瑞記咖啡

营业中

休息中

聽過呢間好耐終於有機會去試，但其實佢係有啲令我失望😳首先佢開係街市，價錢唔係特別平🙍🏻之後佢嘅西多士中規中矩，唔覺得有傳聞中咁驚喜😗我覺得赤柱嗰間泗益好味d😆至於佢個蛋牛包，唔知係咪我影相影得耐嘅問題食落去有d凍，味道亦好平凡☹️但奶茶幾好飲，濃郁嘅奶茶味會令人忍唔住一啖有一啖

如果要推薦外國朋友黎香港食飯我絕對會選擇熟食中心 食物質素通常有保證得黎亦都非常貼地今次就去左食下午茶黎得呢度就當然要試奶茶 另外加左西多士性格比非常高兩樣都保持到一貫水準👌🏻😌

絕對係我食過最好食嘅西多!!呢個西多士同我以往食過嘅好唔同 佢並唔係油炸嘅而係用煎嘅 佢地嘅西多士 樽仔奶茶 同蛋牛治都好出名 我終於試到喇(๑˃̵ᴗ˂̵)و【西多士】浸滿蛋漿煎出嚟好鬆軟 沾滿煉奶同糖膠食真係好正 仲要唔會有好油膩嘅感覺可以因為佢入面係冇花生醬嗰啲 我覺得食兩份我都得 【蛋牛包】對比新香園 我會鍾意呢個多啲 因為呢個冇咁咸同油 而且蛋仲滑啲添 但係蛋牛治應該會比包更香更脆 【樽仔凍奶茶】係落左糖水嘅 冇乜特別唯獨用樽裝會更有一番風味【熱奶茶】呢個我好鍾意 因為我唔落糖更能夠飲出茶味 而且夠滑飲得過價錢好親民除咗地理位置較遠但係好值得去食 大推!!!₍ ᐢ. ̫ .ᐢ ₎

Hong Kong style French Toast!  My colleagues and I heard that Shui Kee Coffee was well-known for its Cha-chaan-teng food, espeically the french toasts and bottle milk tea or coffee.  I think its a good experience for us to be reminiscent of the good old days in Hong Kong, like having cheap and tasty food.  This shop is located near the Sheung Wan wet market, we would not expect the environment was hygienic, our focus would be on the food!French Toast $23- The french toast was special and nice th

久仰大名 終於去試左呢間老字號茶檔 不過質素有啲普通 個麵係真係平時屋企煮到 茶記食到既野 所以唔特別蛋牛治係出色既 撈左啲牛落個蛋到煎 奶茶記得一定要飲凍既 香滑啲好飲啲 不過呢個價錢算係好抵食☺️

平日下晝三點幾，醒起上環有間好出名食西多士嘅茶記，即刻上OpenRice查吓，原來喺上環街市二樓，即刻去試試。已經過咗食晏時間，上到去好少人。雖然係街市茶記，但都好乾淨。即刻叫咗樽仔奶茶同西多士。奶茶好有茶味😋😋😋最感動係個西多士...好食呀！西多士個樣雖然唔係太出眾，已經切好，所以侍應只俾咗一隻叉我，我都有啲愕然，又唔比糖漿又只俾一支叉我....但係一食落去...不得了！！！好感動呀！！！西多士溫度好熱，係我有生以來食過最熱嘅西多士，上面嘅煉奶混埋包入面d花生醬，真係超級好食一定會來再食！

上環熟食中心的人氣茶記唔知係咪星期六的關係 中午都唔太多人任坐之餘 食完都唔會趕我走瑞記西多士果然名不虛傳非炸而是煎更考功夫同心機煎的西多亦冇咁油膩即叫即煎 煎至金黃脆身 加上煉奶花生醬真係非常好食❗️數一數二出色的西多另一名物蛋牛包同蛋牛治亦係即叫即做餡料份量剛好 鹹牛肉好香加入蛋再煎好正兩款包都烘得外脆內軟個人較喜歡這裡的蛋牛包雖然樽仔奶茶先係招牌但唔鐘意佢本身加左糖會好甜所以都係揀返熱奶茶唔落糖奶茶茶底香醇味濃 如果再厚滑些少就更好啦

今日黎到上環見客，當然不得不回味下以前既童年回憶🥰🥰🥰樽仔奶茶-老字號不得不叫既瑞記奶茶，好重嘅茶味而又不失奶味，茶味同奶味融合到一個點，兩個字，好味！😘😘😘鮮牛麵- 牛肉浸係d清湯度，好突顯出牛肉嘅鮮味。😚😚😚😚😚蛋牛包 瑞記不嬲都出名重質重量，睇到個蛋牛包就已經好清楚。蛋同牛配合得淋漓極致，配料唔會乾爭爭，好有口感，正！西多士$28 一件西多士整得好唔好,真係好考功夫西多士煎炸得香而脆,而又不失香味。茶記價錢親民又好食😉😉信心保證

如果想幫襯呢度千祈唔好下午12:00-13:30過嚟、一定冇位！其實佢主打係個蔥蛋牛包，係幾好食嘅蛋牛好香、個包又夠軟熟奶茶都ok㗎須然呢度食物唔多選擇、但唔重要！最重要係食物質素

上環街市頂嘅熟食市場有一間幾出名嘅冰室仔，成日都有人嚟朝聖終於有機會試吓。呢度真係街市食肆檔嘅格局，平凡不過，但牆身上嘅手寫餐牌還是值得一影。睇吓個餐牌，極平民價錢。呢度以樽仔咖啡/奶茶聞名，仲有西多士。其實咖啡無乜特別，但就係個樽仔夠復古加咗一倍分，風味獨特。呢度嘅西多士係兩片麵包搽上牛油同埋蛋漿獨立煎嘅，同出面嘅西多好唔同，中間亦無夾任何餡料，淋上煉奶。咁簡單嘅配搭竟然出奇地好味！ 咬落去好香口，正！火腿炒蛋就普普通通。另一加分點係蛋牛治，佢嘅咸牛肉唔係就咁搽上片多士上，而係加咗蔥花撈埋落啲蛋度一齊炒，咁樣就唔會好似就咁搽落去麵包度食咁咸，好有心好味呢啲味道嘅餐廳響香港買少見少，繼續支持

好多人都話上環市政大樓熟食中心有幾間出名的食肆，今日横掂有空，專呈去找間茶餐廳試一下。嚟間店不少人讃過，試過後我不大讚同。西多士賣相是ok的，充滿蛋香，但偏油膩。奶茶是人氣之選，味道沒有想像中好，過於淡味，不夠香滑。

📍 瑞記咖啡 上環皇后大道中345號上環市政大廈2樓熟食中心17號舖最愛西多士💰$26炸得啱啱好 外脆內軟 只有牛油煉奶 冇加花生醬同咖央 都好好好味 吾會好油膩蛋牛飽同三文治💰$17可以烘底 應該會更好食 餡料有鹹牛肉 蛋 蔥花😋樽仔奶茶有特色又好香濃👍🏻好抵食 得閒經過食個tea都吾錯👍🏻

返工前想嘆個靚早餐，見都可耐無食瑞記就過嚟食個早餐先～早餐完全唔使等位，落單到有嘢食唔使十分鐘!平時嚟哩度就係想飲佢個樽仔奶茶，不過最近天氣涼咗，所以今次就決定飲熱奶茶奶茶好滑，少咗樽仔奶茶浸甜味但係都幾香濃，有另一番風味！西多士嚟到嘅時候真係好心動!我唔客氣啦！！啲煉奶簡直係精髓軟棉棉嘅西多士配上蛋香，又唔會太油!正！千祈唔好睇小依個份量，我同朋友都食唔哂！蛋牛治登場啦！！睇吓塊麵包就知烘得啱啱好！一定要趁熱食！餡料入面有鹹牛肉、蔥花同蛋,調味好到位，滿足！哩個早餐真係食到捧住個肚腩走，到lunch time都未話好肚餓！十分抵食！

行到邊食到邊，最重要就係間餐廳冇乜客人，我就會日入去食。我最唔鍾意見到大排長龍嘅舖頭，正所謂一寸光陰一寸金，千足黃金難買寸光陰，無謂花時間喺食嘢嗰度。除咗唔使排隊之外，最重要就要平！我花咁多勞動量去賺錢，唔係為咗幫你交租， 都唔係為咗畀錢你養員工，唔係畀錢你帶d仔女去旅行。所以最緊要平！平！平！豆腐火腩飯，個芡汁好杰，漿bebe，入口感覺唔良好仲要好咸，豆腐都唔錯，燒腩肉即係火腩，煮到甩皮甩骨，皮多個肉，質感好乾硬，同埋都係好咸，連啲白飯都係林bb，唔好食。

沒什麼，放假去瑞記食個早餐。隨意、輕鬆、親和，這是我對瑞記咖啡的感覺。沒有過多的裝飾，只有實在的桌椅和直接的美食。餐牌的價目也保留了花碼字，跟舊時用珠算盤有關。 雖然看不懂，但留下歲月的色彩，都令人細味。說回美食，當然是有名的西多士和樽仔奶茶。師傅伯伯一兩下開好瓶，冰涼的奶茶到手。奶茶香濃，茶底醇厚。樽裝奶茶，蠻特別的，飲個綽頭其實都可以啊～西多士，甜膩奶油滿滿；脆口包邊；中間軟綿。一開六件，不用多說，襯熱食。腸牛麵、蛋牛麵； 份量多；正正常常，唯獨麵煮得過軟。好味之餘，親切十足。