影片
招牌菜
年年做冬都系去富临, 今年系时候转下地方喇.行过第四期商场, 见到柱身贴左张 "冬至.团年.春茗套餐" poster, $1,988, 送红酒, 独立vip房, 包鹊片, 卡拉ok..." 咁抵?叫老公打去问下...原来就系之前搞 "长者免费盆菜宴" 果度, 隔离屋两个老人家去捧场, 听讲话好热闹添.呢间餐厅正正系保龄球场入面, 第一个感觉 : 好冻..冷气真系好劲秋!! (奉劝各位带多件褛..)经过负责人详细讲解, 视察过间独立vip房之后, 我地决定今年黎呢间小厨试下.vip房自成一阁, 无人骚扰, 我地总共开左两台麻雀, 又唱卡拉ok...老实讲, 唔使同第二台你眼望我眼, 呢间房超正, 成家人好少玩得咁开心, 一流!!3点玩到8点咁济(vip房3点后可以入座), 正式开餐, 同大家分享一下丫 花胶响螺炖竹丝鸡汤 - 个汤味道超浓, 本人最钟意花胶, 超正, 最o岩女仔饮 金鸡报喜 (香葱盐焗鸡) - 同出面食开有少少分别 嘻哈大笑 (茄汁煎大虾) - 劲大只虾碌, 好好味 横财就手 (红烧元蹄) - 钟意食扣肉既朋友o岩o西 发财好市 (发菜蚝豉) - 经典菜式, 无失礼 金银满屋 (金蒜粉丝蒸元贝) - 大大只元贝, 劲多金蒜, 好野味 年年有余 (清蒸大海斑) - 条斑蒸到岩岩好, 肉刚刚离骨, 正 家肥屋润 (上汤蒜子浸菜苗) 生炒腊味糯米饭 瑶柱金菇炆伊面 环球果盘 合时糖水见到成家人, 大大小小都食得咁开心, 玩得咁开心, 真系好安慰!!
继续阅读
瓷膳家已经系小妹的食堂，由于天气寒冷关系, 当然要食吓生炒腊味糯米饭。 好够味道，有质感，不太硬，腊味好香！ 真系好想食多两三碗，但怕身型唔靓只系食一碗吧! 瓷膳家的撚手小菜 - 茄汁虾剥真系好多地方都食唔到! 啲虾大大只，好正 仲有𠮶煲花胶响螺炖竹丝鸡汤更系好饮到不得了...好甜...足料....听餐厅老板讲将会推出做冬, 团年套餐, 有lee个汤系度 tim, 我都订左几围同啲至爱亲朋食吓!!
继续阅读
下午茶时段,叫左一碟星洲炒米现场有电视我都唔睇,梗系睇下人地打保龄啦都算系一种娱乐吖~奶茶好饮㖞!!!!茶味够浓啱晒我,奶味唔会太劲.用料新鲜,D虾都系爽口,米粉炒得又够香,有少少辣刚刚好!!下午茶时间比较少人,坐耐D睇人打波都唔错吖美孚又多一个选择啰
继续阅读
在美孚剪完头发去了这里食晚饭,7:00去到时,保龄球场比较静,以为现在唔流行打保龄,8:00食完,刚好有比赛开始,还看到香港保龄球运动员胡少康比赛,他可以打出8个全中,好犀利!!我们点了以下套餐: 香芋油鸭滑鸡煲 - 香芋很多, 鸡就得几件, 味道都ok. 金盏紫萝咕噜肉 - 咕噜汁很好味, 菠萝是用新鲜的, 肉质都可以.每个套餐包例汤, 白饭同饮品, 一律$42,呢个价钱包咁多野,味道就不可要求太高了.不过o个度d冷气真系好似雪房咁,可能因为有人做运动.
继续阅读
今天晚上一家到保龄球场吃晚饭,起初大家都不相信,我的弟弟甚至以为只吃碟头饭,但当一看餐牌时,都有些惊奇,因为居然有小菜吃.我们四个大人,一个小孩,叫了五种食物:1. 蜜饯牛仔骨---甜甜地,几好食2. 芥味虾球---即是芥辣炒虾球,虾球炒到好好,好爽,亦好有虾味,但觉得芥辣和虾球不是太夹3. 红番牛坑腩----牛腩我觉得唔够林,而且D汁味道怪怪地,但我阿妈就觉得几好,可见口味不同4. 蒜蓉炒菜心-----一般啦,5. 黄金炒饭----咸蛋黄猪肉炒饭,味道OK,饭到炒得好,够干身,但D猪肉丝居然是非常靱,差点咬不开侍应服务都唔错,非常主动介绍菜式,只吃了$215,但吃完离开后都颇口干
继续阅读