影片
更多
2011-02-02
73 浏览
之前，幫襯過位於中環懷舊港式嘅「瑞士咖啡室」，喜見最近新餐廳資料灣仔開咗分店。上星期一晚去到，尚未裝修好，失望而回；等到星期六中午放工後，先走去中環俾師傅擦鞋，之後搭車落去灣仔食嘢！由灣仔地鐵站 A3 ( 莊士敦道) 出口，經大有商場，沿灣仔道，行大約 5 分鐘。 經過九記甜品見到大快活招牌，由樓梯行上，轉左就到。呢度嘅懷舊 feel 裝修無令我失望！ 一走入門口，先見到一個起碼 6 呎高嘅古老大鐘。好驚喜！ 呢度係長形舖位，望到最入見到懷舊式裝修，如舊式窗花、舊式信箱、特色櫃、洗手間則以屏風遮檔，洗手間旁邊有幅 Leung Leung 地嘅懷舊圖畫。裝修可見盡花心思！甚至柱位都唔放過！此外，勝在卡位多，可以坐得舒服！ 不過，我自己一個人去到，店員帶我坐單人卡位。其他有懷舊式裝修餐廳給大家比較一下！中環「瑞士咖啡室」：http://www.openrice.com/restaurant/commentdetail.htm?commentid=2129464上環「香港餐室」：http://www.openrice.com/restaurant/commentdetail.htm?comm
上星期一晚去到，尚未裝修好，失望而回；等到星期六中午放工後，先走去中環俾師傅擦鞋，之後搭車落去灣仔食嘢！由灣仔地鐵站 A3 ( 莊士敦道) 出口，經大有商場，沿灣仔道，行大約 5 分鐘。 經過九記甜品見到大快活招牌，由樓梯行上，轉左就到。
呢度嘅懷舊 feel 裝修無令我失望！ 一走入門口，先見到一個起碼 6 呎高嘅古老大鐘。好驚喜！ 呢度係長形舖位，望到最入見到懷舊式裝修，如舊式窗花、舊式信箱、特色櫃、洗手間則以屏風遮檔，洗手間旁邊有幅 Leung Leung 地嘅懷舊圖畫。裝修可見盡花心思！甚至柱位都唔放過！此外，勝在卡位多，可以坐得舒服！ 不過，我自己一個人去到，店員帶我坐單人卡位。
其他有懷舊式裝修餐廳給大家比較一下！中環「瑞士咖啡室」：http://www.openrice.com/restaurant/commentdetail.htm?commentid=2129464
上環「香港餐室」：http://www.openrice.com/restaurant/commentdetail.htm?commentid=2141364
沙田「菊花園」：http://www.openrice.com/restaurant/commentdetail.htm?commentid=2133452
下午茶餐有多款選擇，由 $15 ~ $38 不等：另有健康餐、特餐、營養餐、瑞士常餐、甚至有傷風感冒餐，就連病人需要都諗到！值得一讚！
傷風感冒餐：唔係太抵食，特濃蕃茄時菜火腿湯通粉+熱菊花薑蜜 - 盛惠 $32
最終，我揀咗健康餐 $24 ( 三文治雙併 +$2 & 轉熱鮮奶 +$3) ：$29
呢個餐包括牛奶麥皮或火腿通粉，一件三文治及一杯飲品；廿幾$有交易，確實合理！我覺得好似早餐！如果牛奶麥皮做得唔好，會幾難食！有見及此，叫火腿通粉比較穩陣同實際！薄薄嘅火腿切絲，容易進食。通粉跟一般茶餐廳食到嘅差唔多貨色；兩者份量幾多！ 湯底味道有點似魚露味，咸得剛好！
雙併三文治：吞拿魚 + 芝士 ( 雙併 +$2 ) 其他配料選擇：蛋、火腿、餐肉、蛋沙律、咸牛肉及蕃茄。當中，以蛋、火腿、餐肉、蛋沙律、咸牛肉，不太健康，唔係高膽固醇就係多油或加工食品！ 兩塊方包有將近一吋厚，一開二，揸上手凍冰冰！ 擘大口一咬，唔夠軟熟，未如理想！
放芝士那邊搽上牛油，食起嚟充滿咸香味！ 吞拿魚混入沙律醬，起碼唔會乾真真！ 吞拿魚+芝士確實好夾！真滋味！
熱鮮奶 ( 原價：凍熱同價 $13，跟餐 +$3 )雖然飲品種類繁多，但係飲鮮奶比較其他飲品更健康！呢度用上維記鮮奶，牛奶牌子中較為濃味嘅大牌子，略帶微甜，加熱之後，隔咗一陣，會見到奶面有一層薄膜；正是飲鮮奶熱嘅精華所在！
由於我個位喺水吧隔離，聽到師傅埋怨店員落錯單，10 張單有 9 張錯！相信大部分店員係新手，例如：瑞士雞翼配？米粉抑或通粉，又唔寫清楚！店員見我個餐只有一杯奶上咗枱，幫忙跟單，摧促水吧做咗未？服務方面算不錯！我覺得喺懷舊 feel 環境下，嘆番個下午茶，另有一番感覺！
张贴
