瑞士咖啡室 (已結業)

星期日的早上，最理想係同一班朋友來個champagne brunch，但今朝朋友覺覺都唔得閒，兩個人去食好似無咁熱鬧，於是，最好就係求其附近食個最comfort 嘅港式早餐。東區的茶餐廳冇深水埗長沙灣油尖旺咁多，要吃選擇就無咁多。剛起床的周日床上，突然想起呢度嘅瑞士汁雞髀，當然就想起在樂富的分店，冇想太多，落床就去食個早餐。呢間係中環發跡嘅茶餐廳，記得以前喺上環返工一個月至少去食兩三次，平得來又大份，好適合中上環打工仔，排隊都唔知排過幾多次。樂富嘅分店我真係第一次嚟，原來呢度嘅裝修都非常之靚。坐低一定要先叫一個雞髀餐，加個麵，再加個奄烈同多士，呢個絕對係港仔最經典嘅早餐選擇，如你說你習慣復仇者的all day breakfast，當然會惹來那些火辣有身材又靚又滿口英文出入蘭桂坊嘅靚女垂靑，但我就不是那種人，最多吃all day breakfast 機會就係倫敦，香港真係好少食，何況主角用上廚師腸。港式餐廳點可以唔飲奶茶，水準中規中矩吧，冇特別都冇投訴。瑞士雞脾當然係一貫嘅作風，甜甜嘅瑞士汁加上滑滑嘅雞脾肉，點會有問題。清湯嘅公仔麵相對真係單調，不過你要識食好容易，只要加少少瑞士汁落個麵

瑞士就去唔到，但是瑞士咖啡室也可以去。 講緊的是樂富的瑞士咖啡室^^這晚因為懶得煮飯, 就與家人 簡簡單單的 去了樂富瑞士咖啡室食晚飯招牌瑞士汁炒牛河河粉乾身而不油膩, 瑞士汁味道比普通乾炒牛河味道甜，食得出師傅功力好，猛火快炒有鑊氣。牛肉軟冧， 不會炒得過火。咖喱牛坑腩飯牛坑腩分量多， 炆得軟淋， 牛筋也大大件。 咖哩上枱時已聞到香味， 嚐一口辣味慢慢滲出嚟， 比想像中辣， 不錯。 白飯也大大碗， 男士也夠飽。中式小菜套餐 : 玫瑰花釀甜醋一字骨晚飯套餐跟是日餐湯，白飯，咖啡或茶。 是日餐湯是粉葛湯， 清熱之餘也不會覺得太鹹。 叫了玫瑰花釀甜醋一字骨，即叫即炒， 一字骨上菜色澤較深， 香濃味醇，而且還有一股玫瑰味香湧上心頭。甜醋一字骨酸酸甜甜， 咬落肉質有彈性 ，送飯絕配，吃得津津有味!

今日跟朋友去樂富探朋友，玩到有點累，在樓下有間樓下瑞士咖啡室，又不想行太遠，見入面都很多人，裝修又非常香港舊式裝潢，就決定入去試試。我們來到的時候差不多6點，牆上掛上特式的吊燈，屏風跟我婆婆家的古舊的門近乎一樣，看下去有點像在婆婆家，餐牌的食物真的多到眼花繚亂，下午茶、常餐的時基本，還有焗飯、特式的粉麵。我們點了星洲炒米粉$44、瑞士汁炒河$44、咖哩牛腩煲$70、凍檸茶(跟餐+$6) 星洲炒米 –滿滿咖哩香氣 色澤金黃，炒得火喉到位，材料十足，不錯！ 瑞士汁炒河– 河粉跟醬汁很入味，顏色都很吸引，牛肉之多是我吃過數一數二，牛肉入味沒有根，果然係招牌菜。咖哩牛腩煲–味道鮮美，色澤艷麗，牛腩嫩滑，鹹甜適中，但略為大件

住樂 富街坊話樂富廣場1樓1119-1120號舖，經濟實惠，大大碟、味道不錯，價錢合理。餐廳裝修走懷舊風格，別俱一格，用麻雀砌成的招牌真特別。我們點左瑞士常餐B$53，有瑞士雞髀🍗很好味😋火腿奄列量頗大，兩件牛油多士、公仔麵配檸檬茶🍋味道不錯👍真抵食。豉椒鮮魷$78，鮮魷很新鮮，炸得香脆可口，很好吃。西式晚餐B$78，牛扒比較薄，勝在牛肉質夠腍，有牛肉香味，香腸、火腿片、薯條、蘿宋湯配白飯，餐飲即磨咖啡☕️很香濃。這餐真不錯。

瑞士常餐A（$51）火腿奄列、牛油多士瑞士雞翼通粉凍檸茶（凍檸死）😂 好有水準蛋奄列多士好大份，火腿好多，蛋香味十足，同樣係好好味重點項目：瑞士汁雞翼，勁入味，一睇色水都知好味，果然入口惹味夠哂滋味，送通粉好夾晚市小炒「避風塘雞翼豉油王炒麵」個炒麵炒得超乾身好好味😋豉油王色水好靚，份量亦好多，避風塘椒鹽灑滿整個炒麵表面香口惹味👍🏻晚市煲王系列「海皇雜菜粉絲煲」$65蟹柳、鮮蝦、帶子、青口、西蘭花🥦、白菜🥬、粉絲，勁多料，唔會太濃味係我既健康晚餐小菜首選😋

難得約咗朋友出街，就一齊食埋晚餐～呢間瑞士咖啡室外型懷舊，睇落唔錯，睇埋餐牌發覺都幾抵食，我同朋友兩個人就order呢個$168二人套餐～～A,B各有六款蒸、炒、煮同煲可以揀，款款都好似唔錯～最後，我揀左鐵板蜜椒薯仔牛柳粒同芝士焗西蘭花蝦球，跟餐有一碟蟲草花浸白菜送～牛柳粒煎炒得好香口，快炒肉夠嫩，薯仔外皮爽脆，份量都足料～另外既西蘭花蝦球都好食，大大粒蝦球，肉質彈牙，芝士焗香噴噴，有拉絲～～加埋碟菜，兩個人真係食得好滿足，超抵食！

今日嚟樂富辦啲手續，所以一早嚟到樂富搵食，見到平台都好多食肆，望咗幾間最後決定入嚟呢間瑞士咖啡室試試。早餐都係一般港式茶餐廳嘅選擇。見極品早餐可以拼菠蘿油、熱狗或沙嗲牛肉潛艇，好似幾吸引咁，所以同老公每人叫個餐試多幾款。先嚟沙嗲牛肉潛艇加火腿奄列，麵包有烘底，掃上牛油再淋上沙嗲牛肉，不過我就略嫌汁太多，如果唔係即食的話個包就會太濕。仿鮑片同肉丁份量都足夠，通粉軟硬度適中。菠蘿油只係微溫，所以上枱嘅時候牛油未溶，我自己就prefer熱啲令牛油香可以滲入個菠蘿包入面喇！火腿奄列入面嘅火腿絲份量都多，薄薄嘅蛋皮包住火腿，望落去都好飽滿嘅，唔似有啲餐廳落少少火腿絲扮奄列通粉嘅火腿絲份量都係爆燈，所以每一啖都可以食到火腿。以呢個價錢食到咁豐富嘅早餐，味道都ok，我覺得都算係高性價比系列，有機會都會再嚟過

最喜歡吃這裏的早餐，有新鮮出爐的菠蘿油👍星期一至星期五都沒有很多人排隊，星期六和星期日會比較多人排隊吃早餐，特別享受和家人一起吃早餐，份量較多，而且價錢不會太昂貴，值得推薦

今晚一家人搵食嚟到瑞士咖啡室。作為一間茶餐廳，食物選擇多，最後揀咗2個煲跟餐羅宋湯，味道不錯，微辣，湯料份量ok.茄子排骨煲。味道都咸咗啲，可以送飯。可惜白飯啲米太差，沒有飯香。沙嗲肥牛金菇煲。太杰身，下次不會再點

咁岩去樂富，見呢間餐廳幾大，門市又幾光鮮，所以試下😂 我地兩個人叫左一個梅菜蒸肉餅、海鮮雜菜煲同常餐我估瑞士雞脾 / 雞翼應該係呢度其中一款主打食品，但常餐隻雞脾勁鞋、瑞士汁又冇乜香味不過omelette係OK嘅🤗梅菜蒸肉餅的味道正常，但肉質好差，口感完全唔似係肉類最正常係海鮮雜菜煲，但菜佔左一大部分，得兩隻蝦、一粒青口、仲有幾粒蟹柳魷魚之類 埋單$200左右，一般茶記點小菜嘅價錢，但就連一般茶記水準都達唔到

前幾日同男朋友係附近行，因為都無咩舖頭有開，所以最後都係揀食嘢。個日雖然係公眾假期，但係都有下午茶餐食，而且呢間瑞士咖啡廳的下午茶做到6點，我地個時五點幾就6點，所以都仲有得食。佢你下午茶餐都有好多選擇，有輕量級食物，例如多士、薯條個類，亦有少份量炒粉麵等，同時去會提供正常份量的炒粉麵餐，我地就叫左正常份量的下午茶餐，我就叫左椒鹽豬扒飯，男友就叫左免治牛肉飯，但餐廳說無晒免治牛，所以改左芙蓉蛋飯。飲品方面我揀左熱奶茶，味道都幾香濃。椒鹽豬扒火喉足，而且入味，42蚊有埋飲品算唔錯，男友都有比到啲芙蓉蛋我食，佢的芙蓉蛋材料都好豐富，有叉燒、蝦等等，同樣味道也不錯，這間餐廳可以再encore。以下評分以5⭐️為滿分推介⭐️⭐️⭐️

返工前食個豐富早餐~呢間茶記早餐款式都算多，睇左一陣，決定叫個最豐富嘅早餐，一碗自家制回鍋肉配福字麵，再加上一份大火腿奄列，仲要加多隻沙嗲牛潛艇，最後加杯凍咖啡，非常滿足嘅早餐自家制回鍋肉，不過分量少左啲，得2塊回鍋肉起大份，超多沙嗲牛嘅潛艇，個包烘過，熱辣辣加脆口

食過好多次知道佢出名水吧出野慢試過食完成個飯都未有飲品前幾日再去食早餐(因食了一排大x活，好厭)今次水吧出野正常，只係飲品阿姐落錯單，不過唔緊要佢換返俾我正想佢地態度好似好左食一啖唦嗲牛肉，係有酸味食幾舊都有，又唔似係變壞既味，但唔知點解係酸放棄d牛肉淨食麵，連個湯都有酸味因趕時間同埋唔知點樣證明兜野有問題無再食就走左靠d腸蛋頂肚我諗我隔一排先再食啦可惜樂富附近無咩好味企理茶記只貪佢裝修靚，但係得個樣幫襯過就知佢地方都唔太乾淨

你可知道電視廣告有幾利害？！前一日睇到電視 講述瑞士汁故事小朋友係電視裏面講 瑞士汁乾炒牛河好食令到我不期然好想去食相約男朋友 一同尋找我哋揀咗間營業時間最長嘅瑞士咖啡廳 位於樂富 有停車場可以泊車係唔需要等位情況下我哋終於到達目的地先來兩杯凍飲一杯咖啡一杯凍檸茶男朋友讚咖啡好飲 真係有啲似咖啡連鎖店嘅味道雞翼意粉雞翼雞翼既瑞士汁味濃郁雞翼嫩滑瑞士汁乾炒牛河主角出場期待已久 老實講 食落瑞士汁味唔係好濃無乜甜甜味 但牛肉質地好林 河粉無黐埋一條條味道足夠 其實係好食嘅成為$119樂富商場消費$200有一個鐘頭免費泊車

八號風球的關係. 提前下班. 正好是吃午餐時間. 瑞士咖啡室比較容易找位子. 等了不到五分鐘就有位子. 點了一份名為「男人浪漫」的套餐 $58.套餐包了一碗豬扒香腸公仔麵. 一隻熱狗. 一份奄列還有一杯冷/熱飲品.以想不到每樣份量很足. 熱狗不是小小的那種喔. 奄列也很大份. 個人不太喜歡吃太熟的雞蛋. 所以我很喜歡這奄列. 不會太熟. 內頭滿滿的火腿絲. 單吃熱狗跟奄列也夠飽了. 公仔都的話個人覺得豬扒和香腸調味略為有點鹹. 整體來說不錯