瓊媽媽 (皇后大道東)

营业中

休息中

本身在灣仔返工，一直覺得呢度既野食好貴，50係最最最低消費真係好common，基本上呢度食野一般都$60-$70，而且放飯時間係無咩餐廳會有位。一直都見有呢間海南雞成日好多人排隊，就今日試下啦。款式唔算多，對於有選擇困難既我都唔係件壞事。買完等幾分鐘就拎得，好多人但去得快。買完就可以拎返公司個位食喇！買左個海南雞油飯 $49，唔過$50有個湯，勁多飯，都算係咁。雞下面有芽菜，凍食的，雞都係唔熱既，好似海南雞都係唔熱既？！雞肉既質地其實就一般，不過$49有雞有咁多飯都算係咁。其實我想話最好味係個湯，味精應該點都有，但我第一啖飲到係粟米既甜，呢個甜真係應該人人都ok，湯入面係有兩小塊粟米同埋一舊紅蘿蔔。總之就係都可以再食既餐廳。

家住附近，疫情中多咗買外賣， 最近都試咗幾間好食嘅新餐廳。平時經過見有人排隊，今日決定來試吓。叫咗個有骨海南雞飯$42，個樣正常，食落去雞肉是爽的，一啲都唔滑，最失望是冇雞味之餘仲帶點怪味，希望唔好肚痛 🥴 啲油飯味道唔係平時食開好食嗰隻，味道偏鹹冇乜油份。成個餐比較好啲就係碗湯，起碼夠熱同埋有味。不過我食到一半都放棄因為真係唔係咁好食。灣仔，仲有好幾間海南雞飯都好過佢。這間海南雞飯絕不推介，一定冇下次！

午飯時間路經此地，見開了間新外賣店，見也有不少人幫襯，於是試吓，上網見其他分店推介無骨海南雞飯，就叫這個，一打開，個賣相係幾靚仔，但食落啲飯無味，已經係叫了菜飯，要加鼓油先有味，個雞肉質鞋無味，硬硬地，但個湯幾好味，幾甜粟米味，也有D青紅蘿蔔的湯渣，好夠熱，份量也足，不過下次如果再幫襯也不會再叫海南雞.

今次想同大家分享吓，今次是第二次幫襯，第一次食最出名的海南雞飯，雞好有咬口要咬好耐好耐好耐至得，見過有位人仕都讚過D雞生前應該是運動健將…。今日食口水雞油飯，利害了，味道不似口水雞，個樣和佢提供的照片也差得很遠，主菜係得一隻 斬碎的雞翼成盒骨唔食得…未試過咁搵笨既野！餸就完全難食但個湯和油飯唔錯…講完，食左雞翼肉後有大大盒骨，（本身雞翼無乜肉）自己睇…

最近在灣仔新開了一間海南雞外賣店，店外常見多人等候。原來這間瓊媽媽在港島也有幾間分店，趁今日有空，疫情之下減少堂食，便買回家試一試。可能是一早己pack 好一份份套餐的原故吧，雖然多人等但外賣卻不用等很久。今次點了海南雞菜飯，海南雞可選連骨或去骨 (去骨貴少少)，菜飯或油飯。整個套餐只需40幾蚊，菜飯分量慷慨，還送湯 (今日是木瓜湯)，真的在灣仔這個地方算是很便宜了！這份連骨的海南雞沒有很多肉，也不是特別嫩 (本身也沒有太大期望，在香港哪有好吃的雞)，配豉油和薑蔥。薑蔥不是平常的死咸，不錯。

疫情關係, 跟大多數上班族一樣, 食晏都只能買外賣返公司。經過見到呢家新開嘅店都幾多人排隊, 決定試試。揀咗無骨海南雞跟菜飯同湯, 一共$46。首先要讚一讚,價錢幾抵。菜飯有幾多菜,份量味道都唔錯, 就算男仕都應該會覺得夠。但係身為主角, 啲雞同大家認識嘅海南雞完全兩回事。呢度啲只係食完會令你牙骹都結實咗嘅白斬雞。無諗過加錢揀無骨會俾呢啲又柴又硬雞胸肉。可能唔好彩吧, 我見OpenRice 其他分店嘅食評有讚佢地啲雞煮得幾滑幾嫩。衷心建議店主主動話俾客人知, 無骨唔一定係雞髀, 如果要雞髀 (無論有骨無骨)要加幾多錢。而且只有醬油同薑蓉, 無跟酸辣汁。湯亦都太甜啦, 甜到有啲假, 真係唔太識欣賞。綜括來講, 呢度可能比較適合對食物要求唔太高, 只重視價錢划算同可以填飽肚嘅客人吧。

第一次見到嗰時覺得好吸引，相又靚價錢又抵仲有埋湯，即刻試。叫左個口水雞飯，點知啲雞好un，食到牙鉸攰，拎願唔食都唔想再咬落去，下晝唯有買個下午茶。點都要俾多次機會佢嘅，話唔定只係上次咁啱啫。今次叫左個海南雞，一睇，哇啲肉紅到...基本上全白嘅得兩三舊，其他嗰啲就係睇少少生定全生整雞起碼都熟嘅先好放入去呀，其實有冇check過d雞熟未。不過個汁同個湯其實都唔錯，我睇其他人啲相啲雞又唔係咁生，希望只係我咁啱咁樣

這不是一篇食評。我下午五時左右到這家店，沒有顧客在等待。我看了餐牌一會，問收銀機前的店員我自備的外賣盒夠不夠放半隻外賣海南雞，他說應該不夠，公司有自己的外賣盒。我瞧見簾子後店裏用的是與我的同一種透明外賣盒。我再問他一次可否用我自備的外賣盒。他說公司規定不可以。我說近來用得太多外賣盒了。他默不作聲。灣仔幾家有做外賣自取的店子都接受我重用外賣盒，這新店子會用甚麼特別的盒子呢？這店員只不過是按本子辦事。我放棄了，就點了半隻海南雞。到可以拿外賣時，我發覺這家用的外賣盒不但與我帶來的一樣，還要比我的矮！你可能覺得只不過是一個盒子吧，但重用我的有何問題？可能是怕我是競爭對手，用不乾淨的外賣盒投訴這家店子衞生欠佳？那不要做生意好了。這是一家拒絕顧客自備外賣盒的外賣店。

有日行過發現公司附近開左新店，lunch可以試新野！因為見好似幾多人等，所以預先打電話叫定，方便自取唔使等。不過其實即買都唔會等太耐，因為佢d野食基本上都整定，所以我打電話去佢都係話可以即刻黎攞。到達餐廳一俾錢就拎得。首先介紹呢個係手撕雞菜飯。手撕雞係凍既，面頭淋上酸辣汁，底下有芽菜，好入味，而菜飯都多菜。另外叫左海南雞油飯。雞都係凍，雞都幾肥下，有薑蓉，油飯ok。唔知點解無配到酸辣汁，得黑豉油。跟飯有餐湯送，但略油。食個時其實都幾好味，但之前成個下午都好口渴，不斷飲水，應該好重味精....下次試下魚柳飯，希望無咁重味精。

灣仔真係好多美食，一到食飯時間都人頭湧湧，行經又有一間新店 - 瓊媽媽海南美食外賣專門店，我當然唔可以錯過。瓊媽媽主打皇牌雞飯(手撕雞、海南雞、霸王雞、沙薑雞、口水雞)、還有海南椰香咖哩飯系列，最緊要係抵食無骨海南雞飯(濃香油飯) / 例湯海南雞雞皮油潤肥美，雞油香氣撲鼻，雞肉亦有濃郁的雞味，口感嫩滑不韌，而且底層更有爽口的芽菜；濃香的油飯味道帶有微微的鹹香味，份外香軟，真是不錯之選。例湯奉送的例湯都絕不簡單，真的落足料：雞肉、粟米、紅蘿蔔等...味道香濃，清甜美味。