甄記冰室 (已結業)

陪小公主去尖沙咀上暑期興趣班，連踩兩節，期間只有一個鐘頭鬆啲食晏，隨便在附近搵間茶餐廳開餐，見到有間「甄記冰室」，門口四四正正，似乎乾淨企理，就衝入去。週日沒有午餐供應，只有主餐牌。快速掃描餐牌前後兩頁，除了茶餐廳必備的雙拼自選公仔麵之外，竟然沒有西多士、三文治等等港式茶餐廳必備食品，反而港式扒餐、馬來咖喱、炒粉麵飯就有多款選擇。與預期中的港式冰室有落差。好彩今次係想醫飽個肚，唔係下午茶，否則就會有啲失望。瑞士汁乾炒牛肉河（$68）係乾炒牛河加瑞士汁濕炒牛河嘅混合體，簡單啲來講，就係用瑞士汁加老抽代替豉油同老抽去炒牛肉河粉。瑞士汁本身濃稠，唔似得老抽同豉油可以完全被河粉吸收，炒出來的效果唔係好乾身；加上河粉比較零碎，因為瑞士汁關係有少少黏在一起。味道唔似傳統乾炒牛河的有鑊氣、香口、乾身得來油潤而不旱；而是帶甜、較軟身、缺乏鑊氣。牛肉份量相當多，鬆軟、有肉味，略欠彈性；典型茶餐廳的牛河牛肉質素。總結：呢碟牛河味道都幾特別，可以一試。

個外賣等左10分鐘先同我講冇雜果沙律，轉蔬菜沙律比我，咁佢地叫我可以坐係店裡面等，等左20分鐘我再問佢我外賣得未，佢先係收銀枱拎比我，咁即係其實個外賣出左黎好耐，冇人跟進，返到公司食先發現冇比蔬菜沙律我，都算，連吉列魚都冇醬比我，我唔係話市儈定計較、我都係打工仔我得一小時食飯，浪費我30分鐘仲要錯漏百出，我唔會再係度買外賣

甄記樓面員工給我很好的印象，自己最怕一早食個早餐返工都俾人黑面或悔氣，攪到冇心情，所以都喜歡去一些員工比較nice 的小店。這店短期內去了數次。食物水準，價錢，服務各方面都可以。$36牛扒煎蛋配麵，牛扒雖然不算好厚，亦不會薄到連鎖快餐咁，但牛貴嘛，這個size 我覺得算大方了，只係牛扒比較咸。這個餐仲係可配辛辣麵/一丁。歐陸豬扒早餐改煎蛋，我一向食炒蛋多，但唔喜歡佢地嘅炒蛋，比較炒得熟，唔係滑蛋果種，所以改煎蛋。豬扒厚切，份量夠，今次肥瘦正常偏瘦。腸，睇相都知好食過雞肉腸。佢嘅煎蛋都比較老。沙律如果係沙律菜會升呢好多，仲有多士唔食冇損失，配植物牛油....$42，在附近的話會再去。～～～～～～～～～～～～～～～～～～～其實第一次體驗是不好的。當天，我點了一個歐陸早餐配豬扒。餐飲好快到了。但眼見4周遲過我下單的人都有得食了，而我還是沒有，在20分鐘左右追單一次，店員話等多士，再過5分鐘我說可不要多士，就上給我吧，店員說扒餐是耐些，共30分鐘後，早餐終於到了，豬扒同多士都是凍的.....蛋就好熱。員工服務熱誠有禮，追餐完全冇黑面，雖然我都係無奈，但這終究是廚房問題，有些店就是追下都會黑面或

尼條街都都算多嘢食！雖然執咗唔少舖頭但見竟然仲有新餐廳見價錢都唔貴不防試吓下午茶～502精選扒麵餐（$39）～我選咗猪扒，黑蒜油一丁，熱檸茶～猪扒係厚切不過只得三件！煎得夠香！值得推介