瑞記咖啡

营业中

休息中

黎到瑞記咖啡 當然一定要試吓佢最出名嘅樽仔奶茶 蛋牛包 同西多士！😋樽仔奶茶好有特色 奶茶會即場開屏俾你 飲落都有奶茶嘅香 唔會太甜 調教得好好👍所以一定要試吓😆 西多士煎得好香好靚 金黃色 花生醬奶油都好足夠 唔會覺得好溜 👍蛋牛包 有好足夠嘅牛肉 包皮牛肉都好新鮮 幾好食👍 同朋友一齊開心share 每人都可以試到一啲 好好食☺️雖然環境比較一般 位不多 但喺熟食檔裏都算乾淨唔使怕污糟 周邊亦設有其他餐廳 鍾意懷舊嘅朋友 覺得一定要去試吓！

Toast is crispy and with lots of jam and butter, which is my favourite. This snack bar says they serve the best milk tea in HK. As a HK local and have tastes many cups of milk tea, the smell of iced milk tea can be improved as it lacks of natural aroma of baked tea leaves. Fair to its prices.

星期六早上，工作嘅不順不如意，不想延續，食個早餐充充電。上到來，同出面平民地方一樣，都係要搭檯，今日都一樣。想嗌野，見姐姐都好難嗌得停佢，一人睇幾張檯，對幾十個客，但大家都好少炸型感覺，街坊人情生意。嗌左蛋牛治蛋唔係日本果種生生地果種，港式老煎蛋配上好多蔥，足料咸牛，麵包香軟鮮牛面牛肉同出丁一齊煲，煮得入味唔老嫩滑，麵湯有牛味，牛就無乜麵味，湯包粉落得啱啱好，一碗係對中意公仔麵嘅人係唔夠侯嘅樽仔奶茶水準依然係等得耐左少少，開頭都驚漏單，但原來整好姐姐無手無時間攞上檯姐

嘴饞餵食葛我，總係想吃小食，再加上熱鬼辣辣葛天氣，更加想邊吃好食葛嘢邊歎翻杯冷飲啦！來到位於上環葛瑞記咖啡Shui Kee Coffee；一次性可以滿足我尼個為食貓葛需求啦！當然要黎試下店內較出名葛樽仔凍奶茶啦!吸一淡，濃濃葛茶味讓我回味無窮，實在太正了！然後叫上一份西多士，上面淋咗滴煉奶讓整個西多士更加香甜美味，而且店家非常貼心，仲切好一小塊一小塊讓客人更方便食用！而且店內葛小食價格又親民，好值得一試咯，行過路過千奇唔好錯過啊！！！！

久聞上環街市內有這家茶記，是由鐵皮屋排檔「上樓」繼續經營的，這天終於有機會來一嚐。平日下午時分，因為堵車所以比預計中遲了很多，遇上午市的尖峰時段，要等位是常識。此店只賣幾款食物：包／三明治、麵及西多士／吐司，先來的是樽仔奶茶。樽仔奶茶比一般加冰凍奶茶的優勝之處，是不用怕冰融化後把茶沖淡，不過店家功夫較多，又要入樽洗樽，又要預先放在冰箱內冷卻，所以還在賣的店已不多。這奶茶入口順滑，茶味雖不算十分濃郁，但和奶味比尚算均衡，只是對我們來說略甜而已。鮮牛肉麵比較一般，牛肉雖滑但沒有什麼味道，小臣還是喜歡粗糙但肉味濃的樂園沙爹牛麵。幸好麵煮得剛好，不會太腍。餐蛋包最有驚喜，燙咀的煎蛋及午餐肉夾在鬆軟的麵包內，雖然簡單但就是有讓人一口接一口吃的魔力。值得一提是午餐肉煎得香口，很多茶記用劣質午餐肉之餘還懶得去煎香它，好吃與否就在這些細節之內。瑞記賣的雖不是什麼特別的食物，但勝在有心機製作，要知道午飯時間打仗般的陣勢，人客此起彼落的催單，樓面只有一位大嬸還要兼顧茶水，要應付這一、兩小時的客量真不容易。

成日听人講.終於黎到一試.必叫既奶茶.一擺低見到個玻璃樽都已經開心.飲落去都無失望.好滑.茶味香.但個奶都夠rich.仲有小不了既西多士.好有港式既感覺覺.好多牛油係面。再加好多糖漿.不得了.肥死但味覺既沖擊無得輸

平時好難就到時間黎，今次特登星期六一早黎上環熟食中心試試港式小食💓難得黎到當然要試下樽仔凍奶茶😊（$17）茶味幾濃幾香，又唔會有冰塊沖淡茶味，細細支好快飲完。推介👍🏻另外，就係必試既西多士🍯🥪（$26）一黎已經切好6份，一啖一份😊西多係幾出色，好香奶油味同蛋香配埋濃濃花生醬💓面包係焗過，唔係油炸，無平時食開甘油膩。其實仲叫左蛋牛包（$17）🍳🐮掛住食無咩影相，佢比較乾身，蛋牛中間仲有蔥，香好多，不過因為蛋又炒得比較乾身，整體比較乾，所以就覺得一般般。

成日聽人講呢間冰室有幾正，今日終於有機會黎一試龍與鳳。結論係幾失望的。lunch time好多人，等左一陣位，搭枱係必要的。雖然我記得佢出名既係唔知包定西多士，不過lunch唔想淨係食甜食，就叫左個麵。覺得好咸，其實唔太好食，呢個價錢算有啲貴。跟住佢最出名既奶茶，我覺得冇咩特別，味道仲有啲淡，唔知點解咁都可以紅。結果我迫朋友飲，佢都唔肯，最後冇飲哂就走了。下次唔係lunch time過黎試下多士，睇下會唔會改觀啦。

有個朋友住過上環，問下有無平靚正嘅嘢可以食先，佢就話食係上環市政大廈嘅熟食中心好多嘢食。我每次路過上環都會去呢間食公仔麵，因為煮得剛剛好溫度而牛又唔會un... 每次係度食有點大排檔嘅感覺，唔會需要用好多禮儀但有保持乾淨乾淨的。唯一係人流真係太多，食完就走囉。

幾個組員約左一陣上佢屋企準備一下present 事宜，早到左，又見有啲肚餓，就諗住上嚟巿政大樓食個下午茶，見好多人都推介瑞記，就過嚟試下。下午茶時間食客唔多，眼見都有幾位食客都係食緊西多士，我都跟風啦。即叫即整嘅，都等左一段時間先有得食。份西多士係煎而唔係用炸，已經淋左煉奶係面，但煎得有點太焦，包邊全部膿曬，食落口，油味多過蛋味，味道完全唔討好。都係傳統嘅炸西多士好食得多。樽仔奶茶反而叫有特色啲，冇冰粒沖淡左茶味，奶茶飲落叫滑嘅。

友人係西多達人，成日都同我講瑞記西多士平時weekend我怕多人，今日放半日假就拜訪下！佢係上環熟食中心二樓。下晝兩點幾三點，好多附近的食店都落左場，瑞記就零零捨捨仲有好多食客姨姨好好人又好笑容😊餐牌好簡單，我中意一條友自私食，但叫左主打西多士、蛋牛包同樽裝奶茶西多士黎講佢唔叫平($26一份）佢個西多唔係炸而係煎既心理上可能無咁邪惡啦，但都唔係唔油膩廚房已幫你切開左，懶人感恩🥰配上煉奶同花生🥜醬，食到好濃既蛋香味，係值得一試既蛋牛包係好！大！件！（$17，抵！）個包烘熱左，個餡啖啖雞蛋+咸牛肉+蔥花未試過食蛋牛治/包有蔥花，個蔥花有加到分喎！食左半件食唔晒，麻煩個姨姨幫我包起另外果一份做晚餐一向唔中意飲奶茶，但一場黎到試下個樽仔奶茶（$17）一支凍冰冰咁上，外型幾cute 唔太甜，好香好滑，茶香唔會俾甜味搶左！我諗港式奶茶fans會中意😉成餐又食又打包都係$60.

食到一肚氣，多人就預左要等，我明白。但竟然排我後面的3 pair客人先過我地落單就有欠公道 (明明已經先舉手又叫寫野依然冇人理會)... 忙碌係冇問題，但就對於早來的客人最遲serve唔係好公平...之後遲過我地好多嘅人來到都已經食完碗麵埋單走左好耐，但我地連嘢飲都未到(已經催左幾次)，回應：得得得！ 我地叫兩杯熱奶茶，一份西多士之後又來錯左兩個order... 比左支凍奶茶同碗麵...無奈又再等~ (因為落單時阿姐靠記憶並冇手寫) 其實我唔介意冇手寫單，但就介意佢記漏又記錯~排隊唔算耐，不過由坐低等落單，直到第一杯野飲到，足足用左55分鐘(我自己都唔敢相信)2:00到達鋪頭2:10坐低2:30落單3:15嘢飲到3:30嘢食到3:40埋單呢個半小時，錯漏百出，如果出面茶記打工，應該好快就會炒魷魚了大家覺得以上的time management能夠接受，可以一試，係另類體驗 haha! 根據餐牌價錢，應該係$56$26 西多 $15 x 2奶茶但最後收$73... 不過都離開左先驚覺收貴左餐具杯碟充滿污跡，食物質素唔值個價錢奶茶香濃但唔滑，西多只得半邊香脆，冇牛油味，只有練奶甜。冇下次了

一場來到附近, 先上網搜一下食店, 便決定來到這裡懷舊一下, 首次踏足這個市政大樓, 時間是接近兩點, 整層還有不少食客未散去, 而我就在云云食店中搜索瑞記, 過程也算容易, 因有大大個瑞記招牌在牆上.眼見很多食客是點西多士, 我當然照跟, 可惜我唔飲奶茶, 所以點了凍華田.西多士上枱時已預切了六件, 所以只用一隻叉就可以了, 牛油跟煉奶已經加左, 成件事好適合懶人如我. 由於即製的關係, 熱哄哄的程度是快餐店所不及的, 邊邊有些脆口, 而且充滿著蛋香, 不一會便清碟.凍華田普普通通, 沒甚麼吸引.

瑞記咖啡一路都係上環街市好出名嘅小店當中最出名嘅莫過於佢嘅樽仔奶茶同埋西多士今日咁啱路過，一定試一試樽仔奶茶同埋西多士係咪真係咁好食！<樽仔奶茶$17> （好味:3.5/5) (抵食:2.5/5)樽仔奶茶好有港式嘅味道！雪到冰冰涼涼，最啱夏天飲，不過依家未夠熱，哈哈瑞記嘅飲品係散嗌，講真$17一支奶茶系茶記黎講真係有啲貴喎，有冇好飲到值$17一支真係見仁見智啦！大食妹就話試一次就算啦<餐腿麵$28> (好味:2.5/5) （抵食:3/5)唔...餐腿面真係好一般就係普通茶記貨仔，$28一碗麵對上環打工仔來講都算抵食嘅，可以填飽個肚咁囉<鮮牛蛋面$32> (好味:2.5/5) (抵食:3/5)鮮牛蛋麵都係茶記貨色啦！啲牛肉都算係鮮嘅，$32碗lunch 食都OK嘅不過排隊食就不了<西多士$26> (好味:4/5) (抵食:4/5)瑞記嘅西多同出邊唔一樣，係用煎嘅唔係油炸，啱晒啲女仔想過吓口癮，食完少咗啲罪惡感大食妹幾鍾意呢個西多煎到微微燶，再加埋煉奶同埋花生醬熱辣辣，真係人間美食總括嚟講，順記咖啡都係樽仔奶茶同埋西多就最出名

上環這個熟食中心算是乾淨企理，典型茶檔格局。 夫妻兩人主理，但有效率。 冰樽奶茶和熱奶茶有水準，碎牛蛋包好正，麵包香軟脆口餡料多。 西多士不可錯過，煎得非常可口，吃過不停！價錢經濟，怎會不愛上！