瓷膳家小廚 (已結業)

年年做冬都係去富臨, 今年係時候轉下地方喇.行過第四期商場, 見到柱身貼左張 "冬至.團年.春茗套餐" poster, $1,988, 送紅酒, 獨立vip房, 包鵲片, 卡拉ok..." 咁抵?叫老公打去問下...原來就係之前搞 "長者免費盆菜宴" 果度, 隔離屋兩個老人家去捧場, 聽講話好熱鬧添.呢間餐廳正正係保齡球場入面, 第一個感覺 : 好凍..冷氣真係好勁秋!! (奉勸各位帶多件褸..)經過負責人詳細講解, 視察過間獨立vip房之後, 我地決定今年黎呢間小廚試下.vip房自成一閣, 無人騷擾, 我地總共開左兩檯麻雀, 又唱卡拉ok...老實講, 唔使同第二檯你眼望我眼, 呢間房超正, 成家人好少玩得咁開心, 一流!!3點玩到8點咁濟(vip房3點後可以入座), 正式開餐, 同大家分享一下丫 花膠響螺燉竹絲雞湯 - 個湯味道超濃, 本人最鍾意花膠, 超正, 最o岩女仔飲 金雞報喜 (香蔥鹽焗雞) - 同出面食開有少少分別 嘻哈大笑 (茄汁煎大蝦) - 勁大隻蝦碌, 好好味 横財就手 (紅燒元蹄) - 鍾意食扣肉既朋友o岩o西 發財好市 (髮菜蠔豉) - 經典菜式, 無失禮 金銀

瓷膳家已經係小妹的食堂，由於天氣寒冷關係, 當然要食吓生炒腊味糯米飯。 好夠味道，有質感，不太硬，腊味好香！ 真係好想食多兩三碗，但怕身型唔靚只係食一碗吧! 瓷膳家的撚手小菜 - 茄汁蝦剝真係好多地方都食唔到! 啲蝦大大隻，好正 仲有嗰煲花膠響螺燉竹絲雞湯更係好飲到不得了...好甜...足料....聽餐廳老板講將會推出做冬, 團年套餐, 有lee個湯係度 tim, 我都訂左幾圍同啲至愛親朋食吓!!

下午茶時段,叫左一碟星洲炒米現場有電視我都唔睇,梗係睇下人地打保齡啦都算係一種娛樂吖~奶茶好飲喎!!!!茶味夠濃啱晒我,奶味唔會太勁.用料新鮮,D蝦都係爽口,米粉炒得又夠香,有少少辣剛剛好!!下午茶時間比較少人,坐耐D睇人打波都唔錯吖美孚又多一個選擇囉

在美孚剪完頭髮去了這裡食晚飯,7:00去到時,保齡球場比較靜,以為現在唔流行打保齡,8:00食完,剛好有比賽開始,還看到香港保齡球運動員胡少康比賽,他可以打出8個全中,好犀利!!我們點了以下套餐: 香芋油鴨滑雞煲 - 香芋很多, 雞就得幾件, 味道都ok. 金盞紫蘿咕嚕肉 - 咕嚕汁很好味, 菠蘿是用新鮮的, 肉質都可以.每個套餐包例湯, 白飯同飲品, 一律$42,呢個價錢包咁多野,味道就不可要求太高了.不過o個度d冷氣真係好似雪房咁,可能因為有人做運動.

今天晚上一家到保齡球場吃晚飯,起初大家都不相信,我的弟弟甚至以為只吃碟頭飯,但當一看餐牌時,都有些驚奇,因為居然有小菜吃.我們四個大人,一個小孩,叫了五種食物:1. 蜜餞牛仔骨---甜甜地,幾好食2. 芥味蝦球---即是芥辣炒蝦球,蝦球炒到好好,好爽,亦好有蝦味,但覺得芥辣和蝦球不是太夾3. 紅番牛坑腩----牛腩我覺得唔夠林,而且D汁味道怪怪地,但我阿媽就覺得幾好,可見口味不同4. 蒜蓉炒菜心-----一般啦,5. 黃金炒飯----咸蛋黃豬肉炒飯,味道OK,飯到炒得好,夠乾身,但D豬肉絲居然是非常靱,差點咬不開侍應服務都唔錯,非常主動介紹菜式,只吃了$215,但吃完離開後都頗口乾

上星期去美孚貪探朋友，佢夜晚帶我去食飯，真係估唔到係bowling球場既餐廳有小菜食，仲要係高水準tim。以下既下次去一定要再食：豉油雞…正，依家好難食到雞有雞味，但呢度既豉油雞有wor(我一個人食左四份一只…哈哈)蝦仁炒蛋…D蛋炒得好滑，D蝦仁仲要幾大只tim蜜餞牛仔骨…我覺得應該無"拿"過，好有"口感"蒸魚…好有水準，真係剛剛好離骨。(問過仲可以自已帶海鮮去加工，價錢唔貴)鬼馬油炸鬼…未食過，好得意。經理話會有新既十大名菜，下次可以再去新菜同打波，正。

同事睇雜誌見到介紹美孚保齡球場裏的餐廳, 於是相約上星期放工一齊去試. 試左6道菜, 其中鴿崧生菜包及蜜餞牛仔骨係我既推介, 值得一試!鴿崧生菜包 - 一上菜個賣相已經非常吸引, 生菜爽脆鮮甜, 配埋d鴿崧, 正!!!蜜餞牛仔骨 - 原本諗住只係蜜汁牛仔骨, 但食落有咸柑橘味, 牛仔骨好"林", 唔會話柴皮咁咬唔開, 亦唔係用梳打粉奄到"梅林林", 特別得黎亦好好味.最後叫左碗紅豆沙, 大碗到可以兩個人份, 但略為甜左d

保齡球場內竟然有真材實料「八寶冬瓜盅」，聽都未聽過一試之下，簡直媲美酒樓晚飯食o個種~tim，可以話有過而無不及。直得一讚是款式多，賣相夠精緻!! 我鐘意!!

晚上, 陪女友及百母睇完野, 因為已經夜, 百母又不想係外面食野, 而且怕搞到大家太夜, 老是說我明天要返工, 叫個女唔好搞到人咁夜...之後, 送了她們車之後, 便獨個兒回美孚. 本想煮個麵仔的, 但落了車, 人都係懶得就懶, 見保齡球場間野有宵夜時段, 就試下轉左手之後有什麼改變. 變一定是變了, 從前的小食亭形式經營, 而家變成一間正規的茶餐廳. 只不過位置比較open, 邊食邊睇保齡. 到埗時, 想叫個晚餐, 炒個粉麵食下, 誰知想落單時, 剛好11點, 晚餐已經暫停. 惟有食佢既宵夜公仔麵set. 公仔麵set, 睇落同一些早餐既公仔麵set差不多, 因為執筆時剛吃了相差無幾的早餐. 我點的是五香肉丁加煎蛋公仔麵. 丕香肉丁, 不知他們從那裡找的靚貨, 好大粒, 粒粒立方形. 而且感覺不是浸熱的, 像是煮過才放湯. 蛋就普通煎蛋一隻. 麵身帶點脆口, 未淋哂既公仔麵, 是需要用功夫加經驗去煮的, 那個時間同火候要控制得好好.宵夜一碗麵算是不錯, 下次, 應該要試下其晚飯小炒了. 不過, 可惜的是, 昔日的打波套餐, 已因為經營方法變了而取消.

保齡球場入面有小食部, 就係人都唸到, 但係入面有間餐廳, 仲要開正球場中間, 我真係第一次見 朋友試過幾次, 都有讚無彈, 食咩都得, 自已帶海鮮又得, 仲話去之前要BOOK位添. 心唸: 有無咁誇張呀?? 好, 就試一次, 睇下係咪咁厲害球場細細, 竟然爆場 好彩一早BOOK左位, 留左間VIP房, 一部高清電視, 一張大圓枱, 枱布, 餐具....井井有條, 竟然有酒樓既感覺, 睇落都幾有規模丫!! 時間關係, 無自已帶海鮮. 瑤柱貴妃雞, 香芥蝦球, 脆皮南乳豬手, 鬼馬油炸鬼, 紅蕃牛坑腩, 瑤柱上湯浸菜苗, 炒飯, 糖水.. 瑤柱貴妃雞 ~ 好滑, 好香, 仲食到有啲酒味添 香芥蝦球 ~ 炸左既蝦球再加上蜜味芥辣醬, 超正 脆皮南乳豬手 ~ 脆脆地, 比想像中好喎 鬼馬油炸鬼 ~ 油炸鬼入面釀蝦膠, 好過隱 紅蕃牛坑腩 ~ 原來係用左紅酒去整, 食落好開胃. 炒飯 ~ 每粒飯炒到好乾身, 粒粒都好似識跳咁, 碟底一點油都無, 好手勢呢一餐, 打破左我對美孚區無好野食既觀念..終於有一間似樣既中式小廚喇下次, 真係要試下食海鮮!!

早前見食評不差,所以今次經過就試一試一入到去保齡球場,見到張poster上左雜誌介紹陳皮骨,好吸引我所以今次ORDER 左陳皮骨,我滿心奇待廚師精心炮製的陳皮骨侍應生入單後,好快就有得食啦....一拎出黎.....令我非常失望,點解個陳皮骨乾曾曾,一食入口...又冇乜味,又真係全部都係骨咁濟,搵D 肉食都難呀佢應該改名叫柴皮骨啦...叫咩陳皮骨呀?之後我食左1-2舊就已經放棄,真係同食垃圾冇乜分別都唔明本雜誌用咩評分標準,咁差既食物都可以上得雜誌

明日去曼谷，原本冇心情跟朋友見面食飯，但好耐冇見面美孚老友突然相約，話有同學從美國回港，於是建議搵個交通最方便中心點，搵到美孚一間新開食店 "瓷膳家小廚"。冇期望就唔會失望，心想保齡球場附設餐廳食物一般，原本落單要熱狗凍啡，反正唔餓，但美孚老友極力推薦，要我試試這家味道，於是隨便叫左當日$40晚餐梅菜扣肉飯套餐，晚餐跟湯我揀羅宋湯，飲落已經印象不錯，西餐餐廳水準，唔似中式餐館湯水，到梅菜扣肉飯送上，已感肉香，本人食飯有三怕，一怕唔夠熱，二怕唔好味，三怕唔夠送，梅菜惹味，咸甜適中，五片扣肉，肉汁可口，一的都唔覺肥，真難分梅菜與扣肉誰是主角，配合得天衣無縫，味道比其他客家菜館有過之而無不及，為左食晒的美味扣肉，不太餓的我居然食晒碟飯，飲埋奶茶真真飽飽！！

相約朋友五人去美孚打bowling， 諗住隨便在球場內食碗餐蛋麵便馬上打波但係見倒以前的車水檔便得好正！ 地方裝修過環境好光猛舒服。 而且有名添叫 " 瓷膳家" 勁! 我鐘意lee 個名, 好特別! 坐下看看餐牌...嘩左一聲因為好多特色的小菜例如鬼馬油炸鬼、 紅蕃牛坑腩、 香芥蝦球等......估都估唔倒球場有間洒家係度 急不及待, 記得爸爸話如果要試師手勢要點楊州炒飯，果然飯炒到一粒粒夠乾身，適中的油，味道不太喊。也點了脆皮南乳豬手、咖喱牛腩飯和啫啫瑕醬通菜煲。 豬手真的很脆皮另南乳汁另上； 咖喱牛腩飯好大碗， 咖喱好香，牛腩好滑有啲筋一齊，煲菜就夠晒啫啫， 要小心熱啊! 差啲忘記我地都叫左京葱醬爆豬頸用， 好入味好爽， 連同啤酒一起直頭完美配搭！最後一提，瓷膳家用的餐具好特別，全白色而且有不同的器型盛上不同菜式， 真係要讚吓老板的細心， 令我 lee 個咁有要求的人也讚不絕口。 但要留意下次給我例湯時唔好比咁多渣我呀!!

「瓷膳家小厨」... 那麼奇怪又有趣的名字組合...下午茶時間...必會醫肚. 但以往的小食部, 的食品... 不過, 經過裝修, 宣傳, 友人的好奇心, 再次留下光顧. 希望在明天呀 嘩...琳瑯滿目的餐牌!! 與友人點了兩份較普通的食品: 名廚即炒餐$28 ~ 「日式炒烏冬 + 凍奶茶」~ 烏冬不油膩, 碟底沒有一大堆油. 味道剛好. 奶茶不再苦澀了, 感謝感謝!! 自選湯粉麵$20 ~ 「沙嗲牛肉公仔麵」~ 公仔麵不會"林", 沙嗲牛肉不太鹹, 味道正!! 全部食品如餐廳名稱, 以瓷器盛載, 器皿清潔, 沒有破損...值得一讚 不過, 冷氣真的非常強勁!! 奉勸各位自備外套...意想不到的一餐下午茶

裝修了半個月，這裡終於重開。有了獨立名稱「瓷膳家」（食野好像做善事？ 真摸不著頭腦），但仍是保齡球場旗下... 變了的東西有： 新的枱椅； 店員多了； 廚房大了； 菜式也多了（大廚應該轉過）； 流程改為茶餐廳式：吃完才去埋單； 營業時間也長了... 至凌晨一時，有宵夜餐（像下午茶餐）； 最重要是價錢更相宜：以往 $32午餐沒有湯，現在有了， 新張期內還有九折！（向經理索取九折咭，可用至09年尾）沒改變的，至少看到／感到： 間隔和球場分不開， 冷氣仍然強勁，可用「寒冷」來形容（估計只有18度：穿外套防著涼為上！）； 那老舊的巨型, 矇查查 SONY 大電視（70吋?）沒有更換。說回食物：一行六位同事點了四個午餐；一個沙爹牛肉米粉＋沙律；一個豬扒包，都比以前快到，沒有漏單... 可能是用了新的電腦系統落柯打啦，流程快而準！出品比以前有心機，而且健康：少油少鹽！炒飯炒麵都沒有「碟底一灘油」的情況。有同事叫了沙薑雞飯，他竟嫌醬汁少，要求加添。另一同事叫豬扒包，看來也沒有中間「標油」的情況；我的炒飯就比較乾，飯炒出來仍是一粒粒的。埋單（折扣後）每人平均無需 $28，在這區算是抵哦！