瑪嘉烈醫院職員飯堂

营业中

休息中

人在瑪嘉烈醫院，職員飯堂，爆曬棚，不喜歡同人逼住坐 .... 於是走去坐在小公園吃飯盒，食焗薯 ~吞拿魚沙律焗薯：本來就要好喜歡吃焗薯，無奈香港買焗薯的餐廳少之有少，所以當遇到就一定會買一個來吃 .... 縱使幾喜歡都好，做人要黑白分明，正是正，邪是邪，好食就是好食，不好食就是不好食，無灰色地帶的；這個焗薯，焗得不夠透，吃起上來的口感很差，吞拿魚沙律的味道也偏寡，整體來說，味道死咕咕，吃起上來全無活力似的 .... 有夠無奈 ~本篇完 ~

小弟早排不幸入院，訓左兩晚，都諗住醫院無啖好食，點知喜出望外，仲好食過茶餐廳，而且仲包健康。豉汁炒肉片，啲肉片都算淋身，對於病人黎講都算易入口。豉汁味都夠，病人唔應該食太濃味。菜有菜味，好新鮮。白汁雞肉，估佢唔到有西餐，啲白汁唔算太鹹，啲雞汁煮得好淋。瓜有瓜味。沙爹牛肉飯！痴線咖，醫院餐有呢味野，仲要好食過我office附近啲沙爹牛。牛肉煮得林，太又未煮到霉，最緊要係真係有沙爹味，醫院餐唔算濃，但己經好過好多九唔搭八嘅茶仔。菜有菜味。估佢唔到醫院餐進步左咁多，雖然唔係人間味食，但醫院食到呢個質素算係咁。不過醫院環境真係好差，所以唔比分喇。

巧合之下，要留係醫院食個lunch，咁唯有去canteen試試啦！五香肉丁炒飯炒飯炒得好香口，但係食落覺得太咸可能五香肉丁既味太濃，而且食落口覺得飯比較濕，如果可以乾身啲就更好XO醬炒烏冬烏冬反而炒得剛剛好，唔會太淋，亦都唔會太重口味。配埋XO醬就香口啦！好抵讚！豬扒炒公仔面呢個菜式幾乎冇難度架啦～豬扒煎得好香，不過稍為肥左少少。不過好多人係飯堂食飯，所以搵位都有難度。而且兩個餐要等左20mins先有，趕時間既就寧願叫外賣啦！

間唔中都會喺瑪嘉烈醫院食飯今次就試咗佢哋嘅唔五肉丁炒飯同埋xo醬肉片炒烏冬可能係食飯時間啦上菜都比較晚五香肉丁炒飯就嚟咗但係 但係打開啦 蝶野勁濕啲完全唔似炒飯而五香肉丁就得兩三粒其實都等咗差唔多半個鐘先有另外 xo醬肉片炒烏冬等咗好耐反而xo醬炒烏冬新鮮炒夠熱夠大份而且肉片較多相比起五香肉丁炒飯 更為抵食。而呢間嘅奶茶其實我覺得算係唔錯至少奶茶有茶味如果覺得茶太濃可以叫佢奶茶多奶效果都唔錯。係中午食飯時間係勁多人，for職員only~

由泛亞飲食承辦的職員餐廳每天均有職員用膳時段，訪客不得進入，只能在外面的express corner購買預先準備的食物。餐廳最近進行了大型裝修，現時冷氣充足，內部環境光潔明亮。職員及訪客收費不一，但整體價錢合理及可負擔。兩餸飯天天選擇不同，食物質素不錯，款式亦多。其他即炒飯麵味道亦可，可惜鑊氣不足。如有需要於瑪嘉烈醫院用餐，亦可考慮到主座的711或K座2樓的餐廳。

除左熱奶茶係熱的，其餘的魚柳、蛋、湯米都係微微微溫....食左幾分鐘後連微溫的感覺都無埋，好似一堆放左好耐的食物。間中來做野想食個正常早餐開始工作但食完勁頹😔...希望有返正常質素，善待係度做野要經常食的職員。

排隊加錢改食品, 竟然俾兩位收銀員冷嘲熱諷, 互相一唱一和影衰哂大家樂集團的牌頭, 雖知醫院早餐時段係好忙碌, 但基本服務禮貌及態度需要有吧食物賣相及水準亦十分不堪叫個吉列豬雙蛋加牛尾湯扭紋粉個餐我在其他分店食開嘅真係估唔到個差別會咁大俾正價價錢換來這種服務和食物質素實在對這個集團太太太失望

對偶然嘅機會下去咗瑪嘉烈醫院探病 瑪嘉烈醫院附近 就冇其他嘢食 唯有食 職員餐廳 世估唔到職員餐廳嘅人流都幾多五飯時間 都要等10至15分鐘 終於等到有位喇 咁就去睇下有咩好食 餐牌同普通嘅大家樂差唔多 都係一啲焗飯呀即係小菜炒粉麵飯呀 燒味飯啦唯一唔同呢就係多 多咗雙餸飯 雙餸飯嘅選擇都幾多仲可以揀多飯少飯多菜小菜咁我今次呢就食咗大家樂嘅焗豬扒飯得到同出面差唔多 覺得靠得住嘅另外燒味飯都唔錯燒味飯差唔多係全間職員餐廳最好食嘅嘢 總括而言都可以去下既

我係醫院的員工, 日日響度返工, 返工前漏左個自家飯盒響屋企, 唯有去買飯啦, 其實我對呢個飯堂的印象好壞參半, 不過今次去完, 仲失望....我到的時候, 係晚飯,八時左右, 望望個大餐牌, 仲有好多選擇, 於是同個收銀講要個魚旦米, 點知佢話無米, 我話咁要河粉,佢又話無河, 咁我話要個免治牛肉煎旦飯, 佢又話無晒, 兩餸飯又得返一樣餸,見小菜有魚香茄子, 我諗住應該有喇掛, 點知佢又話無, 我忍唔住問佢:"小姐, 你樣樣都話無, 咁你地又掛個餐牌俾人叫~"佢唔識答我....最後, 我終於叫到一樣有架喇, 係星洲炒米.落左單十分鐘, 終於有喇, 攞到返休息室, 食了一口, 失望~星洲炒米, 黃就夠黃色, 不過一入口, 無味道, 唔辣唔鹹...成盒米粉, 我只係搵到五條青椒絲, 兩條細少的旦絲...如果唔係返工, 求其食啲嘢, 都唔會食佢....救命~ 

本來在這兒工作，隨便填飽肚子就成。在這兒捱了多年，也習慣了。 但見到居然有人好評這家餐廳，特意反映一下職員心聲。 這裡的燒味是ok的，這點我承認。然而，其他的...送菜要不過鹹，要不完全沒味道。外賣湯: 例牌是涼冰冰的。晚餐小菜越做越少份量，多年前未裝修時還稱得上不錯，近來新裝修後則越來越差。不論是份量或口味。還有一次，小菜點的是椒鹽骨。其中有兩三塊特別黑，特別鹹，吃下去還有鎮江醋味。令我深深懷疑它是當晚鎮江醋排骨菜飯得'送尾'！ 呢碟叫好小小，雙冬雞柳飯， 面頭幾塊叫左雞柳架啦，冬筍3件，冬菇1件，不過＄19，我唔怪你。呢碟雙送飯加杯汽水收＄23就真係離了譜！釀豆腐冇味都算數，D油麥有咸到無譜！唔通呢D就叫balance？？呢個雙送飯叫做ok， 個燒枝雞肉漢堡扒味道唔錯，但係.......呢味送連續出現左三日....咕嚕魚柳唔使講梗係似炸面粉團多過魚肉啦！

要光顧醫院飯堂, 一是醫護員工, 一是探病或者自己有病, 應該不會是好端端的故意走來吃份早午茶晚餐......再者, 通常這些獨市飯堂都是又貴又煮得不好吃 (尤其是當見到水牌上的價錢, 職員價總比訪客價便宜三成有多)今天因為要陪家人到急症室睇病, 等待的時間總是覺得特別漫長, 眼看旁邊出入口不斷有病床從救護車上推入來, 尾隨的家人朋友都也是哭哭啼啼的樣子, 聞者心酸；在家人的提議下, 我推著輪椅走到對面G座乘搭升降機到四樓的職員餐廳去透透氣。餐廳由泛亞飲食承包, 也即是大家樂啦~時間為下午茶時段, 所推出的下午茶套餐「應該」與坊間大家樂所賣的一樣 !!?? 價錢都是$24/$25包括熱飲/汽水, 食物款式離不開都也是西多士、豬扒包、三文治等等...... 忽然, 給我發現了一亮點, 我二話不說便走到收銀處購買甚麼!? 熱狗配熱飲都只是$17 (訪客價) 應該是迷你熱狗吧, 因為奶醬厚多士加粟米粒茶餐都要收$2X......買了票後, 只需要安坐位子上, 等廚子弄好後便會「叮噹」從顯示器中打出數字, 這時候顧客才施施然地走上前去領食物也不遲。比成人手掌還要長的墨西哥肉醬熱狗

又黎醫院開餐???!!!, Touch wood!!! 呢次入廠非為探病而來, 其實是為了聽一個講座而上來瑪嘉烈, 反正之前品嚐了兩間私家醫院既 canteen美食, 回到政府醫院, 由泛亞飲食承包既 canteen, 對比下, 睇下個分別有幾大.如果不是醫院canteen, 瑪嘉烈呢一個名字, 一定會令人聯想起葡撻, 不過呢間瑪嘉烈賣的不是葡撻, 只是大家樂既快餐. 用上泛亞飲食的名義, 餐廳菜式除了有一般大家樂既野, 另有一上小炒, 炒粉麵的東西. 仲有一樣特別, 那些什麼楓蜜雞扒, 係呢一度, 原來是全日供應的. 認真是好.齋妹叫了她唯一能食的羅漢齋炒麵, 我就叫下一個咸魚雞粒炒飯. 即炒飯餐, 沒什麼人也要等上一會兒. 出來的炒麵, 是香脆的炸麵餅, 羅漢齋料有粟米仔, 雲耳, 白菜, 芽菜, 菇粒. 算是幾好料的一個炒麵. 不知是否是醫院飯堂的關係, 味道調較得比較清淡, 感覺健康一些. 但可惜的是, 多油是避不了的.咸魚雞粒炒飯, 大大碟的, 好難得食到一碟咸魚雞粒飯, 是食到一粒粒, 咸香味道極重的咸魚. 而且因為咸魚粒夠大, 而食得出他們用上正宗的梅香咸魚. 食下食下,