係人龍熱店，但係當日見冇乜人，所以就試下啦！！雖然冇乜人排，但係都排左大概廿零分鐘.. 因為排下又停下，可能驚入面妹妹整唔切🫣🫣排緊嗰陣無聊，影下店員切蕨餅！我地叫左一個雪糕加兩個蕨餅既甜品杯！ (HKD$35) 可能冇乜期待，食落原來咁好食😂 D黃豆粉好香，撈埋黑蜜同d蕨餅食，煙煙韌韌，又唔會好膩！唔錯！買完又可以喺店入面坐！(自助形式)慢慢食！下次可以試下d飲品！

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 係銅鑼灣Hysan最新既地庫廣 #Urbanhood 開左一間日本風味極度濃厚既日式甜品店, 甘味處鎌倉✌🏻日式既外觀裝修, 熟悉既日語廣告, 黎到Hysan Urbanhood就比一間甘味處鎌倉瞬間染成左日本既感覺❤️𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 生牛奶刨冰 $88日本甜品, 其中一樣最家傳戶曉既就係刨冰！呢一份生牛奶刨冰食落感覺就好似細個係屋企整既牛奶雪條咁既感覺, 好感動👏同港式台式甜品既綿綿冰唔同, 刨冰係純水雪成冰刨出黎, 再係上面倒上各種口味既糖醬製成~ 而雖然佢係純冰造成, 但係上面既牛奶甜度十足, 味道極好!✨ 蕨餅5件 $68蕨餅係另一樣家傳戶曉既日式甜品大量既黃豆粉, 倒上自家製黑蜜感覺真係既滿足又夠甜 ❤️‍🔥✨淺川園抹茶 $55✨天空之焙茶 $55兩杯都係甘味處鎌倉既特色飲品, 蕨餅飲品。香濃既抹茶或者焙茶大家都唔會陌生, 甘味處鎌倉加入佢地既蕨餅, 加上忌廉係面, 就帶黎佢地特色既蕨餅飲品👍 口感就好似仙草奶茶, 但係蕨餅帶黎既煙韌感同更加甜既味道, 比仙草口感同味道都更好~

銅鑼灣希慎改造過後，大量高質餐廳進駐，食客有口福了，今次就介紹這個日本品牌。鎌倉蕨餅選用日本稀少生產的蕨粉，口感外軟糯彈牙。自家製沖繩黑蜜淋在表面更佳，蕨餅面層包著的黃豆粉，兩者混合口感更豐富。提供多達8款日式風味的特色刨冰包括：生草莓、生蕃茄、生牛奶、生檸檬、自家製黑蜜黃豆粉、黑芝麻、西尾抹茶及宇治金時。生檸檬刨冰草莓牛奶，以鎌倉蕨餅及大量新鮮草莓製成草莓醬汁，再配上濃郁牛奶，香甜可口奶味濃厚，鎌倉蕨餅增加口感。

最近人龍店--"甘味處鐮倉"蕨餅🍵好多年前喺京都食過一次驚為天人嘅蕨餅之後🤤，每次見到蕨餅都會試，可惜無論日本同香港啲蕨餅都偏硬，成舊啫喱咁🥺而我又實在好鍾意食蕨餅，所以唯有繼續不斷試伏😑，但係基本上每次都係失望而回，後期已經變成灰灰地，索性自己屋企整，口感甜度真係啱晒自己口味😆今次甘味處鐮倉蕨餅黎到香港，明知唔值呢個價都想try try ~ 結論：口感雖然係比其他好太多，但又唔鍾意佢舊蕨餅本身加左太多糖去煮，好鬼甜，仲要切到鬼咁大舊，令本身黃豆粉可以中和甜味嘅面積又少咗好多🤦🏻‍♀️3舊蕨餅加杯綠茶$78唔算平，但以香港物價都算可以接受，不妨試一次，起碼知道人哋夠蕨餅係點😬但如果要排隊就唔會考慮😌

話說，有兩條友，傻傻地，天寒地凍先來吃刨冰 ~講緊乜嘢呢 .... 咪就係，日本過江龍， 以售賣蕨餅和刨冰而馳名於世的 Kanmidokoro Kamakura 甘味處鎌倉！自家製黑蜜黃豆粉刨冰：成座山咁高的刨冰，睇見都興奮；刨冰刨得幼細，配上味道純樸的黃豆粉，還有甜蜜滋潤的黑蜜，每一口冰郁叫人興奮 ~蕨餅 (5件)：講有幾多件，根本就不是重點 .... 重點在於蕨餅是職人當埸手工即製！ 蕨餅救新鮮，而且職人夠功力，蕨餅本身注滿活力，吃起上來的口感和質感是奧妙般的輕柔軟糯，在舌尖上有種如雲端飄雪般的感受，配上黑蜜糖，極品也 ~除了蕨餅和刨冰之外，還有多種日式特調飲料可供選擇，堅到爆！本篇完 ~