瑞士農場 (已易手) 新餐厅

元朗區星期日食午餐好難！人多車多！去到呢條街有好多餐廳，車位就要等10分鐘！去到剛剛開始下午茶，唔使等位！門面搶眼，黃橙色木條加尖頂！店內好窄，卡位已經窄，另一邊嘅梳化位仲窄，梳化位只可以坐單邊！我哋唔想分開坐！所以坐迫啲坐卡位！食物都係吉列為主，款式都幾多，落單食物都要耐心等待！瑞士農場豬扒配薯角（$68）賣相靚，豬扒片開夾芝士再炸，吉列粉漿唔厚，芝士半溶，豬扒比較實，唔夠鬆，醃得入咪，芝士幾滑！不過因為豬扒實，一定要點茄汁先吊出啲味！薯角大條，外脆內軟，薯味夠，而且灑咗味粉！好味！凍檸茶（跟餐$3）叫了走甜，茶味清爽唔澀！酸酸地開胃！同事食：焗咖哩牛腩（$52）同事讚牛腩靚，淋身好味！凍奶茶（跟餐$3）瑞士薯餅配煙鴨胸（$39）瑞士薯餅配炸魚柳（$39）凍咖啡（跟餐$3）店員有禮！上菜勤快，我哋4人坐卡位，店員都會出聲問迫唔迫，使唔使分開坐，唔會無視客人！有主動介紹食物！問攞多啲茄汁都好爽手！食物有改善空間！地方及服務幾好！

以農場為主題o既餐廳，裝修都幾好，一邊係紅磚牆，一邊係五顏六色o既木條，營造務農粗獷o既感覺，但又帶點生氣。長條形o既內籠，右邊係卡位，但係左邊好奇怪，係一整排面朝中間o既單邊位……可能原先設計係想做雙人檯但最後發覺窄得滯掛。叫o左兩個精選午餐，聽職員講，大約一個月轉一次menu。午餐either 跟湯或者o野飲，紅湯好甜，ok 濃稠o既唔錯，但係奶茶唔合格！佢一上我見佢咁深色已經知唔掂，果然太慳喇俾得太少奶好澀囉，同埋杯茶唔夠熱。洋蔥豬扒飯(跟餐$44) 塊扒比較實，唔夠鬆軟，但係唔會話好乾身，都ok o既。瑞士汁金菇肥牛飯(跟餐$44) d 汁分開上俾你自己隨意點，就算唔落d 醬本身d 金菇肥牛卷都煎得幾甘香，整得幾好食，落埋d 汁就更加惹味，有剩仲可撈飯添，不過始終略嫌d 瑞士汁唔係好夠杰(and hence 甜)。另外每個飯都會附送一咋水灼生菜同雜菜，係幾健康o既~d 職員真係好有禮貌，小心前唔該後咁。餐廳無加一，generally $40 幾蚊都係講緊平價西餐，唔可要求太多，呢個價位有呢d 貨色都合理的。

今日見附近都冇咩位食飯，見到呢度有位所以就去在呢到食野，叫在個蕃茄湯豬軟骨長通粉食仲有個小食送，但係個小食一咬落去成個口都係油食唔出係咩， 蕃茄湯豬軟骨長通粉如果唔撈既就咁食，會覺得個湯有d淡，豬軟骨好鹹。只係食唔夠幾啖就要飲下杯野飲朋友黎在之後佢叫在個炸野食，好唔好食就唔知，不過我地仲叫在個瑞士雞翼，不過係無味既， 雞翼仲係非常淺色食雞蛋要注意會有雞蛋殼

星期日周圍食嘢都多人，行過呢間見無咩人，又唔洗等位就走入去, 入到去仲有卡位坐，真happy😁在餐牌見到個薯餅係刨絲出黎再煎成薯餅，就決定要試下😄 我們2個人就揀左lunch set既焗肉醬意粉和吉列魚柳薯餅配蕃茄湯螺絲粉，飲熱檸水及茶走食物上菜速度都算快，肉醬意粉唔錯，係估唔到個薯餅咁大個 (大過我塊面) 😅，魚柳炸得啱啱好，香脆可口。 整體都ok, 2個人食係食唔哂。不過薯餅可以改善下，因為真是好油膩。 茶走就唔係茶走，只係熱奶茶走糖。。。 不過算啦，我都飲到，所以無換😅😅

After working here, we looked for some special food in Yuen Long. Finally, we found this restaurant which won't have much people and price seems to be acceptable as our lunch. I ordered a tomato soup noodle with egg& chicken, included a cup of lemon tea. The tomato soup was sweet and not so soup, some tomatoes pieces inside it. If you like sweet tomato soup, you should try this one. The chicken was so-so, maybe pork would be better. 

又在元朗食午餐，這間瑞士農場餐廳門面裝修得都可以，對比旁邊幾間茶餐廳地方少，但客人亦小，所以以一貫趕時間不等位的原則，就決定一試。午餐有大路嘅各式扒飯套餐，亦有此店特色的炸薯餅套餐，含蕃茄長通粉及飲品。點了炸魚柳薯餅餐，薯餅並不是麥記的那一種，是切絲之後再炸成薄餅狀，薯餅炸得頗香口，同時店家以鐵板上菜保持溫度，但個人覺得頗為油膩，吃了一半已無能為力。另外炸魚，通粉乃一般之作，冇咩特色。另外想講，凍檸茶送上檯面，冰塊已溶了8成，我一舉手，店員就問是否要加冰....既然已知，點解唔係送比客人前做好啲？

星期六晚的元朗, 周圍都係排隊等食飯的人龍.瑞士餐廳等的人唔多, 但都要等20分鐘才有得入座.一行4人坐了張卡位, 算係舒適 (比起一般茶餐廳已經好好多)叫了個晚餐, 包括有番茄湯意粉, 一個炒薯餅配煙肉, 連飲品.另叫一份瑞士雞翼.番茄湯意粉, 除了番茄湯同意粉, 就無其他配料, 非常簡單, 味道亦簡單.炒薯餅配煙肉, 即係薯仔切成絲再撈埋成餅狀, 然後鐵板上, 齋食無味的, 撈了沙律醬叫好少少, 食到底個層好多油, 瑞士雞翼有點干身, 飲品普通過普通, 招呼:無乜招呼,價錢 : 平均一個晚餐六十幾, 唔係貴, 但亦唔物有所值 (唔會再想幫襯的意慾)

午餐時段1330左右 不用等位餐廳一邊是單人座 一邊是卡位設有閉路電視 方便駕駛人士 一看見有抄牌便可以即刻出去 亦設有wifi可用點了個廚師推介 - 農夫蕃茄湯長通粉 配 煙鴨胸瑞士薯餅免費轉了螺絲粉 無加7蚊要熱飲未嘗過瑞士薯餅 見這餐廳名瑞士農場 感覺這薯餅該是招牌菜式薯仔是人手切條的 但只覺油滿在鐵板上 太油膩 加點檸檬汁也無補於事而螺絲粉則淡而無味 附有兩小塊的蛋但好像放了許久 乾乾的 不好吃蕃茄湯也不怎有蕃茄味 淡淡的59元的一餐 不太值

是日睇完戲，又到左晚上醫肚的時候了。又想起近排開左間西餐廳，D食物相片好似好靚咁，於是就黎左呢間「瑞士農場」試下了。一入到去就發現，呢度D裝修行簡約風格，D位都夠闊落，比一般茶餐廳好坐。坐定定之後就望下個menu，俺發現其實呢度雖然自稱係西餐廳，但menu入面D野食其實同茶餐廳差唔多，係D相影得靚D、入面D食物擺得靚D咁。諗左一陣之後，俺們決定試下小店主打的流心芝士豬扒($68)，同埋白汁雜菌天使麵($49)。過左唔係好耐，其中一個餐的餐湯就上菜了。碗「蕃茄湯」望落好似冇乜問題，點知一試就出事了...D蕃茄味完全就係就咁將D茄汁/茄膏加落熱水度，甜到喊，同就咁拎支茄汁去飲冇乜分別；至於碗湯入面D蕃茄呢，就只有可憐的幾小粒...俺們飲左幾啖之後就完全停曬口，而放多陣碗湯之後，你會發現茄膏層會沉左喺底，而水層就會浮左喺面，呢件事情都真係幾罕見，羅宋湯都唔會咁啦！(由於實在太難頂，所以冇影到相)再過多一陣之後，最驚嚇嘅野黎了...白汁雜菌天使麵，首先天使麵同雜菌係分開上的，但兜天使麵上面有一pat好核突的白汁，個賣相同俺中學時期食嘅$20頹飯有99%相似；而兜雜菌都唔弱，有一個兜仔裝住D核突

元朗聽人講開左間特色瑞士餐廳，專誠入黎試試點左個特色瑞士薯餅，一望有d似大阪燒，，店員話每一條薯條係用人手將原隻薯仔切割，食入口好香脆，再配上煙肉，味道一流。建議食果陣加少少隨碟附上既檸檬汁，去除油膩感流心芝士豬排，呢個組合好邪惡，豬排炸得岩岩好，皮脆肉嫩，食入口芝土汁慢慢咁流出黎，口感十足。再點左個咖哩焗豬排，即叫即焗，水準比一般茶餐廳高。仲有值得一讚係凍檸茶竟然有茶香，比一般茶餐廳有誠意。瑞士農場水準幾高，收費相宜，做街坊生意得黎又保持到水準，會再次去食。

走到入元朗唔知食咩好，有朋友介紹話呢間餐廳d野大件兼好食，即刻試下。見隔離枱既巨大薯餅面積大過自己塊面，覺得好神奇，而且款式特別，有點似日本的鐵板燒，都興趣試下，不過一個女仔就食唔哂會好浪費，決定留下次食！ 睇餐牌已經睇到全部都想試，最後簡左呢個邪惡的流心豬扒，同一個番茄焗豬有眼你睇，豬扒大過塊面，已經炸得非常香脆，切開後內裡的流心加火腿湧出黎，好濃郁的芝士味，食肉獸一定會好like豬扒鬆軟，好似做過按摩黎咁，加上足料的番茄同芝士，食到好飽好滿足，個飯仲要係炒底架！

路過幾次，今晚決心一試食物方面，鐵板上枱，睇得出有用心制作，味道方面都唔錯。小小遺憾係蕃茄粉凍得太快，湯底太甜，令到蕃茄湯底有種失真嘅感覺，，寧願保留小小酸味去帶返啲層次感出嚟。順帶一提，配長通粉會好食過螺絲粉。鐵板薯餅比較特別，雖然比較多油，但味道同口感都幾好，值得加分。最欣賞係上面隻蛋，無可否認整得好靚，絕對係用心之作，入口香滑，少啲功夫都做唔到。小建議：鐵板同下面塊木板差唔多大，一移動就好易燙到手，如果店員可以提提客人會更好。

廢話少講，開波！瑞士雞翼雞肉“鞋十十”，好彩汁ok！即磨咖啡失望，奶唔係打埋落去！分上既仲要係淡奶，唔係鮮奶！搞到好似煲出黎既禁芝士流心豬扒餐第一時間食薯角，可惜凍既，即刻放棄薯角轉攻件豬扒，因為見到啲芝士流緊出黎！果然真係熱辣辣，中間仲要有火腿，係兩件豬扒夾住禁整，係就係薄啲，都叫做有四件！老公話“禁樣$68又抵喎！” 芝士味都夠濃！不過火候過左龍，件豬扒有啲乾，脆面口乾硬到！煙鴨胸薯餅除左油啲同煙鴨胸咸啲之外，個薯餅相對係正既！口感同味道都ok既！服務方面～本身啲店員其實幾好禮貌，不過食完第一個瑞士雞翼，佢黎收碟，我羅返起支叉比佢執底個隻碟，佢居然搶左我手上支叉黎撥隻碗入面啲骨落隻碟度，跟住佢留返低之叉，禁個碗呢？係收走既！唔係禁下話，個下真係O左咀！既然個碗係收走既，禁點解要用個客支叉去清啲骨呢？個下想爆架啦，不過算，新年唔好鬧人！卡位罷哂“留位”，迫人坐哂啲古怪位（兩個人平排坐，對面係走廊），古怪位坐滿哂先放卡位出黎！個個都係兩個人，禁好唔公平即，遲黎既仲坐得好啲！我好唔中意平排坐，太繁忙要搭台個啲，就無得講即！呢間野禁既安排，個人好唔滿意！唔會再去！

瑞士農場，位於千色廣場後面，附近有元氣壽司。小店門牌不算突出，很容易就會走過。12月24日，相約妹妹外出用餐，唯一要求是，不要聖誕餐。菜譜第一頁就是很吸引的農場豬扒套餐豬扒內有兩片火腿，火腿內層有芝士。雖然豬排有點薄，但令人驚喜是，中層既芝士係流心咖！！而且豬扒炸得鬆脆！！妹妹點的的雞扒蕃茄湯天使麵，炸雞扒放在湯上，但仍然有脆口感，雞扒內充滿肉汁！！蕃茄湯內有蕃茄肉，味道不錯。天使麵軟硬適中。最後加點一份炸魚薯餅，薯餅充滿牛油香味，但有點過油。薯餅上的雞蛋很大隻，蛋邊十分脆口！魚柳沒有令人失望，肉厚多汁。兩人平分每位$70很抵食！

昨天有些東西做遲了返屋企，我剛巧經過門外，聽到服務員出來說我們這間店是新開將請你進來試早餐,我見到餐廳名字〈瑞士農場>好特别，我看到餐牌便叫豬軟骨螺絲粉、雞翼.,我估豬軟骨和雞翼螺絲粉煮在一起,送來原來雞翼方包一碟，豬軟骨螺絲粉用碗上，我覺得碗已特别。不過螺絲粉煮得淡味。味道無特别，同我之前(教育路餐廳）相差很遠呢!雞翼味道可以.但我覺得服務員態度有禮貌，餐廳坐位都寬坐得舒服.